Чыршы ачылышына сценарий

Чыршы бәйрәме

Зал бәйрәмчә бизәлгән,уртада чыршы урнаштырылган.Яңа ел турында матур көй яңгырый,балалар тотынышып залга үтәләр.Чыршы тирәли тезелеп басалар.

Тәрбияче:- Кадерле балалар,  хөрмәтле әти-әниләр, килгән кунаклар! Бүген без, шушы матур залга Яңа ел бәйрәменә җыелдык. Сезнең барыгызны да Яңа ел бәйрәме белән котлыйбыз! Сезгә ныклы сәламәтлек, шатлык, гаилә бәхете телибез. Бергә – бергә күңелле итеп бәйрәм итик. Кәеф күтәренкелеге бөтен бәйрәм буена сезгә юлдаш булсын!

1.К.Сәет

 Без бүген чыршы янында

Әйлән- бәйлән уйнарбыз.

Кыш бабайны каршыларбыз,

Яңа җырлар җырларбыз.

2.Илсинә

Нинди матур безнең чыршы,

Җем- җем килеп яна ул.

Башлыйбыз чыршы бәйрәмен,

Котлы булсын яңа ел!

Бергә: Котлы булсын Яңа ел!

3. Г.Сәид

Исәнме, чыршы, исәнме

Яңа ел килеп җитте.

Күңелле чыршы бәйрәмен

Балалар күптән көтте.

4. Нәзилә

Үсте чыршы урманда,

                                                                                    Шаулап торды ул анда.

Җәен дә, кышын да зифа,

Яшел тора һаман да.

6.Ранил

Яшел чыршы тезелешеп,                      

Әйләнәбез тирәңдә

Куанабыз Яңа елга,

Син кунакка килгәнгә.

7.Зәринә

Син килдең бүген киенеп

Бизәнеп, матурланып.

Безгә, нәни дусларыңа

Күңелле җырлар алып.            

Җыр._“Чыршыкай- купшыкай”    №16-17(диск”Туган телдә сөйләшәбез” 4-5 яшь)

Урман кызы Чыршыкайны

Көтеп ала барсы да,

Яңа елны дәшә бит ул,

Өй түренә баса да.

      Кушымта:

     Яңа елда кунак булып

     Кил син безгә,Чыршыкай!

     Яңа елда кунак булып

     Кил син безгә, Купшыкай!

Ашыгабыз Яңа елга

Урман кызын бизәргә.

Әткәй-әнкәй ярдәм итә

Уенчыкларга эләргә

   Кушымта.

Урман кызы Чыршыкайның

Күлмәкләре яшелдән.

Кыш бабай да бүләкләрен

Чыршыкайга яшергән.

7. Раил

Ап-ак мамык карлар ява,

 Акка төреп дөньны.

Бүген безне үз янына

 Яшел чыршы җыйнады

8.Илшат

Ян яктырак, чыршыкай,

Балкысын утларың.

Бүген синең яныңа

Җыйналган дусларың.

9. Рәсүл

Каршылыйк, дуслар бергәләп,

 Яңа ел килә безгә.

 Әнә күпме кунак килгән

 Әйләнә – тирәбезгә

җыр.   “Чыршы янында”   №16-17   (диск”Туган телдә сөйләшәбез” 2 -3 яшь)

Ямь-яшел ылыслары,

Балкып тора утлары.

Чыршыкай,чыршыкай,

Бигрәк матур чыршыкай.

Сиңа килгән кунаклар-

Аюлар һәм куяннар.

Чыршыкай,чыршыкай,

Бигрәк матур чыршыкай.

Әйлән-бәйлән уйныйбыз,

Биибез дә җырлыйбыз.

Чыршыкай,чыршыкай,

Бигрәк матур чыршыкай.

10. Г.Ранил

Салкын, саф һава,  

Йомшак кар ява,

Урамга чыксаң

Битләр кызара.

11.Асилә

Яңа елны каршылыйбыз

Шатлыклы җырлар белән.

Матур булып балкып торган

Якты йолдызлар белән.

12.Раян

Ап-ак тун киеп кыш килде,                      

Яфрак-яфрак кар ява.

Без дә кидек җылы туннар,

Куркытмый салкын һава.

13.Алмаз

Уянып бүген иртән

Карасам тәрәзәгә.

Ак сакаллы кыш бабай

Кар алып килгән безгә.

14.Таңсылу

Суык бабай кил безгә

Яңа ел бәйрәменә

Чыршы әйләнәсендә

Җыр җырлап әйләнергә.

Бүлмәгә әкият геройлары керә, музыка.

А.б. — Балалар,күрегез әле кемнәр килеп җиттеләр безнең бәйрәмебезгә,чакырылган кунакларыбыз килделәр бит.Әйдәгез бергә аларны каршылыйк.Шүрәле: -Исәнмесез балалар!

Кети-кети уйныйм дисәң,

Карурманга кер әле.

Мине белмәгән бар микән.

Исемем минем-?

Балалар: — Шүрәле!

— Шүрәле
Бу Яңа елга кергәндә,

Тагын шул Былтыр мине,

Хур итмәк булган иде дә 

Бетте шул соңгы коне.

Нәни дусларым коткарды,

Дусларым – туганнарым,

Көлдереп алырмын сезне 

Авыртса да бармагым.

Кети –кети уйныйм әле,

Әйләнеп биеп кенә,

Яңа елны каршылыйк

Елмаеп көлеп кенә.

А.б. — Уйнарбыз,Шурәле,әйдә түрдән узыгыз,кадерле кунагыбыз булырсыз.
Күрегез, дуслар күрегез,Кем безнең кашыбызда.

Ул чәчләре тезгәчә, 

Кулында алтын тарак,

Тирә -якка нур чәчә.

Кем соң ул балалар?

Балалар: — Су анасы!

Су анасы:

Туды көн җитте вакыт,

Яңа елга ашыгам.

Тарадым озын чәчемне,
Алтын тарагым белән.

Чыкмакчы булам дөньяга,

Бөкене боз каплаган,

Боз астында әле анда,

Әле монда ташланам.

Ни хәл итим,шакыйм, кагам

Башкаем бәреп, тиле!

Бәкене чабып, дусларым, 

Чыгарды менә мине.

А.б. –Әйдә Су анасы,синдә түрдән уз, кадерле кунагыбыз булырсың.
Су анасы: Рәхмәт.

Яңа бәхет, яңа шатлык,

Алып килсен Яңа ел,

Телим тыныч тормышлар ,

Котлы булсын Яңа ел!

А.б. –Рәхмәт, Су анасы.

Әйдәгез, килегез тизрәк,

Ясыйк матур тугәрәк.

Безгәкунаклар килгән,

Уйнык-җырлыйк бергәләп.

 Җыр 

Торле-торле утлар яна,
Без уйныйбыз эйлэнеп
Бигрэк матур, бигрэк ямьле
Безнен чыршы бэйрэме.

Жырлый-жырлый эйлэнебез,
Чыршы тора уртада
Кунак булып ак сакалы
Бабай килгэн елкага

Чыршыдагы жем-жем утлар
Сунэлэр дэ яналар
Без жырлыйбыз, шатланабыз
Без сойкемле балалар.

Музыка астында киенгән ясанган Убырлы  керә.

Убырлы: -Әкият геройларын Яңа ел бәйрәменә чакыралар дип ишеткәч бизәнеп, матур итеп киенеп,мине дә чакырырлар дип көттем.Юк!А.б .- Гафу итегез, мин сезне танып җиткермәдем,сез кем соң?Убырлы: Танымадыгыз? Балалар, ә сез таныйсызмы?Балалар: -Син убырлы бит.А.б.–Убырлы, нинди убырлы? Мондый Убырлы буламы?

Убырлы: Ничек кенә була әле!(көлә)Җир паемны саттым да пластик операция ясаттым.Заграничный себеркемә утырып, кичә генә Париждан кайтып төштем.Шүрәле (убырлыны әйләндереп-әйләндереп карый.) Ну ты даешь. Убыр! Кая югалды бу дигән идем аны? Әнә ниләр майтарып йөргән икән!А.б. — Син, әбекәй, гафу итә күр инде.Башка елларда Кыш бабайга тозак коргач, сиңа чакыру җибәрмәгән идек шул.Тукта,тукта әле, Убырлы,быел даКыш бабай юкка чыккан бит.Синең эшеңдер әле бу.Әйт әле , кая иттең Кыш бабайны!Убырлы: — Син нәрсә, матуркаем. Мине гел начар итеп күрәсез. Былтыр мин шухыр-мухырлар эшләмәм дип тәүбә иттем бит.Мин яхшы бабушка да була алам бит. Чакырылмаган кунак булып килгәнем өчен гафу итегез инде.Сезнең белән чыршы тирәсендә йөрисем, җырлыйсым,биисем бии-ик килде.

А.б. — Әйдә. Убырлы алайса.бәйрәмебезгә рәхим ит . Балалар .әйдәгез әбекәй белән бер биеп алыйк

. 

 Музыка куям
                                     БиюУбырлы : Шәп булды бу! Тик Кыш бабай булмагач,Яңа ел бәйрәменең яме юк икән аның.

Минем турында матур шигырьләр сөйләсәгез, Кыш бабайны китерәм.

Зәринә

Убырлы-убырлы  бөтен бите пудырлы.

 Әй, бизәнгән, ясанган. Караучысы булырмы?

Аяклары кәкре,  Аркалары бөкере.

Үзе шундый кылтая, Мин чибәр дип масая .

Убырлы. Сез мине үпкәләтәсез!

Алып баручы. Убырлы, без бит шаярдык кына.

Убырлы. Ярар, ярар, Мин дә шаярырга яратам.

Убырлы: Туктагыз әле , минем бит всемогущий себеркем бар.(себеркесен ала).Әйдә әле, матуркаем,эзләп тап әле Кыш бабайны.

Әфсен-төфсен,җилфер-җилфер

Юкка чыкан Кыш бабайны

Бирегә китер!

(Ерактан Кыш бабайның җыры ишетелә)
Кыш бабай белән Кар кызы керә. Исәнмесез балалар!Исәнмесез,әниләр!

Исәнмесез,әбиләр!

Тирән карларны ерып

Бар җиргә суык өреп,

Озын юллар үттем мин

Сезгә килеп җиттем мин.

Бәхетле һәм сау булыгыз 

Котлы булсын Яңа ел!

Кар кызы: -Исәнмесез, барчагыз!

Кунак булып карлы урманнан,

Бәйрәмгә дип сезгә килдек без.

Чәчләремне ап-ак йолдызлар,

Көмеш чулпы белән үрдем мин.

Яңа ел белән котлыйм, балалар,

Яңа ел котлы булсын!

Бәхетләр елы булсын!

Шатлыклар елы булсын!

Кырларда иген уңсын!

Амбарлар тулып торсын!

Күкләр гел аяз булсын!

Балалар бәхетле булсын!

А.б. – Рәхмәт Кар кызы ,Кыш бабай әйдә бәйрәмебезгә рәхим итегез.

Сәид

 Рәхмәт сиңа, Кыш бабай

Чыршы китергән өчен.

Яңа елда һәммәбезне,

Сөендергәнең өчен.

Илсинә

Ак таягың кулыңда.

Кып-кызыл тун кигәнсең,

Бөтен төшең бәсләнгән,

Күп җир гизгән икәнсең.

Ранил

Әй Кыш бабай, Кыш бабай,

Хуш киләсең. уз бире,

Шатланышып җыр белән 

Каршылыйбыз без сине.

Җыр  “Ямьле Кыш бабай»

Көн салкын тышта

Уйный кар буран

Ак төскә керде

Бизәлде урам

Ямьле Кыш бабай

Килдең син безгә.

Кунак булырсың,

Кер өебезгә.

Тагын ямьлерәк

 Итәргә илне

Иске ел үтеп

Яңа ел килде

Ямьле Кыш бабай

Килдең син безгә.

Кунак булырсың,

Кер өебезгә.

Кыш бабай,мине                                              

Бүген син макта.

Бер яшькә үстем

Син килгән чакта

кушымта

Нәзилә

Бәйрәмебез син килгәч,

Матурланды тагын да,

Бик күңелле уйнавы,

Яшел чыршы янында.

Г.Сәид

Хуш киләсең, кыш бабай

Әйдә,түргә рәхим ит.

Яңа елда безнең белән

Бәйрәм итеп кит.  

Рәсүл

Уянып бүген иртән

Карасам тәрәзәгә.

Ак сакаллы кыш бабай

Кар алып килгән безгә

.

Раил

Кар яуган ,яуган

Мамык кебек кар.

Ап-ак булганнар

Урамнар,кырлар.  

Илшат

Рәхмәт сиңа, кыш бабай

Чыршы китергән өчен

Яңа елда барыбызны

 Сөендергәнең өчен

 Алмаз

Кыш бабай,кыш бабай

Безне бик ярата.

Ул безгә яңа ел

Бүләге тарата.  

Асилә

Кыш бабай,суык бабай

Балаларны ярата.

Яңа ел белән котлап

Бүләкләр дә тарата.        

Раян

Кыш бабай,мине                                              

Бүген син макта.

Бер яшькә үстем

Син килгән чакта

Г.Ранил

Ямьле Кыш бабай                

Килдең син безгә.

Кунак булырсың,                              

Кер өебезгә.

Җыр “Кыш бабай”   №7-8

(диск  3    “Җырлап-биеп уйныйбыз”)

Яшел чыршы тирәсендә

Җыелып бертугандай,

Әйлән-бәйлән уйный идек,

Килеп керде Кыш бабай.

          Ары баса Кыш бабай.

          Бире баса Кыш бабай.

          Шушы бию көйләренә

           Өзеп баса Кыш бабай.

Бәйрәмебез син килгәч,

Матурланды тагын да.

Бик күңелле уйнавы

Яшел чыршы янында.

Кыш бабай. 

Әй, матур җырладыгыз. Сезнең кебек балалар белән уйнарга яратам инде мин.

Уеннар

Кыш бабай белән уен.  (музыка Лимпо-по)

Кыш  бабай.          Түгәрәктә  каласыз,

                                Бер-бер  артлы  барасыз.

                                Кыланыгыз  минемчә,

                                Тырышыгыз  ничек  тә.

Кыш  бабай  төрле  хәрәкәтләр  күрсәтә. Балалар аны  кабатлыйлар. Ни  эшләгәнне  әйтеп  бирәләр.

(Чаңгыда  йөрү,  конькида  шуу, кар  ату,  кар  чистарту  һ.б.)

Ә хәзер тагын бер уен уйнарбыз. Музыка уйнаганда барыбыз да биибез. Ул туктауга кем нинди кыяфәттә кала, шул килеш селкенми торырга тиеш. Кем селкенә, шул бала уеннан чыга. Мин аны урынына утыртам.

(Бию көе куела .Музыка берничә кабат уйнала һәм туктый. Һәр уен саен Кыш бабай селкенгән балаларны берәмләп-берәмләп утырта тора. Уен ахырына бер җиңүче калырга тиеш. Кыш бабай җиңүчегә приз бирә яки балалар кул чабып алкышлыйлар.)

Кыш бабай

Ярый,хәзер мин аларның җитезлеген сынап карыйм..Кем чанада оста йөри икән ,хәзер шуны беләбез.(Ледянкага шар куеп ташу)

Туңдырып алыйм әле үзегезне.

Уен «Туңдыру». (Татар көе)(балалар түгәрәктә,Кыш бабай уртада,балалар –алга кулларын сузалар ,Кыш баб. Таягы белән сукмакчы була,ә балалар кулларын яшерәләр)

Кыш бабай. Берегезне дә туңдыра алмадым, җитмәсә бик арыдым, утырып торыйм әле.

Кар кызы

Мин сезгә табышмаклар алып килдем әле. Әгез әле тыңлагыз.

-Җир өстендә ак мамык. (Кар)

-Ишегалдында таш була,

 Өйгә керсә су була. (Боз)

-Ишектән керер, түргә менеп утырыр. (Суык)

-Йолдыз-йолдыз вак кына,

 Ак мамык сымак кына.

 Өс киемеңә куна,

 Тәнгә тисә су була. (Кар бөртеге)

Кыш бабай: Булдырдыгыз, балалар. Бик зирәк икәнсез.

А б. Кыш бабай, Кар кызы, сөйләп бирегезче безгә, буш вакытыгызда нәрсә белән шөгылләнәсез?

Кыш б. Кайда кар- буран, мин шунда булам.

Карга әверелеп, чыршыга кунам.

Суны туңдырам, сезне туңдырам,

Туңган кешенең колагын борам.

Кар к. Ә мин, балалар, кардан йолдызлар ясап, җир өстенә яудырам, ява- ява тау була. Кызлар, кар бөртекләре, чыгыгыз биергә.

Кар бөртекләре биюе. 

Зәринә

Кыш бабай, кадерлем,

Озак көттек без сине.

Сагындырдың килмичә,

Китмисең биимичә.

Башта безне карап тор

Аннан үзең әзер бул.

Кыш бабай

Биим, биим шатланып,

Шатланып, канатланып.

Чыршы бәйрәменә килеп,

 Булмас биеми калып

Кыш бабай биюе. Утыра. (Татар көе). 

Кыш бабай. 

Уф,арыдым, җылындым. Кайда минем суыгым. Яусыннар ап-ак карлар. Минем дусларым алар.

Кыш бабай. Менә хәзер ял итим, Шигырьләр тыңлап китим.

 Шигырьләр , җырлар

К.Сәид

КЫШ БАБАЙ КИЛӘ

Котлап бөтен кешеләрне
Яңа ел белән,
Җилдереп кенә пар атта,
Кыш бабай килә.

Зур капчык салган чанага,
Ә анда бүләк:
Уенчык төлке, аюлар,
Бизәкле чиләк.

Машина, мылтык, самолет
Керпе һәм туплар…
Җаныңа ни кирәк,анда
Бөтенесе бар.

Кыш бабай килә җилдереп,                                    
Капчык кулында.
Кар бураннар тузып кала
Аның юлында.

Илшат

“Кыш бабай”

Җилкәсенә капчык асып

Кыш бабай килеп керде.

Төрле кызык сүзләр әйтеп.

Бүләк өләшеп йөрде.

Аннан Кыш бабай тыпырдап

Бик шәп бии башлады.

Биемәскә аягында

Безнең апа башмагы.

Илсинә

АК БӘХЕТЛӘР АЛЫП КИЛСЕН

Көн артыннан көннәр үтә,

Гүя еллар йомгак сүтә.

Иске елның матур киче

Саубуллашу кичен көтә.

Бөтерелә ак өермә

Кара, кара, карасана!

Кыш бабай килә түгелме,

Ак бизәкле чанасында?

Көтәбез без әйдә килсен,

Ак бәхетләр алып килсен!

Шул бәхетне барыбызга,

Тигез итеп бүлеп бирсен.

 Җыр Зәринә“Чыршы” №19- 20 )

(диск”Туган телдә сөйләшәбез” 4-5 яшь)

Килче ,Яңа ел,

Уйныйбыз бергә,

Чәчкәле-гөлле,

Рәхәт киң илдә.

Их,безнең чыршы,

Ул нинди купшы!

Янында күмәк

Уйнавы яхшы.

Әйдә ,Ак бабай,

Сине көттек без.

Сикереп уйнарга

Сагынып беттек без.

Килче,Кыш бабай,

Җырлыйбыз бергә.

Яңгырасын шат җыр

Бәхетле илдә!  

Г.Сәид

КАР ЯУГАН

Тәрәзәгә күз салдым
Тордым да бүген иртән.
Күргәч аптырап калдым:
Җирне кем ап-ак иткән?

Урамда нишләгәннәр:
Әллә он сипкәннәрме,
Әллә зур мичкәләрдән
Бик күп сөт түккәннәрме?

Бөтен җирдә ак юрган…
Белдем-белдем — кар яуган!
Әй шәп булган, шәп булган —
Без шуарбыз таулардан.

Ранил

Ерактан суык яклардан
Боз чанага утырып
Бәйрәмгә килде кыш бабай.
Күчтәнәчләр тутырып.

Кулларында боз таягы
Сакалы җиргә тигән.
Ә янында сылу бер кыз,
Энҗе кардан киенгән.

Балаларга, Яңа елда
Күчтәнәчләр тарата.
Биеп, жырлап. көлдерә дә.
Куандырып калдыра.

  Җыр Илсинә-Нәзилә

“Исәнме ,чыршыкай        “   №11-12                    

(диск”Туган телдә сөйләшәбез” 3-4 яшь)

Исәнме ,чыршыкай,

Сагынып килдеңме?

Дусларың зарыгып

Көткәнне белдеңме?

Без сине матурлап

Бизибез,зурлыйбыз

Биибез тирәңдә,

Шатланып җырлыйбыз

“Куяннар”,”бүреләр”

Бергә гөр киләбез,

Кыш бабай биесә,

Шаулашып көләбез.

Елмаеп , Кыш бабай

Бүләкләр өләшә.

Тәрәзәдән карый да,

Шаян ай көнләшә.

Әй, рәхәт,күңелле,

Биеп тик йөрибез.

— Яшәсен Туган ил

Һәм Яңа ел! –дибез.

Раил

РӘХМӘТ СИҢА КЫШ БАБАЙ

Рәхмәт сиңа, Кыш бабай,

Безнең белән дус бабай,

Сагынып килеп җиттең,

Яңа ел бүләк иттең.

Берәр яшькә үстердең,

Һәммәбезгә көч бирдең,

Рәхмәт сиңа, Кыш бабай,

Безнең белән дус бабай!

   Бию малайлар “Кар  бабайлар”

Рәсүл

“Кыш бабай”

Кыш бабай, Кыш бабай,

Безгә бик таныш бабай.

Сакал-мыек ап-актан,

Килгән безгә ерактан.

Бүләкләр алып килгән.

Бүреген кыңгыр кигән.

Әйлән-бәйлән уйната

Биетә һәм җырлата.  

Нәзилә

Матур бәйрәм җырыбыз

Яңгырагач еракка,

Кыш бабабыз ишетеп

Килде безгә кунакка.

Елмаеп, ул эндәшә:

«Исәнмесез, дусларым!

Ямьле бәйрәм кичендә

Яусын сезгә котлавым.

Нинди әйбәт уйныйсыз

 Яшел чыршы янында.

 Бүләк биреп, мин сезне

Шатландырыйм тагын да.»

Җыр башкарыла: “ Яңа ел” (Сәидләр,Рәсүл,Ранил)

Җем-җем көмеш тун кигән,

Яңа-яңа ел килгән.

Яшел чыршылар белән,

Яңа җырчылар белән.

Яңа ел, Яңа ел

Безгә күп кунак килгән.

Кыш бабай һәм Кар кызы

Күп бүләкләр китергән.

Дуслар белән җыелдык,

Бергә шундый күп булдык.

Әйлән-бәйлән уйнарга .

Кулны-кулга тотындык.

Зәринә

Кар бабай”  (Г. Зәйнашева)

Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.

Күзләре – кара күмер.

Дидек: “Син урам себер!”

Зур себерке тоттырдык,

Көлешеп карап тордык.

,,Кыш бабай” җыры (М.Яриева көе,Г.Шәйдуллина сүзләре) башкарыла. 
1.Агачларга бәсләр элеп, 
Сурәтләрен тәрәзәгә 
Ясап куйган Кыш бабай , Кыш бабай, 
Ясап куйган Кыш бабай. 

2.Рәсемнәре бигрәк матур, 
Сокланып карап туймаслык. 
Оста икән Кыш бабай, Кыш бабай, 
Оста икән Кыш бабай. 

3.Өреп китсә сулар ката, 
Елгаларга бозлар ята. 
Тылсымлы да Кыш бабай, Кыш бабай. 
Тылсымлы да Кыш бабай. 
Тылсымлы да Кыш бабай, 
Куәтле дә Кыш бабай, 
Оста икән Кыш бабай. 

Кыш б. Ай-һай,бигрәк тырыш балалар

Кыш бабай:      Әнә сәгатем дә суга,

                           Кирәк миңа китәргә.

                           Каршылагыз Яңа елны,

                           Күп калмады көтәргә.

                           Теләкләрнең иң изгесе,

                            Иң яхшылары сезгә.

                            Зур уңышлар алып килсен

                           Яңа ел үзегезгә.

                           Имин килсен дөньялар

                           Сау булсыннар балалар.

Кар кызы:       Яңа елга алып керик

                          Тынычлыкны, шатлыкны,

                           Хезмәтне һәм хөрмәтне.

                           Бәхетне, тырышлыкны,

                           Татулыкны, дуслыкны.

.

Кыш бабай   Балаларым! Бәйрәмегез өчен рәхмәт.  Бәйрәмегез бик тә ошады. Безгә китәргә дә вакыт.

Балалар: Кыш бабай, Кыш бабай, безгә дигән бүләкләрең кая?

Кыш бабай: И, балалар, онытып торам икән, менә минем бүләкләрем. Ә миңа китәргә вакыт. Сау булыгыз, балалар! Ә сез күңелле ял итегез. (Кыш бабай белән Кар кызы чыгып китәләр).

Яңа ел әкияте

Максат: Кышкы табигатьнең матурлыгына соклана белү сыйфаты тәрбияләү; кыш турындагы белемнәрен тирәнәйтү; балаларда бәйрәмгә карата уңай мөнәсәбәт, үз фикереңне бер юнәлештә туплый һәм аны башкаларга җиткерә белү сыйфаты тәрбияләү; балаларда яңа ел бәйрәме уңаеннан яхшы кәеф, шатлык хисләре булдыру.

Катнашалар: төлке Алиса, песи Базилио, Буратино, Мальвина, Кыш бабай, Кар кызы.

“Яңа ел вальсы” музыкасы астында балалар залга керәләр һәм ярымтүгәрәк ясап басалар. Зал уртасында чыршы бизәлгән.

А.б. Нинди матур безнең чыршы!

Җем – җем килеп яна ул.

Башлыйбыз чыршы бәйрәмен,

Котлы булсын Яңа ел!

Урманнан безгә бәйрәмгә

Ямь – яшел чыршы килгән.

Яңа елны каршыларга

Матур күлмәген кигән.

Җыр “Чыршы”

1 бала. Исәнме, чыршы, исәнме.

Яңа ел килеп җитте.

Күңелле чыршы бәйрәмен

Балалар күптән көтте.

2 бала. Саумы, саумы, чыршыкай,

Саумы, саумы, Яңа ел!

Яшел чыршы тирәли

Әйләнәбез елмаеп.

Җыр “Чыршыкай, купшыкай”

3 бала. Күрегез бу чыршыны

Чыршының да чып – чыны.

Нинди төз, матур, биек.

Тора түшәмгә тиеп.

4 бала.Кунак булып яшел чыршы

Урманнан безгә килгән.

Ел да безне шаккаттыра,

Ничек матур киенгән.

5 бала.Төрле – төрле утлар яна

Без уйныйбыз әйләнеп.

Бигрәк матур, бигрәк ямьле

Безнең чыршы бәйрәме.

Җыр “Чыршы янында”

Күңелле көй агышында залга Буратино керә. Кулында – алтын ачкыч. Буратино.Исәнмесез! Яңа ел белән! Сез мине таныдыгызмы? Әйе, мин Буратино – әкият герое. Тортилла исемле ташбака миңа шушы ачкычны бүләк итте. Бу ачкыч гади түгел. Аның тылсымы бар. Мин үземнең дустымны Мальвинаны эзлим. Ул монда юк икән. Аны эзләп килгәнче ачкыч чыршыда эленеп торсын әле. (Чыршыга ачкычны элеп, көй агышында чыгып китә)

Залга Алиса белән песи Базилио керәләр. Песи таякка таянган, төлкенең пычкысы бар

Төлке белән песи биюе

Төлке.Без мескеннәрне бәйрәмгә кертегезче.

Песи.Безнең дураклар илендә шундый суык, өшеп беттек.

Төлке. Безгә учак ясар өчен зур агач кирәк. Учак җылысында җылыныр идек.

Песи.О! Кара әле, Алиса. Нинди зур, күркәм агач (чыршыны күрсәтә). Бу агачтан утын күп чыгар.

Төлке. Менә шәп бу. Әле аның бизәкләре, уенчыклары да бар.

Песи. Ә без агачны кисик, уенчыкларын җыеп алыйк һәм үзебезнең дураклар илендә аларны сатарбыз. Күп итеп акча эшләрбез.

Төлке. Шәп фикер бу! Мин инде уенчыкларны ничек итеп бүләсен дә исәпләдем: сиңа – икесе, миңа – өчесе. Тигез итеп бүлү була.

Песи.Тигез булмый бит алай!

Төлке. Ярар, мырылдама! Әйдә, башта агачны кисик әле. (чыршының утлары сүнә)

Песи.О! Кара әле, чыршының утлары сүнде! Үпкәләде бугай ул безгә. (Песи белән төлке чыршыны кисмәкче булалар һәм анда ачкычны күрәләр)

Төлке. Базилио, кара әле: ачкыч бит бу! Алтын бит бу. (ачкычны алып тешләп карый). Буратиноның ачкычы түгелме соң бу?

Песи.Шуныкы, шуныкы. Димәк, ул үзе дә шушы тирәдә йөридер.

Күңелле көй агышында залга Буратино белән Мальвина керәләр.

Буратино. Менә, Мальвина, син чыршы бәйрәменә килеп тә җиттең.

Мальвина.Мин бик шатмын. Исәнмесез, балалар,

Исәнмесез, кунаклар!

Яңа ел котлы булсын,

Бәхетләр алып килсен! (баш ия, реверанс ясый)

Буратино.Мальвина, кара әле, миңа Тортилла нинди матур ачкыч бүләк итте. Мин аны чыршыга элеп торган идем. (чыршыны әйләнеп чыга, ачкычны тапмый).

Төлке.Хә – хә – хә. Ачкычны эзлисеңме? Менә бу ачкыч кирәкме сиңа? Без аны сиңа бирмибез. Алтын үзебезгә кирәк.

Песи.Әйе, үзебезгә кирәк! Сиңа да кирәкме?

Мальвина.Әйе, бу ачкыч Буратинога кирәк. Аныкы бит ул.

Төлке. Кирәк булса соң.

Песи. Без аны бушка гына бирмибез.

А.б. Сез ачкычны кире Буратинога бирсен өчен без нишлик соң?

Төлке. Безнең күңелне күтәрергә кирәк.

Песи. Әйе, күтәрегез күңелне.

А.б. Ярар. Әйдәгез, безнең белән “Чыршы” уеныуйнарга басыгыз, бергәләп уйнап алыйк.

Уен “Чыршы”

А.б. Хәзер мин сезгә чыршыга эленә һәм эленми торган әйберләрне атыйм., ә сез барыгыз бергә “әйе” яисә “юк” дип җавап бирерсез. Шулай итеп башладык.

Төрле төстәге шарлар?

Мендәрләр, одеяллар?

Мармелад, шоколадлар?

Күпсанлы урындыклар?

Ә йомшак уенчыклар?

Дәфтәрләр һәм китаплар?

Кызыл – сары утлар?

Әкияттәге җеннәр?

Матур – матур чылбырлар?

Серпантин, мишуралар?

Сумкадагы папкалар?

Туфли һәм кроссовкилар?

Чәнечке, пычак, калак?

Көзге һәм агач тарак?

Тәмле – тәмле конфетлар?

Кыздырылган котлетлар?

Ә малайлар һәм кызлар?

Һавадагы йолдызлар?

Булдырдыгыз, афәрин!

Төлке. Уеннары күңелле булды. Ләкин әле безнең яңа ел турында шигырьләр дә тыңлыйсыбыз килә..

Песи. Алар шигырьләр сөйли белмиләрдер әле.

А.б. Нишләп белмәсеннәр?! Безнең балалар бик матур итеп шигырьләр сөйли белә. Менә тыңлап карагыз әле.

6 бала. Бүген бездә зур бәйрәм-

Бүген Яңа ел килә.

Бүген күңелләр җырга

Һәм биергә җилкенә.

7 бала. Без бүген чыршы янында

Әйлән – бәйлән уйнарбыз.

Кыш бабайны каршыларбыз,

Яңа җырлар җырларбыз.

8 бала. Яңа ел ул Яңа шул

Иске ел булмас әле.

Шатлыгын да, бәхетен дә

Кызганып тормас әле.

Төлке. Ярар, ярар… шигырьләр беләсез икән. Менә алыгыз ачкычны!

Песи. Әйе алыгыз.

(Буратино белән Мальвина ачкычны алып, көй агышына чыгып китәләр).

Төлке. Ә син беләсеңме, Базилио, монда тиздән Кыш бабай белән Кар кызы киләчәк. Ул Кар кызының чибәрлеген күрсәң син…

Песи. Карап та тормыйм.

Төлке. Әйдә, Базилио, без ул чибәр Кар кызын урлап китәбез дә, аны бүләкләргә алыштырып алабыз. Рәхәтләнеп шоколад, конфет ашарбыз.

Песи. Дөрес фикер йөртәсең син, Алиса. Рәхәтләнеп ашыйбыз тәм – томнарны. Ләкин Кар кызын ничек урларбыз соң?

Төлке. Ә без Кыш бабайны йоклатырбыз.

Песи. Ничек йоклатырбыз соң аны?

Төлке. Без Кыш бабайга компот эчерербез. Ә компотка йокы даруы салырбыз!!!

Песи. Ә – ә – ә. Менә шәп хәйлә. Бабакай йоклагач, без Кар кызын урлыйбыз. Әйдә качыйк та, Кыш бабай килгәнен көтеп торыйк (чыгып китәләр).

А.б. Кемнең кигән киемнәре

Энҗе кар бөртекләре?

Кемнең көмештәй сакалы

Чәчләре, керфекләре.

Кем соң безгә шундый ямьле

Яңа ел алып килә?

Матур кәгазь капчыкларга

Күчтәнәч салып килә.

Балалар. Кыш бабай.

Җыр “Чыршы әйләнәсндә”

А.б.Кыш бабай килгәнче бер уен да уйнап алыйк әле.

Әгәр мин дөрес әйтсәм, сез кул чабарсыз. Әгәр мин дөрес әйтмәсәм, аяклар белән тыпырдарсыз.

• Кыш бабай барыбызга да таныш бабаймы?

• Ул җәй көне киләме?

• Кар кызы белән Кыш бабай дуслармы?

• Кыш бабай салкыннан куркамы?

• Кыш бабай шугалаклар бүләк итәме?

• Кыш бабай яңгырлар яудырамы?

• Кыш бабай карлар яудырып, таулар өяме?

• Кыш бабай галошлар кияме?

• Кыш бабабыз тиздән киләме?

• Бүләкләр алып киләме?

Игътибарлы икәнсез. Будырдыгыз балалар.

Ә хәзер Кыш бабайны чакырыйк.

Бергә. Кыш бабай, кил безгә,

Ямь бир бәйрәмебезгә.

Килче тизрәк, Кыш бабай,

Безнең белән дус бабай!

(Тылсымлы көй агышында Кыш бабай килеп керә)

Кыш бабай. Саумы, көтеп алган бәйрәм!

Саумы, чыршыкай!

Исәнмесез, бар кунаклар,

Сезне күреп шатландым.

Бу хәерле сәгатьтә,

Бәйрәм теләге сезгә,

Шат яшәгез гомергә.

Кар бураннар туздырып,

Барыгызны туңдырып,

Ерак юллар үттем мин,

Сезгә килеп җиттем мин.

А.б. Хуш киләсең, Кыш бабай,

Әйдә, тизрәк уз, бабай.

Балалр сине көтте,

Тагын бер яшькә үсте.

9 бала. Рәхмәтсиңа, Кыш бабай,

Чыршы китергән өчен.

Яңа елга һәммәбезне

Матур бизәгән өчен.

Кыш бабай. Исәнмесез, дусларым! Яңа ел белән сезне!

А.б. Исәнме, Кыш бабай! Безнең чыршыныңутлары янмый бит әле.

Кыш бабай. Хәзер, хәзер без моны төзәтәбез. (чыршы янына килә, тылсымлы таягы белән селки). Чыршы, чыршы кабын син, утларыңны балкыт син!

(Чыршыда утлар яна)

Кыш бабай. Чыршы янына чакырам,

Матур итеп басыгыз.

Яңа елда әйлән – бәйлән

Җырлап – биеп алыгыз.

Җыр “Исәнме, Кыш бабай”

Кыш бабай. Сезнең белән бигрәк күңелле булды. Бераз эсселәп тә киттем.

Су эчәсем килә. (Чокыр тотып Төлке белән Песи йөгереп керәләр).

Төлке. Ай, Кыш бабай,эчәсең киләме? Менә безнең тәмле суыбыз бар. Авыз итеп кара.

Песи. Сусауны бик тиз баса.

Кыш бабай. Нинди эчемлек соң ул?

Песи. “Йокыкола”

Кыш бабай. Бер дә ишеткәнем юк мондый эчемлек турында.

Төлке. Менә дигән эчемлек ул. Син эчеп кара.

Кыш бабай. Ярый алайса, бирегез. Бик сусадым мин.(эчә) Ай, нәрсә булды миңа?.. күзләрем йомыла… йоклыйсы килә… йоклап китәм бугай… (йоклый).

Төлке. (шатланып). Менә булды!

Песи. Йоклаттык бит бабайны. (Чыршы артына качалар. Кар кызы керә)

Кар кызы. Исәнмесез, кадерле дусларым. Менә мин дә килеп җиттем. Кыш бабайны күрмәдегезме сез?.. Ай, бабакайга ни булган? Йоклый түгелме ул?

Төлке. Әйе, йоклый шул, арыгандыр.

Песи. Ә син безнең белән барырсың. Без сине бүләкләргә алыштырып алабыз.

Кар кызы. Болай булмый бит. Явызланмагыз!

Төлке. Әйдә ,тизрәк. Әнә Кыш бабай уяна инде. (Кар кызын алып чыгып китәләр).

Кыш бабай (уянып). Ой, нәрсә булды бу?.. Балалар бәйрәм хөрмәтенә шигырьләр әзерләгән, ә мин йоклаганмын. Ягез, нәни дусларым, миңа шигырьләрегезне сөйләгез инде.

10 бала. Әй, Кыш бабай, Кыш бабай

Безгә якын дус бабай!

Көтеп алдык без сине,

Күңелләргә хуш бабай.

11 бала. Ак туныңны кигәнсең,

Безне котлап килгәнсең,

Сине көтеп торганны,

Әллә каян белгәнсең.

12 бала. Кыш бабай, син дә,

Нәни булдыңмы?

Безнең шикелле

Чана шудыңмы?

Кар тәгәрәтеп

Шар ясадыңмы?

Сиздерми генә

Кар ашадыңмы?

13 бала. Кыш бабайның куллары

Салкын диеп уйладым.

Башымнан сөйгән иде,

Чак –чак “эреп” куймадым.

Җылы икән , бик җылы

Кыш бабайның куллары.

Шуңа күрә гел актыр,

Аның йөргән юллары.

14 бала. Кыш бабай, Кыш бабай

Безгә бик таныш бабай.

Сакал, мыек ап – актан,

Килгән безгә ерактан.

Үзең шаян, үзең юмарт,

Үзең һаман шулай карт.

Безнең белән бие, җырла

Бүлмәбезгә ямь тарат.

Кыш бабай. Мин әле һаман уянып бетә алмыйм. Әллә берәр һөнәрегезне күрсәтәсезме?

А. Алишның “Ил гизүчеләр белән хәйлә сөючеләр” әкияте.

1 нче күренеш

Диск №48 2 – 3 яшь.

Алинә: Ишетәсезме, әтәч кычкыра!

Камилә: Таң ата бугай,

Әтәч кычкыра:

• Кикрикүк

• Кикрикүк.

Алинә: Дустым, ә сезнең әтәч белән тавык маҗаралары турында әкият ишеткәнегез бармы?

Камилә: Юк! Сөйләп күрсәт әле, зинһар өчен!

Алинә: Ярый, тыңлагыз. ( Чирәмгә утыралар ) Әтәч белән Тавык күптәннән бергә гомер кичерделәр, бик тату яшәделәр.

( Әтәч чыга, ул тибенә, җим табып тавыкны чакыра. )

Әтәч: Тавыккаем, матуркаем,

Әнә бер бөртек таптым,

Ялгыш авызыма каптым,

Каптым да ялгыш йоттым.

Хәзер тагын эзләрмен,

Тапсам, сиңа бирермен.

Тамагыңны туйдырырмын,

Күңелеңне күрермен.

Тавык: Кыт – кыт кытыйк, кыт – кыт кытыйк.

Көндә бөртек, көндә бөртек.

Туйдым шул бөртегеңнән.

Телим дөнья күрергә,

Сахраларда йөрергә.

Кыт – кыт кытыйк, кыт – кыт кытыйк.

Дөньялар гизеп кайтыйк.

Әтәч: Булсын, әйдә синеңчә,

Кузгалыйк иртән – иртүк.

Кикрикүк – кикрикүк.

( Күңелле көйгә кагына – кагына чыгып китәләр.)

2 нче күренеш

Диск №52 2 -3 яшь.

( Урман күренеше. Кошлар сайраган тавыш. №19 2 – 3 яшь. Күбәләкләр вальс бии. Сәхнәне уратып Әтәч белән Тавык килеп керәләр.)

Тавык: Әтәчкәем, бәгыръкәем, бер ботак сындыр, мине куандыр, яшел яфрак та булсын, кызыл җимешләре дә…

Әтәч: Тавыккаем, булдырам, хәзер, хәзер сындырам.

( Әтәч ботакны сындырырга маташа, шулвакыт каршысына Куян килеп чыга.)

Куян: Кем ул минем урманыма баш булмакчы, сорамый – нитми агачларымны сындырмакчы? Бик кирәк икән, рөхсәт сора.

Әтәч: Сызыйк тизрәк без моннан, сындырырбыз соңыннан. Монда дөньяда тиңе булмаган ерткычлар яши икән, киемнәре соры, колаклары ярты метр икән, бик усал ерткычлардыр, безнең өчен куркынычлардыр, кош ите ашаучылардыр.

( музыка. Әтәч белән Тавык урман эченнән алга таба китәләр. Чикләвек агачы янына тукталалар.)

Тавык: Әтәчкәем, бәгыръкәем, кыт — кытак, кыт – кытак, сындырып бирче бер ботак, яшел яфраклысын, чикләвеклесен.

Әтәч: Тавыккаем, сындырам, хәзер, хәзер булдырам. ( Әтәч каршына Тиен килеп чыга.)

Тиен: Әй, кем ул, кем урманда йөри, кем ул минем чикләвек агачымны сындырырга тели?

Әтәч: Сызыйк тизрәк без моннан, сындырырбыз соңыннан, күрәсеңме,нинди усал ерткычлар бар, безгә, ахры, бу зур урман булыр тар. Колагын күрәсеңме, утыртып тора, йонлач койрыгын селеккәләп куя.

( музыка. Әтәч белән Тавык урман эченнән алга таба китәләр. Кыргый аламгач янына тукталалар.)

Тавык: Әтәчкәем, бәгыръкәем, ничек тә булса кара, ике – өч кенә алмалы нәни ботак булса да ярар.

Әтәч: Тавыккаем, булдырам, хәзер, хәзер сындырам. ( Әтәч ботакны селкетә. Алмагач артыннан Төлке килеп чыга.)

Төлке: Хуш килдегез, рәхим итегез, өемә керегез, түремә узыгыз, кунагым булырсыз. Аякларыгыз арыгандыр, сусагансыздыр, талчыккансыздыр. Мин сезне күптәннән көттем, сезгә дип күчтәнәчләр дә хәзерләгәндәй иттем. Урманнан иң кызыл алмалар сайладым, сезнең өчен генә саргаеп өлгергән чикләвекләр җыя алдым, бәхетегез шул икән, ризыгыгыз мул икән.

Әтәч: Кара әле, монда ерткычлар нинди яхшылар икән.

Төлке: ( үз – үзенә ) Менә дигән тәмле ашлар…Менә юләр башлар, үзләре килеп керделәр. ( Тавык белән Әтәчкә ):

Әйдә керик өемә,

Кунак булырсыз менә.

( Әтәч белән Тавык Төлкенең өенә кереп китәләр)

Төлке: Утырыгыз шушында,

Ашый торыгыз, менә.

Мин күршегә кереп чыгам,

Танышырга чакырам.

( Төлке күршесе янына йөгерә. Бүре чыга.)

Бүре: У – у – у – у, у – у – у – у!

Ничә көн инде мин ач,

Куян тотып булмагач,

Хәлем бер дә яхшы түгел

Азык табып булмагач.

Төлке: Күршекәем, кара әле,

Минем арттан бар әле

Анда ике юләр баш-

Пешереп ашарбыз тәмле аш. ( Китәләр )

( Төлке өе яныннан Куян узып бара. Өйдән Тавык белән Әтәч чыгып баралар.)

Куян: Син, Әтәч әфәнде, артыграк батырланасың, берни белмичә кыланасың, Төлкенең кем икәнең соңгарак белерсең, бу өйгә керүеңә бик үкенерсең, ләкин ул чакта инде соң булыр, хәйләкәр төлкенең тамагы туйган булыр.

Тавык: Монда бит шундый яхшы ерткычлар яши, алар беркемгә дә тимиләр.

( Тиен килеп җитә һәм ул да кызып сөйләп китә. )

Тиен: Бу оядан тизрәк сызыгыз, төлке кармагыннан котылыгыз. Төлке ул бик хәйләкәр ерткыч, аның өендә калу бик куркыныч.

Әтәч: Төлке безне шундый шат каршы алды. Аның турында бездә бик яхшы фикер калды.

Тиен: Әй, юләр башлар, хәзер икегезне дә пешереп ашар.

( Әтәч капчыкка күз сала, аның тавык йоны белән тулы икәнең күрә. )

Әтәч: Ай – ай, харап булганбыз, чыннан да бик ялгышканбыз!

Тавык: Кыт – кыт кытыйк, кыт – кытыйк.

Әйдә тизрәк сызыйк. ( Әтәч белән Тавык чыгып качалар, Төлке белән Бүре аларны эзлиләр, ләкин таба алмыйлар.)

Бүре: Нихәл инде буу – у?

Ышандым шушы Төлкегә,

Калдым шулай көлкегә. ( Төлке белән Бүре башларын иеп чыгып китәләр. )

( Музыка тавышы кире ишегалдына алып кайта. )

Алинә: Шулай итеп, Әтәч белән Тавык чак исән калганнар.

Камилә: Нинди кызык әкият!

Алинә: Әйдәгез, дуслар, әтәч – тавыкларны ашатыйк. Ил гизәргә чыгып китмәсеннәр, хәйлә сөючеләргә эләкмәсеннәр.

Җыр:

15 бала. Йомшак кына кар яуды,

Бөтен җирне каплады.

Ап – ак булды болыннар,

Ап –ак булды киң кырлар.

16 бала.Кыш бабай килгән,

Ап – ак тун кигән.

Көтәм: кем генә

Чыгар дип өйдән.

Чыксаң чеметә,

Битне өшетә,

Менә шул аның

Бөтен эше дә.

17 бала.

Кыш бабай. Ай, арып киттем әле мин. Картайдым шул… Ә минем оныгым Кар кызы кая соң?

Балалар җавабы.

Төлке, Песи, Кар кызы керәләр.

Песи. Нәрсә шаулашасыз? Менә ул Кар кызыгыз!

Төлке. Кыш бабай, Кар кызың кирәкме? Без аны бүләкләргә алыштырабыз.

Кыш бабай. Ай –ай –ай!!! Сез ничек оялмыйсыз? Ярар, сезнеңчә булсын, алыгыз бүләкләрне. Минем кызымны кайтарыгыз (капчыкны бирә)

Песи белән төлке капчыкны алып чыгып китәләр.

Кыш бабай. Исәнме, кызым! Менә, ниһаять, син безнең белән. Ә сез, балалар, борчылмагыз. Мин бит тылсымчы. Песи белән Төлке алып киткән капчыкта чын бүләкләр түгел, ә күркәләр һәм ылыслар гына булыр.

18 бала. Суык бабай, алтыным,

Битләрең кызарган.

Әйдәле, бер биик,

Уздырып кызлардан.

Кыш бабай. Әйе шул. Инде бер матур итеп бер биеп алсаң да була! Бүген бит бәйрәм!

Кыш бабай биюе.

Кыш бабай. Ярый, инде балаларны бүләкләр белән сөендерер чак җитте. Ә бүләкләрем гади генә түгел, аларны чанага салып алып килергә кирәк..

Кыш бабай. Менә чана белән сандык та килеп җитте. Аны ачарга кирәк… Ләкин ул ни өчендер ачылмый әле…

А.б. Буратиноның алтын ачкычы бар бит! Аның белән ачып карыйк.

(Буратино ачкычын Кыш бабайга бирә).

Кыш бабай. О – о –о! Рәхмәт! Бер – ике – өч, ачкыч йозакны ач! ( сандык ачыла, аның эчендә җеп йомгагы). Син, тылсымлы йомгак, капчыкны тизрәк алып кил!

Кыш бабай йомгакны “Тылсымлы бүлмә”гә ыргыта. Беренче тартып чыгарганда йомгакта итек, икенчесендә бер баланың әтисе, өченчесендә бүләкләр белән капчык ияреп чыга. Капчык артыннан Төлке белән Песи дә керәләр.

Песи. Гафу итегез безне.

Төлке. Без бүтән алай явызланмабыз.

Икесе бергә. Бәйрәмегездә калырга рөхсәт итегезче.

Кыш бабай. Балалар, гафу итәбезме бу явызларны?

Балалар. Итәбез.

Кыш бабай. Ярар, елга бер генә килә торган тылсымлы Яңа ел бәйрәме хөрмәтенә гафу итәбез сезне. Калыгыз безнең бәйрәмебездә.

А.б. Төлке , син хәйләкәр дә, җитез дә, Яңа елны табып, алып кил әле безгә.

Кыш бабай. Менә дусларым, сезгә

Яңа ел бүләкләре.

Матур, рәхәт яшәгез,

Шул минем теләкләрем.

(Кыш бабай белән Кар кызы бүләкләр өләшәләр)

Кыш бабай. Көтеп алган очрашулар

Тиз генә үтеп китте

Инде хәзер саубуллашып

Китәр вакытлар җитте.

Күңел тынычлыгы телим,

Яңа елда һәркемгә

Бәхет, шатлык, сәламәтлек

Юлдаш булсын гомергә.

Кар кызы. Бәйрәм үтте, ә Яңа ел

Һәрбер өйгә киләчәк

Яхшы булсын, имин булсын

Матур булсын киләчәк.

Кыш бабай. Рәхмәт әйтик чыршыбызга,

Матур бәйрәме өчен.

Рәхмәт әйтик кунакларга

Килеп караган өчен.

Яңа елга яңа юлдан,

Нык басып бердәм керик.

Иң изге, саф теләкләрне

Бер – беребезгә телик.

А.б. Яңа бәхет, зур уңышлар

Алып килсен Яңа ел.

Шатлык белән үтсен һәр көне.

Котлы булсын, Яңа ел!

Җыр “Бер яшькә үстем”

                                           
ЧЫРШЫ БЭЙРЭМЕ!!
                                      (уртанчылар торкеме)

(балалар
аяк очларында керэлэр, чыршы тирэли  басалар)
ал.б. 
Курэсезме  чыршыны
Матур итеп киенгэн
Безгэ калын урманнан
Ул кунак булып килгэн.
1 бала:
исэнме чыршы исэнме
Яна ел килеп житте!
куңелле чыршы бэйрэмен
балалар куптэн көтте!
2 бала:
Нинди матур безнең чыршы
жем-жем итеп яна ул!
Башлыйбыз чыршы бэйрэмен
(бергэ)Котлы булсын –«Яна ел»

«кыш
житте» дигэн жыр башкарыла
1бала:
Елочка –красавица пришла к нам в дет.сад
зимняя пушистая
Порадуй,всех ребят
2 бала:
На веточках снежинки
И шарики блестят
конфеты и фонарики
яркие горят.
3 бала:
От  еловых лапок
Запах так чудесен
Мы споем для елочки
Много звонких песен.
                      « Елочка, заблести огнями»
Ал.б.
Бакчабызда бик жылы
Чыршыбызда бик матур
Яңа елны каршылыйбыз
Биибез дэ,жырлыйбыз….
Чу!Тавыш каян дыр килэ!
Тып-тып итеп кем керэ?
Кемдер ап-ак карга батып,
Бирегэ бик ашыга!
(борынсыз Кар бабай керэ)
Ал.б.
Исэнме Кар бабай!
Кар б.
Исэнмесез балалар!
Исэнмесез нэнилэр!
(укереп елый башлый)
Ал.б.
Кар бабай!Нэрсэ булды.
Ни өчен куз яшьлерен коясын?
Кар б.
Басып тордым урамда.
Куян килде яныма
Кишер-борыныма кызыгып
Алып китте еракка
Ал.б.
Безге куян килмэде
Кишерне дэ бирмэде
Хэзер безгэ Кыш бабай
Кунакка килэ!
Сина яңа борынны
Тиз генэ ясап бирә!
Кар.б.
Яна борын кирэкми!
Куянны тотып эрлим!
Уземнең кишеремне
Мин инде эзлэп китим.

Ал.б.
Кар бабай син борчылма
Матур чыршыга кара
Кар.б.
Менэ  сина мэ!Могжиза бу,могжиза!
Ал б.
Кунелсезлэнмэ,Кар бабай,
Безне

ң белэн уйнап ал!
Кар.б.
Уйнарга мин яратам
Дусларымны мин
табам!
Дусларым, сез
килегез,
Тугәрәккә
басыгыз!!

«Кар бабайлары биюе»

(балалар
урындыкка утыралар)

Кар
б.
Рэхмэт сезгэ,балалар!
Мине көлдердегез!
Инде хэзер,Кыш бабай дип
Бергэ чакырырбыз!!!!

Эйдегез
эле балалар бергэ чакырабыз
Балалар:
Кыш бабай!Кыш бабай!
( музыка астында  кыш бабай белэн кар кызы керэ)
Кыш б.
Исэнмесез ,балалар!
Кар к.
Исэнмесез, кунаклар!
Кыш б.
Без урманнан сезге ашыктык
Бэйрэмге килер очен
Булэклэрне куплэп тутырдык
Сезге таратыр очен.

Кар кызы:
Монда уен ,биюлэр
Шаян,кызык мэзэклэр
Барысы да бар икэн
Яле син дэ Кыш бабай,
Табышмакларны эйт
Безнен зирэк балалар
Жавапларны тиз табар.
Кыш б.
Хэзер карыйк…
1нче табышмак:
хаваларда алар очалар
ак мамакытай жиңеллэр
Ялтырый,жем-жем итэлэр,
Эйлэнеп жиргэ төшэлэр?
Ал.б.
Балалар! Нэрсэ ул!
Балалар:
Кар бөртеклэре.
Кар кызы:
Кар бөртеклэр! Килегез!
матур итеп биегез!
«кар бөртеклэре» биюе.
Кар б.
Куңелле кар явып уткэн
Хэзер барсын себерэм.
(себеркесен алып себермэкче була,»Кар бөртеклэр»качалар).
Кыш б.
Кем буген ин шаяны
Ин куннеле наяны
Ул бик матур уенчык
Йэ,эйтеп кара аны
Балалар:
«Петрушка»
(Петрушка биюе башкарыла)
Кыш б.
Э мене сезгэ өченче табышмак!

Озындыр
колаклары
Калтырый тэпилэре
Уйлама инде озак
Кем ул.,Йэ,эйт!
Балалар:
Куян!
куян кереп килэ.
Куян:
Кемнэр мине чакыра.
Узлэренең  янына?
Менэ мин!,мин килдем монда,
Балаларга кунакка!
Кар б.
Менэ кем кишеремне,
Узенэ алып китте!
(куянны куа башлый)
Куян:
Мине бик тиз тоттылар!
Булды житте-бирелэм ,
Урлаган кишеремне!
Сезгэ кайтарып бирэм!
(кишерне кар бабайга бирэ)
Кар к.
Курыкма син бездэн куян!
Тимэбез сина бүтэн
Буген монда зур бэйрэм.
(куянга зур кишер бирэ)
Куян:
Эй,куяннар килегез
Матур итеп биегез!
(куяннар биюе башкарыла).
Кыш б.
Эй балалар!Нишлэптер чыршының утлары янмый бит!?
Эйдэгез бергэлэп
Чыршы янына килик!
Төрле төстэге утларны
Шатланып без кабызыйк!
Балалар:
Чыршы!Чыршы !
Утларыңны кабызчы!(2 тапкыр).
Ал б.
Чыршы өчен Кыш бабай
Рэхмэт эйтэбез бергэ,
Балалар шунын өчен,
җыр жырлый хэзер сина!
«Кыш бабай»дигэн жыр башкарыла.
К.Б. балалар сез эле генэ менэ мине биеттегез. Э хэзер минем сезнең белән уйныйсым
килә.

«Ошетэм»диген
уен башкарыла.
Кыш б.
Эйлэн-бэйлэн уйнадык
Биедек тэ,жырладык
Инде хэзер балалар
Шигырь сойлэп карарлар.
шигырьлэр (3-4 шт.)
Кыш бабай:
Безгэ вакыт китэргэ
Кирэк барып житэргэ
Башка балалар көтэ
Бэхетлэр телим сезгэ!
Кар кызы:
Кыш бабай! Син булэклэреңне оныттыңмы бирергэ?
Эллэ инде балаларны
Яратмыйсыңмы бер дә?
Кыш бабай:
Эй! Мин  онытканмын да,
Бар да килегез монда!
Капчыкта бар бер йомгак
Артыннан йөгрик тизрэк!
(чыршы эйленесендэ йөгереп,сандык
табалар)
Куян:
Менэ нинди хэзинэ!
Яшельчэлэрдер монда!
Кар б.
Куян,тик тор,дэшмэле,анда кар бортеклэре!

Кыш бабай:
Яшелчэдэ юк монда!
Хэм дэ кар бортегедэ
Бары тик балаларга
Тик зур булэклэр монда(булэклэр тараталар)
Кыш бабай:
Чыршы эйленэсендэ
Жырлап биедек бергэ.
Кар кызы:
Яна елны каршылау
Ку

ңелле булды безгэ!
саубулыгыз балалар!

Чыршы бэйрэме!

(урта
төркем өчен яңа ел сценариясе)

“Чыршы белэн булган хэл”.

Катнашалар:
Убырлы.
Әтәч.
Тылсымчы.
Алып баручы

(Себеркегэ атланып Убырлы керэ. Себеркесен туктата алмый) .

У.Тыр-тыр-тыр… Тыр ,- дим ! Йэ алла, тыр, -дим.

(Убырлы себеркесен кочкэ туктатып кырыйга куя. Кулы белэн битен жиллэтеп йори башлый , йогереп кергэн Әтәчне курми , бэрелешэлэр. Әтәч кул-аякларын жэеп егыла. Убырлы аны карап эйлэнеп чыга, кул-аякларын кутэреп карый. Алар шап итеп идэнгэ килеп тошэлэр. Убыр кулларын угалый.)

У. улгэн ахры … Хи-хи-хи..
Ә. (Сикереп тора) Кем улгэн?

(Убырлы куркып кырыйга сикерэ, дер-дер калтырый. Әтә танымагандай ике ягына да чыгып карый).

Ә. (Танып) эй, Убыр, син тугелме соң бу?
У. ( Соенеп) И-хи –хи , эйе шул. Котымны алдың. Нишлэп йорисең?(Кылана).
Ә. э-э, минме? Мин балаларның бэйрэмнэрен бозарга дип килгэн идем.
У. (Шатланып.) Мин дэ шуңа йорим ич, ихи-хи-хи –хи.
Ә. эйдэ, хихылдап торма эле монда. Эш турында уйларга кирэк.
У. Ничава , мин барында курыкма син.
Ә.(Серле итеп пышылдый). Белэсеңме ?
У. Белэм!
Ә. Нэрсэ белэсең соң син , чупрэк баш ! эйбэтлэп тыңлап бетер!
У. (Кыланып колагын куеп тыңлый). Ярар , ярар.
Ә. (Як-якка каранып ала) Балаларның чыршыларын урларга кирэк.
У. эйе шул, чыршылары булмагач, бэйрэмнэре дэ бозылыр.
Ә. Кемдер килэ, эйдэ качып торыйк.

(Алып баручы керэ).

А.б.. Уф мин бит инде бэйрэмне башларга тиеш. Ә әле монда чыршы да юк. Кая шушы тирәдә берәр чыгарып ташлаган чыршы юк микән эзләп килим әле.

(Качкан жирдэн Әтәч белэн Убырлы чыга).

Ә. эхэ, теге чыршыга китте.
У. Безгэ ничек тэ моны алдалап чыршыны урларга кирэк.
Ә. энэ, чыршыны алып та килэ.
У. эйдэ , тагын качып торыйк.( Качалар).

(Чыршы күтәреп керэ).

А.б. Менэ чыршы да булды. Инде тиз генә уенчыкларны алып килим.Тукта әле чыршыны монда калдырып китиммә инде.Урласалар.(уйланып тора).Әй мин бик тиз килеп җитәм бит.Бер аягым монда булса, икенчесе тегендә.(китә)

(Арттан Әтәч белэн Убырлы чыга. Әтәч бер ягыннан килеп куркыта да, Чыршы икенче якта торган Убырлы кулына ава).

Ә:Әхэ, менэ чыршы безнеке.
У. Бизэргэ кирэк моны.
Ш. Чуртым белэн бизикме аны?!
У. (Уйлап тора.) Таптым! ( Бер капчык тартып чыгара , аннан рогатка ала. ) Менэ монсын узган жэйдэ бер малайдан колагын борып алдым. Кырлай урманында кошларга атып йори иде. (Чыршыга элеп куя.
» 1”ле, «2” ле билгелэрен ала. ) э боларын юлдан таптым.
Мэктэптэн кайтучы балаларның сумкасыннан тошеп калганын курдем дэ, туктале мин эйтэм, кирэге чыгар, дип тыгып куйган идем.
Ә. (Убырлының кулыннан алып эйлэндереп-эйлэндереп карый.) Кара эле эй, бигрэк матурлар.
У. (Әтәчнен кулыннан тартып ала. ) эйдэ, тизрэк элеп куярга кирэк.
Бик кызыксаң, минем чормада ике капчык бар эле ул. (Элэ).
Ә. хи-и-и, бигрэк матур булды инде.

(Икесе бергэ жырлап биилэр, Чыршыны да кулыннан тотып мэжбури биетэлэр, эйлэндерэлэр).

Убырлы . хэм Әтәч

Чыршы яшел тунын киеп,
Чыгып басты уртага.
Киендердек, бизэндердек,
Әзерлэндек Ёлкага.

жырлыйбыз да, биибез дэ,
Бүген чыршы янында.
Чыршысыз калды балалар
Бүген Носы авылында

У. эйдэ, бау бир , бэйлибез.
Ә. (Бау тартып чыгара.) хи- и, бар ул андый нэрсэ, мэ.

(Әтәч бау алып килэ. Чыршыны остэн аска кадэр бау белэн эйлэндереп бэйлилэр).

Ә. хи –и-и, бэйрэмнэрен тэки бозабыз бит, эй. эйдэ , кутэрдек.

(Убырлы кабаланып эле себерке янына йогереп килэ, эле чыршы янына, кайсын тотарга белми. Шулай ике арада бераз йогереп йоргэч, кочкэ себеркене бер кулына тотып, бер кулы белэн Әтәчкә Чыршыны кутэрергэ булыша , чыгып китэлэр. Алып баручы йогереп керэ).

. А.Б: Ә чыршы кайда соң? Юк… Кая китте икэн ?
Нишлим инде хэзер. Балалар да килеп житэр.
. Аларга нэрсэ дип эйтербез?
Мин узем гаепле. Чыршыны көчкә эзләп таптым, ә узем узен генэ калдырып киттем.
Их, табылса бутэн алай эшлэмэс идем
Табылмас шул инде. Шушы Яңа ел бэйрэмендэ берэр могжиза булса гына инде. Яңа ел бэйрэмендэ ботен телэклэр дэ утэлэ, дилэр бит.
. Их, хэзер бер тылсым булсын иде.

(Тылсымчы керэ).

Т. Я кайсыгыз мине чакырды?
А.б.. Сез кем буласыз?
Т. Танымыйсызмыни?
А.б: Тануын таныйм да…Тылсымчылар экиятлэрдэ генэ була дип уйлый идек.
Т. эйе, Яңа ел бэйрэмендэ барлык экият геройлары да экиятлэрдэн чыгып, балалар янына килэлэр. Явызраклары торле начарлыклар эшлэргэ момкин. э дус , бердэм балаларга алар берни дэ эшли алмыйлар. Менэ буген сезнең бәйрәмгә Әтәч белэн Убырлы килделэр , Чыршыны шулар урладылар.
А.б:. Ах, Чыршыны калдырып китмэгэн булсам. Хормэтле Тылсым иясе, зинхар безгә Чыршыны коткарырга ярдэм итегез.
Т. Ярдэм итэрмен. Лэкин сезгэ дэ тырышырга туры килер. Убырлы Чыршыны 2 табышмак белэн сихерлэп биклэп куйды. Чыршы мэктэптэ укымагач. Ул табышмакларның жавабын белми икэн.
А.б:. Тизрэк эйтегез ул табышмакларны. Без табышмак чишэргэ яратабыз.
Т. Кешенен дусты, йортын сакчысы.

А.б. Таптым! Эт– бу табышмакның жавабы.
Т. Ә хэзер икенчесен тыңлагыз.
Укталы да , чукталы,
Муены яшел нукталы,
Тубэсендэ тарагы,
Койрыгында урагы,
Тэпиендэ сэнэге,
Шул ни булыр, я эле?
А.б: Белдем! этэч!

Т. Булдырдыгыз, акыллы балалар икэнсез. Тагын бер соравым бар эле. эйтегез эле, ни очен бу табышмаклар эт һэм этэч турында булды икэн ?
1б. Узган ел – әтәч елы иде.
2б. Ә, Яңа ел эт елы булачак.
Т. Булдырдыгыз. Хэзер Убырлы белэн Әтәч Чыршыны монда алып килерлэр. (Тылсымлы таягын болгап жибэрэ).

(Чыршыны житэклэп Әтәч белэн Убырлы керэлэр).

Ә. Балалар безне гафу итегез инде , без ялгышканбыз.
У. Без бутэн алай эшлэмэбез.
Т. Гафу итэбезме аларны?
А.б: эйдэгез , гафу итик, бэйрэмне бозмыйк.
А.б. энэ бәйрәмебезгә кунаклар да килэ.

Бәйрәм башланып китә.

Алып баручы:

Хэерле кон дуслар! Исэнмесез –олыгыз да, кечегез дэ, яшегез дэ, картыгыз да. Туган жиребезгэ Яңа ел килэ. Без дэ буген Яңа елны каршы алу бэйрэменэ жыелдык. Барыбыз бергэ куңелле итеп бэйрэм итик эле.

Уеннар.

1.киенү-тугәрәктә

2.шарлар.

3.уклау

4.муенга бау кию

5.музыкаль уеннар

Кыш бабай: Балалар, дусларым! Сезнен барыгызнын да унган, булган икэнлегегез куренеп тора. Минем шушы матур яна ел кичендэ сезнен барыгызныда бәйрәм белән котлап китэсем килэ. (котлау телэклэр эйтелэ)

Кыш бабай: Кадерле дусларым, сезне тагын бер кат Яна ел белэн котлыйм. Сезгэ бэхет, шатлык, укуыгызда, эшегездэ зур унышлар телим, бэхетле булыгыз. Бик кызганыч, лэкин безгэ китэргэ вакыт житте. Безне эле башка мэктэплэрдэ дэ котэлэр.
Убырлы: Кыш бабай сез киткэнче эйдэгез эле бергэлэп, чыршы тирэли биеп алыйк.

Татарча кумэк бию башкарыла, биюдэн сон кыш бабай, кар кызы,хэм башкалар барысы да бергэ чыгып китэлэр
Кыш бабай: Хушыгыз дусларым , килэсе елга кадэр.
Кар кызы: Хушыгыз дусларым, хушыгыз. Сезгэ иминлек, матурлык, татулык телим.
Яна ел: хушыгыз, барыгызны да бэйрэм белэн.
Ал.б.: Яна еллар килсен бэхет алып,
Яна еллар килсен елмае.
Кунеллэрдэ мэнге шатлык булсын,
Яшэмэгез, дуслар монаеп.

Ал.б.: Зур ометлэр белэн каршылыйбыз
2018нче ел башын,
Игелек хэм михербанлык кына
Булсын иде синен юлдашын.
1нче ал.б.: Кадерле бер кунак коткэн кебек
Яна елны котте йорэклэр,
Белэклэрдэ яна хезмэт дэрте,
Кунеллэрдэ яна телэклэр.
2нче ал.б.: эй дустым, каршыла
Яна ел юллары ун булсын.
Елларнын коне куп, шуларнын барсы да
Куанып яшисе кон булсын.
1нче ал.б.: эй дуслар, эле дэ бэйрэмнэр бар. Бугенге коннэрдэн ничек атлар иден? омет белэн тулы хислэренне доньяга ничек белдерер иден?
2нче ал.б.: Шулай дустым! Кара тирэ-ягына , янында туганнарын, дусларын якташларын бар. Бэхет телэ син аларга. хэр елмаюлы карашны шундый ук жылы караш белэн каршыласын. Бер-беренэ изгелектэн боек эшлэр башлана. Яна елга беренче адым изгелек булсын.
1нче ал.б.: э хэзер (уеннар) ____________________________
________________________
1нче ал.б.: Чэчэк кебек ап-ак карлар яуды
Туган ягын сагынып кыш килде.
Ак буздэй йомшак кар белэн
жирне билэулэп торде.
Кыш ул узе йорми ялгыз гына
житэклэгэн куркэм бэйрэмне,
Нинди бэйрэм? диеп сорамагыз,
Буген бездэ …………………………..

(уеннар)__________________________________
__________________________________
1нче ал.б.: Язмышлардан узмыш булмаса да,
Тотып бэхет дигэн ачкычны
Яна елнын яна капкаларын
Топкэ кадэр каерып ач, дустым.
2нче ал.б.: Ач син, шыгырдатып бу капканы
Яшик эле жырлы коннэрдэ
Уй-фикерлэр эшкэ ашсын быел,
Хыял-тошлэр кучсен оннэргэ.
1нче ал.б.: Куклэр аяз, донья имин булсын,
Хэерчелек ишек какмасын.
Шэфкатьле бул, беркем бу тормышта
Шатлык чэчеп, кайгы тапмасын.
2нче ал.б.: Яна ел программасынын беренче олеше тэмам. Барыгызны да яна еллар белэн!

1. /Сценарии новогодних праздников/Ап-ак карлы Яна ел.doc 2. /Сценарии новогодних праздников/Ашык безг? Яна ел.doc 3. /Сценарии новогодних праздников/Батыр куяннар.doc 4. /Сценарии новогодних праздников/Елмай бэхет.doc 5. /Сценарии новогодних праздников/Зарыгып коттек ел буе.doc 6. /Сценарии новогодних праздников/Кар кызы бэйрэмгэ чакыра.doc 7. /Сценарии новогодних праздников/Кыш бабайда сер бар.doc 8. /Сценарии новогодних праздников/Р?хим ит, Яна ел.doc 9. /Сценарии новогодних праздников/Саумы, Яна ел.doc 10. /Сценарии новогодних праздников/Серле алан.doc 11. /Сценарии новогодних праздников/Хуш килэсен Яна ел 2.doc 12. /Сценарии новогодних праздников/Хуш килэсен Яна ел.doc 13. /Сценарии новогодних праздников/Хуш килэсен, Кыш бабай.doc 14. /Сценарии новогодних праздников/Чишмэ, ак син, челтер-челтер.doc 15. /Сценарии новогодних праздников/Чыршы бэйрэме 1.doc 16. /Сценарии новогодних праздников/Чыршы бэйрэме.doc 17. /Сценарии новогодних праздников/Яна ел бэйрэменэ.doc 18. /Сценарии новогодних праздников/Яна ел йолдызнамэсе.doc 19. /Сценарии новогодних праздников/Яна ел кичэсе.doc 20. /Сценарии новогодних праздников/Яна ел.doc 21. /Сценарии новогодних праздников/Яна елны каршылаганда.doc

Ап-ак карлы Яңа ел Ашык безгә, Яңа ел! (1–4 сыйныфлар өчен сценарий) Батыр куяннар Уртанчылар төркеме өчен Яңа ел тамашасы Кыш бабай. Яңа еллар килсен бәхет алып, Яңа еллар килсен елмаеп. Күңелләрдә мәңге шатлык булсын, Яшәмәгез, дуслар, моңаеп. Кар кызы Зарыгып көттек ел буе (бакча балалары һәм башлангыч класс укучылары белән үткәрү өчен төзелгән Яңа ел сценарие) Кар кызы бәйрәмгә чакыра Кыш бабайда сер бар (3 күренештән торган әкият-тамаша) Катнашалар Рәхим ит, Яңа ел! (Мәктәпкәчә һәм кече яшьтәге мәктәп балалары белән Чыршы бәйрәме үткәрү өчен үрнәк) Катнашалар Саумы, Яңа ел! (Әдәби-музыкаль кичә) Серле алан Нурания Җамалиева Катнашалар ХушкиләСЕҢ, ЯҢа ел! Урта сыйныфлар өчен Яңа ел тамашасы Хуш киләсең, Яңа ел! (Яңа ел кичәсе өчен әдәби-музыкаль композиция) Катнашалар Хуш киләСЕҢ, кыш бабай! Мәктәпләрдә, балалар бакчаларының мәктәпкә хәзерлек группаларында Яңа ел кичәсе үткәрү өчен Катнашалар Чыршы бәйрәме Җиңел генә көй яңгырый. Балалар, аяк очларында йөгереп кереп, чыршы тирәли тезеләләр. Балалар Чыршы бәЙРӘме (башлангыч сыйныф укучылары өчен) Программа «Кар кызы бәйрәмгә чакыра» дип аталган тамаша күренешләре арасындагы чыгышлар рәвешендә төзелгән. Тамаша үрнәге «Кар кызы бәйрәмгә чакыра» дигән файлда бирелде Яңа ел йолдызнамэсе (5-8 нче сыйнфлар өчен сценарие) Катнашалар ЯҢа ел кичәсе (V ix сыйныф укучылары өчен) Хуш киләсең, Яңа ел! Яңа елны каршылаганда (Сәламәтлек театры үткәрү өчен сценарий) катнашалар

Чыршы бәйрәме

Җиңел генә көй яңгырый. Балалар, аяк очларында йөгереп кереп, чыршы тирәли тезеләләр.

Балалар. Исәнме, чыршы!

Алып баручы. Исәнмесез, дуслар! Исәнмесез барыгыз да, олыгыз, кечегез, яшегез, картыгыз! Туган җиребезгә Яңа ел килә. Бүген без дә Яңа ел бәйрәменә җыелдык. Барыбыз бергә күңелле итеп бәйрәм итик әле.

1 нче бала.

Чәчәк кебек ап-ак карлар ява,

Туган якны сагынып кыш килде.

Ак бүздәй йомшак кар белән,

Җирне биләүләп төрде.

2 нче бала.

Кыш ул үзе йөрми ялгыз гына

Җитәкләгән күркәм бәйрәмне,

Нинди бәйрәм? – диеп сорасагыз,

Балалар (бергә). Бездә бүген чыршы бәйрәме!

Кыш яки чыршы турында җыр җырлана.

Үсте чыршыбыз урманда Шаулап торды ул анда.

3 нче бала.

Үсте чыршыбыз урманда

Шаулап торды ул анда

Җәен дә, кышын да зифа,

Яшел тора һаман да.

4 нче бала.

Хәзер чыршыбыз бизәнгән,

Муенсалар да элгән.

Безгә шундый матур бәйрәм

Яшел тора һаман да

Алып баручы. Нидер җитми бит чыршыга,

Карагызчы, балалар!

Белдем, белдем: утлар янмый,

Нигә янмый соң алар?

Бәйрәмебез гади түгел

Зур шатлыклар бәйрәме,

Чыршы балкып торыр иде,

Ничек кабызыйк аны?

Балалар. Тылсымлы таяк белән.

Алып баручы. Кайдан алыйк икән соң без ул тылсымлы таякны?

Хат ташучы саескан керә.

Саескан. Менә сезгә Кыш бабайдан телеграмма.

Алып баручы. Кая, кая? Кыш бабай нинди хәбәр җибәрде икән? (Укый.)

Юлны бик зур көрт баскан, Кайгырмагыз сез шулай да,

Шуңа бик әкрен киләм, Чыршы төбендә күп кар,

Кызурак та килер идем, Көри торыгыз шунысын –

Түшәлсә юлга чирәм. Кар астында бер сер бар.

Берничә бала кечкенә көрәкләр алып чыршы төбен көри. Ак мамыкка уралган тылсымлы таяк килеп чыга.

Алып баручы. Чү, чү! Бу тылсымлы таяк түгелме соң? (Карый.) Шул үзе! Менә хәзер чыршыны да кабызырга була. Әйдәгез, балалар, барыбыз бергә:

«Чыршы, чыршы, кабын син,

Утларыңны балкыт син!» дип кабатлыйк. Ә мин тылсымлы таякны селтим.

Балалар сүзләрне кабатлыйлар. Алып баручы таякны селти. Утлар кабына. Чыршы турында җыр җырлыйлар.

Алып баручы. Кыш бабай озаклады бит, балалар. Карт кешегә карлы юлдан атлавы авыр шул. Ничек ярдәм итик икән аңа?

Кызылтүш костюмы кигән бала.

Кыш бабайга без үзебез Юлны чистартыйк кардан без,

Булышырбыз бергәләп. Җыелышып, күмәкләп.

Кызылтүш костюмнары кигән балалар бииләр.

Фонарьлар. Ә без, нәни фонарьлар, юлны яктыртырбыз. Кыш бабайга килергә якты булсын.

(Фонарьлар биюе башкарыла.)

Алып баручы. Рәхмәт сезгә, кошчыклар, рәхмәт сезгә, фонарьлар. Хәзер Кыш бабайга килүе җиңел булыр, тиздән килеп тә җитәр ул.

Залга бер-бер артлы кар йомарламнары очып керәләр.

Алып баручы. Нигәдер салкын булып китте. Бу ни хикмәт? Кар йомарламнары оча. (Ишеккә бара.) Ә, менә безнең белән кем шаяра икән. Ай-һай, Кыш бабай, шаян да инде үзең, кер әйдә тизрәк. Сине күптән сагынып көтәбез.

Кыш бабай.

Исәнмесез, балалар!

Исәнмесез, әниләр!

Исәнмесез, әбиләр!

Исәнмесез, бәбиләр!

Тирән карларны ерып,

Борынымны өшетеп,

Озын юллар үттем мин,

Сезгә килеп җиттем мин.

Һай, чыршыгыз бигрәк матур,

Елык-елык яна ул,

Бәхетле һәм сау булыгыз,

Котлы булсын Яңа ел!

Басыгыз чыршы тирәли –

Бер җырлап алыйк әле,

Бер уйнап алыйк әле,

Бер биеп алыйк әле,

Яшел чыршы тирәсендә

Җилкенеп калыйк әле.

Җыр җырлана.

Кыш бабай. Ә хәзер уен уйнарбыз. Музыка уйнаганда барыбыз да биибез. Ул туктауга кем нинди кыяфәттә кала, шул килеш селкенми торырга тиеш. Кем селкенә, шул бала уеннан чыга. Мин аны урынына утыртам.

Музыка берничә кабат уйнала һәм туктый. Һәр уен саен Кыш бабай селкенгән балаларны берәмләп-берәмләп утырта тора. Уен ахырына бер җиңүче калырга тиеш. Кыш бабай җиңүчегә приз бирә яки балалар кул чабып алкышлыйлар. Уеннан соң Кыш бабай башын тотып арлы-бирле йөри башлый. Эзләнә, чыршы астын барып карый.

Алып баручы. Кара әле, Кыш бабай, ни булды сиңа?

Кыш бабай. Оныгымны эзлим. Кая китте икән?

Алып баручы. Ул бит әле килмәде.

Кыш бабай. Һм-м… Килмәде, дисең инде алайса. Алай… Куян, Төлке, Аю, килегез әле монда. Хәзер тиз генә урманга барып Карчәчәкне алып килегез.

Җәнлекләргә дуга бирәләр. Алар шуңа җигелгән сыман итеп, чыршы тирәли әйләнәләр һәм Карчәчәк өе янына килеп туктыйлар.

А ю, Т ө л к е, К у я н. Карчәчәк, син өйдәме? Чык әле бире!

Карчәчәк өендә ут кабына. Җыр көйләгән тавыш ишетелә.

Аю, Төлке, Куян. Карчәчәк, чык инде!

Карчәчәк чыга.

Карчәчәк. Исәнмесез, урман җәнлекләре! Мине нигә чакырдыгыз?

Аю. Балалар сине бакчада чыршы бәйрәменә көтәләр.

Карчәчәк. Мин һич каршы түгел, киттек тизрәк.

Дугага бәйләнгән бауны дилбегә сыман итеп тотып, чыршы тирәли әйләнеп чыгып балалар каршысында туктыйлар. Җәнлекләр урыннарына утыралар.

Карчәчәк.

Исәнмесез, балалар!

Исәнмесез, кунаклар!

Яңа ел белән сезне,

Яңа бәхетләр белән!

Яңа елда зур үсегез,

Көн дә артсын көчегез.

Ел үсәсен ай үсегез!

Илгә хезмәт итегез!

Яңа елда уңышлар

Телим сезгә мин, дуслар!

Балалар. Рәхмәт, Карчәчәк.

Карчәчәк.

Шундый матур бәйрәмне,

Бушка уздырмыйк әле.

Сез, балалар, кул чабыгыз,

Бер биеп алыйм әле!

(Карчәчәк бии.)

Кыш бабай.

Бас, кызым Карчәчәк,

Син басмасаң мин басам,

Синең баскан эзләреңә,

Мин дә китереп басам.

(Кыш бабай да биеп китә.)

Кыш бабай. Уф, ардым! (Егыла. Карчәчәк белән алып баручы күтәреп утырталар.)

Карчәчәк. Мин бии дип, сиңа да хәлдән тайганчы биергә димәгәндер бит инде, бабакай.

Алып баручы. Утыр, Кыш бабай, ял ит! Хәзер шигырьләр тыңларсың.

Балалар шигырьләр сөйлиләр. Сөйләп бетергәч Кыш бабай яңадан торып әрле-бирле йөри башлый.

Алып баручы. Ни булды тагын, Кыш бабай?

Кыш бабай. Менә, балаларны капчыкка салып урманга алып китсәм ничек булыр икән?

Алып баручы. Барырга теләүчеләр булса бик тә әйбәт инде. Барасызмы, балалар?

Балалар. Барабыз, барабыз!

Кыш бабай 3—4 баланы киң итеп тегелгән төпсез капчыкка кертеп, капчыкны, бәйли һәм күтәреп китмәкче була. Капчык төпсез булганлыктан, буш капчыкны күтәреп китеп бара.

Балалар көләләр. Уен 2-3 тапкыр уйнала.

Елаган тавыш ишетелә.

Кыш бабай. Ни булды, кем елый?

Иркәбикә керә, үкереп елый.

Кыш бабай. Ә…ә…ә… бу син икән, Иркәбикә, һаман шул начар гадәтеңне ташламадыңмы әле? Ни булды тагын? Нигә елыйсың инде? Ничек тынычландырыйм инде бу кызны, бәйрәмнең ямен җибәрде ләбаса.

Иркәбикә (буш урындыкка утырып елый). Эссе! Миңа эссе!

Карчәчәк.

Якын дусларым!

Ак чәчәк кебек

Челтәрле карлар!

Бире очыгыз,

Җиргә төшегез!

Кар бөртекләре тезелешеп килеп, биеп кире утыралар.

Иркәбикә (аяк тибеп). Миңа салкын!

Кыш бабай. Кызкайны җылытыгыз, тизрәк юрган китерегез!

Иркәбикә (бераз дәшми утыра һәм кинәт кычкыра). Якты! (Утны сүндерәләр.) Караңгы! (Утны кабызалар.) Якты! (Тагын сүндерәләр.) Караңгы! (Кабызалар.) Күңелсез! (Елый.)

Кыш бабай.

Наяннар, бире килегез!

Тизрәк бер бию биегез!

Петрушкалар бии. Иркәбикә тагын елый башлый.

Кыш бабай. Ни эшлик инде бу елак белән? Тәки бәйрәмне бозарга маташа бит бу.

Алып баручы. Син бит тылсымчы, Кыш бабай, берәр тылсым уйлап тап.

Кыш бабай. Һай, карт хәтер, карт хәтер. Әлбәттә. (Сакалыннан бер бөртек йолкып алып нидер пышылдый.) Көл, Иркәбикә!

Иркәбикә кычкырып көлә башлый.

Кыш бабай (тагын бер бөртек сакалын өзеп пышылдый). Бие, Иркәбикә!

Иркәбикә биергә тотына.

Кыш бабай, Карчәчәк, алып баручы – бар да бергә биеп китәләр.

Иркәбикә. Нинди күңелле икән еламагач. Рәхмәт сиңа, Кыш бабай. Балаларга да күңелле булсын әле, әйдәгез, бергәләп биик.

Күмәк бию.

Иркәбикә. Болай гына булмый инде, Кыш бабай, күчтәнәч тә өләшеп җибәр.

Кыш бабай. Өләшербез, әлбәттә. Тик, Иркәбикә, сиңа бүләк булмас ахры.

Иркәбикә. Нигә инде, Кыш бабай?

Кыш бабай. Нигә дип сорап торган буласың тагын. Елак бит син, кирәксә дә елыйсың, кирәкмәсә дә.

Иркәбикә. Юк, Кыш бабай. Башка һич тә еламам.

Кыш бабай. Ярар, карап карарбыз алайса. Кая соң әле минем күчтәнәч салынган капчыгым? (Эзли.) Тылсымлы таягым, әйт әле, күчтәнәчләр кая? (Тыңлый, елмая.) Болай булгач, күчтәнәчсез калдыгыз барыгыз да. (Иркәбикә үкереп елый башлый.) Ә мин, балалар, Иркәбикәне генә сынамакчы булган идем. Ул еламаска сүз бирде, үзе сүзендә тормый бит.

Иркәбикә (кинәт елаудан туктый). Юк, юк, Кыш бабай, онытылып кына киттем, еламыйм.

Кыш бабай.

Ярый алайса, бик әйбәт,

Хәзер капчык та керер.

Күчтәнәчеңне алып,

Атлап түгел, йөгереп

Кер, капчыгым, тизрәк!

Күчтәнәч бик тиз кирәк.

Капчык керә. Аның эченә бер бала яки зур кеше кереп утыра. Чыршы артына китеп бара.

Кыш бабай. Син кая киттең болай?

Капчык. Ил гизәргә, Кыш бабай.

Кыш бабай. Әйтче әле, капчыгым, син ни эшләргә тиеш?

Капчык дәшми.

Кыш бабай.

Тиеш син тик торырга!

Әллә уйлыйсыңмы син,

Миннән алдан йөрергә?

Капчык.

Бүләк тутырып эчемә,

Килдем мин дә бирегә.

Ләкин, Кыш бабай, бүген,

Эшлим барсын кирегә.

Кыш бабай (ачуланып таяк шакылдата да ачулы тавыш белән).

Кар, боз, буран, өермә,

Тик тор, димен, йөремә!

Капчык.

Ярый, туктыйм, Кыш бабай.

Менә капчык, туп-тулы,

Эчендә нәрсә бар икән?

Балалар әйтсен шуны.

Балалар. Күчтәнәчләр.

Капчык.

Ай, һай-һай, малай,

Зирәк икәнсең алай.

Кыш бабай (капчыктан бер пакет бүләк ала). Калган күчтәнәчләр кая?

Капчык. Калган күчтәнәчләр чыршы төбендә. (Чыгып китә.)

Кыш бабай белән алып баручы чыршы төбеннән күчтәнәчләр алалар. Башлап Иркәбикәгә бәрәңге тутырылган пакет бирәләр.

Иркәбикә. Шушымы инде, Кыш бабай, синең күчтәнәчең? Балалар, карагыз әле.

Кыш бабай. Юк, Иркәбикә, балаларга мин башка төрле күчтәнәчләр әзерләдем. Менә. (Кәнфитләр тутырылган пакетлар өләшә. Иркәбикә ни эшләргә дә белми карап тора, елыйсы килсә дә түзә, еламый.) Балалар, монда тагын бер пакет калды. Бусы кемгә соң? (Балалар дәшми.) Балалар, бу Иркәбикәгә инде, күрәсезме, ул күчтәнәчкә бер пакет бәрәңге генә алса да бу юлы еламады, түземлеге җитте. Аңа бу күчтәнәч.

Иркәбикә. Рәхмәт, Кыш бабай! Моннан соң мин дә елак булмам, түзем булырмын. Әйдәгез чыршы белән саубуллашып бер җыр да җырлап алыйк әле.

Җырлап чыршы тирәли әйләнеп чыгалар.

Кыш бабай.

Бәйрәм үтте, сәгать сукты –

Яңа ел килә безгә.

Яңа бәхетләр китерсен

Сезнең һәрберегезгә.

Килермен киләсе елга,

Ә сез белем туплагыз,

Белем кирәк һәр кешегә,

Ялкауланып тормагыз.

Нәкъ шунда, шушы сәгатьтә,

Йөгерә-атлый килермен,

Кемнең мине тыңлаганын,

Шул чагында белермен.

Карчәчәк. Сау булыгыз, дуслар! Киләсе елга кадәр, дуслар

Балалар. Сау бул, Кыш бабай.

Кыш бабай белән Карчәчәк чыгып китәләр.

Балалар чыршы белән саубуллашып, җыр җырлап, чыршы тирәли әйләнәләр һәм залдан чыкканда: «Хуш, чыршы!» дип чыгып китәләр.

Бәйрәмнәр, туйлар өчен. Тамаша үрнәкләре. Сәмига Сәүбанова туплавында. Казан, «Раннур» нәшрияты, 1999.

Яңа ел бәйрәме
2 кечкенәләр төркеме
“Кыш бабайда кунакта“

Балалар биеп керәләр (кулларда мишура) һәм ярым түгәрәккә басалар .

Җыр: “Елочка”
1)У ребяток наших Припев: Ай-да, елочка
Елочка большая. Посвети, посвети.
Огоньки на елке Ай-да, елочка
Весело сверкают. Погляди, погляди.
2)Не коли нас елочка 3)Мы поем и пляшем
Веточкой мохнатой. Весело сегодня.
Убери иголочки У ребяток наших
Дальше от ребяток. Праздник новогодний.

Алып баручы: Балалар, әти-әниләр, әби-бабайлар, абый-апалар, кунаклар,
без бүген барыбызда Яңа ел бәйрәменә җыелдык.
Каршылыйк, дуслар бергәләп
Яңа ел килә безгә.
Әнә күпме кунак килгән
Әйләнә тирәбезгә.
Яңа елның бәхетле ел
Буласын без беләбез.
Шуңа күрә бергәләшеп
Яңа елга керәбез.

Балалар шигырь сөйлиләр:
1)Исәнме, чыршы, исәнме, 4 )Елочка, елочка
Яңа ел килеп җитте. Вот она какая.
Күңелле чыршы бәйрәмен Стройная, красивая
Без бик сагынып көттек. Яркая, большая.

8 )Ап-ак тун киеп , кыш килде,
Ап-ак булып кар ява.
Без дә кидек җылы туннар,
Куркытмый салкын һава.

9)Бүген бәйрәм –Яңа ел
Бөтен җиргә кар яуган.
Яңа елны каршылап
Балалар да җыелган.

Алып баручы: Нәни дусларым, мин сезгә бер табышмак әйтәм, җавабын
белсәгез без бүген аңа кунакка барырбыз.
Сакалы ак, үзе бик шат,
Балаларны ярата.
Яңа елда балаларга-
Күп бүләкләр тарата.
Кем ул? (Кыш бабай)
Алып баручы: Әйе, әйдәгез җырлап-биеп, күңел ачып Кыш бабай белән Кар
кызына кунакка барыйк.
Хоровод:”Снег-снежок”

Каршыга Төлке килеп чыга, кулында кәрҗин.
Төлке: Исәнмесез ! Сез монда Кыш бабай белән Кар кызын күрмәдегезме ?
Алып баручы: Юк, күрмәдек.Безне бүген Кыш бабай кунакка чакырган иде,
без шунда барабыз. Ә син ,Төлке кая барасың ?
Төлке: Минме… Мин дә Кыш бабай белән Кар кызы янына барам. Яңа ел
җитте , минем дә бүләк аласым килә.

Төлке ата-аналар янына якынрак килә дә сөйли.
Төлке: Килеп җитте өр Яңа ел
2017 ел – әтәч елы бит диләр
Мондагы чеби- әтәчләр
Ел буена җитәрләр.
Кыш бабайның конфеты
Кирәкми миңа бүтән.
Табыйм әле бер хәйлә…
Төлке түгел мин юкса.
-Нәни дусларым, карагыз әле Кыш бабай монда булган бит, таягын да онытып калдырган (чыршы янына килә). Алыйм әле үзе күрмәгәндә, кирәге чыгар.Минем бит әле өйдә кечкенә төлке балаларым да бар, аларга чыршы-дан берничә уенчык та алыйм. Сез шыпырт кына торыгыз, сез мин алды дип әйтмәгез. Әйтмисезме ?

Алып баручы: Төлке, сорамыйча бер әйберне дә алырга ярамый.
Төлке: Шулаймыни, ярар инде, сез күзләрегезне йомып торыгыз , йомыгыз,
Йомыгыз (чыршыдан берничә уенчык та ала, кәрҗиненә сала).
Дусларым, карагыз әле монда Кыш бабайның капчыгы да кал-
ган бит. Тутырыйм әле шушы чебиләрне, әтәчләрне монда.
Алып баручы: Син төлке менә монда утырып тор, алар сикереп капчыкка
үзләре керерләр .Кызык итик әле төлкене (капчыкка төлке күрмә-
гәндә берничә туп салып куялар , ә үзләре качалар). Шыпырт
кына утырыгыз, төлке үзе белән алып китәр.Төлке менә капчыгың
әзер.

Төлке капчыкны күтәреп чыгып киткәндә.
Төлке: Ай-яй , капчыгы да бик авыр, Яңа елны каршыларга ит булды, әзер.
(чыгып китә).

Алып баручы:Балалар, әйдәгез түгәрәккә басыйк та җыр җырлап юлыбызны
дәвам итик, Кыш бабай белән Кар кызы безне көтеп аргандыр.
Җыр: “Маленькая елочка”.

Каршыга Кар кызы килеп чыга:
Матур бәйрәм җырыгыз
Яңгырагач еракка.
Мин дә сезне ишетеп
Килдем каршы алырга.
Бәйрәм белән барыгызны.
Котлы булсын Яңа ел.
Яңа ел белән чебиләрем
Яңа ел белән әтәч дусларым.

Алып баручы: Кар кызы , ә Кыш бабай кая соң?
Кар кызы: Ул сезне каршы алырга дип китте.Әйдә чакырыйк үзен.

Бергә: Кыш бабай, Кыш бабай.
Кыш бабай:
Исәнмесез, балакайлар, 
Юксынмагыз килдем мин. 
Миннән башка бәйрәм булмас, 
Килгәнсездер, дидем мин.
Чыршыны да бизәдем
Сез дә үсеп җиткәнсез. 
Рәхмәт сезгә, балалар, 
Безгә кунакка килгәнсез. 
Әйдә, килегез тизрәк. 
Ясыйк матур түгәрәк! 
Безгә кунаклар килгән, 
Уйныйк, җырлыйк бергәләп!
Җыр: ”Елочка”
1)Елочку зеленую Припев:Елка, елочка !
В гости мы позвали. Просто загляденье!
До чего нарядная, И пушиста и стройна
Елка в нашем зале. Всем на удивленье !
2)Кружатся за окнами 3.Нам сегодня весело
Белые метели . День такой хороший.
А у нашей елочки Пляшут все у елочки,
Игры да веселье. Хлопают в ладоши.

Алып баручы: Кыш бабакай, без чыршы турында җыр да җырладык.Тик
чыршының утлары нишләптер янмый.
Кыш бабай: Кая әле, кар кызым, китер минем серле таягымны.
Кар кызы: Кая куйдың соң таягыңгы Кыш бабакай?
Кыш бабай: Дусларым, сез күрмәдегезме ?
Чебиләр , әтәчләр: төлке алып китте.
Алып баручы: Әнә, төлке үзе дә килә.
Төлке :Исәнме Кыш бабай, исәнме Кар кызы.Менә мин дә килеп җиттем.
Кыш бабай: Төлке, син минем таягымны кая куйдың !
Төлке: (еламсырап керә) Алдаганнар мине чебиләр, әтәчләр. Капчыгыма
туп салып куйганнар.Гафу ит Кыш бабай,таягыңны мин уйнап кына
алган идем. Менә таягың (Кыш бабай чыршының утларын яндыра),
кәрҗинемдә әле уенчыкларым да бар, мин аларны чыршыдан
алган идем.
— Ой,Кыш бабай, алар кар бөртекләренә әйләнгәннәр.Карагыз әле.
Кар кызы: Төлке дускай, бир әле кар бөртекләрен монда, минем нәни чеби-
ләрем алар белән бик матур бию бииләр.
Кар бөртекләре биюе.

Алып баручы: Ай булдырдылар, чебиләр. Әле безнең гайрәтле әтәчләребез
дә бар бит.Аларны каршы алыйк. Чөнки 2017 ел – әтәч елы.
Алар киләсе елның хуҗалары.
Әтәчләр биюе.
Әтәчләр бииләр һәм ахырдан төлкене куып җибәрәләр.
Төлке: Ой-ой, зинһар, тимәгез миңа.Китәм мин, китәм.
Алып баручы : Төлке дә курыкты безнең батыр әтәчләребездән.
Бабакай ,без сиңа шигырьләр сөйләп алыйк.

12)Ерактан суык яклардан 16) Кыш бабай килгән,
Боз чанага утырып Ап-ак тун кигән.
Бәйрәмгә киле Кыш бабай Көтәр кем генә
Күчтәнәчләр тутырып. Чыгар дип өйдән.
Чыксаң чеметә
13) Уянып, бүген иртән Битне өшетә.
Карасам тәрәзәгә Менә шул аның-
Аксакаллы Кыш бабай Бөтен эшедә.
Кар алып килгән безгә.

14)Кыш бабай мине 17) Матур бәйрәм җырыбыз
Бүген син макта. Яңгырагач еракка
Бер яшькә үстем Кыш бабабыз ишетеп
Син килгән чакта Килде безгә кунакка.
Кыш бабай Яңа елда
15)Җилкәсенә капчык асып, Күчтәнәчләр тарата.
Кыш бабай килеп керде. Биеп, җырлап, көлдерә дә
Төрле кызык сүзләр әйтеп, Куандырып калдыра.
Бүләк өләшеп йөрде.

Алып баручы: Балалар, Кыш бабайга бер биеп тә күрсәтик.
Полька
Кыш бабай:сез бик матур итеп биедегез, минем сезнең белән уен уйныйсым
килеп китте.Ясыйк әле түгәрәк.

Кыш бабай белән уен.
Алып баручы:Кыш бабабыз утырып аргандыр инде, әйдәгез Кар кызы белән
үзләрен биетеп алыйк. Бабакай, бераз утырып тор.Без сиңа
тагын шигырьләр сөйләп алыйк.
18)Ах, какой хороший 19) Дед мороз идет на праздник
Добрый Дед Мороз. В красной шубе, в валенках.
Из лесу нам елку Он несет с собой подарки
К празднику принес. Для детишек маленких.
20)Без бүген чыршы янында
Әйлән-бәйлән уйнарбыз.
Кыш бабайны каршыларбыз,
Яңа җырлар җырларбыз.
21)Кыш бабай, кыш бабай,
Безгә бик таныш бабай.
Сакал, мыек, ап-актан.
Килгән безгә ерактан.
22)Безгә бүген Кыш бабай
Зур бәйрәм бүләк итте.
Яңа ел бәйрәменә
Чыршы да килеп җитте.
Конфет, шоколад өләшә.
Бүләк бирә һәркемгә.
Яңа ел, чыршы бәйрәме
Булсын иде һәр көн дә.

23)Шук та инде Кыш бабай
Ап-ак карлар яудыра.
Минем чаналарымны
Кар астында калдыра.
Онытмадык без Кыш бабайны,
Былтыр да килгән иде.
Сөендереп, безгә бик күп
Бүләкләр биргән иде.

Кыш бабай: Роза кызым, ярый әле искә төшердең, бүләкләр бирәсемне.Бер
бик матур итеп җырлап күрсәтсәгез, мин сезгә бүләкләрне тара-
тырмын.
Җыр: Кыш бабай.
1.Җилкәсенә капчык асып 2)Синең белән бик күңелле
Кыш бабай килеп керде. Чыршы әйләнәсендә.
Яңа ел белән котлады Син алып килгән чыршыны
Елмаеп сәлам бирде. Бизәдек бүлмәбезгә .
Куш-та: Кыш бабай без сине сагындык,
Кыш бабай без сине көттек.

Кыш бабай: Рәхмәт сезгә балалар.Бик күп һөнәрләргә өйрәгәнсез. Карагыз
әле мин сезгә күпме бүләк алып килдем.
Алып баручы: Кыш бабай, Кар кызы рәхмәт сезгә шундый матур бәйрәм
оештырган өчен, безгә кайтырга кирәк. Без юлны белмибез бит,
озатып куегыз әле безне.
Алып баручы тагын бер тапкыр бәйрәм белән котлый. Кыш бабай белән Кар кызы балаларны озаталар.

Алып баручы:

Хәерле көн, дуслар!

Без бик шат сезне күрүгә.

Елмаюлы йөзләр күргәч,

Күңелләр сөенә.

Яңадан килеп җитте

Чыршы бәйрәме.

Түземсезлек белән

Көттек бу көнне.

Тарих китабына кереп,

Иске ел китеп бара.

Шатлыклар төяп

Өр-яңа ел килә.

Дусларым, Яңа ел могҗизаларга бик бай була. Сезнең дә шул могҗизаны күрәсегез киләме? Алайса рәхим итегез!

Бәйрәм кичәсен башлыйбыз. Кемнәрдер килә анда.

Хуҗа үгезне ияртеп керә. Агачлар артында убыр тыңлап тора.

Хуҗа. Әйдә инде, үгезкәем. Барыйк инде Яңа елга.

Үгез. Бармыйм. Бармыйм дигәч бармыйм инде.

Хуҗа. Бөтен халык сине көтә бит.

Үгез.11 ел буе болыннарда печән ашап, елгалардан су эчеп, ял итеп рәхәтләнеп йөрдем.

Хуҗа. Бер ял итеп, бәйрәм итеп кайтырсың.

Үгез. Анда баргач, нишлисен белмим, киемнәрем дә матур түгел.

Хуҗа. (үгезнең муенына дождик элә) Менә нинди матур булдың.

Убырлы тиз-тиз чыгып китә.

Хуҗа. (телефонына карый) Күпме хәбәрләр килгән әнә. Тыңлап кара.

Пәрдә эченнән балалар тавышы ишетелә.

— Исәнме Үгез абый! Әнием тиздән синең елың киләчәк диде. Без сине көтәбез. Матур җырлар, биюләр өйрәндек.

— Үгез абый, син килүгә мин бер яшькә үстем. Тәмле-тәмле күчтәнәчләр алып кил безгә.

— Үзең белән Кыш бабай һәм Кар кызын да алып кил.

Соңга калмагыз. Без сезне сагынып көтәбез.

Үгез (уйланып), Хуҗам, балалар да бик чакыра. Әллә барыйм микән бәйрәмгә.

Хуҗа. Күптән әйтәм бит инде. Бәйрәм бик күңелле булачак.

Үгез. Әйдә, алайса киттек.

Икесе чыгып китәләр.

Убырлы чыга. (телефоннан Кыш бабайга җыя).

-Алла, алло! Бу кем әле. Миңа Кыш бабай кирәк иде. Ә-ә-ә… Бу синме, Кыш бабай. Син Олы Арташ мәктәбенә килеп йөрмә. Сине беркем дә көтми.

Хәтта үгез дә килмим диде. Үз күзләрем белән күрдем хуҗа белән сөйләшкәннәрен. Кая килим дисеңме? Безгә кил. Урманга. Алло, алло…. Өзелде.

Убыр чыгып китә дә, яңадан керә.

Убыр. Яңа ел булмый быел, балалар. Көтеп тә утырмагыз.

1бала. Син нәрсә, Убыр.

2бала. Ялган таратып йөрисең.

Убыр. Булмый инде. Булмый дигәч, булмый инде. (себеркесенә атланып чыгып китә)

1бала. Ничек инде булмый?

2бала. Ә күпме кеше килде! Күпме әзерләндек!

Телефон шалтырый.

1бала. (телефонны ала) Алло..алло. Кыш бабай, синме? Була бездә бәйрәм, була. Әзерләнеп көтеп торабыз.

2бала. Урра! Кыш бабай килә.

Әйдәгез, бергәләп каршылыйк кунакларны (чыршы тирәли җыр җырлап әйләнәләр. Кыш бабай, Кар кызы, Үгез һәм башка җәнлекләр ияреп керә).

Кыш бабай. Исәнмесез, минем дусларым!

Урман-кырлар, биек таулар,

Диңгез-елгалар аша.

Килеп җиттек сезнең янга.

Кар кызы. Сезне сагынып

Килдек бәйрәмгә.

Җырлагыз, көлегез

Уйнагыз, әйдә.

Үгез. 2021 елга

Хуҗа итеп куйдылар.

Бик җаваплы эш

Миңа тапшырдылар.

Күкләребез аяз,

Илебез тыныч

Барыбыз да сау-сәламәт

Булыйк, дусларым.

Бәйрәм дәвам итә. Чыршы тирәли җырлап әйләнәләр. Балалар Кыш бабайга һөнәрләрен күрсәтәлә. Соңыннан уеннар уйныйлар.

Уеннар:

1. Алып баручы сүзләр әйтә (мәсәлән: печән, конфет, он, ипи, яулык һ.б).

Балалар сүз үгезгә кагылышлы була икән “Муу”диләр, кагылышы булмаса, эндәшмиләр.

2. Кәгазьгә Үгез рәсеме ясала, ләкин койрыксыз. Уенчының күзе бәйләнә һәм аңа койрык бирелә. Ул аны дөрес итеп куйса, җиңүче була.

3. Алып баручы табышмак әйтә. Уенчылар аның җавабын әйтмиләр, ә бәлки ясыйлар. Кем тиз һәм матур ясый, шул җиңүче була.

4. Ике тартмага бүләкләр салабыз. Коробкага 2 метрлы лента бәйлибез. Уртага ике уенчыны чакырабыз. Алар карандашка лентаны урыйлар. Кем беренче урап бетерә, бүләк-коробка аңа була.

5. Уенга 4 кеше чакырыла. Алар берсенең уң, икенчесенең сул кулы белән кар бабай ясарга тиеш булалар. Кемнәр тиз һәм матуррак ясый, шулар җиңүче була.

Бәйрәм тәмам.

Саба районы Олы Арташ төп мәктәбе укытучысы Дәүләтова Илсөяр Гаязетдин кызы.

«Хуш киләсең, Яңа ел!» (Миләүшә Хәсәнова төзегән сценарий)

«Очрашу — Яңа ел иртәсенә сценарий» (Гөлфизә Кәлимуллина төзегән сценарий)

«Кыш бабайның тылсым көче могҗизалар тудыра» — балалар бакчасы өчен сценарий (Гөлфизә Кәлимуллина)