Жину коне сценарий

Алар даны мәңгелек…

(Бөек Җиңүнең … еллыгына)

Алып баручы. Хәерле көн, сугыш һәм хезмәт ве­тераннары! Сезнең барыгызны да бөек тантана, зур шатлык — Бөек Җиңүнең … еллык бәйрәме белән котлыйбыз!

Илебез күгенең … ел буена аяз булуы белән без сезгә бу­рычлы. Озын гомер, тыныч көннәр насыйп булсын барыбыз­га да!

Матурлыгы өчен бу көннәрнең

Кемнәр генә корбан булмаган!

Исемнәрен тарих безгә үзе

Саклап килә ерак еллардан!

Туган ил хакына,

Туган җир хакына

Авылдашлар башын салдылар.

Безнең гомер өчен алар

Мәңгегә чит илдә калдылар!

Кичәне ачу өчен сүз Ветераннар советы рәисенә бирелә.

Алып баручы. Хөрмәтле кунаклар! Бу Җиңү зур кор­баннар аша килде һәм менә … ел инде илебез халкы тыныч тормышта яши. 4 ел сугыш дәвамында халкыбыз тудырган зур батырлыклар һәм кичергән зур газаплар … ел буена да, 100 ел буена да онытылырлык түгел. Каһарманнар даны мәңгелек.

Күп илләрне кара күмер ясап,

Үлек белән түшәп юлларны,

Канга туймас Гитлер безгә табан

Суза хәзер шакшы кулларын.

Җиребезне безнең кол итмәкче,

Кол итәргә азат халыкны

Хыяллана фашист, этләреннән

Талатырга бездән байлыкны.

Көлеп аккан көмеш чишмәбездә

Канга баткан кулын юмакчы.

Кырым кояшында кызынмакчы,

Балабызны килеп бумакчы.

Юк бу илдә урын юлбасарга,

Үз башына төшәр хәсрәте.

Туплар булып ява явызларга

Халкыбызның ачы нәфрәте.

Тыныч иде әле таңнарыбыз,

Аяз иде әле иртәләр.

Дошман басып керде илебезгә,

Ир-егетләр яуга китәләр.

22 июнь. Таң атып килә. Гүзәл авыллар, шәһәрләр ты­ныч йокыда. Әниләренең җылы куенында тәмле төшләр күреп нәни сабыйлар изрәп йоклыйлар. Шул вакытта канга туймас фашист этләре безнең чикне бозып авылларны, шәһәрләрне үлем утына тоттылар. Бөек Ватан сугышы башланды.

(Фонограмма: Левитан тавышы. Сугыш башлануы хәбәр ителә.)

Берни белми изрәп йоклаган сабыйлар зәңгәр күккә ка­рап хәрәкәтсез калдылар. Зәңгәр күкне канлы корым капла­ды.

Аяусыз сугыш башланды.

Бөек Ватан сугышына безнең авылдан … кеше китте.

(Солдатлар турында җыр.)

Бер кайтырбыз диеп киткән юлдан

Китсәләр дә, алар кайтмады.

Алар өчен бары җилләр генә

Ачып-ябып йөри капканы.

Бер кайтмасак, бер кайтырбыз дип китсәләр дә, күпме авылдашларыбыз туган туфрагын күрү бәхетенә ирешә алма­ды. Алар еракта мәңгелек йокыга талдылар. Туган җирләре өчен башларын салган бу батырларны онытырга безнең ха­кыбыз юк. Алар безнең белән, безнең арада.

Иле исән калган батыр улың

Яши халкы белән ул бергә.

Тыныч тормыш өчен тырыша ул,

Җырлап иген игә ул җирдә.

Хөрмәтле кунаклар, ветераннар!

Безнең якты киләчәгебез, сабыйларның тыныч йокысы өчен башларын салган авылдашларыбызны зур хөрмәт белән искә алыйк. Иптәшләр! Бер минутка тынлык.

(Зал басып тын кала.)

Туган җирләрдән еракта башларын салган авылдашларыбызның якты истәлеге күңелләрдә мәңге сакланыр. Авылы­быз уртасында алар хөрмәтенә салынган һәйкәл — моның ачык мисалы. Узган сугыштан безнең авылыбызга барлыгы … кеше әйләнеп кайтты.

Ут сүнә, берничә минуттан соң яна. Сәхнәдә кулына кылыч тоткан солдат һәйкәле. Таякка таянган, кулына чәчәкләр тоткан карчык боек кына һәйкәл янына килә.

Ана (карчык). Исәнме, улым, менә мин яңадан синең яныңда. Салкын түгелме, балакаем?

Улы (һәйкәл). Юк, әнкәем, салкынның ни икәнен мин белмим. Миңа беркайда да салкын булганы юк.

Ана. Нигә үзеңне сакламадың, улым? Хәтерлисеңме: «Ән­кәем, Берлинны гына алыйк та, алтыбыз алты яктан кайтып керербез, — дигән идең. — Әнкәй, син беребездән беребезгә кунакка гына йөрерсең, йөзгә кадәр яшәрбез», — дип язган идең?

Улы. Әйткән сүзләрем һәрвакыт йөрәк түрендә, әнкәем. Әмма башкача мөмкин булмады…

Дошман белән көрәш аяусыз булды. Мин генәме соң? Меңнәр, миллионнар илебез өчен үз-үзләрен аямыйча көрәштә башларын салды. Кайберәүләрнең сугыштан киткән балала­рының берсе дә кайтмады. Ә синең (Фәлән-фәләнең) кайтты әле.

Ана. Калганнарыгыз да янымда булса, куанычымның чиге булмас иде. Сугышка киткәндәге сыман бер-бер артлы кайтып керерсез дә уен-көлке белән өебезне ямьләрсез кебек.

У л ы. Картлык көнеңдә ничек яшисең соң, әнкәй?

Ана. Барысы да җитеш, улым. Шәһәрдән шәһәргә, авыл­дан авылга кунакка гына йөрим. Оныкларым санап бетерер­лек түгел.

У л ы. Сине яраталармы соң алар, әнкәй?

Ана. Яраталар, бик тә яраталар. Берсеннән дә авыр сүз ишеткәнем юк, әби дип үлеп торалар. Бәлки, мине тиз генә танымагансыңдыр да, балам?

У л ы. Таныдым, әллә кайлардан таныдым, әнкәем, күз ну­рым. Әгәр мөмкин булса, мин сине кочагыма алыр идем. Әмма минем кулларым, инде үзем дә — кузлы тимердән. Димәк, мәңгелек, әнкәем.

Ана. Йөрәк түремдә 9 ай буе йөрткән, күкрәк сөтемне имезеп үстергән баланы югалтуы ай-һай авыр шул, улым.

Улы. Шулайдыр, әнкәй! Ләкин син сөен! Без бит Ватан өчен, бүгенге шушы тыныч көннәр өчен һәлак булдык. Тез чүгеп, кол булып яшәсәң, бу дөньяның ни рәхәте булыр иде?

Ана. Шулай, улым, дөрес әйтәсең! (Ана чәчәкләрне куя.)

Алып баручы.

Узган авыр юлларыңны

Яраларың да төзәлсен,

Онытырга тырыш, ана.

Инде тынычлансана.

Сугыштан барлыгы … кеше әйләнеп кайтты. Ләкин елдан-ел ветераннарыбыз сафы да сирәгәя бара. Җиңүнең … ел­лыгын бәйрәм иткәндә арабыздан киткән ветераннарны оныт­мыйк. Әйе бик зур афәтләр, олы хәсрәтләр алып килде бу су­гыш илебез халкына. «Исән-сау әйләнеп кайтыгыз, җиңү белән кайтыгыз, онытмагыз!» — дип озаткан иде авыл халкы үзе­нең кадерле улларын. Аналарның, йөзләренә яулык каплап, тавышсыз гына елаулары, күпләрнең тамагына кереп утыр­ган хәсрәт төере озату тантанасында артык сизелмәде. Чөнки алар улларының әйләнеп кайтырына ышанганнар иде әле.

Үгет-нәсыйхәтләрнең,әманәт-нәзерләрнең, ачы күз яшь­ләренең шаһиты булды олы юл.

Авыр, бик авыр еллар иде. Ләкин түзделәр, иреннәреннән кан саркыганчы түзделәр. Дошманны тизрәк туган җиребездән куып чыгару. Менә шушы олы максатка ирешүдә … авылы халкы да йөрәкләреннән өзеп улларын, кызларын бирде. Авыл язмышы ил язмышына кушылды. Һәр көнне үзәк өзгеч хәбәрләрдән торган ул көннәрнең шаһиты, Ватан сугышы ел­ларында тракторда эшләгән (Фәлән) апага сүз бирәбез. Тыл­да күргән авырлыкларыгыз турында сөйләсәгез иде. (Апа сөйли.)

Алып баручы. Әйе, ирләре, уллары, туганнары зур ба­тырлыклар күрсәткәндә, тылдагы хатын-кызларыбыз үзләрен аямыйча эшләделәр. Тылдагы хатын-кызларның батырлыгы сугыш кырында туган батырлыкка тиң.

Сүзне (Фәлән) апага бирәбез. (Апа сөйли.)

Сезнең өчен «Ак күлмәкле каеннар» дигән җыр юллый­быз. (Җыр башкарыла.)

Алып баручы. Авылдашларның сугыш кырындагы хәбәрләрен хатлар аша белеп тордык.

Ай, ул кош теледәй солдат хатлары! Күпме кеше тилме­реп көтте аларны. Һәр гаиләгә килгән кайгыны да, шатлык­ны да бергә кичерә иде авыл халкы. Хәсрәт белән янәшә йөргән шатлык та килә иде кешеләргә. Шушы ике нәрсә йөрәкләрне телгәли иде. Кара пичәтле кош теледәй шушы кәгазь кисәге бәгырьләрне өзеп күпме авылдашлардан кан-яшь түктерде. (Хатлар укыла.)

Хәзер сүзне сугышта катнашкан ветеранга бирәбез.

(Ветеран сөйли.)

Концерт номеры. «Диңгезче» биюе.

Алып баручы. Совет халкы, 4 елдан артык кан коеп, үз иминлеген генә саклап калмады, фашизм изүе астында га­запланучы тугандаш халыкларга да азатлык алып бирде.

Яшәү өчен, авылдашларыбызның бәхетле киләчәге өчен күпме авылдашларыбызның гомере киселде. Ниһаять, зур кор­баннар биреп алынган Җиңү көне килде. 1945 ел. 9 май. (Җиңү көе ишетелә.)

Менә … ел инде тыныч хезмәт фронтында эш кайный. Ләкин сугыш китергән тирән хәсрәт, яралар һаман да үзен сиз­дерә. Ветераннарның күкрәгендә кыймылдаган мина кыйпылчыгы аша, әти сүзен әйтергә тилмереп үскән сабыйлар аша, ничә еллар буена олы юлдан күзен алмый газиз балаларын көткән аналар аша, әле һаман бер-берсен эзләүче фронтовик- дуслар аша…

Хөрмәтле сугыш ветераннары!

Сезне бәйрәмегез белән чын күңелдән котлыйбыз.

Сугыш ялкыны безнең дөньяны

Чолгап алмасын яңадан.

Сакла, сакла тынычлыкны,

Дан тынычлыкка, дан, дан, дан!

Җиңү көненә сценарий

Сәхнә чәчәкләр һәм тасмалар белән бизәлгән. Сәхнә түренә «Сезнең тормыш — үзе батырлык» дип языл­ган. Сәхнәнең бер почмагына «Хезмәттәге батырлык өчен» медаленең макеты эшләнгән. Кунаклар өчен өстәлләр, урындыклар куелган, өстәлләрдә чәчәкләр.

Сәхнә ябык. Лирик көй ишетелә. Сәхнә ачыла. Көй ак­рыная. Ике алып баручы чыга.

Беренче алып баручы. Исәнмесез, кунаклар, тыл батырлары!

Икенче алып баручы. Исәнмесез, авыл уңганнары! Исәнмесез, апалар-абыйлар, әтиләр-әниләр, әбиләр һәм бабай­лар!

Беренче алып баручы. Бүген без, сезнең батыр­лыкларга яңадан бер кабат сокланыр өчен, сезгә дан һәм мәдхия җырлар өчен һәм сезнең түземлегегез, сабырлыгыгыз алдында баш ияр өчен бу залга җыелдык.

Икенче алып баручы. Безнең бүгенге бәйрәмдә район җитәкчеләре катнаша. Сүзне (Фәлән)гә бирәбез. (Чы­гыш.)

Беренче алып баручы. Хөрмәтле ветераннар, (Фәлән) башкаруында халкыбызның Нәкый Исәнбәт сүзләренә иҗат ителгән «Илкәем» җыры сезгә музыкаль сәла­мебез булып яңгырасын. (Җыр.)

Икенче алып баручы. Сезнең язмыш сугыш уты белән бергә үрелгән.

(«Изге сугыш» («Священная оойна» ) көе ишетелә.

Көй яңгыравы астында шигырь укыла.)

Ул елларны ничек онытасың, —

Ил язмышы кылыч йөзендә.

Ир-егетләр китте яу кырына,

Алып көче тоеп үзендә.

Ирләр китте, кызлар елап калды,

Шаулап калды иген, өлгереп.

Басу капкасына чаклы озата барды

Яше, карты, барысы өзелеп.

Ирләр китте, кызлар елап калды,

Елап калды күпме хатыннар.

Туйда кигән күлмәкләре калды,

Күпме бала калды, ятимнәр.

(Музыка бетә.)

Беренче алып баручы. Әйе, авылда картлар, ха­тын-кызлар һәм балалар гына калды. Ә тормышны алып ба­рырга кирәк иде — игенен дә игәргә, балаларны да ач-ялан- гач итмәскә, сугышка төрле җылы киемнәр дә әзерләп җибә­рергә, гомер буе бетмәс төсле тоелган налогын да илтеп түләргә кирәк иде. Ләкин сез сынмадыгыз, сыгылмадыгыз.

Хәзер шул чорда сезнең яратып җырлана торган җырларыгызның берсен — «Уракчы кыз» җырын ишетерсез. Нәкый Исәнбәт сүзләре, халык көе. Аны … авылының сугыш һәм хезмәт ветераны (Фәлән) ага (Фәләнов) башкара. (Җыр.)

Хәзер шул еллар турында әйтеп китү өчен сүзне … авы­лы ветераннары исеменнән пенсионер-укытучы (Фәлән) апа­га бирәбез. (Фәлән) апа сөйли.)

Икенче алып баручы. Күпләрегез, корыч айгыр­ны иярләп, тракторларга утырдыгыз. Ул тракторлар еш ва­тыла, әле бер урыны туктап кала, әле башкасы коелып төшә. Ә сабан артында — әле яңа гына сабыйлыктан чыгып килә торган япь-яшь кызлар. Ә хәзер … авылы ветераннары исе­меннән, сугыш вакытында механизатор булып эшләгән (Фәлән) апага сүз бирәбез. (Фәлән) апа сөйли.)

Беренче алып баручы. Хөрмәтле механизатор бу­лып эшләгән хатын-кызлар! Сезнең сөеклеләрегез, әтиләрегез, абыйларыгыз танкларга каршы атакага күтәрелсә, машиналар белән азык-төлек, корал ташыса, сез тимер айгырларыгыз белән җир сөрдегез, чәчтегез, сукаладыгыз. Һәм тылда икмәк җитештереп, сугышка озатыштыгыз. Сез бу батырлыгыгыз белән Җиңү көнен якынайттыгыз. Рәхмәт сезгә!

Икенче алып баручы. Сезнең өчен (Фәлән) җыр­лый. (Җыр яңгырый.)

Беренче алып баручы.

Чабатадан, тездән суга батып,

Язгы чәчү җитәр алдыннан

Чыгып киткән икән симәнәгә

Хатын-кызлар безнең авылдан.

Сыерлары юлда ятып калган,

Җилкәләргә күчкән симәнә.

Бу турыда бүген сөйләгәндә

 Әнкәй һаман елап җибәрә.

Кырык, илле чакрым язгы суда —

Кайталмасаң, илең ач кала.

Хатыннарда тик бер генә хәсрәт —

Һәр йорт саен көтә ач бала.

Әтиләрнең сугышып йөргән чагы,

Безнең яңа туган ел булган.

Капчык аскан егермеләп хатын

Басуларга кайтып егылган.

Орлык кайткан безгә гомер булып,

Без ни бирдек икән кайтарып?

…Әниләрнең әле яшәр чагы,

Китәләр шул иртә картаеп.

Бер шырпысыз түзгән, керосинсыз,

Чәй-шикәрсез түзгән авыл ул.

Сыер боты кадәр малайлары

Ил туйдыра — шундый авыл ул.

Тәпи йөрер-йөрмәс бала-чага,

Буразнадан билчән утаган.

Илгә — икмәк, авыл үзе өчен

Көлчә салган алабутадан.

Бер бәләкәй көлтә ега алган

Ул чорларның нужа хуҗасын.

Олылар күк күтәргән бит шулар

Ил хәсрәтен, Ватан нужасын.

Икенче алып баручы. Ә хәзер сезнең каршыгыз­га (Фәлән) әбине чакырабыз. (Чыгыш.)

Беренче алып баручы. Балачагын, яшьлекләрен сугыш урлаган, шулай да эштән арып кайткан килеш, ач-ялан- гач килеш, су буйларында, кичке уеннарда, аулак өйләрдә күңел ачарга үзләрендә көч-дәрт тапкан сугыш чоры яшьлә­ре өчен (Фәлән) җырлый. «Әйләнеп кайтыгыз». Р. Хәсәнов көе, М. Шиһапов сүзләре. (Җыр.)

Икенче алып баручы. Хөрмәтле тыл фидакарьлә­ре! Авылда нинди эш булса, шуларның барысы да сезнең кул­дан үткән. Ил язмышы да сезнең язмышыгыз иде. Шул чор­ларны искә алу өчен сүзне … авылы ветераннары исеменнән … булып эшләгән (Фәлән)гә бирәбез. (Чыгыш.)

Беренче алып баручы. Бөтен булган физик авыр­лыкларга түзәр идең әле, авылларга кара пичәтле кәгазьләр агыла. Алма кебек хатыннар балаларын кочаклап ирсез, са­быйлар — әтисез, җиләк кебек кызлар ярсыз калалар. Ләкин, хөрмәтле хезмәт ветераннары, сез сынып та, сыгылып та төшмәдегез. Тизрәк Җиңү килсен дигән теләк сезне тагын да тырышыбрак эшләргә өндәде. Бик зур рәхмәт сезгә!

(Концерт номеры.)

Икенче алып баручы. Сүзне … ветераннары исе­меннән пенсионер (Фәлән) апага бирәбез. (Чыгыш.)

Беренче алып баручы. Сугыш ятим иткән яшьләр, исән калган әтиләр кайтканда, сезнең йөрәкләр сык­рады, күзләргә яшь килде, башкаларның әтиләрен күргәндә: «Их, минем дә әтием исән булса иде», — дип авыр сулады­гыз, башкалар «минем әти» дип сөйләгәндә сезнең «әти» дип авыз тутырып әйтер көнегезне каһәр суккан сугыш мәңгелеккә алып калган иде. Үз тырышлыклары белән сугыш бетүен якы­найткан үсмерләр гомергә ятим булып калдылар.

Сезнең өчен (Фәлән) А. Имаеваның Р. Миңнуллин сүзләренә язылган «Әткәм моңы» җырын башкара.

Икенче алып баручы. Сугыш беткәч тә, сез, тыл каһарманнары төнне көнгә, көнне төнгә ялгап эшләвегезне дәвам иттегез. Чөнки сугышка киткән ир-атларның яртысын­нан күбесе һәлак булган, ә илдәге сугыш китергән хәрабәләр­не торгызырга кирәк иде. Сез тагын ил язмышына кушылып, хезмәткә җигелдегез. Сезнең арада әле хәзерге көнгә кадәр намус белән үз хезмәтләрен башкаручылар байтак. Күпләре­гез гаиләдә олы ихтирамлы кешеләр, балаларыгызның тая­нычы, оныкларыгызның юанычы. Сез әле дә олы йөрәкле, нык бәдәнле, саф күңелле әүлия затлар, сугыш чоры кешеләре. Та­гын бер кат рәхмәт сезгә.

Халкыбызның «Сибелә чәчем» җырын (Фәлән) башка­ра. (Җыр.)

Беренче алып баручы.

Картаймагыз әле, ветераннар,

Картаймагыз, әй, тынгысыз җаннар!

Сезгә тиеш әле бик күп язлар,

Сезгә тиеш әле бик күп назлар.

«Бөек Җиңү көне” 9 май көненә багышланган әдәби кичә сценариясы.

Максат: Балаларда горурлык, соклану хисләре уяту, Ватанга карата мәһаббәт хисләре уяту, сәнгатле сөйләм телен үстерү, баету.

Хәтерләүдән курыкма син!

Батырларны онытма син!

1 укучы: Язлар саен көтеп алабыз

Без куанып Җиңү бәйрәмен.

Сугыш юлын кичкән батырларга

Бирер өчен чәчәк бәйләмен.

2 укучы: Җиңү көне иң зур бәйрәм —

Туп тавышы тынган көн.

Сабый бала саф күзләрен

Кырда түгел, карда түгел,

Бишегендә йомган көн.

3 укучы: Җиңү килде җирне нурга күмеп,

Шатлык белән күзне чылатып.

Килде ул көн — горур күкрәкләрдә

Орден-медальләрне чыңлатып.

4 укучы: 1941 дәһшәтле ел. Гитлерчылар сугыш башлагач, авылыбызның бик күп яшь егетләре фронтка китә.

(Язмада левитан тавышы. Ана һәм солдат булып киенгән укучылар чыга).

Ана: Сау бул улым, читкә оч син,

Бәхет яусын юлыңа.

Авылың өчен тыныч бул син,

Анаң кала урыныңа.

Лачын коштай очып,

Дошманны ку иленә

Яшен ташы булып оч син

Оч син фашист өстенә.

Сәлам хатың килгән саен

Бәйрәм күлмәк киярмен

Минем улым батырларча

Бурычын үти диярмен.

Солдат: Илем! Алдыңда синең мин ант итәм

Шаһит булсын кулым ярасы

Гитлер явын тар-мар итми торып

Якты күрмәс күзем карасы.

(Барысы бер рәткә басып “Озатып вокзаллар каршында” җырын башкаралар).

 5 укучы: Утлы еллар үтте,

    Җиңү килде.

    Күпләр әйләнеп безгә кайтмады.

    Исән-саулар Берлингача җитеп,

    Туган авылларына атлады.

6 укучы: Җиңү көне, күктән күзем алмыйм,

Күгәрченнәр уйный очынып,

Зәңгәр күктә ап-ак канатлары

Көмеш кебек китә чагылып.

7 укучы:     Авылыбызның иң – иң уртасында

            Иң матур һәм күркәм урында

            Һәйкәл булып баскан солдат тора,

            Винтовкасын кысып кулына.

• Тукта, иптәш тукта”

Минем яннан,

Тыныч кына үтеп китмә син!

Мин бит гади бер сын гына түгел,

Авылдашың синең, иптәшең!

Онытма син!

Бик кыйммәткә төште

Сезнең бәхет безгә!

Шул хакта гел сөйләп тору өчен,

• Таш сын булып, һәйкәл булып,

Кайттык бүген сезгә!!!

Һәйкәл булып калка җиңүчеләр,

Һәйкәл булып баса батырлар.

Ә батырлар ике тапкыр үлми,

Җирдә алар мәңге балкырлар.

9 май – Бөек җиңү көненә багышланган монтаж

Ведущий1.Кадерле дуслар! Бүген без Бөек Җиңүгә багышланган кичәбезне бәйрәм итәргә җыелдык. Җиңү көне якынлаша! Бу көнне кешелек дөньясы түземсезлек белән көтте. Һәм ул көн килде. 1945 елның май ае. Илебездә сугыш урап узган бер генә гаилә дә юктыр.Шуңа күрә, һәр гаилә сугышта ятып калган һәм аннан исән кайтып тормышларын дәвам иткән батырларыбызны искә ала.

Ведущий 2.День Победы – это радостный и горький праздник. За плечами этого праздника страшное время войны. Войны, ставшей тяжелейшим, трагическим испытанием для нашей Родины. Войны, длившейся 4 страшных года, 1418 дней и ночей. Тогда, в далёком для нас прошлом, люди мечтали о светлом и мирном будущем.

Дети вбегают и изображают счастливую мирную жизнь, вдруг звук сирены, и бомбардировки. Мальчики накрывают девочек своими руками.

ГОЛОС ЛЕВИТАНА О НАЧАЛЕ ВОЙНЫ.

Дети тихонько встают.

Төркемдә – өч бала. Бер малай “солдат”, ике кыз – “ана” һәм “сеңел”. Кызлар “солдат”ны кочаклыйлар, күз яшьләрен сөртәләр.

Бала (малай)

Син, сеңлем, бер дә елама,

Әнием синдә нык бул.

Мин сугыш кырларыннан

Җиңү алып кайтырмын.

ЗВУЧИТ ПЕРВЫЙ КУПЛЕТ ПЕСНИ «СВЯЩЕННАЯ ВОЙНА»

Чтец Нигә булган бу сугыш дип,

Искәт өшкән саен уйланам,

Шул явыз сугыш кырында,

Ятып калган бит минем бабам.

Чтец Үз иле, гаиләсе өчен

Батырларча ул сугышкан.

Оныклары рәхәт үссен дип,

Хәтта үзен кызганмаган.

Чтец Весь под ногами шар земной.

Живу. Дышу. Пою.
Но в памяти всегда со мной,

Погибшие в бою.
Пусть всех имен не назову,
Нет кровнее родни.
Не по тому ли я живу,
Что умерли они? 

Ведущий1.Сугышчылар безнең илебезгә Бөек җиңү алып килделәр. Берлинга хәтле барып җитеп Кызыл байрак казадылар. 9 май – Җиңү бәйрәме. Урамнарда шат күңелле, күкрәк тулы орден-медальләр таккан ветераннар. Аларның күзләрендә сагыш тулы әрнүле күз яшләре. Барча халык Бөек җиңүне күреп шатланды, тик үзләренең якыннарын югалтуларын авыр кичерделәр.

Ведущий 2. Вся страна – армия и народ, тыл и фронт – объединились под лозунгами: «Смерть немецким оккупантам!», «Все для фронта, все для победы!».. На защиту Родины встали и взрослые, и дети. Уходили на фронт эшелоны, создавались партизанские отряды, заступали на трудовую вахту в тылу женщины, дети, старики. «Враг будет разбит, победа будет за нами» — эти слова звучали повсюду. И вот наступил тот день, когда по радио объявили об окончании войны. Страна ликовала!

БИЮ (БАЛАЛАР ШАРЛАР, ЛЕНТАЛАР ТОТЫП БИИЛӘР)

Ведущий1.Бөек Ватан сугышы тәмамлануга быел74 ел тула. Ләкин, кешеләр йөрәгендә сугыш калдырган яра-җәрәхәтләр һаман да сыкрый. Сөекле улларын, яраткан ирләрен югалткан аналарның, хатыннарның, ятим калган балаларның кайгы-хәсрәте мәңге онытылмас, алар йөрәгендә сугыш калдырган яра мәңге төзәләсе түгел.

Ведущий 2.Война принесла нашей стране много горя, бед, несчастий. Она разорила десятки тысяч городов и сёл, лишила крова около 25 миллионов человек.

Ведущий 1.4 ел сугыш. 1418 көнгә тиңсез халык батырлыгы. 1418 көн җимереклек, канн һәм үлем, авыртулар һәм югалтулар, иң яхшы улар һәм кызлар һәлак була.

Ведущий 2.Многие солдаты не вернулись с полей сражений и остались стоять в бронзе и граните. В памятниках и обелисках навечно застыли они в своём последнем броске на позиции врага.

Ведущий 1.Сугыш йөзләрчә мең баланы ата-анадан, бабалардан, өлкән кардәшләреннән мәхрүм итте. Ул 27 миллионнан артык кеше гомерен алып киткән.

Ведущий 2. Более 27 млн. за 1418 дней – это 14 тысяч убитых ежедневно, 600 человек в час, 1 человек в минуту. Каждый шестой житель нашей страны погиб во время войны. Если по каждому из них объявить минуту молчания, то страна будет молчать – 38 лет. Вот что такое 27 млн.

Ведущий1.Әйдәгез,без дә сугыштан әйләнеп кайта алмаган солдатларны 1 минут тынлык белән искә алыйк.

1 МИНУТ ТЫНЛЫК. Звучит метроном

Чтец За страну родную люди

Отдавали жизнь свою,

Никогда мы не забудем

Павших в доблестном бою.

Чтец Җиңү бәйрәменә җыелыйк, дуслар,

Бәйрәм итик бүген бергәләп.

Бүген — 9 май,

Бөек бәйрәм көнебез.

Әйдә, кулга – кул тотышып,

Шаулап биеп йөрибез.

УКУЧЫЛАР БАШКАРУЫНДА ҖЫР

Иң матур һәм күркәм урында

Һәйкәл булып баскан солдат тора,

Винтовкасын кысып кулына.

Тукта, иптәш, тукта”

Минем яннан,

Тыныч кына үтеп китмә син!

Мин бит гади бер сын гынатүгел,

Онытма син!

Приходят люди к Вечному огню

Приходят, чтобы низко поклониться.

Тем, кто погиб в жестокую войну.

Их подвигами Родина гордится.

Горит огонь и в дождь, и в снег, и в град,

Бессмертен подвиг доблестных солдат.

Хәзер җырланасы җырыбыз сугышта вафат булганнар рухына дога булып барып ирешсен.

ҖЫРЛЫЙ…….

Авыл тулып калды нарасыйлар,

Белмичәдә ятим үсәсен.

Тол хатыннар калды авыл тулып,

Һәм тол кызлар калды хәтерләтеп,

Сулып барган чәчәк — гөлләрне .

Бабушки, матери, жены и сестры,

Мы перед вами в вечном долгу.

В годы войны не стояли в сторонке,

Горя хлебнули на бабьем веку.

К сердцу в печали прижав похоронку,

Молча вставали за мужа к станку.

Рыли окопы и землю пахали,

Хлеб выпекали, лечили солдат.

Сено косили, железо ковали,

Строили школы, учили ребят.

Ведущий 2.Многие ребята уходили на фронт прямо со школьной скамьи. Разбросала война молодых парней — кого в танкисты, кого в зенитчики, кого в телефонисты, кого в разведчики.

Ведущий 1.Балачагын, яшьлекләрен сугыш урлаган, ач- ялангач килеш эшләптә үзләрендә яшәргә көч таба алган сугыш чорыя шьләре. Алар кайгыларын җыр – биюләрбелән басарга тырышканнар, дөнья мәшәкатьләрен шулай итеп онытып торганнар.

БИЮ/ ҖЫР

Война прошлась по детским судьбам грозно,
Всем было трудно, трудно для страны,
Но детство изувечено серьёзно:
Страдали тяжко дети от войны.

Мин кайтырмын, балам, тиздән – тиздән,

Синкөтеп тор сагыныпәткәңне.

Мин сугышамсинеңтормышөчен,

Синеңбәхетеңөченсугышам.

Ведущий 2.В перерывах между боями солдаты мечтали, чтобы их дети и внуки никогда не узнали ужасов войны. Так примите поздравления от маленьких участников нашего концерта.

СЕЗНЕҢ АЛДЫГЫЗДА ҖЫРЛЫЙ…

Ведущий 2 .Кто сказал, что надо бросить песни на войне?
После боя сердце просит музыки вдвойне!

В минуты отдыха песня позволяла расслабиться, сделать передышку. А в решительные минуты помогала избавиться от слабости и паники. Говорилось, что фронтовая песня — это вторая винтовка, что враг боится песни больше, чем огнестрельного оружия, потому что боец-песенник будет сражаться до последнего, не отступая.

СЕЗНЕҢ АЛДЫГЫЗДА ҖЫРЛЫЙ…

Сугыш тавышлары күптән тынды

Төзәлделәр җирнең яралары,

Әтиләрнең окопларын сөреп

Иген чәчә хәзер балалары.

Сугыш тавышлары тынды,

Ләкин, күңелләрдә шомы яши һаман,

Сугыш агачларын аударсак та,

Кайлардадыр әле тамыры калган.

Ведущий 2.Солнце яркое светит над миром. Пусть так светится оно вечно. Мы хотим, чтобы наше будущее было спокойным и счастливым, поэтому мы хорошо учимся, поем и танцуем. Вот видите, эти девушки искренне любят жизнь.

………………………………………………………………. БАШКАРУЫНДА БИЮ

Ведущий 1.Еллар уза, дөньяга яңа буыннар килә. Әмма канкойгыч сугышлар турында онытырга беребезнеңдә хакы юк!

СЕЗНЕ СӘЛӘМЛИ ………………………………………………….ҖЫРЫ.

Ни один пусть не рвётся снаряд,

Ни один не строчит автомат.

Оглашают пусть наши леса

Только птиц и детей голоса.

И пусть мирно проходят года,

Пусть не будет войны никогда!

74 ел илебез күге аяз!

Сугыш беркайчан да булмаска тиеш.

Йә, әйтегез, сугыш кемгә кирәк икән?

Һәр адәмнең газиз башы бит бергенә.

На первый план выходят мальчик и девочка – «брат и сестра».

Мальчик: Я так боюсь, а вдруг фашисты к нам вернутся?

И мы с тобой уже не сможем поиграть.

Девочка: Не бойся, их разбили насмерть наши прадеды,

И мы сегодня можем мирно спать.
Смотри, какое небо голубое!
В нем самолёты больше никогда не загудят.
Кто даст им потревожить сон героев,
Которые под этим небом спят?

Мальчик: Так если они спят, они проснутся?

И будут также жить, как и тогда?

Девочка: Нет, братик, спят они уже навечно.

Они уснули за тебя и за меня.
А мы с тобой должны их подвиг вечно помнить
И понимать, что в жизни нет прекрасней дня.

Мальчик:А день Рожденья? Нет-нет-нет! Я понял,

Что День Победы — самый лучший праздник для меня!

Ведущий 1.Хөрмәтле ветераннар! Сезне Җиңү бәйрәме белән кайнар котлыйбыз. Инде бүгенгесе көндәдә сугышлар булмасын, халыклар мул тормышта яшәсен дигән теләктә калабыз. Сезгә барыгызга да исәнлек-саулык, тыныч күк йөзе телибез.

Ведущий 2.Каждый год в день Победы 9 Мая мы встречаем на улицах пожилых людей с орденами и медалями на груди. Их называют ветеранами, это они не жалея себя, защищали нашу Родину.

Ветераннарга сүз бирелә. Алар үзләре белән сугышта булган вакыйгалар, җиңү көне турында сөйлиләр.

Балалар ветераннарга чәчәк бүләк итәләр.

Шуның белән бәйрәм кичәсе тәмамлана, саубуллашалар.

ИСПОЛНЯЕТСЯ ПЕСНЯ «ДЕНЬ ПОБЕДЫ»

Ведущий 2.Если в вашей семье, в вашем доме живут ветераны, те, кто участвовал в боях с фашистами, не забудьте поздравить их с праздником Победы!

Ведущий 1.Хөрмәтле укытучылар, укучылар! Безнең барыбызның да теләге бер:дөньялар тыныч, күк йөзебез аяз, киләчәгебез якты булсын иде. Шундый теләкләр белән без чыгышыбызны тәмамлыйбыз. Игътибар белән тыңлаганыгыз өчен зур рәхмәт.

«9 май – Җиңу бәйрәме»

сценариясе

Төзеде

Батталова Г.Р.

Максат: Укучыларны әти-әнине һәм әби-бабаларның гомумән, авылдашларның Бөек Ватан сугышы елларында күрсәткән батырлыклары, тырыш хезмәте белән таныштыру, ветераннарга олы ихтирам һәм хөрмәт хисе тәрбияләү, сугыш афәтенең һәр көне, һәр гаилә өчен фаҗига булуын төшендерү, тынычлык сөюче щәхес тәрбияләү.

Бәйрәмне укучылар «Синий платочек» җырына бию белән башлый.

Гөлназ: Хәерле көн! Исәнмесез!

Хөрмәтле ветераннар, авылдашлар, килгән кунаклар! Сезнең барыгызны да бөек тантана, зур шатлык Бөек Җиңүнең 60 еллык бәйрәме белән котлыйбыз. Илебез күгенең аяз булуы белән без сезгә бурычлы. Озын Гомер, сәламәтлек, тыныч көннәр насыйп булсын барыгызга да.

Фәнзия: Хөрмәтле авылдагларыбыз – сугыш һәм хезмәт ветераннары. Бүген без сезгә дан һәм мәдхия җырлар, сезнең түземлелегез, сабырлылыгыз алдында баш ияр өчен җыелдык.

Матурлыгы өчен бу көннәрнең

Кемнәр генә корбан булмаган!

Исемнәрен тарих безгә үзе

Саклап килә ерак еллардан!

Туган ил хакына

Туган җир хакына

Авылдашлар башын салдылар,

Безнең гомер өчен алар

Мәңгегә чит илдә калдылар.

Кинәт кошлар тавышы тына. Музыка туктый.Еракта туп шартлаган тавышлар ишетелә.

Гөлназ: Соңгы тапкыр кичә көлде дөнья

Соңгы тапкыр кояш балкыды

Таң атмады бүген, таң атмады

Алды җирне сугыш ялкыны

«Священная война» җыры яңгырый

Вставай, страна, огромная. Вставай на смертный бой

С фашисткой силой темною. С проклятою ордой!

Пусть ярость благородная Вскипает как волна

Идет война народная, священная война.

Не смеют крылья черные, Над родиной летать

Поля ее просторные, Не смеет враг топтать

Пусть ярость благородная

Вскипает как волна

Идет война народная

Священная война.

Фәнзия: Ирләр ките, кызлар елап калды

Шаулап калды иген өлгереп

Басу капкасына чаклы озата барды

Яше-карты барсы өзелеп

«Солдатлар» җырын башкару

Озатып вокзаллар каршында

Маңгайдан үптеләр аналар

Тузанлы юллардан үттеләр

Дөньяны күрмәгән балалар

Балалар керделәр утларга

Балалар сүз бирде тупларга

Купләре төрелеп шинельгә

Калдылар еракта йокларга

Гөлназ: Менә шулай башланып ките тарихта тиңе булмаган Бөек Ватан сугышы. Бу 1941 елның 22 июнь таңы идее. 1418 көнгә сузылачак дәһшәтле сугышның никадәр озак барасын да, миллионнарның яу кырыннан әйләнеп кайтмаячагы да әле беркем дә белми иде.

Резеда: Авылыбызның иң-иң уртасында

Иң матур һәм күркәм урында

Һәйкәл булып баскан солдат тора

Винтовкасын кысып кулына

Альбина: Кемнәр болар, исемнәрен ничек?

Белеп-булмый-кайда туганнар?

Тик шунысы ачык, биеклекне

Яулаганда һәлак булганар

Ләйсән: Берсе ята гүя ял иткәндәй

Печән чапкан чакта болында

Икенчесе ята бер уч туфрак

Кысып тоткан килеш кулында

Эльвира: Өченчесе алга карап баскан

Кочаклаган килеш каенны

Ул әйтә күк фронт алга китү

Баса минем барлык кайгымны.

Гүзәл: Истәлеккә куйган һәйкәлләрдә

Булмасын дип бер дә хаталык

Без аларны уртак исем белән

Җиңүчеләр диеп атадык.

ҺӘЙКӘЛ ТАВЫШЫ: Розалия апа Тукта, иптәш, тукта!

Минем яннан, тыныч кына үтеп китмә син

Мин бит гади генә бер сын түгел

Мин-көрәшче!

Авылдашың синең, иптәшең! Онытма син!

Бик кыммәткә төште синең бәхет безгә!

Шул хакта гел сөйләп тору өчен

Таш сын булып, һәйкәл булып кайттык бүген Сезгә!

Резеда: Купме сагышлы караш, күпме күз яшьләре күрде бу һәйкәл.

Альбина: Күпме ятим аналар һәйкәл янына килеп бу таш сыны «балам» диеп сыйпадылар.

Ләйсән: Күпме тол хатыннар һәйкәл янына килеп назлы сүзләрен пышылдадылар.

Мөслимә апа: Авыр чорның батыр хатыннары

Күз яшьләрен эчкә яшереп

«Ипи» өчен уфаллалар тартып

Станцадан орлык ташыды

Шул толларның ятимнәре бит сез

Буразнада үскән балалар

Үткәннәрне искә алыйк әле

Ачылса да кабат яралар

Фәнзия: Сугышка безнең авылдан 180 ир-егет киткән. Күпме авылдашыбыз чит-яр җирләрдә ятып калды. Алар еракта, дөньяның төрле илләре туфрагында мәңгелек йокыга талдылар.

АНА:

Әнисә апа: Улым! Газизем, бердәнберем. «Мин бит тиз кайтырмын, әни», — дип елмая-елмая чыгып киттең дә -югалдың. Күзләрем исән чакта сине кабат күрермен дип өметләнгән идем. Кайтмадың шул. Атаң белән бергә еракта калдыгыз. 60 ел мин сезне көтәм, 6 ел, 6 көн генә түгел бит ул. Балам, күз нурым, кышкы озак төннәрдә сугыштан язган бердәнбер хатыңны укып юанам.

ҺӘЙКӘЛ ТАВЫШЫ:

Розалия апа: Исеңдәме, әнкәй, мине озатып

Авыл күмелгәнче бардың да

Хәлсез кулларыңны салмак кына

Болгый-болгый карап калдың да

Әрнетмәскә теләп мине шунда

Елавыңнан үзең тын булдың

Тик шулай да күзең сөртер өчен

Яулык почмагына тотындың

АНА: син яраткан җырларны җырлап

Күңелемне әзрәк юатам

Син дә кушылып минем белән

Җырлашасың кебек ерактан

Гөлназ: Күзләреңне тутырып, әби, җаным

Кемне эзлисең син, карыйсың?

Хәтерләтә синең карашларың

Канлы сугышларның тарихын

КЫЗ-ӘБИ:

Наташа: Ялгыз башка иптәш эзләгән күк

Тулган айга карый күзләрем

Шул ай кебек балкып йөрисеңдер

Кайларда син минем гүзәлем!

Йолдызларга карап уйга талам,

Сине уйлап өзелә үзәгем…

Сагынасыңмы, әллә оныттымы?-

Кайларда син минем гүзәлем?

Эльвира: әнә шулай газиз улларын, сөйгән ярларын, Гомер иткән ирләрен көтә-көтә алар Инде картайдылар.

Гүзәл: көтә-көтә үзләре дә гүр иясе булдылар. Ләкин ул көннәрне оныту мөмкин түгел. Халык хәтере үлмәде.

Бергә: Халык хәтере- мәңгелек.

Гөлназ 1941 нче елның 22 нче июне беркайчан да Кире кайтмасын

Бергә Кире кайтмасын! Кабатланмасын!

Резеда: Ул көн коточкыч кайгы белән тарих битенә язып куелды.

Альбина Ул көн снаряд кыйпылчыклары булып кешеләрнең тәннәрендә йөри әле.

Ләйсән Култык таякларының, протез аякларның шыгырдавы булып колакларыбызга ишетелә әле ул көн.

Гүзәл Улары кайтмаган аналарның, тол калган хатыннарның күз Яше булып күзләребезгә күренә ул көн.

Эльвира «Әти!» диеп әйтергә тилмереп үскән сабыйларның каргышына төренгән ул көн.

Фәнзия Буген безнең арада сугышның бөтен авырлыгын, аның газап-михнәтен кичергән ветераннар, иңнәренә сугыш авырлыгын күтәргән тыл-хезмәт батырлары утыра. Хөрмәтле ветераннар! Бүген сезнең һәркайсыгыз алдында баш иябез, мең-мең рәхмәт сезгә!

Гөлназ сүзне — мәктәп директорына

— колхоз рәисе

— администрация кунагына

— авыл советы рәисе

— соцзащита, раисабез

Эльвира Ал нурларга төренеп кояш байый

Үткән юллар килә күңелгә

Җиңүләрне яулап алган көннәр

Онытылмаслар гомер-гомергә

Ләйсән Югалтулар алып килде сугыш

Күпме ирләр кайтмый калдылар

Шул ирләрнең йокыларын саклап

Ак каеннар моңсу шаулыйлар

Гөлназ Мәңгелек ут булып яна хәтер, сүнмәс ялкын булып кабына

Үткәннәргә тарта бүген күңел, батырларын илем сагына

Ватаныбыз азатлыгы, безнең бүгенге тыныч көнебез өчен яу кырында ятып калган авылдашларыбызны тынлык белән искә алыйк

Тынлык

Альбина Уйный быргылар, тындылар туплар

Шатлык кичерә безнең батырлар

Явыз дошманны алар җиңделәр

Берлин өстенә ал байрак элделәр

Резеда Җиңү көне! Халык бәйрәм итә

Яз төренгән янар комачка

Җир чәчәкләр тезеп күкрәгенә

Йөз балкытып карый Кояш та

«День Победы» җыры яңгырый

День Победы, как он был от нас далек

Как в костре потухшем таял уголек

Были версты, обгорелые в пыли,-

Это день мы вспоминали, как могли

П-в: Этот день Победы, порохом пропах

Это праздник – сединою на весках

Это радость со слезами на глазах

День Победы, День Победы, День Победы!

Дни и ночи у мартеновских печей

Не смыкала наша родина очей…

Дни и ночи битву трудную вели,

Этот день мы приближали как могли

Здравствуй, мама, возвратились мы не все..

Босиком бы пробежаться по росе..

Пол Европы, прошагали пол Земли

Этот день мы приближали как могли

Гөлназ Җиңү килде җирне нурга күмеп

Шатлык белән күзне чылатып

Килде ул көн горур күкрәкләрдә

Орден-медальләрне чыңлатып

Наташа «Ветераннар»

Картаймагыз, әле , ветераннар

Европаны саклап калган ирләр

Җиңү бәрәмнәрен якынайтып

Үттегез сез сез күпме илләр

Үттегез сез күпме җирләр

Үттегез сез, батыр ирләр.

Җырлагыз сез җиңү көннәрендә

Яшьлегегез – җиңү көйләрендә

Ветераннар, сез күп түгелләр бит

Кайталмады күпләр өйләренә

Кайталмады купләр илләренә

Кайталмады туган җирләренә

Ветераннар, сез күп түгелләр бит

Узыгыз, сез данлы ветераннар

Картаймагыз, әй, сез, тынмас җаннар

Сезгә тиеш әле бик күп назлар

Сезгә тиеш әле бик күп язлар

Сез күп түгел Инде, ветераннар

Картаймагыз, әй, сез, тынмас җаннар

Сезгә тиеш әле бик күп язлар

Гөлназ Әйе, каһарманнар даны мәңгелек. Сез – бүген дә сафта. Һәркайсыгыз – гаиләдә, авылда олы ихтирамга лаек, балаларыгызның юанычы. Сез әле дә олы йөрәкле, саф күңелле әүлия затлар. Тагын бер кат рәхмәт Сезгә!

Батыр үлә, үлмәс ат алып,

Батырлыклар белән макталып,

Исемең калсын, үзең үлсәң дә

Тарихларда укып ятарлык.

Солдатлар батыр булмаса,

Җиңү дә булмас иде.

Аларга атап мәйданда

Һәйкәл дә тормас иде.

2 укучы

Бүген Бөек Җиңү көне —

Моңсу, сагышлы бәйрәм.

Батырларны искә алып

Гөл куйыйк бәйләм-бәйләм.

Безнең республикадан Бөек Ватан сугышына туган
илебезне явыз дошманнардан саклар өчен 700000 кеше китә, 350000 нән
яртысы үлеп кала. Республикабызның 200 батыр кызы һәм улына
Советлар Союзы Герое исеме бирелә.

3 укучы

Ватан өчен, халкы өчен

Ир-егетләр яуга киткән.

Яшүсмерләр, хатын-кызлар

Иген иккән, корал биргән.

Безнең теләк бер — еллар тыныч, ил, көннәр имин
булсын!

1 укучы

Сугыш бит ул бик куркыныч нәрсә —

Мин теләмим аның булуын.

Бер дә юкка гүзәл сабыйларның

Күзләренә яшьләр тулуын.

2 укучы

Вата, җимерә, зарар китерә ул,

Хәсрәт алып килә дөньяга.

Дәһшәтле канкойгыч сугышлар —

Яңадан булмасын дөньяда!

: Узган авыр юлларыңны

Онытырга тырыш,ветеран.

Яраларың да төзелсен,

Әйдә инде тынычлан!

Укучы: Картаймагыз әле, ветераннар,

Картаймагыз, әй,тынгысыз җаннар!

Сезгә тиеш әле бик күп язлар,

Сезгә тиеш әле бик күп назлар!

• Хөрмәтле кунаклар, сугыш һәм тыл
  ветераннары! Якты киләчәгебез, сабыйларның тыныч йокысы өчен
  гомер биргән авылдашларыбызны олы ихтирам белән искә алыйк. Бер
  минут тынлык.

Укучы: Бомба күптән тынды,

Төзәлделәр җирнең яралары,

бабайларның окопларын сөреп

Иген чәчә хәзер онылары.

Укучы: Җиңү килде җирне нурга күмеп,

Шатлык белән күзне чылатып,

Килде ул көн горур күкрәкләрдә

Орден, медальләрне чыңлатып.

• Быел Бөек Ватан сугышында Җиңүгә 70 ел тула.
  70 ел… җиңү бәйрәме… Күп корбаннар хакына, зур югалтулар
  бәрабәренә яуланган Җиңү ул!

• Данлы көннәр,вакыйгалар һаман артта кала
  бара. Килер бер көн, бу сугыш тарих битләрендә генә калыр ләкин
  онытырга аларны ярамый.

• Илебезнең күкләре тыныч булсын, сугыш утлары
  кабынмасын

Илебезнең күге гел аяз булсын.

Күкрәкләребез мәңге аяз булсын,

«УФ» дип алмыйк әле сулышны.

Көннәребез тыныч үтсен берүк,

Беркайчан да күрмик сугышны.

«Һәрвакыт булсын кояш»

-Хәтердән уела күп нәрсә,

Онытыла иң гүзәл яз һәм кышлар.

Онытылмый үзенең иңендә

Ил данын күтәргән язмышлар.

Вакытлар үтүгә сүрелеп,

Сүнәләр иң якты балкышлар.

Сүнмиләр, яктылык сибәләр

Көрәштә кабынган язмышлар.

-Җиңү килде җирне нурга күмеп,

Шатлык белән күзне чылатып.

Килде ул көн горур күкрәкләрдә

Орден-медальләрне чыңлатып.

-Һәйкәл булып баса җиңүчеләр,

Һәйкәл булып баса батырлар.

Ә батырлар ике тапкыр үлми

Җирдә алар мәңге балкырлар.

-70 ел инде һәр көн саен

Кайтмый калганннарны көтәбез.

Авыл уртасында һәйкәлләргә

Башыбызны иеп китәбез.

-Таш һәйкәлләр булып балкый тыныч кына,

өйрәнгәннәр алар тынлыкка.

Һәйкәлләргә килик, гөлләр куйыйк

Һәйкәлләрне тыңлык тын гына.

Картаймагыз әле ветераннар,

Картаймагыз, әй, сез тынмас җаннар.

Сезгә тиеш әле бик күп назлар,

Сезгә тиеш әле бик күп язлар.

-Табигатьнең күпме куате бар,

Шулкадәрле җылы назы бар.

Сугыш күрми, михнәт күрми генә

Яшәсеннәр иде халыклар.

• Туган илебезнең азатлыгы өчен үз-үзләрен аямыйча дошманга
  каршы 1418 көн сугышты безнең батыр солдатларыбыз.Берәүләр
  канлы сугышта башларын салдылар. Кадерле аналары янына, туган
  якларына әйләнеп кайта алмадылар. Берәүләр дошман оясына чаклы
  сугыш юлын үтеп, илебезгә азатлык алып килделәр.

-Ерак иде ул көн озак көттек,

Бер кайгы да урап узмады.

Мең ярым көн буе сугыш барды,

Мең ярым көн көттек без аны.

-Ул көннәрне ничек онытасың,

Ил язмышы кылыч өстендә

Ир-егетләр китте яу кырына

Алып көче тоеп үзендә.

— Сугыш бетте, илем солдатлары.

Кабат кайтты туган җиренә.

Яшьлекләре чәчәк аткан илнең

Кырларында иген игәргә.

-Ләкин…ләкин сугыш калдырган яралар, ул ясаган җәрәхәтләр
һаман да йөрәкне телгәли, күңелне әрнетә.

-Сугыш еллары әкренләп артта калды.Ләкин без гомер үткән саен
шул елларның батырлыгына әйләнеп кайтабыз.Тарих битләрендә ул мәңге
онытылмас легенда булып кала бирә…

-Без бәхетле буын.Чөнки азат илдә яшибез.Без сугыш батырлары
алдында баш иябез(1 минутлык тынлык)

-Әгәр сез матур гөлләрне чәчәк атуын күрәсез икән, шул иртәдә өй
каршындагы тирәкләрдә кошлар сайравын ишетәсез икән — белегез — бу
иртәнге шатлыкта сугышта үлеп калганнарның, фашизм тоткынлыгында
һәлак булганнарның якты өлеше бар!

— Әгәр алар җыерчыклы куллары белән башыгыздан сыйпый икән,
моңлы күзләре белән сезнең күзләргә карый икән, белегез — ул
күзләрдә сугыштан кайтмаганнарның истәлеге турында тирән сагыш бар.

-Әгәр сез тормышта яшисез икән, иркен мәктәпләрә укыйсыз икән,
белегез — бу җирдә сезнең матур яшәвегез өчен меңләгән солдатларның
каны түгелгән.Бу яшәүләрнең кадерен белсәк иде!

Хөрмәтле ветераннар!

Кылдан нечкә һәм кылычтан үткен

Сират күперен кичкән буын сез.

Үзе үлсә дә, илне исән килеш

Безгә бүләк иткән буын сез.

Безгә сезнең буынның

Һәр бөртеге — бер дөнья.

Илебезнең тарихының

Данлы бите сез монда.

Картаясызмыни инде сез дә

Европаны азат иткән ирләр?

Сагыналар сезне күпме юллар,

Сагыналар сезне күпме җирләр.

Картаймагыз, әй сез, тынмас җаннар,

Сезгә тиеш әле бик күп назлар,

Сезгә тиеш әле бик күп язлар,

Картаймагыз әле, ветераннар!

09.02.2014

Бәйрәмгә багышланган монтаж.

Оценить

18943