Эзтабарга кабул ит? сценарий

Татарстан Республикасы Тәтеш муниципаль районы башкарма комитеты

“Бидәңге төп гомуми белем мәктәбе” муниципаль бюджет гомуми белем йорты

Эзтабарга

кабул итү бәйрәме

Саматова Г.Н.

Минкина Ә.М.

Октябрь, 2014 ел

1 алып баручы. Бәйрәм бүген,бәйрәм бүген.

                           Бөтен җирдә тантана.

                           Менә хәзер көттермичә

                           Безнең бәйрәм башлана.

2 алып баручы .Нинди бәйрәм бу дисезме?

                           Эзтабар бәйрәме бу.

                           Эзтабарга кабул итү-

                           Балачак бәйрәме ул.

1 алып баручы. Эзтабар юлы сезне

                           Алып барыр еракка.

                           Эзтабар ул- тырыш,кыю

                           Була белсен һәрчакта.

2 а. б. Кадерле укучылар! Бүген сез зур сынаулар үтеп, эзтабарлар сафына керергә

җыелдыгыз.

Гимн РФ,РТ

2 а. б. Дусларым! Ә сез эзтабарларның кемнәр икәнен беләсезме?

(Укучылар сөйли)

1. Кем укуда иң оста,

     Китап-дәфтәре чиста?

     Ул баламы?

     Ул бала – уңган бала –

     Эзтабар дип атала.

1. Кем булыша зурларга,

     Кем бик оста җырларга?

     Ул баламы?

     Ул бала – уңган бала –

     Эзтабар дип атала.    

1. Кем яратмый өчлене,

Ычкындырмый бишлене?

     Ул баламы?

     Ул бала – уңган бала –

     Эзтабар дип атала.    

1. Эзтабарлар кем дисәгез,

Җитез, өлгер балалар.

Варислардан һәр нәрсәдә

Әйбәт өлге алалар.

1 а. б. Сез эзтабарларның кем икәнен беләсез икән. Мин сезне “Эзтабарлар иле”нә сәяхәткә чакырам.

Беренче тукталышыбыз “Туган як” дип атала. (Экранда авыл күренешләре)

1. Яратам туган авылның

Елга, инеш, күлләрен.

Мондый гүзәл табигатьне

Беркайда юк күргәнем.

2 а.б. Укучылар, әйдәгез әле,белемнәребезне тикшереп китик.

1.Без нинди илдә яшибез?  (РОССИЯ)

2. Нинди республика? (Татарстан Республикасы)

3. Ә районыбыз нинди? (Тәтеш)

4. Туган авылыбызның исеме ничек? (Бидәңге авылы)

5. Урамыгыз?

6. Йорт номеры

  Булдырдыгыз,молодцы!

Җыр. “Кояшлы ил”

1 а.б. Икенче тукталышыбызның исемен беләсегез килсә, табышмакның җавабын табыгыз:

     Юл чатында тора батыр,

     Күзләре төрле-төрле,

     Берсен йома, берсен ача –

     Аны белә һәр кеше.

• Светофор.

2 а. б. Әйе. Бик дөрес. Икенче тукталышыбыз “Светофор” дип атала.

Светофор булып киенгән бала керә.

Светофор.  Нәни дусларым, сез мине таныйсызмы? Әйе, мин светофор. Юлда йөрүчеләргә  дөрес юлны күрсәтәм, тәртипсезләрне кисәтәм. Әйтегез әле, минем кызыл төсем нәрсәне аңлата?

• Кызыл төс туктап торырга куша.
• Сары төс ни ди?
• Сары төс әзерләнергә куша.
• Ә яшел күзем ни дип күз кыса?
• Яшел төс юл аркылы чыгарга рөхсәт бирә.

 Сез минем турыда нинди шигырьләр, җырлар беләсез?  

      1 укучы  Ш.Галиевның “Светофор” шигырен сөйлилэр

        Урамнарны күзәтеп, узганнарны кисәтеп

        Чатта тора светофор, сакта тора светофор.

        Янып тора өч күзе, күреп тора ич безне.

        Әйтеп тора өч сүзне:

       -Кузгалма!-ди кызыл күз,

       -Сабыр!-дия сары күз,

       -Ярый!-дия яшел күз.

        Без дә аңа карыйбыз, күзебезне алмыйбыз.

        Ни әйткәнен аңлыйбыз

       -Кузгалма!-ди кызыл күз,

       -Сабыр!-дия сары күз,

       -Ярый!-дия яшел күз.

Светофор. Юл уяуларны, сак булганнарны ярата. Моны беркайчан да истән чыгармагыз. Адымнарыгыз нык, юлларыгыз имин булсын! Сау булыгыз!

 1 а. б. Өченче тукталышыбыз  “Китаплар иле” дип атала.  Укучылар, нәрсә соң ул китап?

 — Китап – белем чишмәсе.

 — Китап – юл күрсәтүче маяк ул.

 — Китап хезмәтне яратырга өйрәтә.

 — Китап сәламәт яшәү серләренә төшендерә.

    Китап – киңәшчең синең,

   Дустың, ярдәмчең синең.

   Ул хөрмәткә бик хаклы

   Кадерлә син китапны.

         Ул яратмый пычракны,

         Керне, тузанны, тапны.

         Саф, керсез күңелең белән

         Бик чиста тот китапны.

2 а. б. Укучылар, ә менә китапларны кадерләп тотмаганда нәрсә булырга мөмкин икән? Мәктәбебезнең китапханәчесе Гүзәл апага сүзне бирик эле.

(Сайфутдинова Г.Ә.чыгышы)

1 а. б. Дүртенче тукталышыбыз “Эзтабар аланы” дип атала. Анда аллы-гөлле чәчәкләр үсә. Эзтабар  аланы безгә үзенең бик матур чәчәген бүләк итте. Бу чәчәк гади генә түгел, серле чәчәк. Ә сере нидә икән соң аның? Әгәр серле чәчәкнең таҗларына язылган биремнәрне төгәл үтәсәгез, сезне эзтабарлар сафына кабул итәчәкбез.

2 а. б. Дуслар, авырлыклар килгәндә кушап калмагыз, тапкыр һәм зирәк булыгыз. Сынауларны башлыйбыз

 Таҗдагы беренче бирем: Эзтабарларның кагыйдәләрен атагыз.  

• Эзтабар – кыю кеше.  
• Эзтабар – намуслы кеше.
• Эзтабар – кешелекле кеше.
• Эзтабар тагын да яхшырак булырга омтыла.

Таҗдагы икенче бирем: Мин кайсы әкияттән?

Сертотмас үрдәк: Багалмакай,матур алмакай, мием хуҗамны күрмәдеңме? – дигән. – Янында эте, кулында балтасы бар иде, — дип тә өстәгән

Кәҗә белән сарык:- Мики- ки- ки,мики-ки-ки,

                                  Капчыктагы бүре башы бит уники…

Шүрәле: Әйдәле, дускай, уйныйк бераз кети-кети.

Су анасы:   Тукта,тукта,качма,качма ,и карак….

Таҗдагы өченче бирем: Эзтабар вәгъдәсен әйтегез.

“Мин (исемнәрен әйтәләр), яхшы эзтабар булырга һәм эзтабар кагыйдәләрен төгәл үтәргә сүз бирәм.”

Бергә: Сезнең алда вәгъдә бирәбез:

            Бүгеннән башлап

Ялкауланмаска,

Артта калмаска,

Икеле алмаска.

Тырыш булырга,

Бишкә укырга.  

      1 а .б. Булдырдыгыз! Сез бүгеннән эзтабар булырга лаек.(Эзтабарга алалар.)

1. Ватаныбыз – кояш иле!

Күмелгән гөл-чәчәккә.

Эзтабарлар булып бүген

Атлыйбыз киләчәккә.

1. Эзтабар дигән исемне

Юкка гына алмыйбыз.

Киләчәкнең безнең кулда

Икәнлеген аңлыйбыз.

1. Атсын өчен Туган илнең

Һәр таңы матур булып,

Үсәрбез көрәшче булып,

Үсәрбез батыр булып.

4.Иң элек без тырышырбыз,

Көчсезләрне якларга.

Кечкенәдән өйрәнәбез

Табигатьне сакларга.

Җыр. “Балачак”

2 а. б. Яшь эзтабарлар! Бүген сезне шушы шатлыклы көнегез белән котларга

Сезнең әти-әниләрегез килгән. Әйдәгез, рәхим итегез! (котлаулар).

1 а. б. Шушының белән бәйрәмебез тәмам. Сезне тагын бер тапкыр эзтабар булуыгыз белән котлыйбыз      

Раздел	Начальные классы
Класс	2 класс
Тип	Другие методич. материалы
Автор
Дата	25.08.2015
Формат	docx
Изображения	Нет

Поделитесь с коллегами:

Вожатый: Исәнмесез, кадерле укучылар, хөрмәтле укытучылар! Без бүген шушы залга 2 сыйныф укучыларын эзтабар сафларына кабул итү тантанасына җыелдык. Мәктәп бусагасын бер ел элек атлап кергән бу балалар инде матур итеп укырга, чиста итеп язарга, мәктәптә үз-үзләрен дөрес итеп тотарга өйрәнделәр. Алар үзләренең укучы икәнлекләрен тырышып укулары белән дәлилли алалар. Ә менә бүгеннән башлап без аларга укучылар дип кенә түгел, ә Эзтабарлар дип тә дәшә башлаячакбыз.

Укучылар Эзтабар исеме алгач, сез тагы да көчлерәк, белемлерәк, мөстәкыйльрәк булырсыз. Шулай ук әйләнә-тирәдәге табигатьнең серләрен, туган ягыбызның тарихын өйрәнүгә дә зур өлеш кертерсез дип ышанып

калам.

Шулай итеп, мин бүгенге эзтабарлар сафына кабул итү тантанасын ачык дип белдерәм.

(Почтальон Печкин керә)

Печкин: Карагыз әле, бирегә никадәр кеше җыелган. Барыгыз да минем почта таратуымны көтеп утырмыйдыр бит?

Вожатый: Юк, Печкин абый без монда Сәрдекбаш мәктәбенең 2 сыйныф укучыларын эзтабар сафына кабул итү тантанасына җыелдык. Ә син үзең биредә ни йомыш белән йөрисең?

Печкин: Менә бит туры килүен әйт әле син аның. Мин кайчаннан бирле Сәрдекбаш мәктәбен эзлим. Мәктәпнең 2 сыфныф укучыларына посылка бар бит. Менә хаты да шушында.

(посылка, хатны тапшыра)

Мин сезгә посылканы бирдем, хатны тапшырдым.Калганы сезнең эш. Ә хәзергә сау булыгыз!

(чыгып китә)

Вожатый: Балалар бу нинди хикмәт инде тагын? Хатны укып карыйкмы соң?

(хатны укый)

» Бу тартманы ачып, анда нәрсә ятуын белү өчен минем тылсымнарымны бетерергә кирәк. Мин бу тартманы сихерләдем.

Убырлы карчык»

Вожатый: Димәк бу тартманы ачу өчен безгә Убырлы карчык үзе кирәк.Ә аны каян табарга? Бәйрәмне калдырып эзләргә китмичә булмас. Мин хәзер киләм озак тормам, ә сез тыныч кына утырып торыгыз яме.

(вожатый чыгып китә башлый, Убырлы керә)

Убырлы: Исәнмесез, саумысез балалар! Ә сез кая җыенасыз? Кая качып китмәкче буласыз? Мин сихерләгән тартманы кая алып бармакчы буласыз?

Вожатый: Исәнме, Убырлы карчык, Мин беркая да китмим, качмыйм да. Безгә менә шушы тартманы ачарга кирәк иде. Ярдәм итмәссез микән?

Убырлы: Тартманы ачасыгыз киләме? Бу эшне бик җиңел булыр дип уйлыйсызмы? Ай-яй акыл көчегез җитәр микән?

Вожатый: Ә син Убырлы безнең балаларны сынап кара. Алар бик акыллылар һәм тырышлар.

Убырлы: Үзем әкияттән булгач соравым да әкияттән булыр. Ә сез балалар әкият укырга яратасызмы?

-сез нинди татар халык әкиятләрен беләсез?

-Былтыр нинди әкияттән, ул кемне алдаган, бармакларын ярыкка кыстырган?

-сез тыйнак сыерчык турында әкиятне беләсезме, ә аның күршесе кем булган?

-әкиятләрдә ничек атыйлар:

-бака (бакылдык)

-тычкан (чыелдык)

-куян (куркаккай)

-аю (камыт аю)

-төлке (хәйләбай)

Бик дөрес җаваплар бирдегез бит әле сез. Зирәк, акыллы, белемле балалар икәнсез. Сезгә булышмыйча булмас инде. Ләкин балалар минем бик явыз апам да бар бит. Ул да бу тартманы сихерләде. Ул үзенең сихерен алмаса, сез бу тартманы ача алмаячаксыз. Мин бирегә апамны да алып килергә тырышырмын.

(чыгып китә)

Вожатый: Ярар балалар Убырлыны көтеп вакытны бушка уздырмыйк, бер уен уйнап алыйк.

(уен уйнау)

Убырлы крчык(2): Кая этәсең син мине? Чәчем дә таралмаган, өстем дә алыштырмаган. Монда бәйрәм түгелме соң?

Вожатый: Әйе, Убырлы карчык, бүген бездә зур бәйрәм. Без 2 сыйныф укучыларын эзтабарлар сафына кабул итәргә җыелдык.

Убырлы: Алай икән. Минем үземә генә бик күңелсез иде, сезнең белән бераз күңел ачармын әле.

Вожатый: Әбекәй, безгә менә шушы тартманы ачарга булыша алмассыз микән?

Убырлы: Алай икән. Әгәр минем күңелемне күтәрсәгез, бәлки булышырмын. Ә сез җырлый һәм шигырь сөйли беләсезме соң?

(аерым чыгышлар)

Убырлы: Рәхмәт балалар, рәхмәт оланнар! Ләкин тагын бер зур сынау калды бит әле. Сез эзтабарга керәбез дисез, з сез аларның кагыйдәләрен беләсезме соң?

Балалар хор белән: ( кулларын Э З Т А Б А Р дигән язу тоталар)

Эзтабар- кыю кеше.

Эзтабар — намуслы кеше.

Эзтабар- кешелекле кеше.

Эзтабар- тагы да яхшырак булырга омтыла.

Убырлы: Бу кадәр акыллы балаларны минем әле әкияттә дә очратканым булмады. Бигрәк белемле, тырыш балалар икәнсез.

Әфсен- төфсен, сихерем бетсен, убырлы үзе чыгып китсен.

(Убырлы чыгып китә. Вожатый тартманы ача, анда эзтабарлар китапчыгы. Китапчык турында сөйли, аңлата).

Галстуклар тагыла.

Вожатый: Яшь эзтабарлар! Сезгә республикабыз флагының бер почмагы булган галстуклар тагылды. Аны саклагыз! Аның белән горурланыгыз! Нинди генә эшкә тотынсагыз да , кая гына барсагыз да эзтабар булуыгызны онытмагыз!

(укучылар алга чыгып баса)

Хор: Мин__________ яхшы эзтабар булырга, эзтабар кагыйдәләрен төгәл үтәргә сүз бирәм!

Вожатый: Яшь эзтабар! Көн саен яхшылык кылырга әзер бул!

Хор: Без һәрвакыт әзер! ( 3 тапкыр)

1 ук. Яңгыр яуса ява бирсен,

Чал аяз күк миңа бүген.

Минем кебек көләч йөзле

Гүя бөтен дөнья бүген.

2 ук. Мәктәптән мин канатланып

Очып кына кайттым мин.

Эзтабарга кердем диеп

Өйгә кадәр чаптым мин.

3 ук. Белмим кая басканымны,

Бии-бии йөрим бүген.

Әнием дим, беләсеңме

Иң шатлыклы көнем бүген.

4ук. Атсын өчен туган илнең

Һәр таңы матур булып.

Үсәбез көрәшче булып,

Үсәбез батыр булып.

5 ук. Очкыннарны сүндермичә

Ялкын итеп үрләтәбез.

Шул ялкынны учак итеп

Өр-яңадан дөрләтәбез.

6 ук. Икелелә я өчлеләр

Алмабыз без ялгыш та.

Без зурлардан калыәмабыз

Бер адым да, карыш та.

7 ук. Ярдәмгә мохтаҗ булсагыз,

Ялгыз икән әгәр сез

Шунда ук килеп җитәрбез

Калдырмабыз ярдәмсез.

8 ук. Һәммәбез изге күңелле,

Һәммәбез Тимур кебек.

Кирәктә нечкә күңелле,

Кирәктә тимер кебек.

9 ук. Кешеләр елмаюында

Бар безнең өлеш.

Кешеләргә без бит шатлык

Һәм бәхет өләшәбез.

10 ук. Бөтен мәктәп каршысында

Чын күңелдән сүз бирдек.

Өйдә дә, мәктәптә дә

Үрнәк булырбыз дидек.

11 ук. Бар эшкә дә, көрәшкә.дә

Әзер торырбыз дидек.

Чын эзтабар булыр өчен

Тырышып укырбыз дидек.

12 ук. Безнең илгә белемле һәм

Намуслы кеше кирәк.

Туган ил өчен яшәрбез

Үсик әле тиз(е)рәк.

13 ук. Эшкә ашты теләгебез

Без эзтабар сафында.

Тантаналы вәгъдә бирдек

Мәктәбебез каршында.

14 ук. Җиңеп була кыенлыкны

Булсаң гына тапкыр, зирәк.

Тапкыр, зирәк булу өчен

Белем кирәк, белем кирәк!

15 ук. Хәзер хезмәт сөеп үссәк,

Үскәч җиңел булачак.

Шул чакта авырлыкның

Барысын җиңеп булачак.

16 ук. Без тырышлар токымы.

Йөрәктә зур көрәш очкыны.

Күп юллар бар безгә узасы,

Без илнең киләчәк хуҗасы.

Эзтабар бәйрәме

Пед.организатор: Без бүген сезнең белән зур бәйрәмгә җыйналдык, бүген

2 класс укучыларын эзтабарлар сафына кабул итәчәкбез. Алар инде менә 2

ай дәвамында эзтабарлар турында күп нәрсәләр өйрәнделәр, эзтабар

булырга әзерләнделәр. Әйдәгез аларны сәхнәгә чакырыйк әле. (Чыгып

тезеләләр). Хәзер сүзне аларга бирәбез.

1. Бүген бездә зур тантана

Елмаю йөзебездэ,

Эзтабарлар – кыю халык

Булабыз һәммәбез дә

2. Безнең класс, тату класс,

Юк !– дидек начарлыкка.

Өтәвенә һәркайсыбыз

Беркадәр начальник та

3.Сугышмыйбыз, елашмыйбыз.

Бик тәртипле йөрибез.

Бик яхшы билгеләр алып,

Укып яткан көнебез.

( Белем иле патшасы керә)

Белем иле патшасы: Нәрсә мактанып ятасыз, сугышмыйбыз дисезме,

тәртипле йөрибез дисезме? Әле бер көнне генә коридордан йөгереп уздыгыз

бит. Бу тәртип бозуга кермиме? Я әйтегез әле, тагыш шулай йөгерерсезме?

(балалар җавабы) Бүген эзтабар булырга җыенасыз икән, хәзер әйтеп

карагыз, кемнәр соң алар эзтабарлар ?

4. Кем укуда иң оста,

Китап—дәфтәре чиста—

Ул баламы? Ул бала—

Уңган бала—

Эзтабар дип атала.

5. Кем булыша зурларга,

Кем бик оста җырларга,

Ул баламы? Ул бала—

—Уңган бала—

Эзтабар дип атала.

6. Кем яратмый өчлене

Ычкындырмый бишлене—

Ул баламы?

Ул бала

—Уңган бала—

Эзтабар дип атала.

7.Кем ялкаулыкны сөйми,

Кем туры—дөрес сөйли—

Ул баламы

Ул бала

Ул бала уңган бала

Эзтабар дип атала.

8. Кем ярата кошларны,

Кемнең бик күп дуслары—

Ул баламы?

Ул бала

—Уңган бала

Эзтабар дип атала.

Белем патшасы: Күрәм, сез мин уйлаганнан күпкә яхшырак укучылар

булып чыктыгыз бит әле. Сез хәзер эзтабар булгач, походларга йөрерсез,

табигатьтә болай да күп буласыз инде сез. Хәзер мин тагын сынап карыйм

әле сезне. Агачларны, кошларны таныйсыз микән сез?

(Агачлар, кошлар күрсәтелә)

Белмәмеш керә: Ай—яй күп белүчеләр җыелган икән монда. Нәрсә, сезнең

минем кебек Белмәмеш буласыгыз килми мәллә. Менә бер нәрсә дә белмәгәч

миңа шундый рәхәт.Укытучылар сораса да белмим дип тик торам. Ник

эндәшмисез, минем кебек Белмәмеш буласыгыз киләме, килсә өйрәтәм

Балалар: Юк безнең күп беләсебез килә.

Белмәмеш: Тәк, “белгечләр”, әйтеп карагыз әле, Эзтабар кагыйдәләре ничек?

( укучылар эзтабар кагыйдәләрен әйтәләр.)

Белмәмеш: Кара тәки белделәр бит. Э сез ул кагыйдәләрне үтәргә әзерме

соң?

Балалар: Без һәрвакыт әзер!

Белмәмеш: Эзтабарларның лозунгысын беләсезме? Я ничек

Балалар: Һәр көнне игелекле эш эшлә!

Белмәмеш: Ә менә сез игелекле эш эшлисезме соң? Әйдә һәрберегез миңа

берәр игелекле эш әйтеп китегез әле.(Һәрберсе берәр игелекле эш әйтеп уза.)

Белмәмеш: Тукта, мин дә боларга бер игелекле эш эшлим әле. Минем аларга

алып килгән күчтәнәчләрем бар. Минем сорауларыма да тырышып җавап

бирделәр. Шуның өчен сыйлыйм әле мин аларны. (Күчтәнәч бирә) Нәрсә син

белем патшасы булдым дигәч тә, буш кул белән килдең мәллә?

Белем патшасы: Юк ла инде. Онытып җибәргәнмен бит.Минем дә кечкенә

генә бүләгем бар.( Бүләкләрен бирә)

Белем патшасы: Әйдә белмәмеш китик, боларның белмәгәннәре юк. Болар

чын эзтабарлар булачак. Әйдәгез сез сөйләгез, без әнә анда артка барып

утырыйк та, сезне шыпырт кына тыңлыйк.

Убырлы керә: Кара әле, шушыларны эзләп бөтен урманны айкадым. Менә

шушы мотосеберемнең аккумуляторы да утырып бетте. Мин сезгә бергә

барырбыз бәйрәмгә дидем бит, ник мине көтмәдегез.

Белмәмеш: Әй синең ул хәерче себеркеңгә ышансаң, йә ватылып калыр

дидек тә җәяү барырга булдык. Без бу нәни дусларны сынадык инде,

кайтабыз.

Убырлы: Туктагыз инде. Мин әзрәк сынап карыйм, сез көтеп торыгыз,

утыртып алып кайтырмын. Алай җиңел генә эзтабар булып булмый әле ул.

Минем дә сезгә әзерләгән сынауларым бар. Хәзер мин сезгә табышмаклар

әйтәм ә сез җавап бирерсез. (Табышмаклар әйтелә)

Менә сез хәзер икенче класс укучылары . Ә менә мәктәп сумкасын дөрес

итеп тутыра беләсезме соң әйдә тутырып карыйк әле.(Мәктәп сумкасын

тутыра дөрес тутырмаса аңлатасы, шулай ук тутырмый калдырган

әйберләрнең дә ни өчен калганлыгын аңлатасы) Әйдәгез миңа 1—2 шигырь дә

сөйләп, берәр җыр да җырлап күрсәтегез инде.

9.Эзтабарлар булгач без

Бик тырышып укырбыз.

Ярышларда сынатмабыз

Гел беренче булырбыз.

10. Эзтабарлар, варислар белән

Һәрчак алда атларбыз.

Үз бәхетебезне үзебез

Шулай эзләп табарбыз.

Җыр

Убырлы: Ярый сез бик күп беләсез икән. Мин дә сезне эзтабар булырга

лаеклы дип табам. Әйдәгез бәйрәмегезне дәвам итегез.

Белем патшасы: Кара бу саран Убырлыны. Үзе нинди затлы машинага

утырган, ә үзе шушы нәниләргә бер бүләк тә алып килмәгән.

Убырлы: Әй карт хәтер, алып килдем, урманнан кадәр алып килдем.

(Бүләкләрен бирә)

Пед.организатор: Укучылар сезне белем патшасы да, Белмәмеш тә, Убырлы

да бик сынадылар, алар сезне эзтабар булырга лаеклы дип таптылар, ә сез

үзегез эзтабар булырга телисезме, чын эзтабар булырга вәгъдә бирәсезме

соң?

Вәгъдә: Мин (Исем, фамилия) үрнәк эзтабар булырга, эзтабар кагыйдәләрен

үтәргә сүз бирәм.

Пед.организатор: Менә без сезгә эзтабар билгеләре тагабыз, Әйдә

Белмәмеш, Белем патшасы, Убырлы килегез әле бирегә, булышыгыз әле

миңа билгеләрне тагарга. (Укучыларга эзтабар билгеләре тагыла)

Пед.организатор: мин дә сезне чын күңелдән эзтабар булуыгыз белән

котлыйм. Тырышып укыгыз, тәртипле булыгыз, гел игелекле эшләр генә

эшләгез. Бәйрәмебез шушының белән тәмам.

2 нче класс укучыларын

эзтабарга кабул итү тантанасы

Исәнмесез, исәнмесез… киләм, киләм, киләм, киләм…. һич кенә дә килеп җитеп булмый бит әле, дускайларым, сезнең янга. Абау,бигрәк күп кеше җыелган монда! Миңа урын табылырмы икән инде. Эзтабарлар бәйрәменә чакыру алгач, шатлана – шатлана килдем. Шундый акыллы,уңган,булган нәниләрне ничек котламыйча калырга мөмкин ди? Булмаганны…

Кунакка буш кул белән йөрү килешми,шулай бит? Мин дә сезгә болай гына килмәдем. Бүләкләрем сумкамда. Нәрсә икәнен әйтмим. Башта сезне сынап карыйсым килә. Сынауларымны үти алырсыз микән.

Куян керә.

Исәнмесез, саумысез!

Хәлләрегезне белдем.

Сүзем кыска булыр минем.

Аз сөйләү – алтын,

Күп сөйләү – болтун.

Әрәм итмик вакытны

Уенда көч сынап карыйк

Менә сезгә шигырь яздым.

Ягез, укып карагыз,

Хатасын да табыгыз.

“Буталчык шигырь”уку.

Куян:Ай рәхмәт балалар. Бигрәк зирәк икәнсез, бигрәк тапкыр икәнсез. Мин дә калыйм әле сезнең янда. Рөхсәт итәсезме?

Әкият сөйлим сезгә

Тезеп сүзләрен сүзгә.

Ә сез отып калыгыз

Күңелегезгә салыгыз.

Әкият төше – алтындыр,

Аңлаганга – акылдыр.

Ялкаулык белән хурлык залга керәләр.

Ялкаулык: Шәп урынга эләктек без…

Хурлык: Сизәм,дуслар таптык без.

Убырлы:Ә се з үзегез кем буласыз?

Ялкаулык: Мин Ялкаулык

Минем белән

Дус булсагыз әгәр дә

Килмәс бернишлисе дә

Чаңгыда йөрисе дә,

Мәктәпкә барасы да,

Укыйсы, язасы да,

“5”леләр аласы да…

Хурлык:Ул чагында сезгә бик тиз

Хурлык килер балалар.

Ялкаулыклар һәр эштә дә

Хур булып кала алар.

Куян: Безнең балалар һич ялкау булмыйлар,

Хур булып та калмыйлар.

Тырышып укыйлар,

Шигырьләр сөйлиләр

Җырлыйлар,бииләр,

Бар нәрсәне беләләр.

Ялкаулык:Мактанмагыз!

Шигырьләр сөйләү белән мактаналар бит алар

Арифметик табышмаклар

Тыңлап карагыз әле

Аларны чишә алсагыз

Сөләшербез аннары.

Башладык.

Ялкаулык: Туктагыз,туктагыз

Әйдә ярар, җиңдегез.

Тик арагызда дуслар,

Ялкаулар юкмы соң?

Һич югында тик бер генә,

Ярты гына, чирек кенә

Торыр идем сөеп кенә…

Убырлы:юк булгач, юк инде

Хурлык: Әйдә ярар, башка җирдән эзләп карыйк. Сау булыгыз. Тик сак булыгыз.

Ялкаулык: Тукта,тукта… болай гына җиңелеп булмый бит. Бик матур бииләр диде бит Куян. Әйдә биеп күрсәтсеннәр әле. Бии белерләр микән?

Хурлык: Синең сүзең белән йөреп, бу балаларның белмәгән бер һөнәрләре дә юктыр ахрысы… вакытында моннан шылырга кирәк. Ярый, без киттек, безне башка җирдә көтәләр. (Чыгып китәләр)

Куян: Әйдә, Убырлы дускай, тагын бер әкият сөйлә инде.

Убырлы: Димәк бер сүз һаман да

Бик борынгы заманда

Саескан — сотник,үрдәк – урядник булган заманда яшәгән ди керпе агай. Исеме булган Сибай.

Керпе керә.

Киләм,киләм,киләм

Кунак булып сезгә.

Котламыйча мөмкин түгел

Сәлам сезгә миннән.

Минем шартым шул сезгә: бик җитез дә,бик шаян да, бик наян да икәнсез. әгәр бер җыр җырламасагыз, мине харап итәсез. Шулхәтле моңга сусадым. Җырлап ачыла күңел,җырлап ачылмаса күңел, мәңге ачылачак түгел. Җырлый беләсезме, нәниләрем?

(Җыр җырлыйлар)

 Бигрәк матур җырлыйсыз икән лә сез… Илһам Шакиров, Әлфия Авзаловалар көнләшерлек хәтта. Әйдәгез сезгә бер әкият сөйлим әле. Тыңлыйсызмы? Ярар башладык. Борын – борын заманда яшәгән ди, булган ди әби белән бабай. Аларның өйләре булган ди таштан, сөйлимме яңабаштан? ( ике тапкыр сөйли).

Куян: Син нәрсә инде Керпе агай. Балаларның башларын бутыйсың. Шундый әкият буламы инде. Менә үзем сөйлим хәзер. Тыңлагыз, балакайларым. Бик тә борынгы заманда, әле сез тумаганда, кәҗә командир, бәкәй бригадир, сыер сержант булган заманда булган ди,торган ди бер тылсымчы.

Бии – бии тылсымчы килеп керә.

Нинди матур бәйрәм бара монда…  Ә болары кемнәр? Бигрәк сөйкемле матур балалар. Сезнең бәйрәмдер инде бүген, шулаймы нәниләрем? ә сез бәйрәмгә дип шигырьләр өйрәнеп килдегезме соң? Әйдәгез, сөйләп күрсәтегез әле.

Әтәч бүген кичекте бит

Уятырга йокыдан.

Мин шул бүген үзем тордым

Соңарам, дип куркудан.

Күчкәнме бу залга

Дөньяның бар яме.

Күңелләр түрендә

Эзтабар бәйрәме.

Җырлыйсы килеп кенә

Тора барыбызның да.

Көтеп алган бөйрәме,

Бүген һәммәбезнең дә.

Җыр күтәрә күңелне,

Бар да көләч, шат бүген.

Эзтабарлар бәйрәме,

Котлагыз безне бүген.

Каләм тоту читен булса.

Булышты кара такта.

Барыннан да күбрәк

Өйрәтте укытучы апа.

Бик тырышып укыса,

Күп белем алса гына.

Бала туган иленен

Батыр кешесе була.

Эзтабар ул, кем дисәгез,

Хезмә сөйгән һәр бала.

Горур матур исеме белән

Эзтабар дип атала.

Эзтабарлар бик тэ булган

Тырыш, унган балалар.

Варислардан үрнәк алып,

Һәрчак алдан баралар.

Юлларда очраса каршылык,

Жилләргә, давылга кем түзә

Кем сезгә булышыр һәр жирдә

Көчлеләр,кыюлар,житезләр.

Без бит бүген эзтабарлар

Укыйбыз”4”кэ,”5”кә

Жин сызганып өйрәнәбез

Өлкәннәр кушкан эшкә.

Ялкаулыкны сөймибез без

Ялкаулык – хурлык.

Тырышлык булыр дустыбыз

Тырышлык – зурлык.

Эзтабарлар, эзтабарлар

Бик тә кыю балалар.

Беркайда да сынатмыйлар

Һәрчак алдан баралар.

Эзтабарлар булдык без

Барыбыз да акыллы.

Эзтабарларнын шигаре:

“Кон саен кыл яхшылык!”  

Галәмнең серләрен белергә

Укырга,эшләргә,төзергә.

Дус булып яшик без гомергә

Атлыйк без гел бергә, гел бергә.

Чынга ашты теләгебез –

Без эзтабарлар сафында…

Тантаналы вәгъдә бирдек

Мәктәбебез  каршында.

Сокланыгыз, сакланыгыз,

Без бит 11 фәрештә,

Зирәклектә сынатмыйбыз,

Алдынгы без һәр эштә.

Зәңгәр күгебездә  балкый

Якты кояш нурлары

Эзтабарлар- Туган илнең

Кызлары һәм уллары.

Эзтабар булганбыз икән

Мәрхәмәтле булырбыз,

Кулыбыздан килгән кадәр,

Игелек кылырбыз.

Тагын да зур үсәм мин

Бар эшкә дә өлгерәм.

Берәр эшкә тотынсам

Атлап йөрмим – йөгерәм.

Ераккарак, биеккәрәк

Очсыннар кошларыбыз.

Якты юл тели һәр йөрәк

Чын эзтабар булабыз без.

Без барасы юлларда

Очрамасын киртәләр.

Гел бәхетләр һәм шатлыклар

Алып килсен иртәләр.

Тыныч чакта һәрбер җирдә

Безнең теләк бер.

Игелекле эшләр кылырга

Без һәрвакыт әзер!

Эзтабарга кабул итү.

Июн — 8 — 2014

Вариска кабул итү

Педагог оештыручы: Касимова Г. Җ.

2016 ел, 19 май.

Максат. Татарстан Варислары Берлеге оешмасы, варисларның законнары, биеклекләре, кагыйдәләре турындагы белемнәрне камилләштерү; укучыларда патриотик хисләр тәрбияләү.               

Җиһазлау. Татарстан флагы, «Һәр көнне изгелек кыл!», «Без һәрвакыт әзер!»; “Варислар иле” плакатлары.

Ресурслар. Онытылмас мәктәп еллары. Мөгаллимнәргә, методистларга, тәрбиячеләргә методик кулланма. –  Казан, 2005.  ,“Ачык дәрес” газеталары,    Р. Миңнуллин шигырьләре, интернет.

Сборның барышы

I. Кереш өлеш. 

Сборга әзерлек эшләре алдан алып барыла. Татарстан варислары берлегенең тарихы, законнары, биеклекләре, шигырьләр, җырлар өйрәнелә.

II. Төп өлеш

Өлкән вожатый: 

  1 нче алып баручы:

— Исәнмесез, укучылар! Бүген без сезнең белән зур бәйрәмгә җыелдык! “Варислар иле” – бүген безне көтә, искиткеч гүзәл илгә сәяхәт ясаячакбыз бүген.

2 нче алып баручы:

— Әйе, мавыктыргыч, тынгысыз дөнья ул — “Варислар иле”. Әгәр син әлеге илгә эләккәнсең икән димәк, тырышлыгың бушка китмәгән. Сине алда зур уңышлар, сынаулар көтә дигән сүз ул. Ә хәзер сүзне 4класс укучыларының үзләренә бирик, хәзер микән алар “Варислар иле”нең әгъзалары булырга.

1. Бүген мин шатлыгымны

Кемгә сөйләргә дә белмим.

Кемгә генә сөйләсәм дә

Сүзләрем бетмәс, дим мин.

2. Иртүк мәктәпкә йөгердем

Нигә соңга калырга?!

Бүген безнең дүртенчене

Алалар варисларга.

3. Бөтен отряд каршысында

Чын күңелдән сүз бирдек.

“Без өйдә дә, мәктәптә дә

Үрнәк булырбыз!” – дидек.

4. Бар эшкә дә, көрәшкә дә

Әзер торырбыз! – дидек.

Чын варислар булыр өчен

Тырышып укырбыз, — дидек. 1.

ТВБ — Татарстан ВарисларыБерлеге.

ТВБныңтуганкөне: 1990 нчы ел, 15 нче сентябрь.

2. Варисларюлда, хәрәкәттә, эзләнүдә; аларүзләреөченяңадөньяачучылар; күпнәрсәбеләнкызыксынучылар, тирә-якныкүзәтүчеләр. Аларяшь разведчик, туган як серләрен, аныңҗирастыбайлыкларын, тарихынһәммәдәниятенөйрәнүчеләр.

3. Варисларныңлозунгысы: “Һәркөннеяхшылыккыл!”

4. Варисларның девизы: “Без һәрвакытәзер!”

5. Символлары.Аларныңтөсе: ак, яшел, кызыл.

Ак – безгәдөресюлныкүрсәтүчетөс. Сәяхәттәгенәтүгел, юлданчиткәтайпылмаукирәк.

Кызыл – игелеклелектөсе. Варискешеләргәигелеккылып, үзҗаныныңҗылысынөләшә.

Яшел – безнеңҗиршарыбызтөсе. Аныңбишкисәгендәдәкешеләр, диннәре, милләтләре, инанганлыкларыниндибулугакарамастан, тынычһәмбәхетлеяшәргәтелиләр.

6. Татарстан варисларыныңзаконнорыбишәү:

1 закон.Варис үз республикасына булыша, аның лаеклы гражданины булырга тырыша.

2 закон.Варис дөреслек, хаклык өчен кыю тора.

3 закон. Варис – тугрылыклы иптәш, олыларга һәм кечеләргә булыша, беркемне дә ялгызлыкта калдырмый.

4 закон.Варис күп белергә һәм булдырырга тырыша, көчле һәм җитез булырга омтыла.

5 закон. Варис табигатьне ,туган ягының мәдәниятен уяу саклый.

7. Сбор – ул балалар үзидарәсенең иң югары органы. Анда варислар коллектив тормыш өчен иң мөһим мәсьәләләрне хәл итәләр, уй-фикерләрен җиткерәләр, карар кабул итәләр.

8. Варисларның биеклекләре 3әү:

1. “Варис”

2. “Өлкән варис”

3. “Варис-инструктор” исеме.

9. 4 үзем кагыйдәсе бар:

1. Үзем уйлап табам.

2. Үзем карар кылам.

3. Үзем эшлим.

4. Үзем бәялим.

Җыр “Без Варисың синең Татарстан”

1.Үткәннәрсез киләчәк юк, диләр

Без тарихны төптән өйрәник.

Ирек өчен шәһит булганнарны

Онытмыйк без, искә төшерик!

Куш: Без варисың синең Татарстан

Улларыңа лаек алмашлар.

Яшел,ак, кызыл төсләрне алган

Галстуклы безнең нык сафлар.

2.Без тынычлык иле балалары

Туган телдә укып үсәбез.

Безнең дуслык, югалтмаслык дуслык

Гасырларны бергә кичәрбез.

5. Безнең тормыш – бабайларның

Чынга ашкан теләге.

Газинур һәм Мусаларның

Безгә дигән бүләге!

6. Алар калдырган бәхетне

Шул килеш саклар өчен,

Аларның ышанычын һәм

Өметен аклар өчен…

7. Атсын өчен Туган илнең

Һәр таңы матур булып,

Үсәбез көрәшче булып,

Үсәбез батыр булып!

8. Без – яшь буын! Яшь буынның

Корыч кебек ныклары!

Татарстан варислары –

Уллары һәм кызлары

Җыр: “Татарстан варислары” (Сәрия Шәрәпова сүзләре һәм музыкасы)

9. Юлларда очраса каршылык,

Җилләргә, давылга кем түзәр?

Кем сезгә булышыр һәр җирдә?

Бергә: Көчлеләр, кыюлар, җитезләр!

10. Ни кушсагыз да, үтәрбез,

Без зурлар хәзер!

Илем өчен, халкым өчен

Батырлыклар кабатларга

Бергә: Без әзер!

11. Дөнья ныграк матурланыр,

Җир дә үзгәрер.

Авырлыкларга түзәргә,

Җирне бәйрәмчә бизәргә

Бергә: Без әзер!

12. Зур эшләргә тотынырга

Чират безгәдер.

Кирәксә, ут –су кичәргә

Батырлар булып үсәргә

Бергә: Без әзер!

Өлкән вожатый: Бүген шушы оешмага әгъза булып кергәнче иптәшләребез, укытучылар һәм килгән кунаклар каршында Татарстан Варислары Берлеге законнарын төгәл үтәргә, тырышып укырга, эшләргә, өлкәннәрне хөрмәт итәргә тантаналы төстә ант итәрбез.

Һәрберсе аерым: Мин. ……….(фамилиясен, исемен әйтә), үзем теләп, Татарстан Варислары Берлегенә керәм, варисларның законнарын һәрвакыт төгәл үтәргә сүз бирәм.

Өлкән вожатый: Варислар, көн саен яхшылык кылырга әзер булыгыз!

5 класс варислары: Без һәрвакыт әзер!

9 класс укучылары 4 класс варисларына галстук бәйлиләр.

13. Эшкә ашты теләгебез –

Без варислар сафында…

Тантаналы вәгъдә бирдек

Мәктәбебез каршында.

14. Үрнәк бул син һәр кешегә,

Нык үзләштер белемне .

Тормышыңнан артык күреп,

Ярат туган илеңне.

15. Яклый бел син Ватаныңны

Солдат абыең кебек

Олылап телгә алсыннар

Ул бит чын варис диеп.

16. Татарстан варислары без

Улларыңа лаек алмашлар.

Яшел, ак, кызыл төсләрне алган

Галстуклы безнең нык сафлар.

Өлкән вожатый котлый: Кадерле укучылар! Менә сез Татарстан Варислары Берлеге сафларына бастыгыз. Берлек таләпләрен үтәү, куелган максатка ирешү җиңел булмас. Моның өчен катлаулы сынаулар үтәргә, яңа үрләр яуларга кирәк. Монда сезгә “Варис күп белергә, көчле һәм җитез булырга омтыла” дигән кагыйдә ярдәмгә килер. Сезне варис булуыгыз белән тәбрик итәм. Акыллы булыгыз, тырышып укыгыз, сәламәт булып үсегез, Ватанны яратыгыз. ( Һәрбер вариска котлау открыткасы белән варис таныклыгы тапшырыла.)