Мерейлі
отбасы
Мақсаты: Ата-аналар мен
сайысқа қатыстыра отырып, баланың ата-ана өміріндегі маңызын, ата-аналардың
балаларға деген тәрбиесін көрсету. Отбасы-Отанның бір бөлшегі екендігін
ұғындырып, балаларды ынтымақ пен бірлікке, татулық пен ұйымшылдыққа тәрбиелеу.
Көрнекілігі:
Нақыл сөздер, шарлар, гүлдер.
Жүргізуші:
Адам өмірі отбасынан басталады, адам отбасынан азамат болып қалыптасады.
Отбасы-махаббат, құрмет, береке мен сүйіспеншіліктің көзі, соның негізінде кез
келген өркениетті қоғам құрылады, онсыз адам өмір сүре алмайды. Отбасының
дәулеттілігі-мемлекет дамуы мен прогресінің өлшемі.
Жүргізуші:
Ата-ана болса
өрнекті,
Ұл мен қыз өсер
көрнекті.
Әуезов Мұқаң
айтқандай:
Түзейік
бесік-жөргекті.
Жүргізуші: Армысыздар
құрметті ұстаздар, оқушылар және қонақтар! Қазақ халқының данышпан ақыны
Абайдың «Дүние-үлкен көл, заман-соққан жел, алдыңғы толқын-ағалар, кейінгі
толқын-інілер, кезекпенен бөлінер, баяғыдай көрінер» деген нақыл сөзі
бар.Ата-тау, ана-бұлақ, бала-жағасындағы құрақ. Ата-ананы қадірлеу, олардың ақ
сүтін ақтауға тырысу әр перзенттің міндеті. Замана толқыны тарих теңізінің
жағалауында жақсы тәрбиенің баға жетпес меруерт маржандарын қалдырды.
Жүргізуші: Балаң
жақсы болсын десең баласы жақсымен көрші бол, «Бақпен асқан патшадан, мимен
асқан бала артық; сақалын сатқан кәріден, еңбегін сатқан бала артық» — демекші,
халқымыз ертеден атадан балаға мұра етіп қалдырып кеткен қазақ деген дана
халықтың ұрпағымыз. Баласын мәпелеп өсіріп, өнегелі тәрбие беруді мақсат тұтқан
атаның көзіміз.
Жүргізуші: Ендеше,
бүгінгі «Мерейлі отбасы» атты сайысымызға қош келдіңіздер!
Жүргізуші: Бүгінгі
сайысқа келіп отырған таңдаулы, үлгілі, мерейлі отбасыларымен таныс болайық!
1. Алшериевтар отбасы.
2. Есдаулетовтар отбасы.
3. Беркинбаевтар отбасы.
4. Қойбағаровтар отбасы.
5. Ахуловтар отбасы.
Жүргізуші: Ал
енді сайыскерлерімізге баға беруші әділқазыларымызбен таныс болыңыздар!
1. Төрайымы:
Айдарханова Гульнар Каражановна.
2. Мүшесі: Есімхан Нұрсұлу Пердеханқызы.
3. Мүшесі: Нурманова Меруерт Шаймарденовна.
4. Мүшесі
Жиенбаева Сапаркуль Забиевна.
Жүргізуші:
Құттықтау
сөз мектеп директоры Айдарханова Гульнар Каражановнаға
беріледі.
Жүргізуші:
Ей, тәкәппар,
дүние,
Маған да бір
қарашы,
Танимысың сен мені
Мен үлгілі ата-ана
баласы дегендей «Мерейлі отбасы» сайысының бөлімдерімен таныс
болыңыздар!
Сайыс 4 бөлімнен
тұрады. 1.
«Отбасым-мақтанышым» (Отбасының өзін-өзі таныстыруы-жарнамалық тәсілмен,
сатиралық, поэзиялық, анимациялық
т.б).
2. Жалғасын тап.( Мақалдың жалғасын табу,мақалдың мағынасын
ашу) 3.
«Өнерлінің өрісі кең» отбасылар өнерлерін көрсету.
4. Баламның таңғы
асы.
5. Бала арманы.(Үй тапсырмасы)
Олай болса «Мерейлі отбасы» атты сайысымызды
бастаймыз. І
– бөлім: Сайысымыздың бірінші бөлімі бойынша сайыскерлерімізге өздерін
таныстыруға кезек береміз.
1. Алшериевтар
отбасы.
2. Есдаулетовтар
отбасы.
3. Беркинбаевтар
отбасы.
4. Қойбағаровтар
отбасы.
5. Ахуловтар отбасы.
Әділқазы
алқаларынан бірінші бөлімнің ұпай санын
сұраймыз. ІІ – бөлім: Шебер
болсақ,тіл байып,
Шешендіктер бір
ғайып.
Мақал-мәтел
үйреніп,
Тілімізді
шыңдайық,-деп кезекті отбасыларымыздың мақал-мәтел айту, яғни оны жалғастыру,
мақалдың мәнін ашу сайысына кезек берейік. 1.
Ұяшық:
Балаңа байқап
сөйлесең, (Ақылыңа көнер)
2. Ұяшық:
Әкесіне қарап
ұлын, (Шешесіне қарап қызын таны)
3. Ұяшық:
Әдептілік белгісі
(Иіліп сәлем бергені)
4.
Ұяшық:
Ағасы бардың
жағасы бар, (Інісі бардың тынысы бар)
5.
Ұяшық:
Қызым саған айтам,
(Келінім сен тыңда)
6.
Ұяшық:
Атың жаман
болса,қырың кетер, (Балаң жаман болса, арың кетер)
7.
Ұяшық:
Әдепті бала- арлы
бала, (Әдепсіз бала-сорлы бала)
8.
Ұяшық:
Балаң жаман
болса, (Көрінгеннің мазағы)
9.
Ұяшық:
Баланың
ұяты-әкеге, (Қыздың ұяты-шешеге)
10.
Ұяшық:
Жақсы бала еліне
бас болады, (Жаман бала еліне қас болады)
Әділқазы
алқаларынан екінші бөлімнің ұпай санын
сұраймыз. ІІІ – бөлім: «Өнерлінің
өрісі кең» отбасылар өнерлерін көрсету.
1. Алшериевтар
отбасының орындауында «Андижан полкасы» би.
2. Есдаулетовтар
отбасының орындауында «Қазағым» әні.
3. Беркинбаевтар
отбасының орындауында көрініс «Отбасы бақыты»
4. Қойбағаровтар
отбасының орындауында «Күзгі табиғат» суреті.
5. Ахуловтар
отбасының орындауында «Жетім қыз» монологы.
Әділқазы
алқаларынан үшінші бөлімнің ұпай санын
сұраймыз.
ІV- бөлім:
Баламның таңғы асы. Бұл бөлімде анасы баланың денсаулығына пайдалы, дәруменге
бай тағам түрлерін алып келіп, түсіндіріп беру. Әділқазы
алқаларынан төртінші бөлімнің ұай санын сұраймыз.
V-бөлім: Бала
арманы.(Үй тапсырмасы, отбасы мүшелері балаларының болашақтағы арманын сомдап
береді)
1. Алшериевтар отбасының
ұлы Ердаулеттің арманы болашақта әнші болу.
2. Есдаулетовтар
отбасының ару қызы Маралдың арманы болашақта мұғалім болу.
3. Беркинбаевтар отбасының
тұңғыш қызы Арудың арманы аспазшы болу.
4. Қойбағаровтар
отбасының кенже ұлы Ерасылдың арманы, Әбілхан Қастеев атамыз сияқты танымал
суретші болу.
5. Ахуловтар
отбасының ортаншы қызы Әсемнің арманы болашақта ақын апамыз Фариза Оңғарсынова
секілді ақын болу.
Әділқазы
алқаларынан бесінші бөлімнің ұпай санын сұраймыз. Жарайсыңдар! Болашақта осы
армандарың орындалып, тек биіктен көрінулеріңе тілектеспін!
Енді сайыскерлеріміздің ұпайы мен
жеңімпаздарды анықтау үшін сөзді қазылар алқасына
береміз.
Жеңімпаздарға мақтау қағаздары, сыйлықтар
тапсырылады. Құттықтайық
ал
енді,
Жеңіп шыққан отбасын.
Өрге жүзсін өнері, Тауға
өрлесін
талабы.
Қуаныштан жанары, Шоқтай
болып
жанады.
Келіп тамашалағандарыңызға көп рахмет. Келесі кездескенше
сау саламатта болыңыздар!
«Ынтымағы жарасқан отбасы»сайысы.
«ХХIғасырда отбасы тату,өнерлі болуы тиіс»
Н.Ә.Назарбаев
Сайыстың мақсаты:Тәрбиенің қалыптасқан құнды тәжірибесіне сүйене отырып,XXI ғасыр отбасы мүшелерінің бойына рухани-адамгершілік құндылықтарын сіңіру.
Осы арқылы бірліктерін,ынтымақтастықтарын нығайту,бір-бірін сыйлау,сенімділік,адамгершілік құндылықтарын қалыптастыру.
Мұғалімнің сөзі: Құрметті қонақтар біздің «Ынтымағы жарасқан отбасы» атты кешіне қош келдіңіздер!Атақты қазақ ақыны Қ.Аманжолов өзінің бір өлеңінде:
«Отбасы — шағын мемлекет ,Мен – президент,сен-премьер»деген екен.Шынында,отбасы – ол да бір шағын мемлекет.Отбасының қос шынары бар.Олар- Алатаудай Әке,мейірімді ана.Әке – береке,өнеге,даналықтың қайнар көзі,қасиетті ісімен сыйластық,құрмет басы.Ана — біздің қамқорымыз,көл-көсір астық тұтқасы.Ананы сыйлау- елді сыйлау,өмірді құрметтеу.Сондықтан біздің борышымыз үлкендерді сыйлау,құрметтеу.
Құрметті жиналған қауым,ата – аналар, ұстаздар,жарысқа қатысушылар және олардың жанкүйерлері!Бүгінгі сайысқа қош келдіңіздер!Сайыстың кезеңдерімен таныс болып отырыңыздар.
І кезең « Таныстыру»(әр отбасы өздерін таныстырады.Өз қалаулары бойынша өлеңмен немесе видеороликпен,тақпақ т.б).
ІІ кезең «Білімдіден шыққан сөз,талаптыға болсын кез»…(карточкалық сұрақтарға жауап беру).(5-6 мин).
ІІІ кезең «Біз өнерлі отбасы»(әр отбасы мүшесі өз өнерін көрсетеді ән,би,күй,өлең).
ІҮ кезең «Шебердің қолы ортақ»деп аталады (әр отбасы қолөнерінен бұйым жасап,қорғайды ). Бұл үй тапсырмасы.
Ү кезең «Тәлім-тәрбие және шеберлік»..жағдаяттар шешу(5-6 мин).(отбасы өміріне ,бала тәрбиесіне байланысты әр түрлі жағдаяттарды отбасының ата-аналары ұтымды шеше білу).
ҮІ кезең «Рефлексия»(ата-ана,оқушы өз ойларын ортаға салады).
ҮІІ кезең « Қорытынды»
Бүгінгі сайыстың беташарын әнмен ашайық.
Сахна төріне Ақзерді «Анашым»әнімен шақырайық!
Бала десе елжіреп,еміренбес жүрек болар ма?Жас ұрпақты тәрбиелеп өсіруде ата-аналардың атақаратын қызметі зор. «Баланы таба білсең, баға біл», «Баланы сүйсең тәрбиесін сүй», «Баланы мақтау жітілдірмейді,тәрбиелеп баптау жетілдіреді»-деген мақал-мәтелдер баланы құр айналайын дей бермей,оны бесіктен тәрбиелеу қажеттілігі,тәрбие отбасынан,ата-анадан басталатындығы белгілі.
Отбасы- адамның эмоциясы,күйзелісі,көз қарасымен қатынасымен байланысты емес,ол-ерекше фономен.С.И.Голод(1998)пікірінше,отбасы фономенінде құрылымдық өріс елі – зайыптылар және ата-ана мен бала қатынасы деп қарастылады.Отбасы балаға ықпал етеді,оны қоғамдық өмірге жетелейді.Бала қай жас ерекшелік кезеңінде болмасын,ол әрдайым отбасының яғни ата-ананың қамқорлығын қажет етеді.
Асыл іс көп халықта,
Іле жүрсең құлаққа.
Іздеген жетер мұратқа,
Ізденуден жалықпа,-
демекші өз өнерлерін ортаға салуға келген сайыскерлер отбасын ортаға шақырамыз.
- Қазыбек Арман отбасымен
- Нұрмағанбетов Арыстан отбасымен
- Төлегенов Әли отбасымен
- Қанаділов Дидар отбасымен
- Бауыржанова Толқын отбасымен
Ақ көңілмен,ниетпен
Әділдігін айтсын деп.
Шаршамай еш жалықпай
Айтқанына көндік деп
Сарапшылар алқасын
Сайлап алсақ жөн болар.
Сарапшылар алқасын таныстырып,шақырып,орнына отырғызу/
Биік тауға жарасар
Басындағы обасы.
Бүгінгі сайысқа жарасар
Бастаса оны ел ағасы.
Амансызба халқым деп,
Қазақы дәстүр салтым деп,
Тұтқасы болған отбасының
Үлгі еттік әке тәрбиесін
Ендеше әр отбасы өздерін таныстырып өтсін.
1.Таныстыру үшін сөз кезегін « » отбасына береміз.
2.
3.
4.
5.
Барлық отбасымызға рахмет.
Алдымен сөзге ден қояйық
Бойға қуат жиып алайық.
Сайыста қапы қалмай-ақ
Бар білімімізді ортаға салайық
Тыңдаңыз бұл даланың үні қандай,
Қараңыз отбасының гүлі қандай.
Шақырып ортамызға топтарды.
Көрейік бойында бар өнер қандай!
2.«Білімдіден шыққан сөз,талаптыға болсын кез»
Құрметті сайысқа қатысушы отбасы сіздер өз қалауларыңыз бойынша бір түсті таңдап,сол карточканың соңында сұрақтар берілген,соған жауап бересіздер.(әр отбасына 6 сұрақтан).Сіздерге уақыт 5-6 мин.
Келесі кезекті әсем күйге береміз.
Сахна төріне Қажығалидың орындауында Нұрғиса Тілендиевтің «Ата толғауы» күйін қабыл алыңыздар.
Көк түстегі сұрақтар:
1.Қасиетті,киелі,құтты мүлік,сәбидің алтын ұясы (бесік).
2.Отыз омыртқа,қырық қабырға,ауыз омыртқа(киіз үй)
3.Жаңа туған нәрестенің құрметіне жасалатын той(шілдехана).
4.Төрт түліктің пірін атаңыз(Түйе пірі-Ойсыл қара,жылқы пірі-қамбар ата,сиыр пірі-зеңгі баба,қой пірі-шопан ата,ешкі пірі-шекшек ата).
5.Ел арасында әдетте шала туған сәбиді өсіретін ғұрып (тымаққа салу).
6.Саған жақын бір адам
Үш әріптен тұрады.
«Оқысаң да қай жақтан
Бір сөз болып шығады.
Айтпасам да есімін,
Кез келген жан ұғады.
Тапшы жұмбақ шешімін»-
Деп жолдасым сұрады?
Қызық болып естілді
Досымның сауалы.
Бұл жұмбақтың бес түрлі
Бар,мен білсем,жауабы.
Көңіл көкке самғады,
Таптым,таптым,
Алақай,
Жұмбағымды сен дағы
Шешіп көрші,көрермен!
(Ата,ана,апа,аға,іні,ене).
Сары түстегі сұрақтар:
1.Ұзатылған қызға берілетін дүние-мүлік (жасау)
2.Ұлттық бас киім түрлерін атаңыз?(тақия,сәукеле,орамал,кимешек,бөрік,тұмақ,малақай).
3.Дүниеде не тәтті,не жұмсақ,не қатты?(ананың сүті тәтті,қолы жұмсақ,әкенің жүрегі қатты).
4.Жеті қазынаны атап беріңіз( ер жігіт,сұлу әйел,ақыл-білім,жүйрік ат,қыран бүркіт,берен мылтық,тазы ит).
5.Бес асыл(талап,еңбек,терең ой,қанағат,рақым).
6.Мүшел жастарды атаныз (13,25,37,49,61,73,85 жастар)
Жасыл түстегі сұрақтар:
1.Үш арсызды атап беріңіз (ұйқы,күлкі,тамақ)
2.Үш бәйтерек атап беріңіз( Сәкен,Ілияс,Бейімбет)
3.Жеті атаны атап беріңіз(әке,бала,немере,шөбере,шөпшек,немене,туажат)
4.Аптаның жеті күнін атаңыз (дүйсенбі,сейсенбі,сәрсенбі,бейсенбі,жұма,сенбі,жексенбі)
5.Жеті жұтты ата (құрғақшылық,оба,өрт,соғыс,топан су,зілзала)
6.Үш жүз (ұлы,орта,кіші жүз)
Ақшыл қызыл түстегі сұрақтар:
1.Тілі бар үні жоқ,
Өзіне адам түсінген.
Жүрегі бар да қаны жоқ
Сөйлеп тұрған ішінен (кітап).
2.Бір үйде әкесі баласымен және атасы немересімен отыр.
Осы үйде неше адам отыр?(үйде 3 адам.әкесі,баласы.немересі)
3.Қазақ ұзынсары деп қай жыл мезгілін айтады?(көктем).
4.Ерулік дегеніміз не?(Жаңадан көшіп келген көршіні үйге қонаққа шақыру).
5.Қонақкәде деген не?(Қонаққа келген адамдардың өнерін көрсету).
6.Аяққап не үшін арналған бұйым?(ыдыс салуға).
Қызыл түстегі сұрақтар:
1.Сүттен жасалған ұлттық тағамдарды ата?
(қымыз,шұбат,қатық,айран,құрт,ірімшік,сары май т.б)
2.Қазақтың ұлттық ойындарын атаңыз?(көкпар,алтыбақан,тоғызқұмалақ,ақсүйек,күрес,аударыспақ т.б).
3.Қандай ет тағамдарын білесіздер?(ет,қуырдақ,бұжы,шыжық,бітеу,қазы-қарта,жал-жая,мипалау,әсіп,жау-жұмыр).
4.Бес дұшпан(өсек,өтірік,мақтаншақ,еріншек,малшашпақ).
5.Бес қару(мылтық,садақ,найза,қылыш,айбалта).
6.Иір-иір денесі,
Сахараның кемесі.
ащы шөптер-тамағы,
Шөлге шыдап бағады.(түйе).
Көп жүрген жер көңілді,
Көптің ісі өнімді,
Ынтымақ түбі игілік
Жарысқа бүгін біз келдік,-дей отырып отбасыларын келесі сайысқа шақырамыз.
3 «Біз өнерлі отбасы»
Өз өнерін көрсету үшін « »тобын шақырамыз.
«Шебердің қолы ортақ шешеннің тілі ортақ»демекші….Қазақ –ұрпағына өнерді мұра етіп қалдырған халық.
Өнерлі өрге жүзер деп,
Сіздерге кезек берейік.
Бағыңды сынап сайыста
Шеберліктеріңізді көрейік.
- «Шебердің қолы ортақ».Үй тапсырмасы үйден жасап әкелген заттарын қорғайды.
Айлинаның орындауында
« Мама»әнін қабыл алыңыздар.
- «Тәлім-тәрбие және шеберлік»сайысы (отбасы өміріне,бала тәрбиесіне байланысты әр түрлі жағдаяттарды отбасының ата-аналары ұтымды шеше біліп,жауабын айтады.
(5-6 мин)ойланып жауап беруге
Сахна төріне Айсұлтан, Диас, Адалбектердің орындауында «Әдем-ау»әнін қабыл алыңыздар.
Жағдаяттар (ата-ана үшін) Қызыл түстегі
1-жағдаяттар: «Балаңыз мектептен шағым айтып келді. Мұғалім ұрысқанын, енді сабаққа барғысы келмейтінін айтты. Сіз қандай әрекет етесіз?»
2-жағдаяттар: «Балаңыз ұялы телефон алып бер деп жылады. Сіз: «Шамалы шыдай тұр, уақытында алып беремін» — дедіңіз. Балаңыз тыңдамай есікті тарс жауып кетіп қалды. Сіздің әрекетіңіз?»
Көк түстегі
1-жағдаяттар: «Марат сабаққа дайындықсыз келді. Мұғалім сабақ түсіндіріп жатты. Марат сабақты да тыңдамады. Онымен қоса жанындағы оқушыларға да тыныштық бермеді.Мұғалім ескертулер берсе де қорытынды шығармады. Мұғалім оқушының сыныптан шығып кетуін талап етті.Марат үйге келіп шағым айтты.Ата – анасы сөзге келместен директорға кіріп шағымын айта бастады.Ата – ананың бұл әркеті дұрыс па? Сіз қалай әрекет етер едіңіз?»
2-жағдаяттар: «Балаңыз түнімен теледидар көріп, ұйқысы қанбай қалды. Балаңыз: «Басым ауырып тұр, сабаққа бармай – ақ қояйыншы», — деді. Сіздің әрекетіңіз?
Ақшыл түстегі
1-жағдаяттар: Кейбір ата-аналардың баласының әрбір істеген іс-әрекетіне көңілі толмай: «Сен сала алмайсың, сен істей алмайсың», — деп айтып жататынын байқаймыз. Бала іс-әрекетіне теріс баға берудегі сіздің әрекетіңіз?
2-жағдаяттар: Біз үш бала тәрбиелеп отырған жанұямыз. Екеуіміз де жұмыссыздар қатарындамыз. Оқта-текте жалдамалы, жеке жұмыстар кездесіп қалып жатады. Оның өзі отбасы қажеттілігінен ауыспайды. Дегенмен де балаларымызды қатарынан қалдырмай, барымызша асырап, тәрбиелеп келеміз.
5-сыныпта оқитын қызымның қалауын жасай алмағаным жаныма қатты батады. «Сыныптағы қыздардың бәрінде ұялы телефон бар, тек қана менде жоқ» деп, күнде «әпер» деп мазамызды ала бастады. Соның кесірінен сабаққа да барғысы келмейді. Біздің жағдайымыз болса мынау. Не істеуге болады? Қыз баланың көңілін қалай аулайсыз?
Сары түстегі
1-жағдаяттар: Бір нәрсеге ашулы 11 жасар ұлы мектептен келе сала: «Жаман мектеп! Мұғалімдердің бәрі әділетсіз! » деп күйіп піседі. Баланың бастан кешкен сезімі? Сіздің әрекетіңіз?
2-жағдаяттар: 1- сыныпта оқитын қызы: «Математикадан болатын бақылау жұмысынан қорқамын» — дейді. . Баланың бастан кешкен сезімі? Сіздің әрекетіңіз?
Жасыл түстегі
1.Балаңыз күнде сабаққа баратындығын жақсы білесіз.Күндердің бір күнінде сынып жетекші сізге қоңырау шалып,балаңыздың 2-3 рет сабаққа келмегенін айтты.Балаңызбен сөйлесуді сұрады.Сіздің іс-әрекетіңіз қандай болады?
2.Ата-ана баланың пікірімен санаспай өз бетінше шешім қабылдауға құқыңыз бар ма?(өз ойыңыз,пікіріңіз).
Рахмет сіздерге ой бөлісіп,ортаға салғандарыңызға,
сіздердің құрметтеріңізге Ақниеттің орындауында «Достарым»әнін қабыл алыңыздар.
6.Рефлексия (баяу музыка ойналып тұру керек).
1.Сіздердің бүгінгі сайыстан алған әсерлеріңіз қандай?
2.Бала тәрбиесіне бүгінгі сайыстың әсері бар ма?
3.Қандай сайыстың кезеңі сіздің отбасына қызықты болды?
4.Осындай шаралардың жиі өтуіне қалай қарайсыз?
5.Сайыстың ұтымды жағы не деп ойлайсыз ?
Жанұяға ынтымақтастық жарасады,
Тату-тәтті болуға тырысады.
Бақыт ашып қақпасын,
Мәңгі бақи жаппасын.
Бәле-жала отбасын
Іздесе де таппасын-дей отырып,сарапшыларға сөз кезегін береміз.
…………………………
Келесі тыңдайтын әндеріңіз «Анаға сәлем»орындайтын гимназиямыздың әнші жігіттері
Қалықтаған көгершіні бүгінде
Мұңаймасын ешбір бала елімде.
Ата берген батаменен үлкейсін,
Тілегім сол менің де отбасы бақыты кеңейсін !!!
Болашақтың иесіміз бәріміз
Атамекен түрлендірер нәріміз.
Алтын бесік,ұлан байтақ елімде
Жарқын болсын шырқап айтар әніміз –дей келе Бақытжанның орындауында «Көк тудың желбірегені»әнін қабыл алыңыздар.
Еліміз тыныш,жұртымыз аман болсын!!!
Ықылас қойып тыңдағандарыңызға рахмет!!!
Отбасы күні (Отбасы — өмір аясы)
Сценарий тақырыбы: «Отбасы — өмір аясы»
Сценарий мақсаты: ? қыркүйек – отбасы күнін атап өту, оқумен отбасын бірге алып жүрген студент қыздарды дәріптеу. Ұлттық салт-дәстүрлерді сақтау, отбасы тәжірибесін насихаттау.
Сценарий көрнекілігі: Плакаттар, мультимедиялық проектар, қолдан жасалған бұйымдар.
Халықаралық отбасы күні (Отбасы — өмір аясы)
Ашық сабақ тақырыбы: Отбасы — өмір аясы
Ашық сабақ мақсаты: а) «Отбасы» құндылығы туралы түсініктерді отбасы туралы ұғымдарды кеңейту, оны сүйе білуге, отбасы игілігі үшін талмай еңбек етуге үйрету;
б) отбасының негізі өмірдің ұйытқысы, киелі қасиетке ие болу сыры, отбасы тәлімінің мәні туралы түсініктерді кеңейту;
в) отбасы тәрбиесінің мән-маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.
Халықаралық отбасы күні (Отан — отбасынан басталады)
Тәрбие сағат тақырыбы: Отан – отбасынан басталады
Тәрбие сағат мақсаты: Ата-ана мен оқушы арасындағы ізгі қарым-қатынастың орнауына ықпал ету. Отбасы құндылықтарын сақтауға үйрету.
Тәрбие сағат көрнекілігі: Нақыл сөздер.
Тәрбие сағатқа Шақырылды: ата-аналар мен оқушылар, психолог
Тәрбие сағат әдісі: тренинг, сауалнама
Халықаралық отбасы күні (Отбасы — өмір аясы)
Тәрбие сағатының тақырыбы: Отбасы – өмір аясы
Тәрбие сағат мақсаты: 1. Оқушыларға Халықаралық отбасы күні туралы мәлімет беру;
2. Оқушыларды отансүйгіштікке, адамгершілікке, рухани тазалыққа баулу.
3. Отбасы мен ата-ананы бағалауды үйрету.
Жабдықтандыру: компьютер, мультимедиалық жабдықтар, оқушылардың бірігіп жасаған шығармашылық газеталары.
Тәрбие сағатының барысы.
Серік Арайлым «Аққу» биі
1-Жүргізуші: Қайырлы күн, құрметті ұстаздар мен оқушылар!
2-Жүргізуші: Отбасы күніне арналған «Отбасы — өмір аясы» атты кешімізге қош келдіңіздер!
1-жүргізуші: Отбасы – шағын мемлекет. Ол – тәлім мен тәрбиенің, үлгі мен өнегенің, мейірімділік пен адамгершіліктің ордасы. Адам баласының өмірге келгеннен кейінгі бар тіршілігі отбасында өтеді.
2-жүргізуші: Әке мен ана – шаңырақтың тірегі. Адам баласының ой-санасы өсіп, ақыл-ойының кемелденуі үшін де тіршілік нәрі санаға отбасынан сіңеді
1-жүргізуші: Әке деген — биік шыңы адамның,
Әке деген — тірегі ғой ғаламның,
Әке деген – бойыңда аққан қаныі да,
Шыққан тегің, ол негізің, жаның да.
Халықаралық отбасы күні (Отбасы — өмір аясы)
Тәрбие сағатының тақырыбы: Отбасы – өмір аясы
Тәрбие сағат мақсаты:
1. Оқушыларға Халықаралық отбасы күні туралы мәлімет беру;
2. Оқушыларды отансүйгіштікке, адамгершілікке, рухани тазалыққа баулу.
3. Отбасы мен ата-ананы бағалауды үйрету.
Жабдықтандыру: компьютер, мультимедиалық жабдықтар, оқушылардың бірігіп жасаған шығармашылық газеталары.
Тәрбие сағатының барысы.
Серік Арайлым «Аққу» биі
1-Жүргізуші: Қайырлы күн, құрметті ұстаздар мен оқушылар!
2-Жүргізуші: Отбасы күніне арналған «Отбасы — өмір аясы» атты кешімізге қош келдіңіздер!
1-жүргізуші: Отбасы – шағын мемлекет. Ол – тәлім мен тәрбиенің, үлгі мен өнегенің, мейірімділік пен адамгершіліктің ордасы. Адам баласының өмірге келгеннен кейінгі бар тіршілігі отбасында өтеді.
2-жүргізуші: Әке мен ана – шаңырақтың тірегі. Адам баласының ой-санасы өсіп, ақыл-ойының кемелденуі үшін де тіршілік нәрі санаға отбасынан сіңеді
1-жүргізуші: Әке деген — биік шыңы адамның,
Әке деген — тірегі ғой ғаламның,
Әке деген – бойыңда аққан қаныі да,
Шыққан тегің, ол негізің, жаның да.
Отбасы күні (Мектеп пен отбасы ынтымақтастығы)
Тақырыбы: Мектеп пен отбасы ынтымақтастығы
Мақсаты: Мектеп пен отбасы арасындағы қарым-қатынасты нығайту жолдарын
көрсету.
Міндеті: Қарым-қатынасты нығайту әдіс-тәсілдерімен, тренингтік жаттығулармен және мектеп пен отбасы ынтымақтастығының тиімді жолдары ережесімен таныстыру;
Барысы:
Отбасы — адам үшін ең жақын әлеуметтік орта. Отбасы белгілі дәстүрлердің, жағымды өнегелердің, мұралар мен салт-дәстүрлердің сақтаулысы. Отбасында бала алғаш рет өмірмен, коршаған ортамен танысып, мінез-құлық нормаларын игереді. Отбасы баланың, азамат болып өсуінің негізі болып табылады.
Отбасының басты қызметі — бала тәрбиелеу. Отбасы….
Халықаралық отбасы күні (МЕН және МЕНІҢ ОТБАСЫМ)
Дайындық кезеңі: Балаларға алдын-ала отбасы мүшелеріне арнап өлең шумақтарын, ән жаттап келуге тапсырма беріледі.
Безендірілуі: кітап көрмесі жасалып, отбасы мүшелері туралы нақыл сөздер, гүл, шар, суреттер т.б. ілінген.
(Ақырын ғана «Балбырауын» күйі ойналады, ортаға жүргізуші шығады).
Қазақша — орысша тәрбие сағат: Халықаралық отбасы күні (Отбасы – адамгершіліктің алтын қазынасы)
Тәрбие сағат тақырыбы: Отбасы – адамгершіліктің алтын қазынасы
Тема воспитательный часа: Семья – основа нравственности
Тәрбие сағат мақсаты:
1. Оқушыларға Халықаралық отбасы күні туралы мәлімет беру;
2. Оқушыларды отансүйгіштікке, адамгершілікке, рухани тазалыққа баулу.
3. Отбасы мен ата-ананы бағалауды үйрету.
«Отбасы-өмір аясы»
отбасылық сайыс
Мақсаты: Отбасы күнін атап өту, оқумен отбасын бірге алып жүрген оқушыларды дәріптеу. Ұлттық салт-дәстүрлерді сақтау, отбасы тәжірибесін насихаттау.
Көрнекілігі: Плакаттар, мультимедиялық проектар, қолдан жасалған бұйымдар.
Барысы:
Жүргізуші. Армысыздар, құрметті ұстаздар, қатысушы қонақтар, студенттер. Бүгінгі «Отбасы — өмір аясы» атты отбасылық тәрбие шараға қош келдіңіздер. Жүргізуші: Отбасы қоғамдық құрылымның тобы, алғашқы ұясы.Қоғамның негізгі мақсаты адамдарды бақытты ету, ал мұның өзі терезесі тең, керегесі кең, берік отбасына байланысты.
Жүргізуші: Қазақ халқының қаһарманы Бауыржан Момышұлы «Ұяда не көрсең, ұшқанда соны ілерсің» деп айтқандай, сіздердің алдарыңызға сайыскерлерді шақырамыз Оразымбетовтар отбасы , Кабылдановтар отбасы, Сакеновтар отбасы, Алпысбаевтар отбасы.
Жүргізуші: Шалқытып мерекеде ән салайық, Өнерпаз өрендерге тамсанайық. Әділдік пен шындықты арқа тұтқан, Әділқазы алқасын таныстырайық (қазылар алқасын таныстыру)
1. Мектеп директоры: К.Сеиткожаев
2. Директордың тәрбие ісі жөніндегі орынбасары :А.Қазақбаева
3.Дене шынықтыру пәнінің мұғалімі Т.Балхашев
Жүргізуші: «Отбасы – өмір аясы» тәрбиелік шарамыз сайыс түрінде өтеді. Сайыстың өту ережесімен таныстырып өтейік. Әр кезең 3минуттан аспауы керек және осы кезеңдерге берілетін жоғарғы ұпай саны 5ұпай
1. Тегін білу тектілік таныстыру кезеңі -3минут
2. Ертегілер еліне саяхат – 3мин
3. Өнерлінің өрісі кең – 3мин
4. Дәм-думан кезеңінде ескере кететін жағдай отбасылар дайындаған ас мәзірін қарап шығуларыңызды сұраймыз.
5. Сән үлгісі бұл кезеңде сайыскерлер өздерінің ой қиялдарынан жасаған сән үлгісін көрсетеді.
6. Қолөнер туындысынан ұршық иіру- 3мин 1- кезең:
Жүргізуші: Шығармас мұндайда бір шабысты ұмыт. Көрелік ал ендеше жарыстырып Келіп тұрған отбасылар Жіберсін өздерін таныстырып дей келе «Тегін білу тектілік» кезеңіне берелік
Жүргізуші: Әділқазылар алқасынан 1ші кезеңіміздің бағасын бергенше әнге кезек берелік Мусаева Ақботаның орындауында «Айналайын» әні.
Жүргізуші:
2-кезең: «Атың барда жер таны желіп жүріп, асың барда ел таны беріп жүріп » деп қазақ бекер айтпаған. Қонаққа барудың да қонақтарды күтудің де өзіндік қыры мен сыры бар. Сайыскерлеріміздің өздері дайындаған ас мәзірі дәм- думанды тамашалайық.
Жүргізуші: Әділ қазылар бағасын бергенше «Болашақ» би тобының орындауында «Фламенко» биі
Жүргізуші: 3-кезең: Ал кімнің өнері бар қаншалықты, Көрсетеді ән биді бойындағы. Бүгінгі отбасылар сайысын, Сайыскерлер аянбай- ақ жан салыпты дей келе, «Өнерлінің өрісі кең» деген айдарымен отбасылар өз өнерлерін көрсетеді. Жүргізуші: : Әділ қазылар бағасын бергенше Нурманова Айдананың орындауында «Арнадым саған әнімді»
Жүргізуші: 4- кезең: «Бесік жырын естіген, бес арыстың баласы» десе. Бесік жырын естіген, жердің үнін естіген дейді. Қазақ халқында бала бесікте жатқаннан -ақ ертегілер арқылы тәрбиелеген. Келесі сайысымыз «ертегілер еліне саяхат» Жүргізуші: Әділ қазылар бағасын бергенше «Жауқазын » би тобының орындауында Орыс биін тамашалаңыздар.
Жүргізуші: 5-кезең: Әдемі болыңдар, әсем болыңдар, сонымен бірге ақылды болындар. Сұлу болыңдар, сымбатты болыңдар, сонымен бірге саналы болындар. Сабарлы болындар, салиқалы болыңдар, сонымен бірге салауатты болыңдар. Иә жақсылыққа шын сенейік Отбасыны, бір биікке теңейік Ал енді сәндік үлгісін көрсетсін Отбасыларға кезек берейік дей келе сайыскерлер өздерінің ой қиялдарынан жасаған сән үлгісін көрсетеді.
Жүргізуші:Әділқазылар алқасынан 5 ші кезеңіміздің бағасын бергенше Мусаев Арланның орындауында ән «Жаса Қазақстан»
Жүргізуші: 6- кезең: «Жапырақ тамырдан нәр алады» дейді халқымыз. Әр адам әдеп -ғұрып пен дәстүрлерді өзі өскен отбасынан алады. Қазақ халқы қыз баланы үй шаруашылығын жасауға жете меңгерткен.
Жүргізуші:Келесі сайысымыз «Қол өнер туындысынан ұршық иіру». Жүргізуші:Әділқазылар алқасынан 6 шы кезеңіміздің бағасын бергенше «Ақ жайық» би тобының орындауынданыда «Адай» биі
Жүргізуші: Осымен бүгінгі «Отбасы- өмір аясы» сайысы өз мәресіне жетті . Әділқазылар алқасы кеңесіп , байқау нәтижесін шығарғанша кезекті әнге берейік Болатхан Меруерттің орындауында «Бақыт бастауы» әнімен
Жүргізуші:Қорытынды сөз әділқазылар алқасына беріледі.
Жүргізуші: Көңіл қойып тыңдағандарыңызға көп-көп рахмет! Сау саламат болыңыздар. Осы сайыстың қорытындысы бойынша
«Бас жүлде» ………..Оразымбетовтар……. отбасы
«Үлгілі отбасы» ……Кабылдановтар………… отбасы
«Шебер» отбасы ……..Сакеновтар………. отбасы
«Ғажайып отбасы» ………..Алпысбаевтар……. отбасы.
«Мерейлі отбасы» сайысының сценарийі
«Бөбектер» биі
1 — жүргізуші:
«Бала – адамның бауыр еті», «балалы үй — базар» дейді. Өйткені бала – өмірдің жалғасы, отбасының жеміс берер гүлі. Отбасы – бұл қоғамның негізі.
Армысыздар отбасы тірегі — асқар тау әкелер, ақжаулықты аналар және қадірменді қонақтар.
2 — жүргізуші:
Добрый день дорогие гости, уважаемые отцы и милые мамы!
1 — жүрг:
Отбасы – адамзат бесігін тербеткен ұя болса, «Баланың бас ұстазы — ата — анасы». Бұлар балаға отбасылық өмірдің қыры мен сырын, тылсым дүниенің жұмбақтарын танытып, жағымды қасиеттерге баулиды.
2 — жүрг:
Семья – это колыбель всего человечества, а родители самые первые и главные учителя для ребенка. Они открывают все тайны и прелести жизни своему чаду. Учат его быть человеком.
1 — жүрг:
Себебі, отбасы – таным бесігі, отбасы — үлгі – өнеге бастауы. Ата – ананың үйдегі қарым — қатынасы, киімкиісі, мінез – құлқы бәрі балаға үлгі. Өйткені, бала отбасында «Әкеден – ақыл, анадан – мейір алады».
2 — жүрг:
Потому что, семья – это колыбель мироздания, семья – это начало подражания и примера. Взаимоотношения между родителями, их манера одеваться, выражение характера, все это служит примером для подражания. Потому что ребенок получает от отца – мудрость, от матери – тепло и доброту.
1 — жүрг: Сөзіннің жаны бар, Айслу баланың болшағы ата — анаға байланысты. Ал біз, «Ақбөбек» балабақшасы бөбектеріміздің болашағына зор үмітпен қараймыз. Себебі ең парасатты, ақылды, әдепті, жауапты, мейірімді ата — аналармен жұмыс жасаймыз. Сондай мерейлі отбасылардың көзқуаныштарын біздің орталық тәрбиелейді.
2 — жүр:
Будущее ребенка зависит от его родителей, а мы ДОЦ «Акбобек» ждем от будущего наших воспитанников самых лучших результатов, потому что мы сотрудничаем с самыми умными, воспитанными, ответственными, добрыми и отзывчивыми родителями. И самое ценное сокровища таких позитивных семей воспитываются в нашем ДОЦе.
1 — жүр
Олай болса, ата — ананың бала тәрбиесіне деген көзқарасын қалыптастыру, бала тәрбиелеуде ата — ана рөлін арттыру, отбасында сыйластық, мейірімділік, татулық, адамгершілік сезім қалыптастыру үшін сонмен қатар, балабақша өмірі мен отбасы байланысын нығайту мақсатында үйымдастырылған отбасылық «Мерейлі отбасы»сайысымызға қош келдіңіздер!
2 — жүр:
И в целях развития в семье уважения, доброты, дружбы и согласия, в целях привития всех благих человеческих качеств мы проводим сегодня семейный конкурс «Мерейлі отбасы».
1 — жүрг:
Ендеше, өнегелі ұрпақ тәрбиелеп, балабақша өмірімен тығыз байланыс орнатып, баласының болашағына жауапкершілікпен қарайтын, осынау сайысқа отбасы намысын қорғаймын деп келген, мерейлі отбасылық топтарды зор қошеметпен сахна төріне шақырамыз!
(Сахнаға рет — ретімен отбасылық жұптар шығады)
1 — жүрг: Балдырғантобыныңата — анасы —————— отбасылықтобы
Әкесі:
Анасы:
Баласы:
2 — жүрг: (орысша) Бүлдіршін
1 — жүрг: Балауса
2 — жүрг: (орысша) Балапан
1 — жүрг: Ботақан
2 — жүрг: Ақбота
1 — жүрг: Күншуақ
2 — жүрг: Шұғыла
1 — жүрг: Байтерек
2 — жүрг: Айгөлек
1 — жүрг: Отбасылық топтар және құрметті көрермендер «Мерейлі отбасы» сайысының кезеңдерімен таныс болыңыздар.
Отбасылық «Мейрейлі отбасы» сайысы 3 кезеңнен тұрады.
Бірінші кезең «Таныстыру». Бұл кезеңде отбасылық топтар отбасы мүшелерін слайд — шоу немесе видеоролик арқылы таныстырады. Бұл кезең бойынша таныстыру стиліне, отбасылық жарасымдылыққа және үйлесімді көрнекілікке аса мән беріледі.
2 — жүрг:
Наш конкурс состоит из 3 этапов. 1 тур пройдет под названием «Знакомство». В этом туре семейные группы могут представить свою семьи в виде слайдов или видеоролика. Жюри будет оценивать стиль представления, семейную гармонию и эстетичность наглядности.
1 — жүрг:
Екінші кезең «Әкем, анам және мен» деп аталады. Бұл кезең тапқырлықты, шапшаңдықты қажет етеді. Бұл кезеңде отбасы мүшелері жеке — жеке сынға түсетін болады. Арнайы дайындалған тапсырмаларды орындау арқылы бағаланады.
2 — жүрг:
2 тур мы проведем под названием «Папа, мама и я». В этом туре нашим семьям понадобится смекалка и скорость. Все члены семьи будут соревноваться по отдельности.
1 — жүрг:
Ал үшінші кезең «Отбасылық өнер». Бұл кезеңде отбасылық топтар өнерлерін ортаға салатын болады.
2 — жүрг:
Ну а 3 тур называется «Семейное творчество» в этом туре семейные группы будут состязаться с творческой стороны. Т. е. они могут спеть, станцевать, прочитать произведение.
1 — жүрг:
Сайысқа қатысушы отбасылық топтардың әр кезеңдегі көрсеткіштерін әділ қазылар алқасы әділ бағалайтын болады.
Шалқытып мерекеде ән салайық,
Өнерпаз өрендерге тамсанайық.
Әділдік пен шындықты арқа тұтқан,
Әділқазы алқасымен танысайық.
Отбасылық топтарға төрелік ететін әділ қазылар алқасының бас төрайымы.
1. Алпанова Гүлжамал Алпысбаевна «Ақбөбек» білім беру орталығының меңгерушісі.
2 — жүрг:
2. Сауле Тургановна, музыкальный руководитель ДОЦ «Акбобек».
1 — жүрг: Олай болса, сайысқа қатысушы отбасылық топтарымызға сәттілік тілеп, қошеметпен сахна сыртына шығарып саламыз!
2 — жүрг:
Итак, мы желаем всем семейным группам удачи и успеха в сегодняшнем конкурсе и просим пройти всех за сцену.
Ән «Мен кішкеннтай баламын!»
Періштелер биі
1 — жүрг:
Шығармас мұндайда бір шабысты ұмыт.
Көрелік ал ендеше жарыстырып
Әр отбасының шағын бір мемлекеті.
Жіберсін өздерін таныстырып
Отбасы — шағын мемлекет. Ендеше, осы шағын мемлекеттің шыңу тарихымен, тұрғындарымен, демографиялық жағдайын және басшысымен таныс болуымыз үшін кезекті сайысымыздың алғашқы кезеңі«Таныстыруға» берейік.
2 — жүрг:
Семья – это маленькое государство. В этом случае для знакомства с историей этого государства и его демографией и привычками мы хотим пригласить наши семья на 1 тур «Знакомство».
1 — жүрг: Олай болса, сахна төріне «Балдырған» тобының ата — анасы ———— отбасылық тобын зор қошеметпен шақырамыз!
2 — жүрг: (орыс) «Балауса»
1 — жүрг:«Бүлдіршін»
2 — жүрг: (орыс)«Балапан»
1 — жүрг: «Ботақан»
2 — жүрг: (орыс)«Ақбота»
1 — жүрг: «Күншуақ»
2 — жүрг: (орыс) «Шұғыла»
1 — жүрг: «Байтерек»
2 — жүрг: (орыс)«Айгөлек»
1 — жүрг: Сайысымыздың бірінші кезеңі бойынша өздерін таныстырған соңғы отбасылық топ болатын. Кәне, құрметті көрермендер қол соғып қошемет көрсетейік.
2 — жүрг: (орыс)
Дорогие гости! Давайте поаплодируем нашей последней семейной группе в этом туре
1 — жүрг: Сайысымыздың «Әкем, анам және мен» атты екінші кезеңіне де келіп жеттік. Олай болса, барлық отбасылық топтарды сахна төріне шақырамыз.
Мерейлі отбасы сайысының сценарийі. жүктеу
|
Семей, № 35 ЖОББМ Сулейменова Кульджамал Байгалиевна — бастауыш сынып мұғалімі, 20 жыл еңбек өтілі, ІІ категория |
Мақсаты: Ата-аналар мен балаларды сайысқа қатыстыра отырып, олардың отбасылық тәрбие туралы білімдерін кеңейту, тәрбиенің үздік үлгілерін насихаттау.
Ата-аналардың мектеппен, мұгаліммен, басқа ата-аналармен тұрақты қарым-қатынасын қалыптастыру.
Мектеп — отбасы — бала қарым-қатынастың тиімді модельдерін іздестіру.
Түрі: Ата-аналар мен балалардан құралған топтар арасындағы сайыс түрінде өтеді.
Көрнектілігі: Әр отбасына арналған слайд-шоу, бейнесюжеттер, «Аңса, балам», «Бала арманы» әніндерінің минустары, құнсыз заттар.
Барысы:
|
Жүргізуші: «Қазақстанның болашағы жас ұрпақтың қолында. Ал, жас ұрпақтың тағдыры ұстаздардың қолында» |
Қазіргі заманның Қазақстандық қоғамында отбасының мәртебесін және рөлін арттыруда, жауапты ата-аналықты насихаттауда, отбасы тәрбиесінің өзекті проблемалық мәселелерін шешуде мектеп, мұғалімдер ата-аналарға жан-жақты көмек көрсетуде.
Бүгінгі біздің сыныбымызда «Отбасы — алтын діңгек» атты сайыс ұйымдастырылып өткелі отыр. Олай болса, бүгінгі сайысқа қатысушы аналарымызды балалармен бірге қошеметтеп ортаға шақырайық.
1-ші Аяжан анасымен — Анара Сайлаубекқызы
2-ші Ералы анасымен — Меруерт Қабдірахманқызы
3-ші Әрсен анасымен — Жадыра Союзбекқызы
Шаттық шеңберіне тұру.
Мұғалім: — Балалар, бүгін сендер ерекше әдемі, көңілді келіпсіңдер. Қадамдарын құтты болсын.
1 бала — Баршаларына сәттілік тілеймін.
1 ана — Балаларымыз саналы, тәрбиелі болуына үлес қосамыз.
2 бала — Әрқашан тату-тәтті болайық.
2 ана — Балаларымыз кішіпейілді, мейірімді болуына үлес қосамыз
3 бала — Аңсаған армандарымызға жетейік.
3 ана — Өзіміздің балаларымыздың бойында өнегелікті дарыта білейік.
Сайысқа қатысу ретін анықтау.
Жүргізуші:
Өнерпаздар өнерін салыстырып,
Бәйге үшін терлетер шабыстырып.
Әділдікті қолдайтын баға беріп,
Жіберейік қазыларды таныстырап.
Бүгінгі сайыстың әділ бағасын беріп, жеңімпазын анықтайтын әдіқазылар алқасымен таныс болыңыздар.
1) Байсалбаева Айгуль Даулетовна — директордың оқу ісінің орынбасары
2) Дуйсенбаевна Жадыра Дуйсенбаевна — ата-ана
3) Сейткасымова Эльмира Есеновна — ата-ана
Сайыс 3 балдық жүйемен бағаланады және әр бөлімнің бағалау өлшемдері (критерийлер) болады.
Жүргізуші:
Аналар бар өнерін салары анық,
Өнегелі тәлімді алған қанып.
Ал ендеше таныстырып өтейін мен,
Бөлімдерін сайыстың бөліп жарып.
Сайыс бағдарламасы төрт бөлімнен тұрады:
1 бөлім — Таныстыру
2 бөлім — «Бала арманы» үй тапсырмасы
3 бөлім — «Жағдаяттар» сұрақ-жауап сайысы
4 бөлім — «Адамзатқа көмек» атты шығармашылық тапсырма сайысы.
Отбасымыз келіп жетті танысуға,
Сыпырды томағасын осы дұға.
Қызып келген қырандай керілтеді,
Әдеппенен ізетпен танысуға.
Әрбір отбасы өздерін таныстырып өтеді.
1 бөлім — Таныстыру. Бұл бөлім үш критерий (өлшем) бойынша бағаланады. Олар: шығармашылық, сөйлеу мәнері, АКТ-ны қолдануы.
1. Мұратов отбасы.
Шыр етіп туысымен адам болдым,
Жыл сайын өсіп толып, өрлеп қондым.
Тобықтай тұла бойда бір мінім жоқ,
Отбасылар сайысына бүгін анаммен келіп тұрмын.
Атым Ералы болады сұрасаңыз,
Найман екен кешегі бір атамыз.
Әкем аты Самат — асқар тауым,
Пана болып біздерге жүз жасаңыз.
Анашым — Меріерт Қадірахманқызы,
Жүзінен төгіледі күннің нұры.
Атыма кір келтірмей өтсем,
Сенің мойынан түсер перзент жүгі.
2. Ахметовтар отбасы
Болашаққа зор үмітпен қараймын,
Ахметтей ұлы атадан тараймын.
Кеудесінде ар мен намыс мақсаты көп,
Мен Аяжан Мұратқызы — қара қызы қазақтың.
Анам Анар бет бұрған ұстаздыққа,
Елімізге пайдалы іс қылмаққа.
Аружан деген апайым, Ясмин дейтін сіңлім бар,
Мен де келдім жарысқа қатыспаққа.
3. Оразгалиевтер отбасы.
Мен Әрсен арқынның баласымын.
Жадыра анам — өмірдег жанашарым,
Атам мен апам менің, асқар тауым.
Үйреткен тәрбиенің бар асылын.
Ізімнен келе жатқан інім бар,
Отбасым өмірдегі дара-шыңым.
Менің асыл арманым, ғарышкер боп,
Көрсету өнегенің жарасымын.
1-ші «А» сыныбымның мақтанымын,
Топтан озған тұлпардай, дарасымын.
Мен Әрсен Отанымның ұлымын,
Көтерген көк байрағын Алашымның.
Жүргізуші: Әділ қазы мүшелерінен таныстыруға берген бағаларын сұрасақ.
Кедеймін деп қысылма,
Өнерің болса қолыңда.
Өнерлінің ырысы,
Жарқырап жатыр жолыңда — демекші ата-ана мен баланың дайындаған «Бала арманы» үй тапсырмасын тамашалайық. Бұл бөлім үш критерий (өлше) бойынша бағаланады. Олар: тақырыптың ашылуы, әртістік шеберлігі, АКТ-ны қолдануы.
1. Мұратовтар отбасы — Ерасылдың арманын сахналау түрінде көрсетеді. Бала мен анасынын диалогы, «Аңса жаным» әнін орындау.
2. Ахметовтар отбасы — Аяжанның арманы «Арман журналы» түрінде ұсынылады.
Аяжан: Арманға бірге барайық,
Әуелеп әнге салайық.
Қазақ елінің кірпішін,
Бәріміз бірге қалайық.
Ән «Бала тілегі» Аяжан — орындайды, анасы — сурет салады.
Аяжан: Әкем біреу, анам біреу менің,
Мен жығылсам сүйелер тілеулерім.
Олар барда — мереке,
Әлемге тіршіліктің жылуы таралады.
3. Оразгалиевтер отбасы — Әрсеннің арманы «Әрсеннің түсі» — релаксация түрінде өтеді.
Анасы: Қане, барлығымыз денелерімізді бос ұстап, бастарыңызды жоғары көтеріп, ыңғайланып отырыңыздар. Көздеріңізді жұмсаңыздар да болады. Ауаны терең жұтып, еркін тыныс алыңыздар.
Әрсеннің түсін тамашалайды.
Әрсен:
Ғарышкер болу арманым,
Арайлап атқан таңдарда.
Әубәкіров Тоқтардай,
Қуантқан әркез жан-жағын.
Ғарышкер асыл ағалар,
Көк аспанды аралар.
Ғарышкер болсам деп айтар,
Араңызда бала бар.
Арманы асқақ баланың,
Үміттің отын жағамын.
Ғарышкер боп өскенде,
Оттай лаулап жанамын!
Биіктер менің талабым!
Жүргізуші: (қорытынды сөз): Балалардың армандары бүкіл адамзатқа ортақ. Қай тілде бала сөйлемесе де, оның болашағы, аңсаған арманы, кейін мақсаты ата-анасына байланысты. Бұл сайысты Мұхтар Шахановтың «Арман» өлеңінің жолдарымен аяқтағым келеді:
Мәңгі лаулап жану үшін ғаламда,
Үлкен бақыт табу үшін ғаламда,
Үлкен болып қалу үшін ғаламда,
Үлкен арман керек екен адамға.
Әділ қазы мүшелерінен үй тапсырмасына берген берген бағаларын сұрасақ.
Өзінің алғырлығын ұғындырып,
Көрсетер көп іздеген мығым қылық,
Келесі бұл сайыстың жоспарында,
Түседі бәйгеге білімділік — деп, сайысымыздың 3 бөлімі — «Сұрақ-жауап» сайысын бастайық. Отбасыдағы жағдайларға байланысты бейнесюжет ұсынылады. Мұнда берілген жағдайды келесі екі отбасы пікір алмасу түрінде ойларын айтып, нұсқа береді. Бұл бөлім үш критерий (өлшем) бойынша бағаланады. Олар: тақырыптың ашылуы, орындау шеберлігі, тақырыптың өзектілігі.
1. Мұратовтар отбасы 1 жағдай — «Дүкендегі жағдай»
Маман пікірі Нургельдина Роза Габдуловна
2. Ахметовтар отбасы 2 жағдай — «Компьютердің пайдасы мен зияны»
Маман пікірі Төлеутайев Еркебулан Әділетұлы
3. Оразгалиевтер отбасы 3 жағдай — «Баланың таңғы оянуы»
Маман пікірі Омертаева Эльмира Ардақовна
Әділ қазы мүшелерінен жағдаяттар сайысына берген бағаларын сұрасақ.
Қорытынды сөз: Досы көпті жау алмайды,
Ақылы көпті дау алмайды — демекші бір-бірімізге әрқашан көмектесейік.
Сынып ішінде бір-бірімізге көмектесе білдік, ал бүкіл адамзатқа қандай көмек көрсетуге болады? Оны келесі бөлімде анықтаймыз. «Адамға ең бірінші білім емес, тәрбие беріліуі керек, тәрбиесіз берілген білім — адамзаттың қас жауы, оның барлық өміріне апат әкеледі» — деп, Әл-Фараби бабамыздың сөзінде өзекті түйіні бар. Тәрбие дегенде өзі бірінші ойға келетін ұғымдар — адамгершілік, тазалық. Жеке тұлғаның қоршаған ортамен үйлесімді қарым- қатынасы және мәдениет пен жауапкершілік . Ендеше келесі сайысымызда қоршаған ортаның маңызды бөлімдерін таңдап, қоллаж тәсілімен безендіріп, оның мазмұнын отбасы тақырыбымен байланыстырып ашу көзделеді. Интернет ресурс, құнсыз қолдануға болады. Бұл бөлім үш критерий бойынша бағаланады. Олар: тақырыптың ашылуы, берілген материалдың қолданылуы, сөз көркемдігі. Сиқырлы қоржын ұсыну. Қоржынның ішінде түрлі құнсыз заттар.
Жүргізуші: Бұл сайыста ата-аналар құнсыз заттарды құнду затқа айналдырып болашақта балалары қандай болғанын көргісі келетінін білдіре білді.
Қорытынды: Ата-аналардың тілегі,
Адам болып өскенің,
Адамдықтың тірегі,
Адал болып өскенің.
Сайысты Василий Александрович Сухомлинскийдің сөзімен аяқтағым келеді: «Тек қана ата-аналармен бірге, жалпы күш- жігерді біріктіру арқасында мұғалімдер балаларға үлкен адамдық бағыт беруі мүмкін» Әділқазы мүшелері сайыстың төрт бөліміне баға беріп, жалпы ұпай санын санағанша «Жүректен- жүрекке» шеңберіне тұрайық.
Рефлексия.
Аяжан:
Анасыздар, әр үйге панасыздар,
Бала десе от болып жанасыздар.
Сәтті басса ұрпағың, — мерей тасып,
Қыз күлкісін сусын қып, қанасыздар.
Анасы: Сендер — күнсіңдер, аспанда жарқыраған
Ералы:
Анасыздар — Ақ Еділ, Жайықсыздар-
Жүзе алмайды өтінде қайықсыздар.
Маздататын, жүректе от лаулататын,
Әр үйдің Күні десе, — лайықсыздар.
Анасы:Сендер — өзен, тау суы сарқыраған
Әрсен:
Біз сіздерсіз тіршілік ете алмаймыз.
Дегенге де сіздерсіз жете алмаймыз.
Айнала ұшып сіздерді көбелек боп,
Өртеніп қастарыңнан кете алмаймыз.
Анасы: — Сендер — жаңбыр, ақ нөсер сарқыраған
Балалар: Сіздер — ана, жан, қыздар.
Жүргізуші:
Әділ қазылар мүшелері сайыстың қорытындысымен таныстырып, марапаттау рәсіміне көшейік. Осы сайыстың демеушілері: 1-ші сынып ата-аналары — Сейсенбаева Гүлзира Оразгалиева, Дүйсенбаева Жадыра Дүйсенбаевна, Сейткасымова Эльмира Есеновна. Алғысымды білдіремін.
“Толағай” ( Отбасылық сайыс )
Мақсаты: Салауатты өмір салтын дәріптеумен, дені сау, рухы таза ұрпақ тәрбиелеу. Қимыл қозғалыс ойындарын ойнату арқылы отбасымен ынтымақтастықты нығайту; жарыс арқылы отбасы мүшелерін өзара түсіністікке, ұйымшылдыққа тәрбиелеу; осындай шаралар арқылы ата-аналарды балабақша өміріне араластыру.
Қажетті құралдар:Доптар,гимнастикалық отырғыш,арқан,матрац,велосипед,қапшық,батут,арқан.
Жүргізуші:-Қадірменді ата-аналар, балалар, балабақша қызметкерлері!
Елбасымыз Н.Ә.Назарбаевтың Қазақстан халқына жолдауында айтылғандай,
“Салауатты өмір салтын” үстау қазіргі таңда өзекті мәселелердің бірі болып отыр. Бүгінгі қоғам мүддесіне лайықты, жан-жақты жетілген, парасатты, мәдениетті, дені сау азамат өсіру отбасының,балабақшаның жалпы халықтың қасиетті борышы екені баршамызға аян.Балабақшамыздың да негізі мақсаты болашақта жас ұрпақты халқына қалаулы, ата-ананың мақтанышы, дені сау,сымбатты, шыныққан адамгершілігі мол азамат етіп өсіріп тәрбиелеу. Соның бір шарасы “Толағай” атты отбасылық топаралық сайысына қош келдініздер. Сайысқа қатысушы сайыскерлерімізді қол шапалақтап,ортаға шақыралық.
Қатысушылар кіреді.
Сайыс болған жерде сайысты бағалайтын әділқазы мүшелері болады.Әділқазы мүшелерімен таныс болайық: 1. медбике -Дузбаева Майра Турстаевна
2._әдіскер- Джумагалиева Карылгаш Аманжоловна_
3._ата-ана- Алтынай Талапкалиевна_
Әуен қосылып ортаға Сайқымазақ келеді .
Сайқымазақ :-Сәлеметсіздерме балалар мұнда не мереке болып жатырған мен жоқта?
Жүргізуші:-Біздің балабақшамызда бүгін спорттық шара өтпекші,бұл шараға балаларымен қоса ата-аналарымызда қатысады,сенде қатысуға қалай қарайсын?
Сайқымазақ:-әрине менсіз сайыс болушыма еді?ал ендеше жаттығу жасай аламызба?
Балалар:-Жасай аламыз.
Әуен қосылып барлық балалар орнынан тұрып,әр топ әр түрлі құралмен сайқымазақ көрсеткен қимылды қайталайды.
Сайқымазақ: —Балалар өте жақсы орындадыңдар,сендер спортшы екенсіңдер ғой?
Жүргізуші:-Біздің балаларымыз өте мықты?ендеше біздің жарысымызды тамашалауға
қалай қарайсыз?
Сайқымазақ:-Қарасақ қарайық.
Жүргізуші:-Бала өсірген ата-ана,Бала болып ойнайды,
Бала тәрбиелеген тәрбиеші,
Бала болып ойлайды- деп сайысымызды бастауға рұқсат етіңіздер.
«Сіздерге жеңіс тілейік», – дей отырып ортаға төрт топты шақырамыз. Қарсы алыңыздар!
1.Таныстыру (Топтың аты,ұраны эмблемасы)
І топ «СҰҢҚАР» Биікте алға
Сұңқардай самға
Қанатың талмай
Ешқашан қалма
ІІ топ «ЖІГЕР» Жас жігер алға
Биікке самға
Ешкімнен қалма
Шағайық алға
IІІ топ «СМЕШАРИКИ» Чтоб расти и закаляться
Будем спортом заниматься
ІV топ «СМАЙЛИКИ» Используй ловкость и настрой
Победа будет за тобой
- «Көңілді доп» сайысы.
Ойынның шарты: Сайысты әкелер бастайды, олар допты мәреге дейін аяқпен теуіп барып, айналып келу керек, сайысты аналар жалғастырады, допты бір қолмен жерге ұрып, айналып келу. Ең соңынан балалар допты қолдарына ұстап, айналып жүгіріп келу.
Жүргізуші:-Қалма жүрттың соңында,
Қажет болса мың атта.
Аздық етер оныңда,
Жету үшін мұратқа.
3.“Ойлан тап” сайысы.
Шарты:Сайысты әкелер бастайды,гимнастикалық орындық үстінде жыланша жорғалау, кедергілерден жыланша жүру,ілулі тұрған есепті шығарып анасына береді, анасы жалғастырады,баласы кедергілерден өтіп келеді.
Жүргізуші:- Кімдер жүйрік,өнерпаз білеиікші.
Ептісі деп сайыстың жүрейікші.
- Жүргізуші:-Сайыс топ басшысыз болмайды,сайысымызда кімдер топ басшы арине әкелер,
әкелеріміздің күшін сынап көрейік.Ортаға әкелерімізді шақырамыз.
“Күш сынасу” сайысы .
Шарты: Ортаға үш команданың ұлдарымен қоса әкелері шығады. Бұл ойын стол үстінде екі баланың білек сынасуымен орындалады.2 бала шынтақтарын столға тірек қол бастарын айқастырады.Кім білекті столға жықса сол бала жеңіске жетеді. Ағаш аттың үстінде аттың басын ұстап тұрып 2-ші қашан білектен тартысып сынасуға да болады.
Бірақ баланың қауіпсіздігі қатаң бақыланады. Ойынға 1 минут уақыт беріледі.
- «Кім жылдам»
Шарты:Жарысты балалар бастайды,балалар велосипедті теуіп келеді,аналары доппен секіріп келеді,әкелері қапшықпен белгіленген жерден айналып секіріп келеді.
6.Жүргізуші: -Мақтанам дәстүрі бар жұртымызға,
Сан жүйрік сынға түсті сайысуға.
Дәм берген тәуелсіздік арқасында,
Қайта оралдық қазақтың төл салтына!-,дей келесі сайысымызды
Қазақтың ұлттық ойыны «Арқан тартысқа»берелік.
Сайқымазақ: -Балалар өнерлеріңді көріп тәнті болдым,папа,мамаларыңда өте жақсы ойын өрсетті.
Ал енді әділқазылар бағасын бергенше менімен ойнауға қалай қарайсыңдар?
Папа, мамаларыңды да бірге шақырамын.
Балалар:-Ия ойнаймыз! Алақай!
Сайқымазақ:-Олай болса ойын шартын тыңдаймыз.Мен және папа мамаларымыз көпіршіктерді жібереміз ал сіздер сол көпіршіктерді ұстау керекпіз,келістікпе?
Балалар:-Ия ойнаймыз!
Сайқымазақ:- Балалар маған жарыс өте қатты ұнады меніңде қайтатын уақытым болды ,сендерге әкелген сыйлықтарым бар, қабыл алаыңыздар! Қош сау болыңыздар балалар!
Жүргізуші: Жарыс заңы ежелден
Жеңімпазды анықтау
Жеңімпаз болу шарты сол
Еңбектену , жалықпау.
Біреу озса сайыста,
Біреу артта қалады.
Бұл сайыстан ренжімей
Тараса бізге қарады —
демекші сайысымыздың шарттары бойынша қорытынды шығарып жеңімпазды анықтап, марапаттау сөз әділқазыларға беріледі. Жарысқа қатысушы ата-аналар мен бүлдіршіндерге арналған сыйлықтарын табыс етпекші.Қабыл алыңыздар! Уа,халқым назар аудар денсаулыққа!
Өмірде бақыттысың денің сауда.
Денсаулық терең бақыт деген сөзді,
Құр айтпаған ұлы Абай данамызда –
Отбасымызбен аман болып,деніміз сау болсын деп-бірлігіміз осылай жараса берсін!
Келгендеріңізге көп-көп рахмет!
Басқа материалдар