Онк?ндік апталы? бастауыш сынып сценарий

«Бастауыш – білім
бастауы» онкүндігінің ашылу салтанаты

  
1 жүргізуші: Құрметті ұстаздар  мен  оқушылар! Бүгінгі «Бастауыш –
білім бастауы» атты бастауыш бірлестігінің ашылу салтанатына қош
келдіңіздер! Биыл «Қазақ хандығының 550 жылдығы», «Ата заңымызға 20 жыл», 
«өзіміздің мектебіміздің аты берілген  Шоқан атамызға  биыл 180 жыл», «Қазақ
халқының ассамблеясына 20 жыл», сонымен қатар «Тәуелсіздігімізге 24 жыл». Бұл
да біздің мерекелі мерейлі тойымыз. Қазақстан болашағы – біздер, яғни жас
бүлдіршіндер. Мектептегі бастауыш сыныптардың пәндері бәріміздің ең сүйікті
сабағымыз. Олар: музыка, еңбек, дене тәрбиесі, сурет және өзін -өзі тану,
математика, әдебиет, қазақ тілі пәндері болып  табылады.

  
2 жүргізуші:

Мектепте
қандай қызық, қандай ғажап,

Танисың
кереметтің бәрін барлап.

Бастауыш
сабақтары ең қызықты,

Әуелеп
биіктерге кетсең самғап, — дей келе, алдарыңызда  «Көңілді күн»  әнімен
Қуантай Айгерім. Қарсы алыңыздар!

  
1 жүргізуші: Қарсы алыңыздар ортада 1 «А»  сынып оқушылары өлең
шумақтарымен.

  
2 жүргізуші:

Қазақ
жері көп шеккен қасіретті

Қазақ
жері өнерлі, өсиетті

Египетті
билеген Бейбарыстай

Елі
текті, киелі, қасиетті, — дей келе ортаға «Қазақстан» әнімен
Разахов Нұрболды шақырамыз.

  
1 жүргізуші:

Бойыңды
еркін жазып, сергітеді,

Мектепте
бізге дене тәрбиесі.

Салауатты
өмірді біз қалаймыз.

Спорт
деген – денсаулық ол негізі, дей отырып 1 «Б» сынып оқушыларын «Малышка»
биімен қарсы алыңыздар!

  
2 жүргізуші:

Пәндер
 ұнайды бәрімізге,

Көп
үйрену керек қой әлі бізге.

Тартынба
білгеніңді ортаға сал,

Дер
едім, оқушылар, бәріңізге, дей келе Балғабек Айдананы «Арқалығым менің» әнімен
ортаға шақырамыз.

1 жүргізуші:

Қара
жорға болмаса,

Бидің
сәні келе ме?, — дегендей ортада  1 «В» сыныбының оқушылары

«Қара жорға» биімен. Қарсы алыңыздар!

2 жүргізуші:

Әрбір
пәннің өзіндік әр сыры бар,

Әрбір
пәннің өзіне айтар жыры бар.

Сол
пәндердің құпиясын жеткізген

Әр
ұстаздың жыдымызда үні бар.

деп
ортаға «Тұлпарым» әнімен Ажар мен Ақсезімді  шақырамыз.

1 жүргізуші:

Мектепте үйренеміз
түрлі өнерді,

Зердемізге тоқимыз
төгіп терді.

Музыка пәнін
бәріміз ұнатамыз,

Танытатын ғажайып
өнерлерді.

Алдарыңызда  «Цыган»
биімен  2 «А» сыныбының оқушысы Назым. 

Қарсы алыңыздар!

2 жүргізуші:

Екі шектің бірін
қатты,

Бірін сәл сәл кем
бұра

Нағыз қазақ қазақ
емес

Нағыз қазақ
домбыра,  — дей отырып Газизов Серікболсынды  «Жастар биі»  күйімен
ортаға шақырамыз.

   2
жүргізуші:

Құлақтан кіріп
бойды алар,

Әсем ән мен тәтті
күй.

Көңілге түрлі ой
салар,

Әнді сүйсең менше
сүй, -деп Абай атамыз айтқандай, енді ортаға 1 «В» сыныбының оқушысы Балнұрды  «Айгөлек»
әнімен шақырамыз.

  1
жүргізуші:

Мың бұралған
бишілер,

Үнді биін
көріңіздер.

Ортада 1 «В»
сыныбының қыздары  «Үнді»  биімен. Тамашалаңыздар!

2
жүргізуші:

Туған жердей жер
болмас,

Туған елдей ел
болмас, — дей отырып 4 «А» сыныбының оқушысы Гүлназды «Ертегілер» әнімен ортаға
шақырамыз. Қарсы алыңыздар!

  1
жүргізуші:

Кел,
билейік, кел, билейік,

Неге
тұрсың билемей?

Кел,
билейік, іркілмейік,

Неге
отырсың үйренбей? – дей отырып, 1 «А» және 2 «В»сыныбының оқушыларын «Вальс»
биімен ортаға шақырамыз. Тамашалаңыздар!

  2
жүргізуші:

Ән көңілдің
ажары,  — дей келе алдарыңызда 4 «Б» сыныбының оқушысы Айгерімді  «Туған
елім, туған жерім» әнімен. Қарсы алыңыздар!

 1
жүргізуші:

Жалығуды
білмейміз,

Жабығуды
білмейміз.

Жауқазындай
көзді тартып,

Жайраң
қағып билейміз, — дей келе ортада 4 «А» сыныбының оқушыларының дайындаған биін
қабыл алыңыздар!

Флэшмоб

2
жүргізуші:

Байтақ дала жерім менің
Арта берсін даңқың сенің
Көк байрағың желбіресін
Егеменді елім менің.

Хор: «Қазақстан»

1 жүргізуші:  Осымен, «Бастауыш
– білім бастауы» атты  бастауыш бірлестігі  онкүндігінің ашылу
салтанатын аяқтаймыз.

2 жүргізуші:  Көңіл
қойып тыңдағандарыңызға рахмет!

Сараптамалық
анықтама

           «Бастауыш – білім бастауы» 
атты бастауыш бірлестігінің ашылу салтанаты концерттік бағдарлама түрінде
болды. Оған бастауыш сынып оқушылары қатысты. Атап айтатын болсақ, «Көңілді
күн» әнімен Төлеген Әйгерім, «Жаса, Қазақстан» әнімен Разахов Нұрбол,
«Арқалығым менің» әнімен Балғабек Айдана, «Тұлпарым» әнімен Ажар мен Ақсезім,
«Айгөлек» әнімен Балнұр, «Ертегілер» әнімен Гүлназ  және «Туған елім, туған
жерім» әнімен Айгерім шықты. Сонымен қатар,         1 сынып оқушылары өлең
шумақтарын арнады. 1 сыныптың оқушылары «Малышка» биін, «Қара жорға», «Үнді»,
«Вальс» билерін және 2 сынып оқушысы Назым цыган биін биледі. «Жастар биі» күйі
де орындалды.    4 сынып оқушылары флэшмоб биімен аяқтады. Бағдарлама соңында
мектеп директоры сөз сөйлеп, өзінің жылы лебізін білдірді. Осылайша бағдарлама
өз соңына жетті. Концерт өз деңгейінде өтті.

«Балдәурен» бастауыш сынып әдістемелік бірлестігінің

«Бабалардың ізімен мәңгілікке нық қадам» атты

онкүндіктің қорытынды есебі

Алимова Ильмира Абдуллаевна

Қайназар ауылындағы №1 орта мектептің бастауыш сынып мұғалімі

Қайназар ауылы, Жерұйық 2 «А»

E-mail:AlimovaIlmira@mail.ru

Бүгінгі жас ұрпақ- ертеңгі ел тірегі. Ендеше сапалы білім мен саналы тәрбие ұштасқанда ғана ұлт тілегі, мемлекет пен халық мүддесі орындалмақ.Елбасымыз Н.Ә.Назарбаев Білім және ғылым қызметкерінің ІІ сьезінде сөйлеген сөзінде «Болашақта еңбек етіп, өмір сүретіндер- бүгінгі мектеп оқушылары. Мұғалім оларды қалай тәрбиелесе, Қазақстан сол деңгейде болады. Сондықтан ұстаздарға жүктелетін міндет өте ауыр»- дегенін естен шығармауымыз керек Жаңа ғасыр ерекше кезең. Бұл кезеңде ғасырлар бойы жинақталған іс-тәжірибелерімізге,бай мұраларымызға

талдау жасалынып,жіктеліп,ойларымыз қорытылып,нәтижесінде белгілі бір жүйеге келу-өмір талабы «Адам ұрпағымен мың жасайды», «Не ексең соны орасың»-дейді қазақ нақылы. Замана ағымына лайықты қазіргі кезде алдымызда тұрған міндет халқымыздың ұлттық дербестігін сақтай отырып,еліміздің барынша қабілетті елу елдің қатарына қосу.Сол өркениетті елдер санатына қосылуына ықпал жасайтын еліміздің ертеңі болашағы-жастарға білім мен тәрбие беретін-мектеп болады.Қазақтың дарынды ұстазы А.Байтұрсынов «Елді түзетуді бала оқыту ісін түзетуден бастау керек.»-деген екен.Ертең осы елге ие болып,тізгінін ұстар азаматтар-бүгінгі мектеп оқушылары.Бүгінгі бастауыш сынып балаларына арналған жаңа буын оқулықтары жаңаша оқытуды,баланың оқуына ықпал ететін оқыту әрекетін ұйымдастыруды талап етеді.Баланың жеке басын дамытудың басты кепілі-сабақтың әрекет теориясына сәйкес ұйымдастырылуы тиіс.

«Қайназар ауылындағы №1 орта мектеп» коммуналдық мемлекеттік мекемесі 16.01.2016-30.01.2016 аралығындағы «Балдәурен» бастауыш сынып бірлестігінің «Бабалардың ізімен мәңгілікке нық қадам» тақырыбында мектебімізде бастауыш сынып бірлестігінің онкүндігі өткізілді.

Апталықтың мақсаты: «Жаңа инновациялық ақпараттық технологияларды пайдалана отырып, оқушылардың шығармашылық қабілеттерін дамыту, оқушыларды өз отанына деген сүйіспеншілігін арттыру, отанға деген құрмет, елін, жерін қорғайтын ер азамат болуға тәрбиелеу».

Бастауыш сынып мұғалімдері оқу үдерісін жетілдірумен қатар баланың шығармашылық, жас және жеке ерекшеліктерін ескере отыра, рухани-адамгершілік, эмоционалдық және дене дамуын қамтамасыз ету керек. Сол себепті де бастауыш сынып жетекшілері апталық жоспарын құра отыра, алдына келесі міндеттер қойды:

— оқушының оқуға деген оң мотивациясын қалыптастыру;

— сабақ және сыныптан тыс шараларды қызықты өткізу формаларын қолдана отыра, барлық балаларды оқу және тәрбие үдерісіне тарту.

Өткізу принциптері: әрбір бала апталықтың барлық шараларына белсене қатысушы болып табылуы керек.

Апталық мынадай жоспарда құрылды:

№	Атқарылатын іс-шаралар	Пәні	Сыныбы	Мерзімі	Уақыты	Жауапты
1	«Бабалардың ізімен мәңгілік елге нық қадам»		1-4	18.01.16	12.00	Сынып жетекшілер
2	«Мен бақытты баламын!»	Сурет көрмесі	1-4	19.01.16	12.00	Сынып жетекшілер
3	«Мен әдемі жазамын»	Көркем жазу	1А, Ә, Б, В.	19.01.16	12.00	1- сынып жетекшілері
4	«Сөз мерген»	Сыныптан тыс	3 «Б»	20.01.16	12.00	Нурниязова И
5	«Менің Отаным-Қазақстан!»	Сыныптан тыс	2 «Ә»	21.01.16	12.00	Ерболқызы З
6	Үлгілі сабақ: Түбірлес сөздер	Қазақ тілі	3 «Ә»	21.01.16	14.00	Абилтаева А
7	Үлгілі сабақ: Көксерек	Әдебиеттік оқу	4 «А»	21.01.16	14.50	Қурманғалиева Ж
9	Үлгілі сабақ: Куб текше және оның көлемі	Математика	3 «Б»	22.01.16	8.45	Нурниязова И
10	Үлгілі сабақ: Жылқы	Ана тілі	1 «В»	23.01.16	12.00	Сапарова Р
11	Толағай. «Әкем,шешем және мен»	Сыныптан тыс	1 «Б»	23.01.16	12.00	Әуесхан Г
13	Үлгілі сабақ: 4 санын қосу және азайту	Математика	1 «Ә»	27.01.16	11.00	Хавлап Г
14	«Тапқыр болсаң,озып көр»	Зияткерлік ойын	2 «А»	28.01.16	12:00	Алимова И
15	Мың бір мақал, жүз бір жұмбақ	Сыныптан тыс	1 «А»	26.01.16	14.00	Сембаева Ш
16	«Пайдалы қазбалардың түрлері»		3 «А»	26.01.16	12.00	Агинбаева Г
17	«Мәңгілік ел болашағымыз» Математика пәнінен интеллектуалды ойын	Сыныптан тыс	3 «Ә»	26.01.16	8.50	Абилтаева А
18	Үлгілі сабақ: Сиыр. Жуан дауысты дыбыстар	Ана тілі	1 «Б»	27.01.16	8.50	Әуесхан Г
19	Үлгілі сабақ: Қосу және азайту	Математика	2 «Ә»	27.01.16	12.00	Хавлап Г
20	«Ертеңгі болашақ-бүгінгі білімді ұрпақ»	Сыныптан тыс	4 «А»	27.01.16	11.00	Қурманғалиева Ж
	«Білімділер сайысы»	Сыныптан тыс	1 «Ә»	28.01.16	11:00	Хавлап Г
21	Үлгілі сабақ: Жазбаша қосу және азайту	Математика	2 «А»	29.01.16	14:50	Алимова И
23	Үздік бастауыш -2016 байқауы			30.01.16		Сынып жетекшілер

Барлық  өткізілген ашық сабақтарда, сынып сағаттарында бастауыш сынып оқушылары белсене ат салысты.

Құрылған жоспарға сай мұғалімдердің ашық сабақтарына тоқталсақ:

Мұғалімдер ашық сабақтарында жаңа инновациялық технологиялардың әдіс –тәсілдерін тиімділігіне қарай шебер қолдана білді. Сабақтардың құрылымы жүйелі құрылды.Сабақтарға бастауыш сынып мұғалімдері, мектеп әкімшілік қатысып, талдау жасалып, жақсы баға берілді.

Мұғалімдер сабақ өткізудің түрлі формаларымен практика жүзінде танысты.

Келесі мұғалімдердің ашық сабақтары жоғары әдістемелік формада өткізілді:

әдебиеттік оқу– 4 «А» сыныпта – мұғалімі Қурманғалиева Ж.Т,

математика – 2 «Ә» сыныпта — мұғалімі Ерболқызы З,

математика 1 «Ә» сыныпта мұғалімі Хавлап Г,

қазақ тілі- 3 «Ә» мұғалімі Абилтаева А.

Интелектуалды сайыс «Тапқыр болсаң өзып көр» 2 «А» мұғалімі Алимова И.

18 қаңтар күні ашылу салтанаты болып өтті. «Бабалардың ізімен мәңгілік елге нық қадам» тақырыбында 1-4 сынып оқушыларының арасында мәнерлеп оқу бойынша сайыс өткізілді. Ашылу салтанатына барлық бастауыш сынып оқушылары қатысып, өнерлерін көрсетті. 1 сынып оқушылары оқу-білім туралы жаттаған өлең жолдарын айтып, апталықты бірінші болып ашты, 2 сынып пен 3 сынып оқушылары ән айтты, 4 сынып оқушылары Жамбыл Жабаевтың 170 жылдық мерейтойына орай өлеңдерін мәнерлеп оқып берді.

19 қаңтар күні 1-4 сынып оқушыларының арасында «Мен бақытты баламын!» атты сурет көрмесі болып болып өтті. .Бұл сайыстың мақсаты: оқушылардың дарыны мен қабілетінің артуына жол ашу, білімді де өнерлі ұл-қыздар тәрбиелеу.Сурет көрмесінде барлық сынып оқушылары белсене қатысты.Бұл көрмеде «Қылқалам шебері» атты дипломмен 1 «Ә» сынып оқушысы Мырзабек Бекарыс, 4 «А» сынып оқушысы Керімбай Алихан, 4 «Ә» Бейсен Мәрмәр, 2 «А» сынып оқушысы Нажимов Ахмет, 2 «Ә» Мәмен Әсет марапатталды.

19 қаңтар күні өткізілген 1- сыныптар оқушыларының арасында «Мен әдемі жазамын» көркем жазу бойынша жарыс ұйымдастырылды. Мақсаты:оқушылардың оқу және жазу дағдыларын қалыптастыру.

«Қыс қызығы» атты тақырыптың әдемі, көркем жазған оқушылар мақтау қағазымен марапатталды. Олар:

1 «А» сыныптан : 5 (өте жақсы) бағасына жазған оқушылар:

Абдуманап А, Тлеугабыл А, Байқоңыр И, Өмірсерік М, Қутбаева А.

1 «Ә» сыныптан 5 (өте жақсы) бағасына жазған оқушылар:

Мырзабек Б,Долқынұлы М, Әбдірайым А, Алибек К, Абдірахим К, Тураев А.

1 «Б» сыныптан 5 (өте жақсы) бағасына жазған оқушылар:

Жанболат А, Шорабай Ж, Оралқызы К, Бейсен А.

20 қаңтар күні Нурниязова Илимхан 3 «Б» сыныбында сыныптан тыс «Сөз мерген» сайысын өткізді.Сабақтың мақсаты:Оқушыларды халық ауыз әдебиеті шығармасының түрлері жұмбақ , жаңылтпаш, мақал-мәтелдермен таныстыру.Халық шығармасының бұл түрлерін бір-бірінен ажырата білуін, мәнін терең ұғып, мағынасын аша білуін және оқушылардың ойлау қабілетін тілін дамыту.Оқушылар үш топқа бөлініп, білік-дағдыларын сынады. Мақал –мәтелдер,Жаңылтпаштар,Жұмбақтар.

Оқушылар үлкен қызығушылық танытып, ойынға белсене қатысты. Сабақ ұйымдамстыру сәтінен басталды. Сайыс сабақ басталғаннан тартысты өтті.Сынып топқа бөлінді. Әр топ өздеріне бөлінген тапсырма бойынша жедел, ұтымды, тиянақты жауабымен ұстаз арасындағы жақын байланыс көрінді .Ұстаз еңбегі осындай ашық сабақтарда қөрінсе,оның еңбегін көрсететін әрине оқушы. Қызықты бірнеше әдістерді қолдану арқылы оқушыны сабаққа тарту,қалайда оқушыны білдірту талабы ұстаздың басты мақсаты Іс-шара тақырыбына сай презентация көрсетіліп, балалар тапсырманы слайдтан қарап таңдап отырды. Әділ-қазылар алқасы бағалағаннан кейін топтардың жинаған балдары бойынша жеңімпаз топ анықталды. Ойын соңында екі топ та мадақтамалармен марапатталды.

Ұсыныстар: мұғалім екі топқа дайындаған сұрақтары кейбірі тым жеңіл, кейбірі  қиын болды. Екі топқа бірдей деңгейлі сұрақтар берілген жоқ. Мұғалім оқушылардың дұрыс не бұрыс жауаптарын талдаған жоқ. Дұрыс бұрысын оқушыларға айтпай әділ-қазылар алқасына бағалауға беріп отырды.

21 қаңтар күніАбилтаева Арайлым 3 «Ә» сыныпта қазақ тілі пәнінен «Түбірлес сөздер» тақырыбы бойынша ашық сабақ өткізді.. Оқушыларды «Мен қандаймын?» атты психологиялық тренингпен ұйымдастыра білді.Әрбір оқушы өз есімінің бас әрпінен басталатын жақсы қасиет айтып,сабақты жақсы көңіл-күймен бастады.Әр топқа ерекше тапсырмалар беріп,сабақта оқушыларды қызықтыра білді. Топтар өз жауапкершілігін біле алды . Ұстаз әдістің 8 түрін қолданды. Ол әрқайсысы өз орнында тиянақты қолдана алды. Ұстаздың оқушымен қарым –қатынасы, сабаққа топтастыруы, тапсырманы беруі , тақтамен жұмысы жан-жақтылығын көрсете алды. Ашық сабақтан үйренетін әр түрлі тәсілдер де болды. Абилтаева Арайлым сабақ барысында ойын түрлерін де енгізіп, оқушының қызығушылығын таныта алды.

Ұсыныстар:Оқушының жауабын аяғына дейін тыңдай білу керектігі ұсыныс ретінде айтылды.

21 қаңтар күні Қурманғалиева Жулдыз өзі жетекшілік ететін 4 «А» сыныбымен «Көксерек»тақырыбында үлгілі сабақ өткізді. Қызықты бірнеше әдістерді қолдану арқылы оқушыны сабаққа тарту,қалайда оқушыны білдірту талабы ұстаздың басты мақсаты. «Асық ату», «Семантикалық карта» ,«Бес жолды өлең», «Буриме» ,«Кім тез табады?» әдістері арқылы ұйымдастырылған сабақ оқушыға қызықты болды, әрі әрбір оқушы ізденіспен жұмыс жасай білді.Сыныптағы барлық оқушы сабаққа қамтылды. Мұғалім сұрақты қоя да білді,ұтымды жауап ала да білді.Мұғалім жан-жақты дайындалған. Жаңа технологияны сабақта тиімді пайдалана білді. Сабақ соңында кері байланыс жүргізіп,оқушы-мұғалім арасында ынтымақтастықты ұйымдастыра білді.Сабақ өте тартымды өтті.

Ұсыныстар:Мұғалім оқушының өз ойын айтуына мүмкіндік беруі ұсыныс ретінде айтылды.

22 қаңтар күні Нурниязова Илимхан 3 «Б» сынбында математика пәнінен «Куб текше және оның көлемі» үлгілі сабақ өткізді.

Мақсаты: Оқушыларды текшемен және оның көлемімен таныстыру. Текшенің көлемін табудың әр түрлі тәсілдерін қарастыру.

Логикалық ойларын, танымдық қабілеттерін зейінін шығармашылық белсенділіктерін дамыту.Өз ойын дұрыс жеткізе білуге, жылдамдыққа,ұйымшылдыққа тәрбиелеу болып табылады.

Сабақты оқушылардың психологиялық дайындығымен бастады.

Математика сабағы,

Біздің келер шамамыз.

Көбейтуге данамыз,

Төрт амалды тең білер

Өте зерек баламыз. Ұйымдастыру кезеңі жинақы өтті. Жедел сұрақ қойылып, оқушыларды жинақтап алды..

Сабақ барысында оқушыларды Өте жақсы- , жақсы-

орташа- -пен бағалап отырды.Бұл сабақта сәйкестендіруді оқушылар өте жақсы орындады.Арифметикалық диктантты жүргізу арқылы оқушылардың сабаққа деген қызығушылығын оятты.Оқушылар сабақ барысында үш топқа бөлініп,«Біліміңді сына», «Ұшқыр ойлы топ», «Біліктілігіңді тексер» атты әдіс-тәсілдерді пайдалана отырып,өзіне баурап алды.Әсіресе оқушылар сабақтан алған өз әсерлерін смайликтер арқылы жеткізе білді.Бұл сабақта ерекше көзге түскен оқушыларды мақтап-мадақтауды ұмытпады. Сабақ өте тартымды өтті.

Ұсыныстар:Мұғалімнің дауыс интонациясына көп мән беру керектігі, уақытты үнемді пайдалану ұсыныс ретінде айтылды.

23 қаңтар күні Әуесхан Гулмарал «Әкем,шешем және мен»  атты спорттық іс-шара өткізді. Мақсаты: Оқушыларды ойын кезінде өзін-өзі бақылау арқылы белсенділікке, сенімділікке, қайсарлыққа, батылдыққа, ұйымшылдыққа тәрбиелеу.Төзімділік, жылдамдық, ептілік деңгейін дамыта отырып, дененің жалпы даму сапасының артуына, ойын кезінде әділдікке, жолдастық сезімге, ойынды жетілдіруге тәрбиелеу.
Түрі: жарыс. Көрнекілігі: жіп, доп, сыпырғыш
Сайыстың бағдарламасы.
1 «Кенгуру»
2. «Секірмек»
3. «Фут баскет»
4. «Сенбілік»

«Кенгуру» допты аяқ арасына қыстыра отырып, секіру арқылы белгілі мәреге барып, кері қайтады. Ең соңғы ойыншы ойынды аяқтайды.
2. «Секірмек». Қатысушы топтар скакалкамен жүгіреді.
3. Фут. баскет. Бірінші ойыншы допты қолымен айдап әкеліп, екінші ойыншыға береді. Ал, екінші ойыншы допты аяғымен кезек-кезек айдап әкеледі. Үшінші және төртінші ойыншы допты қолмен айдап, алтыншы ойыншы аяқпен орындайды.
4. «Сенбілік» Шеңбер ішіндегі сыпырғыш бөліктерін ойыншы бір-бірлеп әкеліп келесі ойыншыға береді. Сайысқа түскен топтар өз топтарын таныстырып,өз ұстанымдарын айтып,сайысқа белсене қатысты.

«Тұлпар» тобы. Топ ұстанымы: Жүзден жүйрік танылады сайыста,
Ұмтыламыз біз ешкімнен қалыспай.

«Жас қыран» тобы. Топ ұстанымы: Қыран болып самғаймыз,
Жарыстан еш қалмаймыз.

«Барыс» тобы.Топ ұстанымы: Мақсаты бірдің – рухы бір

«Батыр» тобы.Топ ұстанымы: Батыр туса-ел ырысы

Оқушылар өз ата-аналарымен топқа бөлініп, бір-бірімен күш сынасты. Іс-шара кезінде оқушылардың тек спорттық икемділіктері ғана емес, сонымен қатар білімдері де сыналды. Іс-шара балалар үшін өте қызықты өтті. Ойын соңында оқушылар мадақтамалармен марапатталды.Сайыс нәтижесі бойынша «Батыр» тобы бас жүлдеге ие болды.

23 қаңтар күні Сапарова Рахима 1 «В» сыныпта ана тілі пәнінен «Жылқы. Қазақ алфавиті» тақырыбында ашық сабақ өткізді. Мақсаты:

а) Оқушыларға қазақ алфавиті туралы түсінік беру.Төрт

түліктің бірі-жылқы туралы түсініктерін кеңейту.

ә) Сөйлеу тілдерін,есте сақтау қабілеттерін дамыту.Сөздік

қорларын молайту.Оқу жылдамдықтарын дамыту.

б) Әдемі жазуға,тазалыққа, тыңдай білуге үйрету.Төрт түлікті

күте білуге үйрету.Мұғалімнің сабақ жоспары әдістемелік тұрғыдан дұрыс құрылған. Сабақта түсіндіру, сұрақ-жауап, көрнекілік әдістері барынша қолданылды. Сабақтың тақырыбын ашар алдында сабақ «Бал жинау» ойыны арқылы өткізілетіндігін түсіндіріп,бағалау үшін әр топқа арнайы гүл жинайтын ыдыстар таратты. Сыныпты «Алғырлар», «Білгірлер»,«Тапқырлар» деп үш топқа бөлді.Кейін өткен тақырыпқа байланысты сұрақтар қойылып,төрт түлік туралы білімдерін тексерді. Өрнектің мәнін табу арқылы  жаңа тақырыпты ашты.Оқушылар оқу, сөйлеу дағдыларын көрсетті. Мұғалім оқушыларды 3 топқа бөліп тапсырмаларды орындатты. Сабақ барысында 3 топты сабаққа қатысушы мұғалім гулдермен бағалап,әр топтың өз ыдысына салып отырды. Сабақ соңында әр топтың жинаған ұпай сандарымен бағалады. 

Ұсыныстар: сергіту сәті кеш өткізілді, мұғалім сабақ жоспарына сай кейбір ойындарды өткізуге үлгермеді,мұғалім үй тапсырмасына көп уақыт бөлді.Уақытты дұрыс пайдалану керек деген ұсыныс айтылды.

26 қаңтар күні Агинбаева Гулмарал 3 «А» сыныбында дүниетану пәнінен «Пайдалы қазбалардың түрлері» атты тақырыпта үлгілі сабақ өткізді. Пайдалы қазбалардың  түрлерімен  таныстыру. Адам өміріндегі маңызына, алыну жолдарына тоқталу. Өз ойларын ашық білдіріп, пікірлерін қорғай білуге,

өздігінен ізденуін, шығармашылығын, танымдық қабілетін дамыту.

Табиғатты аялай білуге, ел байлығын үнемдеп пайдалануға тәрбиелеу.

Сабақты оқушылардың психологиялық дайындығымен бастады. Сабақты өлең жолдарымен бастады. Шаттық шеңберін әр оқушы өзінің мақал-мәтелін айтып, «Жұмыла көтерген жүк жеңіл» -деген сөзді барлық оқушылар бірге айтып,жақсы көңіл күймен сабақты бастады.Сыныпты үш топқа бөлді. «Тау жыныстары», «Тығыз тау жыныстары», «Бос тау жыныстары» Оқушылар өз топтарының атаулары туралы өз ойларын сұрақ-жауап арқылы түсіндірді.Жаңа сабақты «Жұмбақтар» шешу арқылы ашып,оқушылардың қызығушылығын оята білді. Қазақтың тұңғыш геологі Отанымызға, елімізге, халқымызға, табиғи байлықтарымызға тіреу де, сүйеу де, қорған да бола білген академик, ғалым, қоғам қайраткері, Жезқазған мыс рудасын ашуға көп еңбек сіңірген осы Қаныш Имантайұлы Сәтбаев туралы тыңдалым болып өтті. Дәптермен жұмыс барысында 3 топқа пайдалы қазбалардың атын жазу, шартты белгілердің суретін салуды тапсырды.Сабақты қорытындылау мақсатында «Менің ойымша, пайдалы қазбалар бітіп қалса,не болар еді?» сұрағына әрбір оқушының пікірін тыңдап,әр топтан жақсы жауап берген оқушыны мақтап,мадақтады Әр түрлі әдістерді пайдаланып, сонымен оқушы жұмыс жасауы үшін оқушыны жан-жақты танытуға мән бере алды.

Ұсыныстар: Әрбір пайдалы қазбаның өзіне тән шартты белгілері бар екендігін түсіндіру керектігі,суреттен нақты көрсетіп беру,уақытты үнемді пайдалану керектігі ұсыныс ретінде айтылды. 26 қаңтар күні Сембаева Шолпан 1 «А» сыныбында «Мың бір мақал, жүз бір жұмбақ» атты сыныптан тыс сабақ өткізді. Мақсаты: Жас ұрпақты Отанын сүюге,еліміздің рәміздерін қастерлеуге, «Сөз мәйегі — мақал» дегендей, ата-бабамыздан қалған өсиет сөздері арқылы адамгершілікке, ойын нақты, дұрыс жеткізуге, тапқыр сөйлеуге үйрету. Сөз өнері арқылы оқушылардың дүниетанымын кеңейтуге тәрбиелеу. Сыныпты 3 топқа бөліп өткізді1-тур: «Кім көп біледі?» Қатысушы топтар мақал – мәтел айтудан жарысты. (1 минут уақыт берілді) Бұл турда 2-топ өз епшілдігін көрсетті.  2-тур: Мақал – сөздің мәйегі (тақтада мақал-мәтелдің басы беріледі, қатысушы топтар мақалды жалғастырды) 1. Жақсы кісі байқап сөйлер, …(жаман кісі шайқап сөйлер) 2. Ер еліне, …(итиесіне) 3. Балапанұяда не көрсе … (ұшқандасоныіледі) 4. Өнер — ағыпжатқанбұлақ, …(Білім – жаныптұрғаншырақ)  3 – тур: Кім тапқыр?Шарты: Мұғалім жұмбақ жасырды,сол жұмбақтың жауабын тауып айтқан оқушы жауабына сәйкес мақал айтты. 1.Жұмбақ: Шыңдары шырқау, Көшіп жүр бір тау. (Түйе) Мақал: Көрмес түйені де көрмес. Бұл сайыста ерекше көзге түскен оқушыларды мақтап-мадақтауды ұмытпады. Сабақ өте тартымды өтті. Сайыс нәтижесі бойынша 2- топ жеңімпаз атанып,мақтау қағазымен марапатталды. 26 қаңтар күні Абилтаева Арайлым математика пәнінен «Мәңгілік ел болашағымыз» атты интеллектуалды ойын өткізді. Мақсаты: Білім сайысы арқылы оқушылардың білімін шыңдай түсу, логикалық шапшаң ойлау дағдысын арттыру, дарынды, білімді оқушыны анықтай білу, жеңімпаз, озат болуға тәрбиелеу. Жаңа технологияны жақсы меңгерген жас ұстаз оқушылармен толық қарым- қатынаста болып, берген тапсырмаларына талап қоя білді.Сабақ ойын түрінде өткізілген соң,оқушылар белсенділік таныта білді. Сайыс барысында сынып ішіндегі оқушылар бойында көшбасшылық қасиетін дамыта білді. Мұғалім оқушыларын әртүрлі әдіс-тәсілдерді пайдалана отырып,өзіне баурап алды Сайыс нәтижесі бойынша «Өркендеу» тобы жеңімпаз атанды 27 қаңтар күні Хавлап Гулжазира 1 «Ә» сыныбында математика пәнінен «4 санын қосу және азайту» үлгілі сабақ өткізді.Сабақтың құрылымы өте жақсы.Оқушылардың жас ерекшеліктеріне лайықтап алынған «Қай топ жылдам?», «Балық аулау» ойын түрлері оқушылардың пәнге болған қызығушылығын арттыра түсті.Сабақ барысында Кембридж бағдарламасы бойынша жеті модулде қарастырылған идеяларды сабақта өзара байланыстырып, тиімді қолдана білді.Оқушылар топта бірлесе отырып берілген тапсырманы орындауға, ортақ шешімге келуге, өз ойларын дәлелді түрде жеткізуге төселген.Әсіресе қорытындылау мақсатында жүргізілен «Балық аулау» ойыны өте қызықты өтті.Сабақ тартымды болды. Үлгілі сабақ «өте жақсы» деген бағамен бағаланды. 27 қаңтар күні Ерболқыз Заида 2 «Ә» сыныбында «Қосу және азайту» тақырыбында үлгілі сабақ өткізді.Мақсаты:Қосу мен азайту амалдарын баған түрінде орындалуын қайталау;Бір және екі амалмен шығарылатын есептерді талдау,теңдеу шығару.Оқушылардың логикалық ойлау қабілетін дамыту,түрлі тапсырмалар орындау барысында шығармашылық ,іскерлік қабілеттерін , математика пәніне деген қызығушылықтарын арттыру. Сабақты психологиялық сәттен бастап, сынпты 3 топқа бөлді.Сабақ саяхат сабақ түрінде өткізіліп,оқушылар сабақтың барлық кезеңінде өте белсенді қатысты. Қызығушылықты ояту мақсатында жүргізілген математикалық диктантты оқушылар өте қызығушылықпен орындады.Жаңа сабақтың саяхат сабақ болатынын,сабақ барысында оқушыларды жұлдызшамен бағалайтынын айтып өтті. Тапсырмалар баланың жас ерекшелігін ескеріп жасалынғандығы тапсырмаларды орындау барысында анық көрінді. Тапсырмалар төмендегіше аталып,оқушының қызығушылығын арттыра білді. Таңбалар елінің тапсырмасы, «Математикалық жұмбақтар» елінде, Математикалық амалдар елінде, «Логика әлемінде» Сабақ соңында кері байланыс жүргізіп,оқушы-мұғалім арасында ынтымақтастықты ұйымдастыра білді.Сабақ өте тартымды өтті. Ұсыныстар: Сабақта оқушы жауабын аяғына тыңдау және сыныпты топқа бөлген соң,топтық жұмыс ұйымдастыруы тиіс екендігі ұсыныс ретінде айтылды. 27 қаңтар күні Қурманғалиева Жулдыз «Ертеңгі болашақ-бүгінгі білімді ұрпақ» атты сынып сағатын өткізді. Мақсаты:Оқушыларды ұйымшылдыққа, өз ойын еркін жеткізе білуге үйрету. Сайыс түрінде өтілген сабақ оқушыларды ұйымшылдыққа жетеледі.Жан-жақты қамтылған сұрақтар мен ұтымды жауаптар оқушылардың ізденіске жеткенін көрсете алды. Бұл тек білімді ғана тексермей, оқушылардың жан-жақтылығына да мән беріліп,күрделенген сұрақтар слайд түрінде көрсетіліп, олардың жылдамдығына мән берді.Сайыс нәтижесінде «Болашақ» тобы өз білімдерін көрсетіп,жеңіс биігінен көрінді. 28 қаңтар күні Хавлап Гулжазира 1 «Ә» сыныбында «Білімділер сайысын»өткізді. Мақсаты: Оқушылардың білім-білік дағдыларын байқау, оқушылардың сабаққа қызығушылығын арттыру. Оқушылардың ізденімпаздық қасиеттерін дамыту, ойлау қабілетін, сөз байлығын дамыту, оқушылардың белсенділігін арттыру. Мұғалім сайыстың шарттарымен таныстырып,сыныпты 2 топқа бөлді.Сайыс кезеңдері төмендегіше болды:Таныстыру, Жасырынған сөзді табу, Кім көп алма тереді? Ребус шешу,Бәйге ,Метаграмма шешу, Тапқыр болсаң тауып көр,Топ басшылар сайысы,Ән байқауы.9 кезеңнен өткен бұл сайыс өте тартысты өтті. Оқушылар барлық кезеңдерде өздерінің белсенділіктерін көрсете білді. Әсіресе 1-бөлім – Таныстыру өте қызықты болды.Топ басшысы:Мырзабек Бекарысөз тобын таныстыруда өз шеберлігін көрсетіп, барлық бөлім бойынша өздерінің алғырлығымен «Білімділер» тобы жеңіп, мақтау қағазымен марапатталды. 28 қаңтар күні Алимова Ильмира 2 «А» сыныбында «Тапқыр болсаң,озып көр» атты интелектуалдық сайыс өткізді. Мақсаты: Оқушылардың білім-білік дағдыларын байқау, оқушылардың сабаққа қызығушылығын арттыру. Оқушылардың ізденімпаздық қасиеттерін дамыту, ойлау қабілетін, сөз байлығын дамыту, оқушылардың белсенділігін арттыру.Оқушыларды тапқырлыққа, ұжымшылыққа баулу.Отансүйгіштікке тәрбиелеу,шапшаңдыққа, алғырлыққа баулу. Оқушыларды 2 топқа бөлді.«Талай сынды бағындырар Қырандар» тобы, «Биікте самғайтын Сұңқарлар» тобы атты топтарға бөліп 10 кезеңнен тұратын сайыс өткізді. 1. Таныстыру 2. Бәйге Сұрақ-жауап 3. Сиқырлы ұяшықтар 4. 3 тұғырлы тіл «Мақалда жасырынған сөзді тап» 5.Ұшқыр ой Бұл кім туралы айтылған? 6. Кім жылдам? 7.Логикалық сұрақтар 8.Жұмбақтың шешуін табу «Бұл қандай зат?» 9. Топ басшылар сайысы «Кім жылдам?» 10. Актерлік шеберлік 10 кезеңнен тұратын бұл сайыста оқушылар өз білімдерін жан-жақты көрсете білді. Оқушылар 4- 3 тұғырлы тіл «Мақалда жасырынған сөзді тап» кезеңінде өздерінің ағылшын,орыс тілдерін өте жақсы меңгергендіктерін көрсете білді.Сайыс нәтижесі бойынша «Сұңқарлар» тобы жеңіп,мақтау қағазымен марапатталды. 27 қаңтар күні Әуесхан Гулмарал 1 «Б» сыныбында үлгілі сабақ өткізді.Сабақтың тақырыбы: Сиыр. Жуан дауысты дыбыстар Мұғалім сабақ жоспарын оқушылардың жас ерекшелігіне сай, қызығушылығы мен білім деңгейлеріне сай құрды. Оқушылар сабаққа үлкен қызығушылық танытып, белсене қатысты. Мұғалімнің сабаққа дайындаған көрнекі құралдары эстетикалық талғамға сай болды. Мұғалім сабақты түсіндіру, сұрақ-жауап, көрнекілік әдістеріне сүйене отырып жүргізді. Сабақ кезінде ойын элементтері орынды қолданылды. Оқушылар дыбыстық талдау жасап, өз ойларын, үй жануарлары туралы білетіндерін айтумен болды. Сабақ үй жануарларының суреттерін бояумен қорытындыланды. Бағалау кезеңінде мұғалім жұлдызшаларды қолданды. Ұсыныстар: сергіту сәті кеш өткізілді, балалар сабақта жинақы отырмады, мұғалім сабақ жоспарына сай кейбір ойындарды өткізуге үлгермеді, оқушылардың орындықта дұрыс отыру дағдылары мұғалімнің қадағалауынсыз қалды.Мұғалім сабақта оқушыларды өзіне баурай алмады. 27 қаңтар күні сағат Іс-шара балалар үшін өте қызықты өтті. Ойын соңында оқушылар мадақтамалармен марапатталды 30 қаңтар күні Бастауыш онкүндігінің жабылуына орай директордың оқу-тәрбие жөніндегі орынбасары Үміт Мамыркулованың басшылығымен ұйымдастырылған бастауыш сынып жетекшілері арасында мектебімізде «Үздік бастауыш сынып-2016» байқауы болып өтті. Сайыс 4 кезеңнен тұрады.1 кезең-сырттай,яғни мұғалімнің портфолиосын белгіленген критерийлермен бағалау жүргізілді.Сайысқа қатысқан 8 мұғалімнің де портфолиосы «өте жақсы»деген бағамен бағаланды. «Сегіз қырлы,бір сырлы» демекші ұстаздарымыз әр кезеңде өздерін әр қырынан көрсете білді. Құлақтан кіріп бойды алар, Әсем ән мен,тәтті күй. Көңілге түрлі ой салар, Әнді сүйсең, менше сүй,-деп Абай атамыз жырлағандай, өнерлі ұстаздарымыз 2- Таныстыру кезеңінде өздерін музыканың сүйемелдеуімен өте тартымды таныстыра білді. 3-кезең: Жаңа үлгідегі сабақтың презентациясын қорғауда бастауыш сынып мұғалімдері өз шеберліктерін көрсете білді. Бұл кезеңде ұстаздар өз сабақтарының кезеңдеріне тоқталып,сайысқа қатысқан қонақтармен сабақтың бір кезеңін өткізді. Сабақ беруде пәндерді оқыту жаңа технологиясын жан-жақты қолдану- ұстаз білігі мен шеберлігі. Яғни, тәуелсіз елдің талапты ұрпағын тәрбиелеудегі жауапкершілік болып табылады. Сайыс нәтижесін қорытындылай келе әрбір қатысқан мұғалім мақтау қағазымен марапатталды. «Үздік бастауыш сынып мұғалімі-2016» байқауында Сапарова Рахима «Зерделі ұстаз»,Сембаева Шолпан «Ізденмпаз ұстаз»,Агинбаева Гулнара «Жаңашыл ұстаз» номинациясымен марапатталса, Ерболқызы Заида жаңа үлгідегі сабақта ұтымды әдіс-тәсіл көрсеткені үшін жүлделі 3-орынды жеңіп алды. Хавлап Гулжазира және Абилтаева Арайлым өзіндік ізденісімен ерекше көзге түскені үшін жүлделі 2-орынды жеңіп алды.Бұл байқауда өзіндік жаңашылдығымен Қурманғалиева Жулдыз 1-орынды жеңіп алса, барлық кезеңдерде өте жоғары деңгейде өнер көрсеткені үшін Алимова Ильмира бас жүлдені бастауыш сынып жеңіп алды. Бастауыш сынып онкүндігі барысында бастауыш сынып оқушылары әр түрлі пәндерден өз білім дәрежелерін,тапқырлықтарын көрсете білді.Барлық сабақтар «өте жақсы» деңгейде өткізілді.Онкүндік барысында әрбір оқушы өз білімі мен логикалық ойлау қабілетін дамытуғамүмкіндік алды. Ұсыныстар:

Бастауыш сынып апталығы»Бастауыш -білім бастауы»

Назар аударыңыз, сертификатты “менің материалдарым” деген бетте жүктеп алуға болады

«Ақмола облысы білім басқармасының Зеренді ауданы бойынша білім бөлімі Гранитный кентінің негізгі орта мектебі» коммуналдық мемлекеттік мекемесі

Коммунальное государственное учреждение «Основная средняя школа поселка Гранитный отдела образования по Зерендинскому району управления образования Акмолинской области»

• Басты бет
• Тәрбие жұмысы
• Бастауыш сынып апталығының…

Бастауыш сынып апталығының ашылуы

Күні: 08 .04.2019

Тақырыбы:  (бастауыш сынып апталығының ашылуы).

Мақсаты:

•      Оқушылардың  танымдық белсенділігін арттыру
• Шығармашылық қабілеттерін арттыру
• Талантты оқушыларды айқындау
• Жауапкершілікке, ұжымдылыққа тәрбиелеу
• Адамгершілік пен эстетикалық қатынасқа көңіл бөлу.

Барысы:

І. Ұйымдастыру кезеңі:
Жүргізуші: Құрметті ұстаздар, оқушылар! Білімнің сара жолы мектептен басталады, ал білімнің алғаш есігін ашатын кілті – бастауыш екенін барлығымыз білеміз. Ең алғаш әріп танып, оқуға,
санауға, есептеуге үйреніп, білімге деген құмарлығымызды бастауыштан бастаймыз.
— Бүгін, біз 08 — сәуір мен 15 сәуір аралығында өтетін бастауыш сынып әдіс бірлестігінің апталық іс — шарасын ашқалы отырмыз.
Бастауыш сынып апталығының  жұмыс жоспарымен таныстырып өтейін:

Жүргізуші: Ғылымныңсырынұғына,
Шығыңдарбілімшыңына.
Ұқыптылық пен зеректік
Жеткізербілімшыңына.
Бастауыштанқанасың,
Білімніңнәрлісырына
1 — оқушы: Бастауышым — бастамам,
Білімжолынбастаған.
Білімшыңыбиікте,
Белдібужасданам.

2-оқушы: Мектеп — кеме, білім — теңіз,
Бараржерге тез жетеміз.
Адаспаймызұлыжолда,
Ұстазбергенбілімқолда.

3 — оқушы: 
Мұндақызықтабылар
Жаңылтпаш, жұмбақбәрі бар.
Айтыс, тартыстағы бар
Сөзжұмбақ та, сан жұмбақ.
Суреттіжұмбақ, шешжұмбақ.
О — о — ой, бірқызықаптаболар,
Өздеріңмен бес болар.

Барлықтарыңызды пәндер апталығының ашылуымен құттықтаймыз! Апталықта бәрі бар – ашық сабақтар, жарыстар, конкурстар… Тамашалап, белсенді ат салысып, білімді жастар екенімізді көрсетейік!
Бүгінгі күні барлық ғылымдардың ішіндегі ең ауыр және ең қызық болып көрінетін төр екі егіз пәннің мектебіміздегі алыптарын ортаға шақырайық.
2 — Ана тілі:
«А» — дан сыр шерткен,
Барлық пәнді үйреткен.
Ардақтап мен оқимын,
Ана тілін құрметпен.
3 — Математика:
Терең ғылым, сананың,
Тегі деп ой саламын.
Маңызды деп оқимын,
Математика сабағын.
Жүргізуші: 
Мықты болсаң – алдағыны басып оз,
Мықты болсаң – арттағыны жеткізбе.
Мықты болсаң – тайғанама көк мұзда,
Мықты болсаң – бөгеттерді бұзып өт.
Мықты болсаң – заманыңды көктеп өт — дей отырып, мықтыларға арналған бастауыш пән апталығында оқушыларға үлкен жеңістерді, мұғалімдерге табыс тілейміз!

Жаңартылған күні: 15.04.2019 14:44
Құрылған күні: 08.05.2019 21:50

«Бастауыш – білім бастауы» онкүндігінің ашылу салтанаты

1 жүргізуші: Құрметті ұстаздар мен оқушылар! Бүгінгі «Бастауыш – білім бастауы» атты бастауыш бірлестігінің ашылу салтанатына қош келдіңіздер! Биыл «Қазақ хандығының 550 жылдығы», «Ата заңымызға 20 жыл», «өзіміздің мектебіміздің аты берілген Шоқан атамызға биыл 180 жыл», «Қазақ халқының ассамблеясына 20 жыл», сонымен қатар «Тәуелсіздігімізге 24 жыл». Бұл да біздің мерекелі мерейлі тойымыз. Қазақстан болашағы – біздер, яғни жас бүлдіршіндер. Мектептегі бастауыш сыныптардың пәндері бәріміздің ең сүйікті сабағымыз. Олар: музыка, еңбек, дене тәрбиесі, сурет және өзін -өзі тану, математика, әдебиет, қазақ тілі пәндері болып табылады.

2 жүргізуші:

Мектепте қандай қызық, қандай ғажап,

Танисың кереметтің бәрін барлап.

Бастауыш сабақтары ең қызықты,

Әуелеп биіктерге кетсең самғап, — дей келе, алдарыңызда «Көңілді күн» әнімен Қуантай Айгерім. Қарсы алыңыздар!

1 жүргізуші: Қарсы алыңыздар ортада 1 «А» сынып оқушылары өлең шумақтарымен.

2 жүргізуші:

Қазақ жері көп шеккен қасіретті

Қазақ жері өнерлі, өсиетті

Египетті билеген Бейбарыстай

Елі текті, киелі, қасиетті, — дей келе ортаға «Қазақстан» әнімен Разахов Нұрболды шақырамыз.

1 жүргізуші:

Бойыңды еркін жазып, сергітеді,

Мектепте бізге дене тәрбиесі.

Салауатты өмірді біз қалаймыз.

Спорт деген – денсаулық ол негізі, дей отырып 1 «Б» сынып оқушыларын «Малышка» биімен қарсы алыңыздар!

2 жүргізуші:

Пәндер ұнайды бәрімізге,

Көп үйрену керек қой әлі бізге.

Тартынба білгеніңді ортаға сал,

Дер едім, оқушылар, бәріңізге, дей келе Балғабек Айдананы «Арқалығым менің» әнімен ортаға шақырамыз.

1 жүргізуші:

Қара жорға болмаса,

Бидің сәні келе ме?, — дегендей ортада 1 «В» сыныбының оқушылары

«Қара жорға» биімен. Қарсы алыңыздар!

2 жүргізуші:

Әрбір пәннің өзіндік әр сыры бар,

Әрбір пәннің өзіне айтар жыры бар.

Сол пәндердің құпиясын жеткізген

Әр ұстаздың жыдымызда үні бар.

деп ортаға «Тұлпарым» әнімен Ажар мен Ақсезімді шақырамыз.

1 жүргізуші:

Мектепте үйренеміз түрлі өнерді,

Зердемізге тоқимыз төгіп терді.

Музыка пәнін бәріміз ұнатамыз,

Танытатын ғажайып өнерлерді.

Алдарыңызда «Цыган» биімен 2 «А» сыныбының оқушысы Назым.

Қарсы алыңыздар!

2 жүргізуші:

Екі шектің бірін қатты,

Бірін сәл сәл кем бұра

Нағыз қазақ қазақ емес

Нағыз қазақ домбыра, — дей отырып Газизов Серікболсынды «Жастар биі» күйімен ортаға шақырамыз.

2 жүргізуші:

Құлақтан кіріп бойды алар,

Әсем ән мен тәтті күй.

Көңілге түрлі ой салар,

Әнді сүйсең менше сүй, -деп Абай атамыз айтқандай, енді ортаға 1 «В» сыныбының оқушысы Балнұрды «Айгөлек» әнімен шақырамыз.

1 жүргізуші:

Мың бұралған бишілер,

Үнді биін көріңіздер.

Ортада 1 «В» сыныбының қыздары «Үнді» биімен. Тамашалаңыздар!

2 жүргізуші:

Туған жердей жер болмас,

Туған елдей ел болмас, — дей отырып 4 «А» сыныбының оқушысы Гүлназды «Ертегілер» әнімен ортаға шақырамыз. Қарсы алыңыздар!

1 жүргізуші:

Кел, билейік, кел, билейік,

Неге тұрсың билемей?

Кел, билейік, іркілмейік,

Неге отырсың үйренбей? – дей отырып, 1 «А» және 2 «В»сыныбының оқушыларын «Вальс» биімен ортаға шақырамыз. Тамашалаңыздар!

2 жүргізуші:

Ән көңілдің ажары, — дей келе алдарыңызда 4 «Б» сыныбының оқушысы Айгерімді «Туған елім, туған жерім» әнімен. Қарсы алыңыздар!

1 жүргізуші:

Жалығуды білмейміз,

Жабығуды білмейміз.

Жауқазындай көзді тартып,

Жайраң қағып билейміз, — дей келе ортада 4 «А» сыныбының оқушыларының дайындаған биін қабыл алыңыздар!

Флэшмоб

2 жүргізуші:

Байтақ дала жерім меніңАрта берсін даңқың сеніңКөк байрағың желбіресінЕгеменді елім менің.

Хор: «Қазақстан»

1 жүргізуші: Осымен, «Бастауыш – білім бастауы» атты бастауыш бірлестігі онкүндігінің ашылу салтанатын аяқтаймыз.

2 жүргізуші: Көңіл қойып тыңдағандарыңызға рахмет!

Сараптамалық анықтама

«Бастауыш – білім бастауы» атты бастауыш бірлестігінің ашылу салтанаты концерттік бағдарлама түрінде болды. Оған бастауыш сынып оқушылары қатысты. Атап айтатын болсақ, «Көңілді күн» әнімен Төлеген Әйгерім, «Жаса, Қазақстан» әнімен Разахов Нұрбол, «Арқалығым менің» әнімен Балғабек Айдана, «Тұлпарым» әнімен Ажар мен Ақсезім, «Айгөлек» әнімен Балнұр, «Ертегілер» әнімен Гүлназ және «Туған елім, туған жерім» әнімен Айгерім шықты. Сонымен қатар, 1 сынып оқушылары өлең шумақтарын арнады. 1 сыныптың оқушылары «Малышка» биін, «Қара жорға», «Үнді», «Вальс» билерін және 2 сынып оқушысы Назым цыган биін биледі. «Жастар биі» күйі де орындалды. 4 сынып оқушылары флэшмоб биімен аяқтады. Бағдарлама соңында мектеп директоры сөз сөйлеп, өзінің жылы лебізін білдірді. Осылайша бағдарлама өз соңына жетті. Концерт өз деңгейінде өтті.

Бастауышпен қоштасу мерекесі

Мақсаты:

1. Білімнің сара жолы бастауыштан басталатынын , бастауышта алған  білімнің  негіз болып қаланатынына көз жеткізу;
   2. Бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру, әр баланың ерекшелігін  таныта отырып, сәт-сапар тілеу;
   3.Білім берер ордасы- мектепті, ұстаздарын құрметтеп, білімге деген құштарлығын арттыру. Өз Отанынының адал ұлы мен қызы болуға тәрбиелеу;
   Көрнекілігі: шарлар, білім кілті, фотомонтаж, слайдтар, видео-ролик, мақал-мәтелдер, нақыл сөздер
   Видеоролик «Шуақты 4 жыл …»

Мұғалім:

Бүгін, міне, жақсы күн жарқыраған,
Көңілдер қуаныштан сарқыраған.
Қоштасатын күн келді бастауышпен,
Қиындау болып тұр-ау бүгін маған.

Кеше ғана алдыма келген еді,
Именіп ұлы ұяға енген еді.
4 жыл бойы сусындап білімменен,
Ұшатын қанат қағып келді кезі.

    Құрметті ата-аналар, қымбатты әріптестер, оқушылар!

Бүгінгі күн осында отырған бәріміз үшін ерекше күн. Оның ерекшелігі  сол, кеше ғана тұлымдары желбіреп, жүректері лүпілдеп мектеп табалдырығын қуана аттаған ұл-қыздарымыз ақыл ойлары толысып, оң мен солын танып, жақсы мен жаманды айыра білуді үйренген шәкірттеріміз , енді міне, қанаттары қатайып, білімнің негізі болатын бастауыш сыныппен қоштасқалы отыр.

Олай болса 4-сыныптың «Қош бол, бастауыш»  атты мерекелік салтанатына қош келдіңіздер!

Бесіктегі  баланың,
Күлгенін көрген — бір мұрат.
Алдына түсіп ананың,
Жүргенін көрген — бір мұрат – дегендей, бастауыш сыныпты бітіруші түлектерімізді ортаға шақырайық!   (Оқушылар ортаға шығады)

Толқимыз, толқып тұрсыз баршаңыз да,
Мұндай күй болған, сірә, қаншаңызда.
Қол соғып, қошеметтеп отырайық,
4-сынып оқушылары ортамызда!

Мұғалім:
Армандасаң да , қиялдасаң  да балалық шағың көз алдыңа келеді. Өйткені, биік асуға беттеген  аяулы ғұмыр, ғажайып өмір осынау бал күлкілі  балалық шақтан басталады. Міне , бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі  отыр. Ендеше қызықты да, ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата-аналарына  өз өнерлерін көрсетуге дайын.

(Музыка «Жазамын  жүрегімнен»)

1 — жүргізуші:  Р

Армысыздар, ардақты ұстаздар, қадірлі қонақтар, оқушылар!  Бүгін біз бастауышпен қоштасып, үлкен өмірге аттанғалы отырмыз.
Көз салып қараңызшы бойымызға,
Ортақ боп бүгін өскен ойымызға.
Қош келіпсіз ұстаздар, ата-аналар!
Бастауышпен қоштасу тойымызға.

2 — жүргізуші: А

Бала шаққа болашақты жырлатып,
Шәкірттерге ой түзеткен сымбатты.
Күн нұрындай сәуле құйған көңілге,
Армысыздар, ұстаздарым қымбатты!

1 — жүргізуші: Р

Армысыздар, әжелер мен аналар!
Ұрпағыңыз күнде өзіңнен бата алар.
Ел дәстүрін мәңгі сыйла, оқы деп,
Үйреткен ғой Абай, Ыбырай бабалар.

2 — жүргізуші: А

Армысыздар, өр тұлғалы әкелер!
Қыран құстай балапанын мәпелер.
Бүгін, міне, бастауышпен қоштасады,
Азамат боп, кешегі сәби-еркелер!

1 — жүргізуші: Р

Армысың сен, алтын ұя мектебім,
Саған айтар жыр-алғысым көп менің.
Жүректерге жаққан білім шырағын,
Мектебіме арналады бұл әнім!

2 — жүргізуші:  А

Дұрыс айтасың   Расул!   Бұл мектептен қаншама адам тәлім алған десеңші. Менің атам да, әжем де, әкем де, анам да, енді, міне мен де  мектептен тәлім алудамын.

1 — жүргізуші:  Р

«Мектеп — білім» кемесін
Басқарып бүгін келесіз.
Ата-ана, ұстаз, балаға
Ақ жарқын сәлем етесіз.
Шақырып едік, келдіңіз,

Ғалымжан Серікбайұлына

Сөз кезегін береміз.
Мектеп директорының құттықтау сөзі

2 — жүргізуші: А

Құрметті Индира әпкей, қош келдіңіз,
Өзіңізді мақтан етіп жүреміз біз.
Жақсылыққа жаралған жүрегіңіз,
Сөз береміз құрметпен өзіңізге,
Түлектерге арналсын тілегіңіз.

1 — жүргізуші: Р

— Балалар, айтыңдаршы біздің мерекеге келген қонақтар біз жайлы білгілері келіп отырған шығар, өзімізді таныстыра кетсек артық болмас еді.
1-оқушы: 4 сыныпты  8 бала бітіргелі отыр  (Сая)
2-оқушы: Сыныптың орта жасы – 9 жас (Абзал)
3-оқушы: Бойлары – 130 см, 4 жылда әр бала 15 см-ге өсті  (Инабат)
4-оқушы: Салмақтары — 30  кг, 4 жылда әр бала 4 кг-нан салмақ қосты. (Ерзат)
5-оқушы: Сынып оқушылары мейірімді, ақкөңіл, алғыр (Балнұр)

6-оқушы: Сыныпта 3 оқу озаты мен 2 екпінді бар  (Ерасыл)

1-жүргізуші: — 4 жыл бойы білімнің қиын баспалдағын басып, мыңдаған сабақтар оқыдық.
2-жүргізуші: — ондаған ережелер жатталып, жүздеген есептер мен мыңдаған мысалдар шешілді.
1-жүргізуші: — басымызға көптеген ғылыми түсініктер қалыптасып, ал кейбіреуі әлі де сыймай жатыр
2-жүргізуші:   — үй тапсырмасын орындауға кеткен уақытты есептемегенде, мыңдаған сағатымыз партада отырумен өтіпті.
1-жүргізуші:  — 6560 дәптер жазып тастаппыз
2-жүргізуші:  — қосымша парақтарды айтсаңшы
1-жүргізуші:  — 4 жылда 6600 қоңырау соғылды.  4 жыл еңбектендік.
2-жүргізуші:  — Ал  ол  дегеніміз  — 2 904 сабақ
1-жүргізуші:  — 102 сынып сағаты
2-жүргізуші:  — 2 433 шулы да,  көңілді үзілістер
1-жүргізуші:  — тау-тау оқылған кітап беттері
2-жүргізуші:  — реніштер мен қуаныштар, қызықты  оқиғалар.
Оқушылар хормен:  Бұған тек  әлділер  ғана  шыдайды.

1-жүргізуші:  Десек те, біздің сыныпта ешкім де, екінші жылға оқуға қалған жоқ қой.

2-жүргізуші:  Әрине, барлығымыз бәйгеге қосқан тұлпардай жүйткіп келеміз!

1-жүргізуші: Ия,  Ақмаржан  мектебімізге қандай жыр арнасақ та жарасады.

2-жүргізуші:   Ендеше сыныптастарымыздың мектепке арнаған жырларына кезек берейік.

1 — оқушы: Ерзат

Мектeп деген –  білім кені жыр кені,
Мектеп деген –  ғылымның ең үлкені.
Мeктеп деген –  тәрбиеші адамға,
Мектeп деген –  даналардың мекені.

2 — оқушы:  Балнұр

Мектебім білім берер алтын ұям,
Бой жетіп сенде сөзім артты санам.
Баулыған 4 жыл бойы ата-анамдай
Әрқашан қасиетті атың маған.
Арада өтсе дағы дүркіреп жыл,
Әр күні балалықтай бір жүрек бұл,
Өзіңе борыштармын өмір бойы,
Есейген шәкіртіңнің серті деп біл.

3-оқушы: Ерасыл

Ұлылықты ардақ тұтар үнемі,
Алтын ұя, ақ босаға киелі,
Қанат қаққан білім алып өзіңнен,
Күллі шәкірт саған басын иеді.

4-оқушы:  Сая

Мектебім, алтын ұям, нұрың жарық,
Жайнаттың үмітімнің гүлін жарып.
Сүйкімді сенің күміс қоңырауың,
Тұрады құлағымда сыңғыр қағып.

5-оқушы:  Инабат

Мектеп – үйім, ұстаздарым – ата-анам,
Сенен өсіп, сенен ғана нәр алам.
Саяң ыстық, сен мәуелі бәйтерек,
Тамырланып, сан тарапқа тараған.

6-оқушы: Абзал

Алтын ұя мектебім аялаған,
Бар балаға білім беріп, сая болған,
Үлкен жолға түсіріп шәкірттерін,
Жаманға да, жақсыға да пана болған.

1-жүргізуші:    Балалардың ұстазға арнаған ән-жырларын айтпас бұрын, ұстаз туралы не айтар едің  Ақмаржан?
2-жүргізуші: Әр шәкіртін өз баласынан кем көрмей оқуға, жазуға үйреткен мұғалім еңбегі шексіз ғой.  «Мұғалім — мектептің жүрегі» — деп Ыбырай атамыз бекер айтпаған.

1-жүргізуші:    Ия,  «Ұстаздық еткен жалықпас, үйретуден балаға», — деп Абай атамыз айтқандай, алғаш қолымызға қалам ұстатып, 42 әріпті танытқан , оңымыз бен солымызды айырып, білім нәрімен сусындатқан, мектептегі анамыз – ұстаз екені бәрімізге мәлім.

2-жүргізуші:  Дұрыс айтасың, Расул, ғылым иесі ғалым да, ел қорғаған батыр да, тілінен бал тамған ақын да, көкті шарлаған ғарышкер де, бәрі — бәрі ұстаздан білім мен тәрбие алған.
1-жүргізуші:  Иә, бұл туралы Бауыржан атамыз: «Болашақтың басшысын да, данасын да, ғалымын да, еңбекқор егіншісін де, кеншісін де  — ұстаз өсіреді»  деген екен.

2-жүргізуші:  Олай болса келесі жырымызды қолымызға қалам ұстатып, білім нәрімен сусындатқан, мектептегі анамыз –  ұстазымызға арнаймыз!

1-оқушы:  Ерзат

Маған ұстаз үйретті,
Әліппесін өмірдің.
Жан жүйемді билетті,
Күйі шалқып көңілдің.
Қиялымды кездірді,
Таптым ойдың тұрағын,
Маған ұстаз сездірді,
Алдағы өмір шырағын.

2-оқушы: Балнұр

Басса бұрыс, жол сілтеп, қате дейсіз,
Әр балаға сіз ана-әкедейсіз.
Болашақтың көктеген жас шыбығын,
Бағбанындай аялап, мәпелейсіз.

3-оқушы: Инабат

Көңілін бар шәкірттің таба алатын,
Кеуделерге намыс отын жаға алатын.
Өзіңіздей болса, шіркін, барлық ұстаз,
Жез таңдай, күміс көмей, сөзі алтын.

4-оқушы: Ерасыл

Есімде ерен ұстазым,
Шашымнан сипап өткенің.
Аянбай бізге қыс-жазы,
Молынан мейір төккенің.

5-оқушы: Сая

Алғашқы ұстаз, ерекше тұлға дара шың,
Ұмытылмастай көңілде мәңгі қалатын.
Сағына әркез суреттерді парақтап.
Шәкірттерін жиі еске алатын.

6- оқушы:  Абзал

Жаралған жақсы үміт пен мұраттардан ,
Жансыз ғой әлдилеген шуақты арман.
Жатталады жан жүректе есіміңіз,
Анамның аяулы үні сияқтанған.

7- оқушы: Расул

Шәкірттер сіздерді айтып мақтанады,
Бейнеңіз жүректерде сақталады.
Біз әлі биіктерден көрінеміз,
Үміт пен сеніміңіз ақталады.

Бәрі:  Мың алғыс сізге біздей түлектерден,   

           Мың алғыс мына отты жүректерден!

Ән: «Ұстаз-Ана!»  Балнұр

1-жүргізуші: Р

Қағылды, міне, әуенге бөлеп,
Қағылды соңғы қоңырау.
Қалайша 4 жыл тез өтіп кеткен
Шындық па осы, япыр-ау !

2-жүргізуші: А

Расында да, 4 жыл деген  4 күндей боп өте шықты ғой. Олай болса, мына бізге білім берген ұстаздарға деген шәкірттердің тілегін қабыл алыңыздар!

1-оқушы:  Ақмаржан

Байсалды мінезіңіз бірқалыпты,
Менің де көкейімде із қалыпты.
Роза әпкей неткен мықты төзімдісіз,
Шәкіртім білім алсын, білсін дейсіз.

2-оқушы:   Сая

Үйреткен сөз өнердің қыр-сырларын,
Гүлденткен үлес қосып бала бағын.
Жансая әпкейге шексіз алғыс,
Жүріңіз шәкірттерге беріп дәріс.

3-оқушы: Ерзат

Орыс тілді оқытып,
Тілімізді ширатқан.
Сыныпқа кіріп келгенде,
Қимылдамас еш пенде.
Айгүл апай тәртіпті,
Ұғындырған біздерге

4- оқушы:  Ерасыл

Үйренеміз жалықпай,
Ағылшын тілін шарықтай.
Тіл сындырып,ән айтып,
Шаттанамыз қалықтай,
Құралай апай тәлімі
Сәулесін шашқан жарықтай.

5-оқушы:  Балнұр

Ұстаздардың арқасында шаттандық,
Сөзін ту ғып, болашаққа аттандық.
Еңбек пәні мұғалімі Күлпаш әпкей
Барлығымыз жүретұғын мақтан ғып.

6-оқушы: Инабат

Музыка атты пәніміз,
Айтылар онда әніміз.
Еркінбек ағай үйретсе
Шырқатамыз бәріміз.

1-жүргізуші:  Иә, осыдан 4 жыл бұрын , біз 6 жастағы бүлдіршін едік,  сөмкемізді зорға көтеріп, мектеп табалдырығын жасқана аттағанбыз.
2-жүргізуші:  Енді міне,  сауатымызды ашып, білім негізін қалаған бастауыш  сыныппен қоштасып, орта буын қатарына қосылғалы тұрмыз.
1-жүргізуші:  Иә, міне, сағымдай боп өте шыққан  4 жыл ішінде біздің  ұстаз-анамыз сауатты, тәрбиелі, өнегелі азамат етіп шығарды.
2-жүргізуші:  Ендеше, бастауыш сыныбымыз туралы неге айтпасқа!

 1-оқушы:  Сая

Бастауышым – бал бұлағым,
Лаулап жанған шам-шырағым.
Өзің берген біліміңмен,
Самғап ұшар тау қыраның.

2-оқушы: Ерасыл

Бастауышым- бал бұлағым,
Алдым сенен балдың дәмін.
Әріп танып, білім алып
Рахметімді жаудырамын.

3- оқушы:  Балнұр

Бірдей біздің ойымыз да, сырымыз,
Бір мектептің ұлы менен қызымыз.
Бірдей өстік оқуда да, еңбекте,
Күліп-ойнап бірімізбен біріміз.

4— оқушы: Ерзат

Әр үйдің ерке өскен тентегі едік,
Ақылға келе алмадық ерте көніп.
Бойымыз бірте-бірте үйренісіп.
Мектептің ережесін үйрендік  кеп.

5-оқушы: Инабат

Бастауышта шырқалмаған жыр бар ма?
Бастауыштa айтылмаған сыр бар ма?
Бастaуышта алған білім, жырларым,
Азық болар , әлі талай жылдарға.

6-оқушы:  Абзал

Өтті сенде қызық шағым,
Бастауышым- бал бұлағым.
Қоштасар күн жетті, міне,
Қимастықпен қол бұлғаймын.

 Ән: «Бастауышпен қоштасатын кез келді»  Ақмаржан

 1-жүргізуші: Расул

Біздер бастауыш сыныпта жоғары сыныптарда өтілетін әдебиет, тарих, биология, алгебра, физика, химия  т.б пәндерге негіз болатын ана тілі, математика, дүниетану,  орыс тілі пәндерін зер салып оқып үйрендік.

 1-оқушы:  Балнұр

Қазақ тілі пәнінен,
Білім алды балалар.
Сөйлемді, сөз таптарын,
Етістіктің шақтарын,
Жалғаулар мен жұрнақтар.
Ережесін жаттадым

2-оқушы: Расул

Анашымдай сыр шерткен,
Ақыл- білім үйреткен.
Ана тілін оқыдық ,
Ерекше зор құрметпен.
Ана тілін сүйеміз,
Құрметпен бас иеміз.
Ана тілмен қоштасамыз,
Әдебиетпен достасамыз.

3- оқушы: Ақмаржан

Ойланып есеп шығартып,
Төрт таңбаны білдірген.
Ғылымдардың патшасы,
Математика данасы

4-оқушы:  Абзал

Ой жіберсең бәріне ,
Дүниетану пәніне.
Өмір сырын үйретер,
Пәннің жақсы бәрі де.
Жер байлығы көп екен,
Игеруді қалайды.
Осының бәрін білдірген,
Дүниетану сабағы.

5-оқушы: Ерасыл

Үйренеміз жалықпай,
Орыс тілін шарықтай.
Тіл сындырып, ән айтып,
Шаттанамыз қалыспай.

 Хор: «Бастауыш мектеппен қоштасу»

1-жүргізуші: Расул

   Біздердің жамандығымызды жасырып, жақсылығымызды асырып жүрген біздің ата-анамыз. Қатарымыздың теңі болып, тамағымыз тоқ, көйлегіміздің көк болып жүруі де сол кісілердің арқасы.

2-жүргізуші: Ақмаржан

Олай болса келесі жыр шумақтары аяулы ата-аналарымызға арналады. Қабыл алыңыздар!

1-оқушы:  Абзал

Ыстық-ау  кім-кімге де әке деген,
Суыққа шалындырмай, мәпелеген.
Өмірдің соқпағымен өрге тартып,
Алдымен адам бол деп жетелеген.

2-оқушы:  Ерасыл
Әкешім тілеуімді тілеп жүрген,
Аумайсың жарығы мол ашық күннен.
Шаршайсың жұмыс істеп біздер үшін.
Ақылды балаларың оны білген.

 1-жүргізуші:   Әр ана өз баласын жақсы оқып,  елге қалаулы азамат болса екен дейді. Халқымызда мынадай бір нақыл сөз бар: «Анаңды Меккеге үш рет арқалап барсаң да, борышыңды өтей алмайсың» деген. Алайда ардақты анамыздың ақ сүтін ақтай білгенге не жетсін!

2-жүргізуші:  Иә, дұрыс айтасың Расул!  Біз болашақта саналы да, ақылды бала болып өссек ананың арманы орындалды деген осы емес пе?!

1-оқушы:  Сая
Дүниеге әкелген, ол да сенің анашың,
Ақ сүт беріп өсірген, ол да сенің анашың.
Тіл алмасаң кешірген, ол да сенің анашың,
Мәпелеген баласын,аман болсын анашым!

2-оқушы:  Балнұр

Кеудемнен сезім селі ақтарылсын,
Болармын күні ертең-ақ мақтанышың.
Білім алып, тер төгем , еңбек етем,
Өзіңнің сеніміңді ақтау үшін!

Хормен:  Ата-ана сізге мың алғыс!

Ата-аналарға алғыс хаттарды табыс ету

Видео ролик

 2-жүргізуші:   А

Соңымыздан еріп келе жатқан  мектеп алды даярлық тобының  бүлдіршіндеріне  бастауыштың білім кілтін табыс етеміз.

1-жүргізуші:   Р

Алдарыңда сан тарау жолдары тұр,
Бәрі біздей азамат болғалы тұр.
Біріншіге келетін балаларға
Тапсырамыз  білімнің кілтін біз.

2-жүргізуші: А
Осыдан 4 жыл бұрын біз де сендер секілді бүлдіршін едік. Мектеп табалдырығын имене аттап, оқушы атандық. Енді, міне, 4-сыныпты аяқтап, бастауышпен қоштасқалы отырмыз. Мінекей, бастауыштың  білім кілтін сендерге табыстаймыз. Сабақтарыңды жақсы оқып, тек алда болыңдар!

1-жүргізуші: Расул

Болашағы бейне қызыл қыр гүлі,
Бүлдіршінді аяласын күн нұры.
Жаңа табыс жақсы күнге бастасын,
Бүгін соңғы қоңыраудың  сыңғыры.

2-жүргізуші:

Бастауыш сатының соңғы қоңырауы соғылсын!

 Ән: «Қимай тұрмын бастауышты»  Расул

1 — жүргізуші: Ақмаржан

Жетекші боп жүрдіңіз түлектерге,
Біздерді ойлап  көңіліңіз жүдеді де.
Шәкірттер тыңдаңыздар ұстаз сөзін,
Сіздерге арнап айтатын тілегін де — дей отырып сөз кезегін ұстазымызға береміз!

Ұстаз тілегі:
Өлкеміздің айналыңдар ертеңіне,
Сенімдердің айналыңдар серперіне.
Ұстаздық ақ жүректен  мен тілеймін,
Тек сәттілік – шәкірттерім ертеңіңе.

Айналайын жап- жарқын жүздеріңнен,
Аластайтын жаныңды күз көңілден.
Мен сендерге мәңгілік тілекшімін,
Тілек тілеп тұратын іздеріңнен.

Қарлығаштай қанат қағып самғаңдар,
Есейіңдер өмір жолын таңдаңдар.
Бастауыштан алған нұрлы білімді,
Әрі қарай, ізденіңдер, жалғаңдар, — демекшімін,  бастауышта алған білімдеріңді әрі қарай шыңдай түсіңдер.

Мұғалім:  «Қоштасу әні»
Ұстаздың қоштасу әні

Ақ жол тілеп түлектерді шығарып салады

Мұғалім:

Жақсы шәкірт азамат атанады,
Халқынан, ата-анадан бата алады.
Ұрпағына айтсын деп ақ тілегін,
Ортаға шақырайық ата-ананы.

Ата-аналардың құттықтау сөзі

Ал ата-аналарға айтарым:

Қырандарыңыздың білім қанаттары талмасын.
Тек биікке самғасын!

Ал түлектерге айтарым:

Алдарыңда ұзақ жолың бар,
Оқумен өсіп толыңдар.
Қиындыққа мойымай,
Аман-есен болыңдар!

Арман-тілектерін айтып, әуе шарларын аспанға ұшыру

БАСҚА ДА СЦЕНАРИЙЛЕР

Сценарий тақырыбы: Бастауышпен қоштасу
Сценарий мақсаты:
1. Білімнің сара жолы бастауыштан басталатынын , бастауышта алған білімнің негіз болып қаланатынына көз жеткізу.
2. Бастауыш сыныбымен , алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру,әр баланың ерекшелігін таныта отырып, сәт – сапар тілеу.
3.Білім берер ордасы- мектепті , ұстаздарын құрметтеп, білімге деген құштарлғын арттыру.Өз Отанынының адал ұлы мен қызы болуға тәрбиелеу.
Көрнекілігі: «Шуағын төккен 4 жыл» фотомонтажы. Слайдтар.
Қанатты сөздер мен тақырып.
Кіріспе сөз:
Мұғалім:
Бұл оқу тамақ болар қарны ашқанда,
Жол табар қараңғыда адасқанда .
Мал озбас біле білсең білім озар,
Ақыры керек болар бір сасқанда – деп Міржақып ақын айтпақшы , тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізілгелі отырған « Қош бол, бастауыш» мерекесін бастауға рұқсат етіңіздер!
Қош келіпсіздер , құрметті ата – аналар, қымбатты әріптестер, оқушылар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр.
Бесіктегі баланың,
Күлгенін көрген — бір мұрат.
Алдына түсіп ананың.
Жүргенін көрген- бір мұрат – дегендей, бастауыш сыныпты бітіруші түлектерімізді ортаға шақырайық!

Толқимыз , толқып тұрсыз баршаңыз да
Мұндай күй болған сірә қаншаңызда
Қол соғып, қошеметтеп шақырайық
4- сыныптарды ортамызға!

Музыка әуенімен бастауыш сынып түлектері ортаға келеді.

Мұғалім: Сіздердің алдарыңызда тұрған 4- сынып оқушылары осыдан 4 жыл бұрын 6 жасар бала болса, бүгін міне , ес біліп, етек жиған шәкірт. Мектеп табалдырығын аттаған күннен бастап»Әліппемен қоштасу», дәстүрлі Наурыз тойлары , «Әдепті бала» , «Әнші , биші балапан», «Кішкентай күз аруы», «Наурыз аруы», «Кішкентай жігіт сұлтаны»,Мәнерлеп оқу сайыстары мен әртүрлі тақырыпта ұйымдастырылған көрмелер,сыныпаралық спорттық жарыстар, ашық сабақтар мен тәрбие сағаттары балалардың есінде ұзақ сақталары сөзсіз.
Армандасаң да , қиялдасаңда балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне , бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр.Ендеше қызықты да ғаламат өзгерістер сыйлаған , білім нәрімен сусындатқан ,өмірде өз жолдарын табуға жол сілтеген ұстаздарына,
ата- аналарына өз өнерлерін көрсетуге дайын.Олай болса жүргізушілерімізді ортаға шақырайық!

Есен : Бала шаққа болашақты жырлатып,
Шәкірттерге ой түзеткен сымбатты .
Күн нұрындай сәуле құйған көңілге,
Армысыздар , ұстаздарым қымбатты!

Гаухар: Армысыздар әжелер мен аналар
Ұрпағыңыз күнде өзіңнен бата алар.
Ел дәстүрін мәңгі сыйлап оқы деп,
Үйреткен ғой Абай, Ыбырай бабалар

Тұралбек: Армысыздар өр тұлғалы әкелер!
Қыран құстай балапанын мәпелер.
Бүгін міне бастауышпен қоштасады,
Азамат боп , кешегі сәби- еркелер!

Айнұр:Армысың сен , алтын ұя мектебім
Саған айтар жыр- алғысым көп менің
Жүректерге жаққан білім шырағын ,
Мектебіме арналады бұл әнім!

Есен : Дұрыс айтасың Айнұр ! Бұл мектептен қаншама адам тәлім алған десеңші.Менің атам да, әжем де , әкем де, анам да , енді мен де мектептен тәлім алудамын.

Айнұр : Олай болса Есен алтын ұя мектебімізге арнап
Бота Бисенова апамыздың «Мектебім» әнін шырқайық!
Ән: Мектебім.
Слайд: «Мектептегі мерекелер»

Тұралбек : Иә мектебімізге қандай жыр арнасаң да жарасады. Ендеше сыныптастарымыздың мектепке арнаған жырларын тыңдайық

1 оқушы : Мектеп деген білім кені , жыр кені,
Мектеп деген ғылымның ең үлкені.
Мектеп деген тәрбиеші адамға.
Мектеп деген даналардың мекені.

2 оқушы: Мектебім- білім берер алтын ұям.
Ер жетіп сенде сөзім, артты санам.
Баулыған 4жыл бойы ата- анамдай.
Әрқашан қасиетті атың маған.
Арада өтсе дағы дүркіреп жыл ,
Әр күні балалықтай бір жүрек бұл.
Өзіңе борыштармын өмір бойы
Есейген шәкіртіңнің серті деп біл.

3 оқушы:Армысың сен алтын ұя мектебім,
Саған айтар жыр алғысым көп менің.
Жүректерге жаққан білім шырағын,
Мақтан етем сені мәңгі мектебім.

4 оқушы:Ұлылықты ардақ тұтар үнемі,
Алтын ұя, ақ босаға киелі.
Қанат қаққан білім алып өзіңнен,
Күллі шәкірт саған басын иеді.

5 оқушы:Мектебім , алтын ұям , нұрың жарық,
Жайнаттың үмітімнің гүлін жарып.
Сүйкімді сенің күміс қоңырауың,
Тұрады құлағымда сыңғыр қағып.

6 оқушы: Мектеп – үйім , ұстазым менің – ата- анам,
Сеннен өсіп, сеннен ғана нәр алам.
Саяң ыстық , сен мәуелі бәйтерек.
Тамырланып , сан тарапқа тараған.

7 оқушы: Мектебім- сүйікті мектебім,
Бауырыңда түлеймін , көктеймін.
Сен – бұлақ, мен- қайың бүр ашқан,
Өзіңнен нәр алып көктедім.

8 оқушы: Мектеп – кеме , білім – теңіз,
Барар жерге тез жетеміз.
Төрт жыл алған білім нәрін ,
Азық етіп ер жетеміз.
Ән : «Үйретеді мектепте»

Гаухар: « Ұстаздық еткен жалықпас үйретуден балаға»,-деп Абай атамыз айтқандай , алғаш қолымызға қалам ұстатып, оңымыз бен солымызды танытқан, бізбен бірге қуанып, 42 әріпті танытып , білім нәрімен сусындатқан, мектептегі анамыз- ұстаз екені бәрімізге мәлім. Балалардың ұстазға арнаған ән -жырларын айтпас бұрын, ұстаз туралы не айтар едің Айнұр?

Айнұр :Әр шәкіртін өз баласынан кем көрмей, оқуға , жазуға үйреткен мұғалім еңбегі шексіз. «Мұғалім – мектептің жүрегі» — деп Ыбырай атамыз бекер айтпаған.

Тұралбек:Дұрыс айтасың Айнұр,ғылым иесі ғалым да , ел қорғаған батыр да , тілінен бал тамған ақын да , тегеуріні темір балқытқан жұмысшы да, көкті шарлаған ғарышкер де, бәрі- бәрі ұстаздан білім мен тәрбие алған.

Есен : Иә ,бұл туралы батыр Бауыржан атамыз: «Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді»деген екен. Олай болса келесі жырларымызды ұстаздарымызға арнаймыз!

9 оқушы:Алғашқы ұстазымыз анамызбен тең келеді,
Бар асылын бізге жиып , мол береді.
Қанатымен су себелеп асыл жан,
Әр шәкіртін баласынан кем көрмейді.

10 оқушы:Тек үйреттің әділдікті , адалдықты,
Жирендік , ажыраттық жамандықты.
Жалғастырар ақ жолың сенің салған,
Бар деп ұққын әрқашан балаң мықты.

11 оқушы: Жарық күннен жылы жүзің елестер,
Құлағымда өзің берген кеңестер.
Жанарымда алыс тартқан қара жол,
Көз жұмсам да көре тұғын белестер.

12 оқушы:Қоңыр үнді даусың әсем таңдардай ,
Ұстазымның жүзіндегі нұр қандай?
Мейірлене қарап қойып біздерге,
Күн астынан сабақ беріп тұрғандай

13 оқушы: Ұстазым! Ұстазым өзің едің асқақ әнім,,
Басталған ақ батаңнан жас талабым.
Ұғындым ұлылықтың, даналықтың,
Ұстаздың ұлағатынан басталарын.

14 оқушы: Мұғалім ұстазысың балалардың,
Болашақ ғалымдардың , даналардың .
Өмірде сенің алар орыныңа ,
Бірі де жеткізе алмас бағалардың.

15 оқушы: Кеп- кешегі жабырқау қайда қалған,
Шықпаушы едік бір елі айналаңнан.
Мейірің ба , ұстаздық жүрегің бе?
Жан дүниесін баланың жаулап алған.

16 оқушы:Нұр құйған санасына зейіндінің.
Нұрлы шам сәулесіндей мейірімің.
Дарыттың адамдықты шәкіртіңе,
Дамыттың дарын отын бейімдінің.

17 оқушы:Алғашқы ұстаз, ерекше тұлға дара шың,
Ұмытылмастай көңілде мәңгі қалатын.
Сағына әркез суреттерді парақтап.
Шәкірттерін жиі еске алатын.

18 оқушы:Жаралған жақсы үмітпен мұраттардан ,
Жансыз ғой әлдилеген шуақты арман.
Жатталады жан жүректе есіміңіз,
Адамның аяулы үні сияқтанған.

19 оқушы:Шәкірттер сіздерді айтып мақтанамыз,
Бейнеңіз жүректерде сақталады.
Біз әлі биіктерден көрінеміз,
Үміт пен сеніміңіз ақталады .

Бәрі : Мың алғыс сізге біздей түлектерден,
Мың алғысмына отты жүректерден!

Ән: Б.Бисенова «Ұстазға мың тағзым»

Есен: Иә осыдан 4 жыл бұрын , біз 6 жастағы сәби -балалар сөмкемізді зорға көтеріп,мектеп табалдырығын жасқана аттаған едік.
Тұралбек: Енді міне сауатымызды ашып, білім негізін қалаған бастауыш мектеппен қоштасып, орта буын қатарына қосылғалы тұрмыз.
Айнұр: Иә, міне сағымдай өте шыққан 4жыл ішінде біздің ұстаз анамыз сауатты, тәрбиелі, өнегелі азамат етіп шығарды.

Гаухар: Ендеше бастауыш сыныбымыз туралы неге айтпасқа !

20 оқушы : Жасқана кіріп жарық сыныпқа біз.
Әр бетін Әліппенің күле ашқанбыз.
Мұғалім сабақ өтіп жатқан кезде,
Қайталап атымызды сұрасқанбыз.

21 оқушы: Әр үйдің ерке өскен тентегі едік,
Ақылға келе алмадық ерте көніп.
Бойымыз бірте- бірте үйренісіп.
Мектептің ережесін үйрендік кеп.

22 оқушы: Өмірдегі жолымды бір өзіңнен бастадым,
«А»әрпін алғаш сеннен бастадым.
Ұстазым естен кетпес мәңгілікке,
Мейіріммен жауырынымнан қаққаның.

23 оқушы:Бірдей біздің ойымыз да , сырымыз,
Бір мектептің ұлы менен қызымыз.
Бірдей өстік оқуда да еңбекте,
Күліп – ойнап біріміз бен біріміз.

24 оқушы: Бастауышта шырқалмаған жыр бар ма?
Бастауышта айтылмаған сыр бар ма?
Бастауышта алған білім, жырларым,
Азық болар , мәңгі талай жылдарға.

25 оқушы:Бастауышым- бал бұлағым ,
Алдым сеннен балдың дәмін.
Әріп танып, білім алып
Рахметімді жаудырамын.

26 оқушы : бастауышым- балбұлағым
Лаулап жанған шам шырағым.
Өзің берген біліміңмен,
Самғап ұшар тау қыраның.

27 оқушы :Өтті сенде қызық шағым,
Бастауышым- бал бұлағым.
Қоштасар күн жетті міне,
Қимастықпен қол бұлғаймын.

28 оқушы:Біздер бастауыш сыныпта жоғары сыныптарда өтілетін Әдебиет, тарих, биология, алгебра , физика, химия т б пәндерге негіз болатын ана тілі, математика,дүниетану, орыс тілі,пәндерін зер салып оқып үйрендік.

29 оқушы:Анашымдай сыр шерткен,
Ақыл- білім үйреткен.
Ана тілін оқыдық ,
Ерекше зор құрметпен.
Ана тілін сүйеміз,
Құрметпен бас иеміз.
Ана тілмен қоштасамыз,
Әдебиетпен достасамыз.

30 оқушы: Ойланып есеп шығартып,
Төрт таңбаны білдірген.
Ғылымдардың патшасы,
Математика данасы

31 оқушы: Қазақ тілі пәнінен,
Білім алды балалар.
Сөйлемді, сөз таптарын,
Етістіктің шақтарын,
Жалғаулар мен жұрнақтар.
Ережесін жаттадым.
5-шіге барған соң,
Айжан апай бағалар.

32 оқушы: Ой жіберсең бәріне ,
Дүниетану пәніне.
Өмір сырын үйретер,
Пәннің жақсы бірі де.
Жер байлығы көп екен,
Игеруді қалайды.
Осының бәрін білдірген ,
Дүниетану сабағы.

33 оқушы:Үйренеміз жалықпай,
Ағылшын тілін шарықтай.
Тіл сындырып,ән айтып,
Шаттанамыз қалықтай,
Айнұр апай тәлімі
Сәулелісін шашқан жарықтай.

ӘН: «Бастауыш- балбұлағым»

Тұралбек: Біздің жамандығымызды жасырып, жақсылығымызды асырып жүрген біздің ата- анамыз. Қатарымыздың теңі болып , тамағымыз тоқ, көйлегіміздің көк болып жүруі де сол кісілердің арқасы.

Гаухар:Ыстық- ау кім- кімге де әке деген,
Суыққа шалындырмай, мәпелеген.
Өмірдің соқпағымен өрге тартып,
Алдымен адам бол деп жетелеген- дегендей әкенің орны бөлек ау.

34 оқушы:Әкешім тілеуімді тілеп жүрген,
Аумайсың жарығы мол ашық күннен.
Шаршайсың жұмыс істеп біздер үшін.
Ақылды балаларың оны білген.

Есен:Әр ана өз баласын мейірімді болса екен, жақсы оқып,елге қалаулы азамат болса екен дейді. Халқымызда мынадай бір нақыл сөз бар: «Анаңды Меккеге үш рет арқалап барсаң да борышыңды өтей алмайсың» деген .Алайда ардақты анамыздың ақ сүтін ақтай білгенге не жетсін!

Айнұр: Иә, дұрыс айтасың Есен. Біз болашақта саналы да, ақылды бала болып өссек ананың арманы орындалды деген осы емес пе?

35 оқушы:Дүниеге әкелген ,ол да сенің анашың,
Ақ сүт беріп өсірген , ол да сенің анашың.
Тіл алмасаң кешірген , ол да сенің анашың,
Мәпелеген баласын,аман болсын анашым!

36 оқушы:Кеудемнен сезім селі ақтарылсын,
Болармын күні ертең- ақ мақтанышың.
Білім алып, тер төгем , еңбек етем,
Өзіңнің сеніміңді ақтау үшін!
Ән Б. Бисенова « Мама»

Айнұр: Жетекші боп жүрдіңіз түлегіңе
Біздерді ойлап көңіліңіз жүдеді де,
Шәкірттер тыңдаңыздар ұстаз сөзін,
Сіздерге арнап айтатын тілегін де- дей отырып сөз кезегін ұситаздарымызға береміз!

Ұстаз тілегі:
Өлкеміздің айналыңдар ертеңіне,
Сенімдердің айналыңдар серперіне.
Ұстаздық ақ жүректен мен тілеймін,
Тек сәттілік – шәкірттерім ертеңіңе.

Айналайын жап- жарқын жүздеріңнен,
Аластайтын жаныңды күз көңілден.
Мен сендерге мәңгілік тілекшімін,
Тілек тілеп тұратын іздеріңнен.

Мектеп директорының құттықтау сөзі
Марапаттау рәсімі

Концерттік нөмірлер:
1. Ұлдар хоры: Ән Б.Бисенова «Тұлпарым»
2. Би: «Сарыжайлау»
3. Көрніс «Кітаптар мұңы»
4. Күй : « Кеңес» Күзембаев М.
5. Би: «Қаражорға»
6. Қыздар хоры: Ән:Б. Бисенова «Әже»

Қорытынды сөз
Ән: Б.Бисенова. «Ең соңғы қоңырау»