В 22-й день
Празднование Пресвяте́й Богоро́дице ради Каза́нския иконы Ея
На малой вечерни
На Господи, воззвах: стихиры на 4, глас 1
Подобен: Небесных чинов:
Небесныя Силы радуются,/ преславно служа́ще чу́дныя иконы Богоматере,/ и к веселию земны́я духом призывают,/ спасение ми́рови сию показу́ют// и всей стране Российстей твердое ограждение и заступление.
Твоего, Владычице, явления непостижимаго,/ тре́петни бывше людие,/ вку́пе же и радостни,/ яко чудесе́м сокровище, пречистый Твой образ яви́ся,/ благодатию просвеща́ющ всяческая/ и от бед избавля́ющ присно.
С преславными чинми Ангельскими днесь,/ вернии, духо́вне весели́мся,/ све́тло празднующе пресветлое торжество Богоматере,/ Юже пречистый Ея образ, яко источник приснотеку́щий, явися,/ исцелений незави́стныя дары присно источа́ющ.
Слава, и ныне, глас 3:
Страшно чудо явления Твоего, Владычице,/ и несказанно удивляет Преми́рная и ужаса́ет земна́я,/ вкупе же и просвещает светоно́сною благодатию пречистаго Твоего образа/ и рождшагося от Тебе Христа Бога нашего./ Того моли, Чистая, в Божественнем торжестве Твоем/ подати нам просвещение и велию милость.
На стиховне стихиры, глас 2
Подобен: Доме Евфрафов
О Всенепорочная Дево,/ что Ти благодарение принесе́м,/ яко светоза́рным явлением пречистыя Твоея иконы и Превечнаго Младенца/ всех от неведения к свету Богоразу́мия возвела́ еси.
Стих: Помяну имя Твое/ во всяком роде и роде.
О Пресвятая Госпоже Владычице,/ не забу́ди нас, Твоих раб,/ верно покланя́ющихся чудотворной Твоей иконе/ и благочестно воспевающих Тя,/ изба́ви, Госпоже, от всяких бед и напастей.
Стих: Лицу Твоему помо́лятся/ богатии лю́дстии.
О Всепетая Мати,/ умилосе́рдися на моление наше,/ Твое бо есмы достояние,/ всех спаси и помилуй,/ да Тя вси ро́ди непрестанно величаем.
Слава, и ныне, глас и подобен тойже:
Тихое пристанище/ обитель Твоя, Богоневесто,/ явися всем притекающим,/ иму́ще в себе пречестную Твою икону,/ всем неоскудно благодать подающи.
Тропарь, глас 4: Заступнице усердная: (зри на велицей вечерни).
На велицей вечерни
Блажен муж: На Господи, воззвах: стихиры на 8, глас 4
Подобен: Яко до́бля
Яко прекрасная Сло́ва палата/ и Престол Светоноси́вый, Богородице Владычице,/ Сопресто́льное Слово Отчее во Твоих ложесна́х вмести́ла еси/ и, рождши Свет незаходимый, наше омрачение просветила еси,/ лесть змии́ну отгна́ла еси и тление потребила еси,/ жизнь вечную миру дарова́ла еси Твоим Рождеством,/ врата рая́ отве́рзла еси/ и вся благая человеческому естеству дарова́ла еси./ Но и ныне, Госпоже, Твоими молитвами/ избавляй рабы Твоя от всех бед.
Яко вели́ка сущи Царица и Мати/ на Небеси Превысоких Сил Царя,/ пречистыя Твоя ру́ки просте́рши,/ молебно за ны предстои́ши/ и на земли́ яко державная Помощница/ Божественною Твоею иконою/ и духом с Твоими рабы пребываеши,/ и весело спаса́еши, и избавля́еши от всякия напасти/ благочестно Богородицу Тя испове́дающия.
Яко златоза́рный рай/ и место прекрасное и Богопросвеще́нное,/ и древо святое, Духом Святым осене́нное,/ вместилище Света невечерняго,/ Тебе ве́дущим,/ ясно немерца́ющися Божественною луче́ю,/ Младенцем Твоим, све́тиши всей твари,/ Eгоже моля́щи, Царице Богородице,/ спаси град Твой и люди,/ к Тебе прибега́ющия, от всех бед.
Яко порфи́рою царскою и ви́ссом,/ иконою Твоею и Твоего Сына, Богородице,/ Церковь Божия просвети́вшися, красу́ется чудесы́./ Днесь явлением вся созывает праздновати,/ паче сияния солнечнаго благодатию Святаго Духа блиста́ющися,/ на болящих и неду́жных исцеления источники источа́ющи/ и всем да́рующи богатую милость.
Ины стихиры, глас 8:
Высокий Царю Непостижимый,/ со Отцем седя́й на Престоле и Божественным Духом,/ благоволивый роди́тися на земли́/ от Девы Неискусобра́чныя, Иисусе,/ ущедря́я Твое создание, человеческое естество, неизреченными добро́тами,/ приими Твоея Матере приноси́мыя Тебе за ны молитвы/ и не помяни́ беззаконий наших,/ но помилуй и спаси души наша, яко Милосерд.
Преклонив Небеса, Царь Славы сни́де/ обнови́ти Адама, преступлением всего истле́вшаго,/ всели́ся в Тя, Чистая Дево,/ и роди́ся, ключе́й девства не руши́в,/ и на руках Твоих смире́н Младенец,/ Иже Архангелов Царь ноша́шеся;/ и ныне Твою молитву прие́млет/ и прошение Твое во всем исполняет, Богородице,/ яко Твой Сын и Бог,/ Емуже усердно моли́ся:/ да спасет ду́ши наша, яко Милосерд.
Паче ски́нии Моисе́евы,/ по образу Небесному сотворе́нныя,/ всю Тя Бог освяти́, Богородице, Духом Святым,/ весь всели́ся в Тя, всего человека оживи́./ Тем и Твоя икона, паче Ааро́ня киво́та,/ напо́лнися благодати Божия и/ источает освящение душа́м и телесе́м./ Ейже любезно покланя́ющеся,/ просим от Тебе великия милости:/ да спасеши души наша, Благословенная Помощнице.
Слава, и ныне, глас 8:
Прииди́те, возрадуемся державней Заступнице рода нашего,/ Царице Богородице,/ прииди́те к тихому Ея чу́дному,/ почита́емому Ангелы,/ честно́му поклони́мся о́бразу./ Да́рует бо Богородица верным обильныя да́ры целе́бныя,/ от неистощимаго источника святыя иконы неоскудную благодать источа́ющи/ тьмы избавляет нас искушений и бед, и всякаго греха,/ благочестно и Богоприятно прославля́ющих и чтущих/ светлую и чу́дную Богоматере святую икону./ Тем, воспевающе, воззовем Первообра́зней:// радуйся, любезная миру по́моще/ во спасение душ наших.
Вход. Прокимен дне, И чтения 3 (зри страницы 6–7)
На литии стихиры, глас 2, самогласны:
Яко воистину древняго киво́та пречестне́е,/ егда́ Давид, собрав чи́ны, ликовствова́ше,/ ныне Твоя, Богородице, икона,/ ейже предстоят архиереев собори,/ и с чи́нми Ангел священницы и все христоимени́тых людей множество/ достойно блажа́т Тя, Матерь Божию,/и прославляют раболе́пно, и честву́ют,/ и покланя́ются, и молятся Тебе по Бо́зе:/ да мир умири́ши в Православии, и Церковь утверди́ши,/ и спасеши от всех зол Твоя рабы,/ яко едина Благословенная.
Предстоят Ти, Госпоже Богородице,/ пред Твоим, Пречистая, образом/ архиереев сословие и священницы/ и вси людие, мона́си и прости́и,/ ве́дуще Тя воистинну Помощницу сильну и непобедиму,/ моления Тебе приноси́ти от всея души́ подвиза́ют/ и поуща́ют на молитву к Богу, требующе Твоея помощи,/ да простре́ши Богоносныя Твоя руки и умо́лиши за мир./ Вонми́ и услыши, Владычице,/ и подаждь утешение рабом Твоим,/ до́ндеже не одоле́ют ны грехи наши тяжкия и лютыя:/ Твоея́ бо всегда требуем вси помощи.
Глас 8:
Пе́рвее написавшейся Твоей иконе/ Евангельских та́йн благовестником/ и к Тебе, Царице, принесе́нней,/ да усво́иши ту и си́льну соде́лаеши спасти че́ствующия Тя,/ порадовалася еси, и яко су́щи милостива спасения нашего Соде́тельница,/ яко уста́ и глас иконе бывши,/ якоже и Бога внегда́ зачинающи во чреве,/ песнь воспела еси:/ Се отныне ублажа́т Мя вси ро́ди!/ И, на ту зрящи, глаголала еси со властию:/ С сим образом благодать Моя и сила./ И мы истинно веруем,/ яко се рекла́ еси, Госпоже,/ сим образом с нами еси./ Тем благоговейно предстояще,/ поклоняемся Тебе раби Твои,/ посети́ ны Твоими ма́терними щедротами.
Глас 7:
Гора еси великая и преславная/ паче горы Сина́йския, Богородице;/ она бо не терпя́щи сни́тия Славы Божия/ во о́бразех и се́нех, огне́м возгара́шеся,/ и гро́ми и молнии тамо быша./ Ты же весь Божественный Огнь сущ/ Божие Слово во чреве Твоем неопа́льно носила еси/ и от сосе́ц Твоих млеко́м питала еси/ ма́нием Носящаго вся./И ныне, ма́тернее дерзновение к Нему иму́щи,/ помози́, Владычице,/ верно празднующим Твой честны́й праздник/ и не забу́ди, ми́лостивно посеща́ющи:/ прия́ла бо еси от Бога дар/ стро́ити и покрывати христоимени́тое стадо, рабы Твоя.
Слава, и ныне, глас 6:
Тебе вси ро́ди человечестии/ хва́льныя да́ры прино́сят, Владычице,/ и мо́лятся яко Царице и Матери Божии./ Пророцы Тя премудро пропове́даша,/ леви́ти благослови́ша, апостоли и мученицы испове́даша,/ священницы покланяются, архиерее проповедают,/ мона́си и прости́и благогове́ют,/ богатии и убо́зии, сироты́ и вдовы́,/ и всяк возраст, и всяко преспе́яние,/ старческое и младенческое,/ под кров Твой державный с верою прибегаем:/ покрый и соблюди, Госпоже, молитвами Твоими// и спаси от бед души наша.
На стиховне стихиры, глас 2:
Вместилище чистое Света пречистаго, Богородице,/ ка́ко Тя, раби, достойно воспева́ем,/ яко явлением пречистыя Твоея иконы/ и Превечнаго Младенца вся освеща́еши.
Стих: Помяну имя Твое/ во всяком роде и роде.
О Дево Нескверная, Богора́дованная,/ что Ти когда таково́ благодарение принесе́м,/ яко блаженнаго Твоего Рождества всесия́ющею луче́ю/ всех от тления к жизни возвела еси.
Стих: Слыши, Дщи, и виждь,/и приклони́ ухо Твое.
О Дево Госпоже, Мати Зижди́телева,/ Небесных еси чино́в ра́дование/ и человеческому роду благословенная Помощнице,/ моли о спасении душ наших.
Слава, и ныне, глас 5:
Воспое́м, людие, све́тло Дави́дскую песнь/ Отроковице, Невесте Божии и Матери Царя Христа:/ предста́ Царица одесную Тебе, Владыко, ря́сны златы́ми оде́яна/ и преукра́шена Божественными благоле́потами./ Сию убо яко избра́нную и добрую в жена́х, паче всего мира удобри́в, благоволил еси роди́тися из Нея великия ради милости,/ и Сию Помощницу лю́дем Твоим даровал еси/ спасати и покрывати от бед/ всемогущею Твоею и Божественною силою,/ Еяже молитвами, Христе Боже, помилуй нас.
Тропарь, глас 4:
Заступнице усердная,/ Мати Господа Вышняго,/ за всех мо́лиши Сына Твоего Христа Бога нашего/ и всем твори́ши спастися,/ в державный Твой покров прибегающим./ Всех нас заступи, о Госпоже Царице и Владычице,/ иже в напастех и ско́рбех, и в болезнех, обремене́нных грехи́ многими,/ предстоящих и моля́щихся Тебе/ умиле́нною душе́ю и сокруше́нным сердцем,/ пред пречистым Твоим о́бразом со слезами,/ и невозвра́тно надежду иму́щих на Тя/ избавле́ния всех зол./ Всем полезная да́руй/ и вся спаси, Богородице Дево:// Ты бо еси Божественный покров рабо́м Твоим.
На утрени
На Бог Господь: тропарь трижды
По 1-м стихословии седален, глас 3:
Лю́дие благочестивии, правовернии собо́ри христоимени́тии,/ приступите верно вси,/ Божественному припа́дающе Божия Матере образу:/ Та́я бо исцеление боля́щим радостно подае́т,/ уязвля́ет же злосла́вныя, яко стрела́ от лу́ка,/ нас всех веселит светови́дно/ и благодатию озаря́ет молитвами Своими.
Слава, и ныне:
Всю Тя Бог освяти́, Деву До́брую и Непорочную в жена́х,/ пророки прообрази́в че́стно, иере́и благослови́в, во святая святых всели́,/ Ангелом воспита́, с Небесе́ пищу хлеб подая́./ Сам же Преблагий, Единородное Бог Слово,/ всели́ся в Тя и плотию про́йде из Тебе./ Темже Ти покланяемся и чтим,/ яко воистинну истинную сущую Богородицу.
По 2-м стихословии седален, глас 4:
Да ликовству́ет све́тло верных все множество,/ рыдает же демонское во́инство,/ видяще многоиме́нныя сия́ющия праздники Божия Матере,/ ублажа́ему Божию Матерь Божественными пе́сньми,/ иде́же бо Богоприя́тно славится/ Преблагословенная Богородица Владычица, Богоизбранная Отроковица,/ неприя́зни паде́ние,/ христианом же крепкое утвержде́ние.
Слава, и ныне:
О Всеблагословенная Богородице Владычице,/ Богоизбранная Отроковице,/ све́тлое проро́ческое сбытие́,/ апостольская похвало́, и мученическое испове́дание и ве́нче,/ Ангелы чти́мая и человеческими ро́ды многопе́тая,/ и всего мира вожделе́нная Помощница,/ избави рабы Твоя осуждения будущаго и е́зера огненнаго,/ едина Благословенная.
Величание:
Величаем Тя, Пресвятая Дево,/ и чтим образ Тво́й святый,/от него же истекает благодатная помощь// всем, с верою притекающим к нему.
По полиелеи седален, глас 1:
Правове́рно чтущия Тя людие, к Тебе прибега́ющия/ и иконе Твоей святе́й любезно покланя́ющияся,/ о Божия Мати, спаси и не даждь в расхище́ние сопоста́том,/ ниже́ найдут на ны вся злая,/ яже грехи наша угото́ваша нам,/ ниже́ беззакония наша превзы́дут на главы́ наша,/ но да Твоя матерняя к Богу преодолеет/ за ны Богоприя́тная молитва.
Слава, и ныне:
Пречистая Твоя икона, Богородице Дево,/ врачевство́ всему миру духо́вное,/ к нейже прибега́юще, Тебе поклоняемся и почитаем, и лобызаем, и чтим,/ исцелений благодать почерпа́юще от нея,/ и неду́г теле́сных и душевных страсте́й Твоими молитвами свобожда́емся.
Таже степенна, 1-й антифон 4-го гласа. Прокимен: Помяну имя Твое во всяком роде и роде. Стих: Слыши, Дщи, и виждь, и приклони ухо Твое. Всякое дыхание: Евангелие от Луки, зачало 4. По 50-м псалме стихира, глас 8: Приидите, возрадуемся (писана на Господи, воззвах.
Канон Одигитрии Пресвятыя Богородицы со ирмосом на 6, творение иеромонаха Игнатия, глас 4
Песнь 1
Ирмос: Отве́рзу уста́ моя/ и напо́лнятся Ду́ха,/ и слово отры́гну Царице Матери,/ и явлю́ся, све́тло торжеству́я,/ и воспою́, ра́дуйся́, Тоя́ чудеса́.
Радостно, Чистая, ныне наста́вшее хвале́ние приноша́ю, ра́дуяся,/ и тихим гла́сом, Одигитрие, вопию́ Ти:/ радуйся и испо́лни мя ра́зума, пе́ти начина́юща.
Христа родившая, радость нам вечную,/ о радуйся, Всепетая, православных наде́ждо,/ Одигитрие, всепетая Деви́це:/ радости испо́лни мя, ми́рови жела́нныя.
Лику́ют вси челове́цы и Ангелы,/ всегда согласно вопию́ще на Небеси́ и на земли́, Одигитрие, радуйся, Деви́це,/ радости бо Рождеством Твоим вся́ческая испо́лнила еси.
Радость, Одигитрие,/ со страхом Ти вопию́щих ра́дости сподо́би,/ Мати су́щия радости, избавля́ющи скорбе́й всяческих,/ и всех помилуй, к Тебе прибега́ющих.
Ин канон праздника на 8, глас тойже
Песнь 1. Ирмос тойже
Благогове́ют Ти, Богородице, Ангелов нача́льницы, и святых чи́ни че́стно слу́жат,/ праведнии красу́ются, Небесных Хода́таицу блажа́т Тя./ Ку́пно же и земля и Небо в веселии све́тло восхваля́ют Тя,/ и мы, грешнии, милости просим:/ озари́ наша сердца́, Владычице, воспе́ти песнь святыя Твоея иконы явлению.
Прииди́те, собери́теся, христоимени́тии людие, умы́ тайно очи́стившеся, во святую церковь Матере Христа Бога нашего:/ источает бо нам неоску́дно от святыя иконы источник духо́вен,/ целе́бен душа́м и те́лом, песнь вопиющим:/ благословен из Тебе рождейся Бог наш.
Диви́т, Пренепорочная, и ужаса́ет всяк слух странно чудо Божественнаго Твоего Рождества:/ како Херуви́мскаго Творца зачала́ еси;/ како Огнь нестерпи́мый во утро́бе носи́ла еси;/ како Су́щую Жизнь плотию облекла еси и Живо́т всему миру родила́ еси,/ Бога ку́пно и человека.
Под кров Твой, Дево Госпоже, прибега́ем вси ро́ди человечестии:/ просвети ны светом Рождества Твоего, грешныя рабы Твоя,/ моля́щияся прилежно и кла́няющиися пречистей Твоей иконе,/ прося́ще от Тебе прия́ти великия милости.
Катавасия: Отверзу уста моя:
Песнь 3
Ирмос: Твоя песносло́вцы, Богородице,/ живы́й и незави́стный исто́чниче,/ лик себе совоку́пльшия, духо́вно утверди́,/ в Божественней Твоей славе/ венце́в славы сподо́би.
Христа, Вышняго Царя, о радуйся, непоколебимая, чистая и одушевле́нная пала́то,/ радуйся, Одигитрие, радуйся:/ Тобою бо неруши́м наш град сохраняется.
Вмести́ти Eгоже не возмо́же тварь,/ во утро́бу неискусобра́чную, Одигитрие Девице, телесно вмести́ла еси:/ темже Ти, радуйся, пое́м, по до́лгу велича́юще.
Радость многопетая ми́рови,/ радостно Ти пою́ще присно, ве́чнующия, Чистая, радости сподобля́емся/ Твои́ми матерними молитвами к Ро́ждшемуся из Тебе, Одигитрие.
Злату́ю Тя ста́мну, и све́щник, и жезл, и трапе́зу, Чистая, призыва́ем, Одигитрие,/ и глас, еже радуйся, Тебе при́сно привноша́ем/ с си́миже имены́.
Ин. Ирмос тойже
Ку́ю Ти достойную похвалу́ наше принесе́т коне́чное неможе́ние,/ яко явле́нием пречистыя Твоея Божественныя иконы незави́стныя источники целе́бныя источа́еши/ верно прибега́ющим к Тебе рабом Твоим.
Божественныя Твоей иконы святое явление, Богородице Дево,/ яко светоза́рное возсия́ нам солнце, преславных чуде́с лучи́ пуща́ющи,/ тьмы лю́тых обстоя́ний отгоня́ющи/ священными Твоими, Владычице, предстательствы.
Испо́лнила еси благода́ти иногда́ первопи́санную Твою икону, Госпоже Дево Богородице,/ и ныне та же благодать и́стинствует сия́нием веры чудес, яко той ра́ди первопи́санныя,/ ко спасению верно к Тебе по Бо́зе прибегающим.
Покланяемся, Богородице, Твоему пречистому о́бразу и пресладкому Твоему Младенцу,/ превечному и незаходимому Свету, Христу,/ Имже спасла́ еси от лю́тых зол и тле́ния смертнаго все человеческое естество́.
Седален, глас 8
Подобен: Премудрости:
Божественнии Сло́ва апостоли,/ Евангелия Христова велегла́снии вселе́нныя благове́стницы,/ Божественную церковь созда́вше в пресвятое Твое имя, Богородице,/ и к Тебе, Госпоже, прихо́дят, моля́ще Тя приити́ на тоя́ освяще́ние./ Ты же, о Богомати, рекла еси:/ иди́те с миром и Аз с вами та́мо есмь./ Они же, ше́дше, обрета́ют та́мо на стене́ церкве Твоего, Владычице, о́браза подо́бие,/ Божественною пи́сано силою шаро́вными подо́бии,/ и, ви́девше, поклони́шася Ти и просла́виша Бога./ С нимиже и мы Божественней Твоей покланяемся иконе,/ прося́ще от Тебе великия милости:/ да́руй согрешений оставле́ние рабом Твоим, Едина Благословенная.
Слава, и ныне, тойже седален
Песнь 4
Ирмос: Седя́й в славе на Престоле Божества во о́блаце ле́гце,/ прии́де Иисус Пребожественный/ нетле́нною дла́нию/ и спасе́ зову́щия:/ слава, Христе, силе Твоей.
Радуйся, чудо чудес, Одигитрие Владычице./ Радуйся, всех радосте градо́в и ве́сей,/ непобеди́мое христианское в беда́х храни́лище,/ и предгра́дие, и на враги побежде́ние.
Радуйся, радуйся людей православных похвало́ и христолюбивых пастырей, покров пребываеши всех, Царице./ Радуйся, Одигитрие, прибежище всем нам и утверждение.
Радуйся, всем скорое в беда́х избавле́ние./ Радуйся, готовое всем скорбя́щим утеше́ние./ Радуйся, Всепетая, радуйся, Одигитрие Всеблагословенная,/ всем немощны́м Исцели́тельнице.
Радуйся, Еяже вели́чия вся тварь/ сла́вити у́бо спеши́т по достоянию, но не возмога́ет, Одигитрие,/ и сего ради зове́т Ти:/ радуйся, Владычице, Боговместимое жилище.
Ин. Ирмос тойже
Почтим, лю́дие, Чистыя в чистоте икону Девы Богородицы/ и Тоя́ Божественнаго Младенца, Христа Бога нашего,/ и лобыза́ем и прославля́ем со страхом и трепетом:/ почитаем бо икону благоче́стно,/ паче же почитаем Са́мую Ту́ю сущую Чистую Богоматерь.
Давид, Божественный и чу́дный пророк, издале́ча прови́дя, глаго́ла:/ лицу́ Твоему́ помо́лятся богатии лю́дие./ Мы же, вернии, покланя́емся и лобыза́ем честну́ю икону,/ душа́ми ку́пно и телесы́ освяща́емы.
Евангелия Христова Богогла́сный списа́тель Лука/ Божиим манове́нием всенепорочный Твой напису́ет образ, Богородице,/ и Младенца Превечнаго на рука́х Твоих вообрази́в,/ к немуже притекающия напастей и бед избавля́еши,/ и вся покрыва́еши, и спаса́еши Твоею милостию.
Ты еси похвало́ и вене́ц святым всем, о Царице!/ Ты упование наше и Помощница по Бозе,/ и на Тя надежду спасения нашего возложи́хом вси./ Тебе мо́лимся, яко Божии Матери:/ одожди́ грешным рабо́м Твоим богатыя Твоя душеспаси́тельныя ми́лости.
Песнь 5
Ирмос: Ужасо́шася всяческая/ о Божественней славе Твоей,/ Ты бо, Неискусобра́чная Дево,/ имела еси во утро́бе над всеми Бога/ и родила́ еси Безле́тнаго Сына,/ всем воспевающим Тя/ мир подава́ющая.
Благосты́ни бездно и щедро́там еси, радуйся, Одигитрие Девице,/ радуйся, всем радость творя́щи верным./ О, радуйся, сущим в беда́х, скорбя́щим пребыстрая Заступнице.
Радости от исполнения величия чудес Твоих зря́ще исполняемся вси,/ не зря́щии, слышаще же, вернии./ Темже, радуйся, Тебе присно,/ всюду и вси, Одигитрие, пое́м.
Христа Бога нашего, о радуйся, Одигитрие, жили́ще/ и дом неизрече́нней и пребоже́ственней, Дево, Славе Его./ О, радуйся, пала́то преукраше́нная,/ радуйся, гра́де одушевле́нный, присноца́рствующий.
Радость неоску́дную Тя разсмотря́юще,/ яко мо́ре, Отроковице, Одигитрие Девице,/ радующеся вси, радуйся, вопие́м Ти/ и, пою́ще, Божественных даро́в неви́димо присно от Тебе ожидаем.
Ин. Ирмос тойже
Всяко, Пречистая, существо воспе́ти недоуме́ет Тя,/ па́че бо Горних умо́в превозвы́силася еси,/ рождши неприступнаго и страшнаго Всецаря и Бога,/ но, яко Ми́лостива и скорая человеком Помощница,/ вонми́ моле́нию раб Твоих и да́руй Твою помощь.
Иде́же осени́т благодать Твоя, Богородице, стра́хом исчезают демони/ и разруша́ется злоко́зненное тех мечта́ние, бе́гают ду́си те́мнии,/ радуется же верных все мно́жество, Тебе песнь хва́льну от сердца вопию́ще:/ радуйся, Божественный покро́ве душ наших.
Безоче́сным сладкое зре́ние дае́тся, глухи́м слы́шание,/ немы́м благоглаго́лание, хромым хождение, прокаже́нным очищение,/ де́монствуемым целому́дрие и в боле́знех су́щим различных исцеление/ осене́нием Пречистыя Твоея, Богородице, иконы.
Не умолчи́м никогда́же, Богородице, псалмы́ и пе́сньми воспева́ти вели́чия Твоя, Обрадованная:/ Бога бо воистинну воплотившагося родила́ еси,/ во спасение наше всемирное и избавление.
Песнь 6
Ирмос: Божественное сие́ и всечестно́е/ соверша́юще пра́зднество,/ Богомудрии, Богоматере,/ прииди́те, руками воспле́щим,/ от Нея ро́ждшагося Бога сла́вим.
Христа, Чистая, прие́млющи,/ глас, еже радуйся, Одигитрие Девице, слышала еси,/ Eгоже неизреченно ро́ждши, и, радуйся, от всех слы́шиши всегда.
Радости вся испо́лнила еси,/ Вышняя и нижняя Ты совокупи́ла еси, Одигитрие,/ темже радостно и согла́сно ныне Небо и вся земля зове́т Ти.
Вдова́м, о радуйся, Всепетая, и всем си́рым, Одигитрие, утеше́ние,/ радуйся, всем источа́ющи ни́щим богатство неистощи́мое.
Зла́та всякаго блиста́ема и у́тра солнечнаго светле́йши,/ жили́ще Христово, радуйся, Одигитрие, радуйся, Девице,/ радуйся, Невесто Неневестная.
Ин. Ирмос тойже
Божественнаго Твоего Рождества́, Дево Госпоже, пребога́тая благодать,/ юже дре́вле изглаше́нием предала́ еси пречистому Твоему образу,/ неоску́дне де́йствовати великая же и пресла́вная во спасение на Тя наде́ющимся.
Иде́же прославля́ется святое имя Обрадованныя Богородицы,/ та́мо всяческих благи́х исто́чницы пролива́ются;/ прииди́те в чистоте́, челове́цы,/ се бо явление Божественныя Девы иконы сказу́ет Царицы пришествие во спасение всех верных.
Целения боле́зней, отгна́ние же страстей и душепита́тельное спасение,/ грехо́в проще́ние и вечное избавле́ние от пречистыя Твоея иконы, Владычице,/ верно приходя́ще, прие́млем, Богомати Всенепорочная.
К Тебе, Госпоже, прибегают ро́ди правоверных, про́сят великия ми́лости/ и прие́млют неоску́дно су́щии в неду́зех исцеление, в страсте́х премене́ние, в печа́лех утеше́ние./ Источи́ и мне, Владычице, ка́плю душеспаси́тельную,/ да со всеми и аз пою́ Твое величие.
Кондак, глас 8
Подобен: Избранной
Притеце́м, людие, к тихому сему́ и доброму пристанищу,/ скорой Помощнице, гото́вому и те́плому спасению, покро́ву Девы,/ ускори́м на молитву и потщи́мся на покая́ние:/ источает бо нам неоску́дныя милости Пречистая Богородица,/ предваря́ет на помощь и избавляет от великих бед и зол/ благонравныя и Богобоя́щияся рабы Своя.
Икос:
Смысл очи́стивше и ум, притеце́м к Богородице,/ све́тло пе́сньми ублажа́юще Ю,/ и пречи́стую икону Ея прославля́ем и чтим,/ и, припа́дающе, покланя́емся яко Само́й су́щей о́ной:/ честь бо иконы на Первообра́зное восхо́дит,/ и почита́яй и покланя́яйся ей почитает са́мое Первообра́зное,/ якоже Божественнии отцы реко́ша. И аще кто не чтит Пресвятыя Богородицы и не покланяется иконе Ея, ана́фема да будет:/ посрамля́ет бо и погубля́ет не чту́щия Ю,/ избавляет же от великих бед и зол благонра́вныя и Богобоя́щияся рабы Своя.
Песнь 7
Ирмос: Не послужи́ша тва́ри Богомудрии,/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отцев Господь и Бог,/ благословен еси.
Радуйся, радуйся. Богородице Одигитрие,/ всех и всегда наставля́ющи верных ше́ствовати ко всякому пути́ спасительному,/ радуйся, Владычице, Тобою бо присно избавляемся настоя́щия ва́рварския беды́.
Радуйся, радуйся, Одигитрие,/ бдя́щи и моля́щися о нас к Богу,/ и всякия злобы хода́тайством Твоим всяческих скорбе́й,/ Богородительнице, всех людей избавля́ющи.
Радуйся, радуйся, Пресвятая Одигитрие,/ проше́ния наша к пользе нам исполня́ющи/ и хотя́щи всем при́сно всегда любодру́жное благое единство, спешное же во изя́щных.
Радуйся, радуйся, корабле́м, Одигитрие, ну́ждно пла́вающим, избавля́ющи верных/ и всем избавле́ние от всякия ско́рби и неду́ги/ пестро́тныя и ме́дленныя разреша́ющи вскоре.
Ин. Ирмос тойже
Прииди́те, почерпе́м отпуще́ние от неистощи́маго источника,/ точа́щаго святы́ню Пречистыя Девы/ и Тоя́ Пречистаго Младенца, Божия Слова, нас ради вочеловечшагося./ К Нему возопии́м:/ Тво́рче Изба́вителю,/ препрославленный со Отцем и Духом, Боже, благословен еси.
Неусы́пную, Чистая, и Богоприятную иму́щи молитву,/ и непреодоле́емую держа́ву кре́пости,/ врагов наших дерзость, яже на ны, разори́/ и вы́я их под но́зе верному народу нашему низложи́,/ да возвесели́мся о Тебе, раби́, Сыну Твоему вопию́ще:/ отец наших Боже, благословен еси.
Радуемся и веселимся, вернии лю́дие, чу́дному явле́нию иконы Пречистыя Владычицы Богородицы:/ река́ бо яви́ся неисчерпа́ема, целебную во́ду точа́щи,/ слепы́м бо ви́дети дае́т и глухим слы́шание,/ хромым хождение и всем сущим в неду́зех безме́здное исцеле́ние.
Неиспы́тана глубина́, недове́домо таинство, непостижи́м образ, Дево, зачатия Твоего,/ зачатия без Се́мене, без мужа рождество./ Безплотный воплоти́ся, Превечный младе́нствует,/ Сын Божий, Сын Тебе, Девы, бывает, Емуже вопие́м:/ Боже, благословен еси.
Песнь 8
Ирмос: О́троки благочестивыя в пещи́/ Рождество́ Богоро́дичо спасло́ есть,/ тогда у́бо образу́емое,/ ныне же де́йствуемое,/ вселе́нную всю воздвиза́ет пе́ти Тебе:/ Господа пойте дела/ и превозноси́те Его во вся веки.
Радуйся, Всеблагословенная Марие,/ из Тебе бо Всеблагословенный Бог оде́яся во всего́ мя человека/ и, оде́явся, соедини́ Своему Божеству неизрече́нным соединением, Дево Одигитрие;/ радуйся, Обрадованная, радосте всего мира.
Радуйся, лукавых духо́в Прогонительнице;/ радуйся, Богородице Одигитрие;/ радуйся, Юже Небе́сная неви́димая во́инства славосло́вят всегда и велича́ют яко Матерь Божию бывшую;/ радуйся, я́же нижняя сочета́вши с Вышними.
Радуйся, всех Небесных сил без разсужде́ния превосходя́щая;/ радуйся, Одигитрие;/ радуйся, вся́кия тва́ри яко Бога Рождшая госпо́дствующи, ей, Владычице Всепетая;/ радуйся, пребыва́еши Дева Чистая и по рождестве́.
Радуйся, жена́м всем сла́во, хра́ме преосвяще́нный Бога нашего;/ радуйся, Одигитрие;/ радуйся, душеспаси́тельная всей вселенней;/ радуйся, покрывающий о́блаче, Небе́с ши́ршая;/ радуйся, мирополо́жнице, Божественнаго ми́ра полна́.
Ин. Ирмос тойже
Ум Ангельский и человеческий ужаса́ется, Богородице,/ како Бога Небеснаго, ложесна́ми объе́мши, воплоти́ла еси,/ како, Младенца ро́ждали, яко Сына на руку́ но́сиши/ Eгоже ужаса́ется тварь и трепе́щут Горнии Престоли, вопию́ще непрестанно:/ Свят, Свят, Свят еси, Боже, препе́тый и превозносимый во веки.
Радуйся, су́щая ра́досте всего мира,/ со Архангелом Гавриилом вопие́м Ти, Богородице;/ радуйся, вмести́лище Невмести́маго;/ радуйся, Благодатная, носи́ло Божества всего;/ радуйся, Ада́мово воззва́ние, с Тобою Господь, и Тебе ради с нами, спасая нас,/ Eгоже поем и превозно́сим во веки.
Корень Иессеев освяще́нный, корень греха́ нашего исто́ргнула еси;/ жезл Ааронов процве́тший, Жизнодателя цвета израсти́вши Христа;/ ста́мно манноприе́мная, смерти всю силу сокруши́ла еси/ и в поро́ду жизни возвела́ еси род человеческий:/ темже Тя поем, добрых виновную.
Ты похвала́ христианом еси, Владычице,/ Ты оружие на враги и стена́ к Тебе прибега́ющим./ Тя и ныне на помощь призываем, Госпоже,/ не даждь враго́м вознести́ся на люди Твоя,/ иже Тебе не хва́лят, ни Сына Твоего, Богородице, и Твоей иконе не кла́няются:/ сих победи́ и ду́ши наша спаси.
Песнь 9
Ирмос: Всяк земноро́дный/ да взыгра́ется, Ду́хом просвеща́ем,/ да торжеству́ет же Безпло́тных умо́в естество́,/ почита́ющее священное торжество Богома́тере,/ и да вопиет: радуйся, Всеблаженная Богородице,/ Чистая Приснодево.
Радуйся, свеще́, Свет невечерний поне́сшая,/ и в Рождестве Твоем многобожия тьму разруши́вшая,/ и а́довы про́пасти изба́вльшая люди;/ радуйся, Одигитрие Богородице, добро́т всех Предхода́таице.
Радуйся, земле́, из нея́же Клас прозя́бши Небесный верным,/ и мира всего душегу́бнаго гла́да изба́ви, разу́мная и одушевле́нная;/ о радуйся, виногра́де, иже Грозд живо́тный ро́ждшая,/ Богородице Чистая, Одигитрие.
Радуйся, тайных цвето́в прекрасный су́щий раю́;/ радуйся, Мати Дево, Неви́димых ра́зум чистото́ю странноле́пно побе́ждши, Богороди́тельнице;/ радуйся, Отроковице;/ радуйся, Одигитрие, всеми́рное чу́до и слышание.
Лето живота́ нашего про́чее сохрани́ неврежде́нно поможе́нием Твоим, Дево Отроковице,/ и сподо́би коне́ц благи́й получи́ти нам, воспева́ющим Тя и взыва́ющим:/ радуйся, Всеблаженная Богородице, Чистая Одигитрие.
Ин. Ирмос тойже
Тебе, тве́рдую Помощницу ро́ду челове́ческому, Богородице Марие, лик пророческий многообра́зно провозвести́,/ сень святу́ю, Небе́с простра́ннейшую,/ скрижа́ль Богопи́санную и купину́ неопали́мую,/ дверь Богопрохо́дную, го́ру же и ле́ствицу, и мост, и жезл процве́тший:/ мы же воистину Богородицу Тя величаем.
Тайна глубины́ Рождества Твоего ум Ангельский ужаса́ет, Дево,/ и пречи́стая икона де́моны прого́нит,/ и ли́ца нечести́вых омрача́ет, и в студ порева́ет:/ не терпя́т бо взира́ти на си́лу ея́, бе́гают же и исчеза́ют./ Мы же любезно покланя́емся и лобыза́ем, и Тя, Богородицу, величаем.
Предста́тельница су́щи неотсту́пна к Вышнему Царю,/ яко иму́щи матерне дерзнове́ние непосты́дно,/ в мире глубо́це православных житие́ утверди́ и отечество наше возвы́си,/ и вся поле́зная да́руй всегда рабо́м Твоим,/ да Тя, Богородице, величаем.
О Всемилостивая христиа́ном Помощнице,/ не может Тя воспе́ти достойно ум человеческий и Ангельский,/ яко всея́ тва́ри честне́йши, Небе́сных и земны́х сла́внейши:/ всех бо родила́ еси Творца и Бога,/ но, о Владычице,/ приими́ ми́лостивно и́же Тебе от сердца возложи́хом песнь,/ спасай нас всегда, на Тя бо наде́емся.
Светилен:
Да почти́тся Всепетая Мати Божия,/ Жизнь Су́щую ро́ждши, Христа Бога нашего,/ райских дверей отверзе́ние и всего мира очище́ние, к животу́ возведе́ние:/ Сей есть проро́ком глаго́лавый,/ Тому поклони́мся, Богу и Спасу душ наших.
Слава, и ныне, глас 6:
Прииди́те, ве́рнии, с чистото́ю возвели́чим Пречистыя Матере Бога нашего чу́дную икону/ и Божественнаго Младенца, Спаса Христа,/ Eгоже яко рождшая на руку́ носи́вши/ и ма́терне дерзновение к Нему иму́щи,/ непреста́нно мо́лит за ны и подае́т рабом Своим богатыя милости.
На хвалитех стихиры на 4, глас 4:
Просла́вим, вернии, Обра́дованную Богородицу,/ паче же во усте́х наших имамы всегда/ святое и благословенное имя Ея,/ непреста́нно прибега́юще к пречи́стей Ея и цельбоно́сней иконе:/ то́ю бо обрета́ем яже на земли́ вся благая и полезная/ и су́щих на возду́се от демонов запина́ний избавляемся,/ яко Мати, рождшая всех Творца́,/ спасает от бед души наша.
Да рыдает вечно сонм злочести́вых,/ не испове́дающих Тя в рождестве Чистую Богородительницу/ и не покланя́ющихся пречи́стей Твоей иконе./ Ве́рнии же лю́дие, ра́дующеся,/ испове́даем Тя истинную Деву Богородицу,/ яко вои́стину родила́ еси пло́тию Христа Бога нашего,/ тление Адамово попра́ла еси/ и от греха весь мир очистила еси,/ жизнь безконечную дарова́ла еси,/ райский вход верным отве́рзла еси/ Божественным Твоим Рождеством;/ Eгоже моли спасти́ся нам,/ пою́щим верно Твое та́инство.
Радуется убо и весели́тся/ неизрече́нною радостию все мно́жество благочестивых:/ припа́дающе же покланя́ются,/ вси благогове́ют Божии Матери с боя́знию,/ благодаря́ще Сию́ по Бо́зе яко Бога,/ толи́ких превели́ких благ Хода́таицу,/ в ни́же желают Ангели прини́кнути,/ дарова́ Богородицею верным Христос Бог наш,/ имеяй премно́жество щедрот и великую пребогатую милость.
Слава, и ныне, глас 8:
Святая Твоя и сообра́зная икона, Богородице Дево,/ благода́тию Твоею пребога́тый су́щий источник,/ кипя́щий всей подсо́лнечней/ и светя́щий всему́ миру/ светолу́чными Святаго Духа сия́ньми и исцеле́ний светлостьми./ Ты бо Бога Слова плотию несказа́нно родила́ еси,/от Архангела Гавриила сицева́я слы́шавши:/ радуйся, Обрадованная, Господь с Тобою,/ и Дух Святый осени́т Тя к зачатию./ Та́кожде рекла́ еси к первопи́санной Твоей иконе, на ту зря́щи:/ с то́ю Моя благодать,/ и слово Твое со вла́стию иконе бысть./ И о́браз, и глас, и сила, и дело, и всяк ум/ превосходя́щая Божественная благодать, спребыва́ющи вечно,/ зна́мения и чудеса́ непрестанно содева́ет/ и душеполе́зное исцеление всем верно приходя́щим подае́т/Твоими Богоматерними непреста́нными к Богу молитвами.
Славословие великое, и отпуст
На Литургии служба Богородицы
Аще прилунится в неделю – зри устав 23 июня
В той же день. Святаго равноапостольнаго Аве́ркия, епископа Иерапо́льскаго, чудотворца и святых седми отроко́в, иже во Ефесе
На Господи, воззвах: стихиры святителю, глас 2
Подобен: Егда от Древа
Божественных учений блиста́ньми/ разруши́л еси многобо́жную нощь, отче Аве́ркие,/ утро же возсия́в, сы́ны дне совершил еси,/ во мра́це сущия прежде, иерарше,/ чудеса преславная показа́в,/ тем святую твою память верою празднуем вси,/ песносло́вяще тя, Богодухновенне.
В сосуде еди́нем чудодействуя,/ вино бо и елей, отче, и вид други́й совокупи́л еси,/ блюдо́ма внегда требовати несме́шена Божественною благодатию,/ теплых же вод дарова́ние/ молитвою истещи́ сотворил еси,/ неду́ги исцеляя всяческия,/ приходя́щих тебе верою/ и блажа́щих тя, Аве́ркие.
Весь прилежа́ Богу,/ Божественных испо́лнитель учений явился еси, Аве́ркие,/ благодать же прие́м от высоты́, преподобне,/ неду́ги отгна́л еси различныя человеков,/ тре́бища и́дольская разорил еси,/ знание насади́л еси Божественное,/ неве́дением окая́нно прежде бе́дствующим, блаженне.
Ины стихиры мучеников, глас 4
Подобен: Яко до́бля
Пребеззаконная веле́ния,/ Богу поко́ршеся, о́троцы блаженнии небрего́ша/ и, свя́зани бывше, разреши́ша пре́лести соу́з,/ и, сан мирски́й отвергше, прияша славу,/ яже тех преславно соверши́вшу/ и Горняго исхода́таившу Царствия наслажде́ние.
К по́двигом себе страдания, святии,/ крепко обучи́вше,/ скры́стеся в верте́пе,/ моле́ньми непрестанными ко Господу моля́щеся/ крепость пода́ти и силу,/ и́миже судьба́ми, Человеколюбец весть,/ усну́ти в мире всем вам Богонача́льно повелева́ет.
Богособранный полк, лик блаженный,/ мученическое собрание неудобопобори́мое,/ Це́ркви Божественней кра́сное торжество́,/ нерасте́рзное совокупле́ние, во́инство непобедимое,/ незы́бленное благочестия основание,/ прииди́те вси, воспоим усердно, благочестия свидетели.
Слава, глас 3. Иоа́нна монаха:
Архиерее преподобне, всеблаженне отче,/ чудотворче угодниче Христов, Аве́ркие,/ пророческим житие́м возсия́вый/ и апостольских сподо́бился еси даро́в,/ Спасу служа́ со Ангелы непрестанно,/ моли́ избавитися от всякаго преще́ния душа́м нашим.
И ныне, Богородичен или Крестобогородичен
Подобен: Велия Креста
Оружие сердце Твое про́йде, Пречистая,/ егда Сына Твоего на Кресте́ видела еси и вопия́ла еси:/ небезча́дну Мя покажи,/ Сыне Мой и Боже Мой,/ соблюды́й Мя по Рождестве́ Деву.
Тропарь святителю, глас 4:
Истины проповедник и чудотворец дивен показался еси,/ сирот отец и нищих заступник,/ бодрый пастырь словеснаго стада, бесом страшен,/ всех убо от тех нападений заступай, вопиющих ти:/ Аверкие отче наш,/ моли Христа Бога,/ да спасет души наша.
И святым отроко́м тропарь, глас 8:
Благочестия проповедники и воскресения умерших изобразители,/ Церкви столпы седмочисленныя,/ о́троки всеблаженныя песньми восхвалим:/ тии бо по многих ле́тех нетления, аки от сна воставше,/ всем возвестиша яве мертвых востание.
На утрени
Канон Октоиха един и святителя канон на 4, егоже краегранесие: Аверкиеву воспою великую славу. Иосиф.
Глас 2
Песнь 1
Ирмос: Гряди́те, лю́дие, пои́м песнь Христу Богу,/ разде́льшему море и наста́вльшему люди,/ яже изведе́ из рабо́ты египетския,/ яко просла́вися.
Заре́ю светлою Трисолнечнаго Божества́ озаре́н быв, Аве́ркие,/ свет был еси,/ су́щия во тьме просвеща́я и все де́монское разруша́я омраче́ние.
Житие́ на земли имел еси, преблаженне, Небесное,/ с пло́тию, яко безпло́тен, жительствовав/ и стра́сти умертви́в, и священства дар прие́м.
Имея в тебе, отче, Слово веща́ющо,/ безслове́сия разруши́л еси суему́дренных,/ де́монския хра́мы и куми́ры преле́стныя низложи́в.
Богородичен
Вити́йстии язы́цы глаго́лати недоумеют Твоего паче сло́ва зача́тия:/ Бога бо родила́ еси плотию, Всечистая,/ нам уподо́бльшася за благосты́ню.
Ин канон мучеников. Глас 8
Песнь 1
Ирмос: Колесницегони́теля фараоня погрузи́,/ чудотворя́й иногда́/ Моисе́йский жезл, крестообра́зно порази́в/ и раздели́в море,/ Израиля же беглеца́, пешехо́дца, спасе,/ песнь Бо́гови воспева́юща.
Седми́чным число́м честву́еми, сняти́и о́троцы седмь,/ све́тлии зве́зды, на тверди Церко́вней сияюще,/ иже свиде́тельством на Небесная все́льшеся,/ помяни́те верою чту́щия вас.
Седмосве́тлым сия́нием Духа,/ вообража́юще златоза́рную свещу́, мученицы седмочи́сленнии,/ мрак ума́лили есте́ пре́лести/ и светом благочестия вся ныне седмеросугу́бно просвеща́ете.
Богородичен
На Тя, Дево, надежду полага́ю спасения моего,/ грехо́вныя ти́ны всего мя омы́й и чи́ста мя соде́лай,/ Сыну Твоему изя́щне благоугожда́юща и де́юща Того всесвятую волю.
Песнь 3
Ирмос: Утверди́ нас в Тебе, Господи,/ Дре́вом умерщве́й грех,/ и страх Твой всади́/ в сердца́ нас, пою́щих Тя.
И словесы́ свяще́нными и показа́нии чуде́с, Аве́ркие,/ пре́лести море плавающия,/ преславно ко пристанищу спасения наставил еси.
Цельбы́ содева́я, совершая изря́дная,/ де́монов отгоня́я мечтания,/ спасения всем виновник, богатым предстатель ты был еси.
Слово священное, житие́ Божественное,/ нрав, чудесы́ сияющь,/ жизнь твоя, отче, сла́вна и смерть честна́ бысть.
Богородичен:
Сый Бог, прежде невидимый, ви́дим бысть, Дево,/ за благоутро́бие из чрева Твоего воплощаем:/ тем Тя верою ублажаем.
Ин
Ирмос: Утвержде́й в начале Небеса разумом/ н зе́млю на вода́х основа́вый,/ на ка́мени мя, Христе, заповедей Твоих утверди́,/ яко несть свят, па́че Тебе, Едине Человеколюбче.
Я́вльшеся на земли́, седмосве́тлии, яко светильницы добродетелей/ и по́двигов зарею, и чудес блиста́ньми све́тло просвети́вше,/ свет Богознания всему миру просия́ете.
От пеле́н ма́терних возложи́вшеся Творцу,/ Того ра́ди небрего́сте о сла́ве и че́сти царской, и богатстве мимотеку́щем,/ от Негоже нетленных че́стей славу получи́сте.
Богородичен:
Умерщвле́нный мой ум, Жизни де́йством, я́вльшияся из Тебе, ми́ру воздви́гни,/ язвы и о́бразы потре́бльши грехо́вныя,/ Едина Богороди́тельнице, Всенепорочная.
Кондак отроков, глас 4
Подобен: Вознесыйся
Прославивый на земли святыя Твоя,/ прежде Втораго и страшнаго пришествия Твоего, Христе,/ преславным воста́нием отроко́в показал еси Воскресение неве́дящим е,/ нетле́нна одея́ния и телеса́ яви́в,/ и царя уве́рил еси вопи́ти:/ воистинну есть мертвых востание.
Икос:
Чу́дное и высокое отроко́в воскресение ви́дев, иерарх Ефесский иногда́/ удиви́вся ра́зумом, пишет со тща́нием ве́рнейшему царю тех востание:/ приити́ сподо́би державе твоей, владыко,/ зде да ви́диши Бога твоего силу, юже показа́ тебе./ Абие воста́в великий победоносец, ше́ствие творя́ще радуяся,/ вторы́й явився Илия́ колесни́чник, вопи́я:/ воистинну есть мертвых востание.
Седален святителю, глас 8
Подобен: Премудрости
Иерарх явился еси, ма́стию честно́ю обложе́н, отче, Богоде́тельно/ и вся совершая благодатию священнейше,/ даро́в же Божественных и чудес све́тлостию украшаем,/ Святым и Божественным Духом, всехвальне, неду́ги исцеляя и де́моны попаля́я,/ и множества прельщаемых обращая, Аве́ркие./ Сего ра́ди вопие́м ти:/ моли Христа Бога грехо́в оставле́ние пода́ти/ чту́щим любовию святую память твою.
Слава, отроко́м, глас 4
Подобен: Скоро предвари́
Яко столпи́ су́ще Церкве Христовы,/ сте́ны разори́сте неве́рствия кре́пко,/ седмобра́тнии мученицы./ Тем пре́жде смерти е́ллинскую ярость/ и паки по смерти ерети́ческую бурю разруши́сте,/ молящеся о душа́х наших.
И ныне, Богородичен:
Чистая, Всенепоро́чная и Неискусому́жная,/ Яже Едина Безле́тнаго Сына и Слова Божия в лето рождши:/ Сего́ со святыми и честны́ми патриархи, и мученики, и пророки, и преподобными моли́/ дарова́ти нам очищение и ве́лию милость.
Крестобогородичен:
Дево Всенепорочная, Мати Христа Бога,/ оружие про́йде Твою пресвятую душу,/ егда́ распина́ема видела еси волею Сына и Бога Твоего./ Eгоже, Благословенная, моля́щи не преста́й, прощение прегрешений нам дарова́ти.
Песнь 4
Ирмос: Пою́ Тя, слу́хом бо, Господи, услышах и ужасо́хся,/ до мене́ бо и́деши, мене́ ища́, заблуждшаго./ Тем многое Твое снизхождение, еже на мя,/ прославляю, Многоми́лостиве.
Вельми́ престо́л, преподобне, украси́л еси, святителю,/ великими бо чудесы́ преле́потствовал еси и житие́м светлым./ Сего́ ра́ди Превеликий Бог наш вельми́ тя прослави.
Милости Воли́теля Господа ве́дый, Богоносе,/ те́пле Его умоли́л еси/ на исцеление и спасение многих/ те́плых вод всечу́дное сотвори́ти истечение.
Плодови́ты безча́дныя сотворил еси Божиею благодатию,/ совершил еси помышления,/ вложи́в бо тем, Аве́ркие, сло́ва се́мя я́ве,/ яко добрый сеятель, пожа́л еси кла́сы стори́цею, блаженне.
Богородичен:
Исцели́ла еси сокрушение, Всенепорочная, и дре́внее окая́нство земноро́дных,/ рождши Господа и Царя Христа,/ понесшаго неду́ги наша за благоутробие неизглаго́ланное, Богоневесто.
Ин
Ирмос: Ты моя кре́пость, Господи,/ Ты моя и си́ла,/ Ты мой Бог, Ты мое ра́дование,/ не оста́вль не́дра Отча/ и нашу нищету́ посети́в./ Тем с пророком Авваку́мом зову́ Ти:/ силе Твоей слава, Человеколюбче.
Бра́тским совокупля́еми союзом и Боже́ственным желанием распаляеми,/ согласием истиннаго, мученицы Господни, испове́дания и веры/ посрами́сте мучителей суему́дренный ра́зум и пре́лести многобо́жное учение.
За Христа и со Христом гони́ми,/ в верте́пех, гора́х же и про́пастех земны́х скрыва́еми./ Того ра́ди сном живоносным вместо смерти усну́ли есте́ на ле́та должа́йшая,/ я́вственно утверждающе общее земны́х Воскресение.
Богородичен:
Да о́браз, засы́панный страстьми́, обнови́ши богатством благосты́ни, в Де́вственную вселился еси утробу,/ из нея́же Мудрость храм Божий созда́л еси,/ Еюже с человеки пожи́л еси, Щедрый, и спасл еси мира концы.
Песнь 5
Ирмос: Просвеще́ние во тьме лежащих,/ спасение отча́янных, Христе Спа́се мой,/ к Тебе у́тренюю, Царю мира,/ просвети́ мя сиянием Твоим,/ ино́го бо, ра́зве Тебе, Бога не знаю.
Поста́вив твоя но́ги на ка́мени сердца, Богомудре,/ падшия поги́белию и че́сти камению подаю́щия, блаженне,/ Божественными словесы́ чествова́ти научил еси Камень,/ Иисуса Христа и Бога нашего.
Врача́ разли́чно неду́гующих, путевожда́ всех, прельще́нных злосове́тием,/ мирополо́жницу честны́х дарова́ний, прия́телище Божественнаго Духа,/ священноучителя почтим Аве́ркия.
Вино повеле́нием твоим в едином сосуде со елеем, ви́ды же другая вложе́нныя,/ во время свое несме́сно преславно изливаются,/ преизоби́лующую благодать твою явля́юще я́ве, священне.
Богородичен
Зако́ни в Тебе пресла́вно, Дево, обновля́ются,/ ражда́еши бо безсе́менно Бога Спаса/ и пребываеши де́вствующи па́ки,/ стра́нно чу́до./ Тем Тя, Матерь Емману́илеву,/ благочестно возвещаем.
Ин
Ирмос: Вску́ю мя отри́нул еси/ от лица Твоего, Све́те незаходи́мый,/ и покрыла мя есть чужда́я тьма, окаяннаго,/ но обрати́ мя и к свету заповедей Твоих/ пути моя направи, молюся.
Умертви́вшеся миру, вся жите́йская кра́сная отринули есте́,/ Живот Держащему живот свой преда́вше,/ живоносный сон, на до́лга ле́та влеку́ще, общаго воскресения образ.
Страдальцы житием яви́стеся, до́лгая гонения претерпе́вше,/ в гла́де и жа́жди, в разных беда́х и ско́рбех, и злоиму́ществах за Христа терпя́ще,/ и богатя́щеся су́що воспокое́нием.
Богородичен:
В Тебе, стене́, обогаща́емии и предста́тельством Твоим сохраня́емии,/ Твоею Божественною славою хва́лящеся, Тя ублажаем:/ Ты бо, Пресвятая, душа́м нашим источаеши веселие и радость.
Песнь 6
Ирмос: В бе́здне грехо́вней валя́яся,/ неизследную милосердия Твоего призываю бе́здну:/ от тли, Боже, мя возведи́.
От востока к западу пришел еси,/ де́монския и лютыя страсти царицу, преподобне, отрешая/ силою Духа.
Стра́нен мира явился еси, священнейше,/ странная и страшная совершая чудеса́,/ и ходя́ в телеси́, и отсюду отшед, Аверкие.
Молниезра́чен, отче, ви́димь, де́монския победил еси полки́,/ терпе́ти не могу́щия твоего, Аве́ркие, прещения, Богодухновенне.
Богородичен:
Тобою, Всесвятая Богоневесто,/ умерщвле́ннии, жизни сподо́бихомся/ и, тле́нию работающии, нетлением я́ве обогати́хомся.
Ин
Ирмос: Очисти мя, Спа́се,/ мно́га бо беззакония моя/ и из глубины́ зол возведя́, молюся:/ к Тебе бо возопи́х и услы́ши мя,/ Боже спасения моего.
Любовию, яже к Богу, Ефесскаго отечества, мудрии,/ род светлый, богатство же пресветлое и славу пречестну́ю оставили есте́,/ наследие Небесное произбра́вше.
Седмочи́сленный страдальцев лик, Божественне совокупля́емь,/ низложи́ враго́в множество многочисленное/ и славу прия́ша испове́дания, и венцы страдания.
Богородичен
Возсия́ от Сиона Вышняго благолепие/ приятием пло́ти, по соединению неизрече́нному,/ из Тебе, Неискусобрачная, оде́ян, и мир просвети́.
Кондак, глас 8:
Подобен: Яко начатки
Яко священника превели́каго и апостолов совсе́льника,/ Церковь почита́ет тя, вся верных, Аверкие:/ юже твоими молитвами соблюда́й, блаженне,/ непобеди́му и необурева́ему от всякия е́реси, и нескверну,/ яко приснопамятный.
Икос:
Мира всего суету́ помышляя, мира учуже́нный/ и, страсти Христовы подражая, плотски́я страсти умертви́л еси/ и, крест твой взем, последовал еси, блаженне, Творцу твоему,/ и, пребывая с Ним, ныне молися за чту́щия тя истинно,/ яко приснопа́мятный.
Песнь 7
Ирмос: О́бразу злато́му, на по́ле Деи́ре служи́му,/ трие́ Твои о́троцы небрего́ша безбожнаго веления;/ посреде́ же огня вве́ржени, ороша́еми, поя́ху:/ благословен еси, Боже отец наших.
Яко Божественный па́стырь, яко чуде́с самотво́рец,/ слепы́м е́же зре́ти молитвою, отче, пода́л еси, и слышати глухи́м,/ очище́ние же прокаже́нным, и благотече́ние хромым, воспевающим:/ благословен еси, Боже отец наших.
Пропове́дает твое чудо дея́ние, му́дре, во век те́плых вод искипе́ние/ и столп, у гроба твоего лежащий,/ егоже от Рима, великаго града, принесе́ лукавый дух, изгна́нный тобою, отче Аве́ркие.
Лю́дем смире́нным вождь был еси,/ высо́к в виде́ниих, и де́йствиих же, и силах яви́вся, священнейше,/ и Высочайшаго Царя угодник, Емуже взываем:/ благословен еси, Боже отец наших.
Богородичен:
Роди́ся из Тебе, Eгоже роди́ Отец пре́жде денни́цы,/ во двою́ существу́ и хоте́нию, яко Бог же и Человек, Отроковице, знаемь всем, верою зовущим:/ Благословенная, Бога плотию рождшая.
Ин
Ирмос: Божия снизхожде́ния/ огнь устыде́ся в Вавилоне иногда́,/ сего ради о́троцы в пещи́ радованною ного́ю,/ яко во цве́тнице, лику́юще, поя́ху:/ благословен еси, Боже отец наших.
Богу покаря́ющеся, Божественным законом наказу́еми о́троцы,/ разумом пра́вым пребеззако́нная повеле́ния мучителей злых укори́ли есте́,/ смертию жизнь приобре́тше и нетление, ме́ртвым обога́щшеся те́лом.
Смертную чашу за Творца пи́ти жела́юще верно безсмертия ради и нетления,/ погребение претерпе́сте теле́с,/ изъясня́юще воста́ние пресла́вным воста́нием вашим, мученицы.
Богородичен:
Яко утро возсияла еси, правды Солнце иму́щи,/ от тьмы ми́ра неве́дения изымающаго Богове́дением,/ Емуже поем, Пречистая:/ благословен еси, Боже отец наших.
Песнь 8
Ирмос: В пещь о́гненную ко отроко́м еврейским снисше́дшаго/ и пла́мень в ро́су прело́жшаго Бога,/ пойте дела, яко Господа,/ и превозноси́те во вся веки.
Преславный па́стырь, неистощи́мый исто́чник исцелений,/ Це́ркве столп, верных утвержде́ние,/ великий светильник, многосве́тлый священноучи́тель да почти́тся Аве́ркий.
Ты, я́коже фи́никс, псало́мски процве́л еси во дво́рех Бога Жива́го;/ умно́жился еси, яко кедр и яко ма́слина, му́дре, показался еси,/ ма́стию дел твоих всех умаща́я ли́ца ве́рою.
Горы́ верху́ действи́тельным жи́тельством я́вственне, якоже град познался еси стоящь,/ и погру́жшийся дре́вле пре́лестию град твой, преподобне,/ Града Вышняго явля́еши наследника.
Богородичен:
Се одр Соломо́нов, егоже обстоя́т си́льнии,/ Богодухнове́ннаго Писания ныне прорица́ния,/ на немже Христос Бог воплощением Божественным почи́л есть,/ Благословенная и Обрадованная.
Ин
Ирмос: Седмери́цею пещь/ халдейский мучитель/ Богочестивым неи́стовно разжже́,/ силою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.
Седмери́чно облиста́ па́мять ваша днесь,/ солнечных луч обра́зно просвеща́ющи, му́дрии, подсо́лнечную/ страда́льческими све́тлостьми, чудоде́йственными же блиста́ньми и Божественных догма́тов заря́ми,/ имиже уверя́ете всем воста́ние теле́с и мертвых нетление.
Авимеле́хово прежде на селе́ сохране́ние положи́ Бог,/ яко не ви́дети гра́да иногда запусте́ния./ Вас же соблюде́ ле́ты множа́йшими в верте́пе спящия/ на увере́ние всех воскресения, о́троцы,/ веко́в седмочи́сленных равночи́сленнии свети́льницы.
Богородичен
Освятившися Духом, Богородице Всенепорочная,/ и́стинно прия́ла еси во чре́ве Безначальнаго Сына и Присносущнаго,/ в Тебе, Чистая, воплоще́ннаго на благодея́ние верою вопиющих:/ о́троцы, благословите, священницы, воспойте,/ людие, превозносите во вся веки.
Песнь 9
Ирмос: От Бога Бога Слова,/ неизрече́нною мудростию прише́дшаго обнови́ти Адама,/ я́дию в тле́ние падшаго лю́те,/ от Святыя Девы неизреченно воплотившагося нас ради,/ ве́рнии единому́дренно пе́сньми велича́ем.
Яко светоза́рно твое житие́, яко красны́ но́ги,/ яко зело́ чу́дно е́же к Богу маа́ние30 же вку́пе и бли́жность,/ яко велича́йшая благодать, свы́ше да́нная тебе, му́дре./ Сего ради верою почитаем тя, Аве́ркие.
Тя, сожительника всех святых мученик и ревнителя Божественных ученик,/ патриархов равноче́стна, пророков и преподобных,/ и Небесных слуг собеседника верою славим, Аве́ркие.
Пресвятая твоя память, простира́ющися в мире,/ просвещает челове́к ду́ши светом, богатым в благодати,/ ю́же соверша́юще любовию,/ страсте́й нас и тьмы напа́стныя/ молитвами твоими изба́ви, молимся, Аве́ркие.
Богородичен
Све́тла Тя свети́льника проро́к прови́де,/ свещу́ Божественную и́стинно в Себе нося́щую, Всесвятая Дево,/ Единаго Пресущнаго Бога,/ за благоутробие милости из Тебе вочеловечшася.
Ин
Ирмос: Ужасе́ся о сем Небо/ и земли удиви́шася концы,/ яко Бог яви́ся челове́ком пло́тски/ и чрево Твое бысть простра́ннейшее Небе́с:/ тем Тя, Богородицу,/ Ангелов и челове́к чинонача́лия величают.
Удиви́ся о сем всяк земноро́дный, почуди́ся же и всяк ум,/ яко ме́ртвии, по многовре́меннем погребе́нии, в верте́пе лежа́ще, аки в вечер усну́вше и у́тре обычно востаю́ще, яви́шася,/ уверя́юще мертвых общее востание.
Седмочи́сленнии мучеников све́тлии свети́льницы,/ ефе́сская свети́ла присносве́тлая,/ мира всего молитвенницы и предста́теле те́плии,/ общаго воскресения пропове́дницы и храни́телие верных,/ испроси́те тишину нам,и спасение, и мир всем концем.
Богородичен:
Яко Мати Пострадавшаго о нас, душетленных мя страсте́й изба́ви;/ яко Милосе́рдая, разреши́ прегрешений у́зы;/ яко Благая, ублажи́ ныне озло́бленную мою ду́шу де́монскими прило́ги, Дево Богородице,/ да пою Тя, Всепетую.
Светилен
Подобен: Жены, услышите
Потещи́ тя пону́ди блазноде́латель демон к Риму гра́ду,/ вше́дый в царе́ву дщерь лука́вно, из неяже изгнал пса,/ обремене́нна послал еси и столп носи́ща во Иерапо́ль, Аверкие Богогласе.
Слава, мучеников:
Ору́жием Честна́го Твоего́ Креста́ огра́ждшеся, страстотерпцы Твои, Сло́ве,/ проти́вныя си́лы крепко победи́ша и мучителей посрами́ша,/ и о Тебе пострада́ша,/ и Тебе, Христе мой, Всецарю́, сца́рствуют ку́пно.
И ныне, Богородичен
О та́йн Твоих! О чуде́с Твоих!/ Како по рождестве Дева пребыла́ еси, яко прежде рождества,/ како Бога вмести́ла еси, нигдеже вместимаго,/ но вои́стинну несказа́нна суть Твоя вся,/ Благословенная Марие.
На Литургии: Блаженны Октоиха на 4 и святаго песнь 3-я на 4. Прокимен, глас 1: Уста моя возглаголют премудрость и поучение сердца моего разум. Стих: Услышите сия, вси язы́цы: Апостол к Евреем, зачало 318. Аллилуия, глас 2: Уста праведнаго поучатся премудрости. Стих: Закон Бога его в сердце его, и не за́пнутся стопы́ его. Евангелие от Иоанна, зачало 36. Причастен: В память вечную
Преподобных Фео́дора и Па́вла Ростовских
Тропарь, глас 8:
Звездам заря послушания жизнь лучших показа,/ яко два светила сияюще нам,/ Феодор и Павел Богомудрии, Ростовская похвало,/ житием чистым Богу присвоишася.
Молитва
О преподобныи отцы, пастырие и учителие наши, блаженнии авво Феодоре и авво Павле! В лета древняя путе́м заповедей Господних ше́ствовати изво́ливше, притекли́ есте в место пустынное, идеже благословением и молитвами началовождя своего, преподобнаго и Богоноснаго Сергия, чудотворца Радонежскаго, преславную обитель святых страстотерпцев Бориса и Глеба возградили есте, во устроение благочестия иноческаго жительства, и противу невидимых врагов спасения нашего тамо подвизастеся, и тако угодницы бысте Богови, верою, надеждою и любовию благолепие украшающеся, постом же и бдением и молитвами Богу благоугождающе, и во всяком благочестии ко временному житию и вечному спасению о́брази нам явльшеся. И ныне убо, преподобнии отцы наши, не забудите посещати чада своя, во еже отразити от нас наве́ты вражия: наставите же и утвердите нас в по́двизех добрых, к жизни вечней души наша руководствующе. Молитеся милости Подателю и Господу всяческих, да спасет нас, имиже весть судьбами, и наследники сотворит с вами вечнаго наслаждения, да непрестанно славим Всесвятое Имя Отца, и Сына, и Святаго Духа в безконечныя веки веков. Аминь.
* * *
30
маа́ние – знак, сделанный без речей.
Источник: Минея — М. : Издат. совет Русской Православной Церкви, 2002-. 12 том. / Минея октябрь. — 2002. – 948 с. ISBN 5-94625-041-8
Комментарии для сайта Cackle
Религиозный праздник иконы Казанской Божьей матери связан с появлением в Казани рукотворного изображения лика Божьей матери с младенцем на руках, чудодейственным влиянием ее образа на исторические события Древней Руси, проявлением чудес исцеления и исполнения желаний в отношении верующих. Благодаря чудотворным действиям, икона стала символом покровительницы земли Русской и православных людей.
Содержание
- 1 История образа
- 2 Дни празднования
- 2.1 21 Июля
- 2.2 4 ноября
- 3 Церковное Богослужение
- 3.1 Тропарь
- 3.2 Кондак
- 4 Народные и православные традиции
- 5 Храмы
- 6 Старообрядческие храмы
- 7 Чудеса
- 8 Народные приметы
- 9 Иконы
- 10 Как правильно молиться
История образа
История явления иконы, запечатлевшей Богородицу и Иисуса Христа в младенчестве, относится к середине XVI века. Казанское ханство было присоединено к государству Российскому в результате 3-его похода Ивана Грозного с целью расширения территории в июне – октябре 1952 г. С этого времени началось насильственное крещение коренного населения и искоренения мусульманства среди татар.
Большой пожар 1579 г. уничтожил 1/3 Казани и унес жизни многих горожан. Десятилетней девочке (дочери купца Данилы Онучина) по имени Матрона трижды являлось видение, в котором Богоматерь указывала ей дорогу к пепелищу дома, где находилась уцелевшая икона с просьбой найти ее и явить Миру. Мать с дочерью исполнили наказ и откопали из пепла в целости и сохранности святой образ, хранимый православными хозяевами.
Икону поместили в Никольский храм, где она стала проявлять чудеса исцеления, исполнения желаний, предзнаменований. На месте явления образа построили Казанский Богородицкий женский монастырь, в котором находился образ Божьей матери до его исчезновения (по одной из версий исследователей).
Точно установленных сведений о судьбе и местонахождении явленной иконы не существует. В 1904 г. икона была похищена крестьянином Варфоломеем Чайкиным. На дознаниях он излагал версии от продажи до уничтожения. Существовало предание о подмене оригинала на копию служительницей монастыря и перемещении ее в другом храме, но это не нашло подтверждения.
По одному из вариантов образ был вывезен за границу. В 2004 г. из Ватикана в Москву делегацией под предводительством кардинала был ввезен список с Казанской Богоматери (выдававшийся за оригинал), который в настоящее время находится в Казанском Богородицком монастыре. Подлинная судьба святого образа в наши дни остается неизвестной.
Дни празднования
Указ о праздновании Казанской Божьей матери издал государь Алексей Михайлович в 1649 г. С тех пор Церковь и верующие чествуют явление иконы, молясь и воздавая хвалу в дни ее явления народу и изгнания польских захватчиков с земли Русской.
21 Июля
Летнее празднование Казанской Божьей матери связано с нахождением явного образа на Казанской земле и приходится на 21 число июля месяца. Принято считать, что обращение к Святому лику именно в эту дату доходит до Богородицы и верующим дается исцеление от болезней и чудодейственные исполнения желаний.
4 ноября
Церковное осеннее празднование явленного образа проводят в честь освобождения Москвы 4 ноября 1612 года от иноземных завоевателей народным ополчением под предводительством Минина и Пожарского. Во время сборов и перед походом ополченцы молились Богородице в церкви с просьбой оказать помощь в освобождении земли Русской.
В наше время 4 ноября отмечают, как День народного единства, прославляющего силу и мощь русского народа в исторической победе над польскими захватчиками.
Церковное Богослужение
Каждого человека в жизни посещают минуты духовного просветления в радости, горе. В это время общение с Господом происходит через молитву, пробуждая душу, помыслы. Церковное Богослужение – это торжественное действо, посредством которого священнослужители через песнопения, символы создают атмосферу общения верующих с Богом, снисхождения Благодати на человека через Таинства Причащения, Покаяния, Елеосвящения. Церковные Богослужения в честь Казанской Божьей матери проводятся в дни ее празднования. В молитвах верующие просят здоровья близким людям, мира на земле, благополучия в семье.
Тропарь
Церковное Богослужение сопровождается песнопениями, которые распевают священнослужители в один голос, с хором, вместе со всеми прихожанами. Тропарь – это короткая песня, в которой раскрывается суть религиозного праздника или прославляется святой.
Текст:
«Засту́пнице усе́рдная,/ Ма́ти Го́спода Вы́шняго,/ за всех мо́лиши Сы́на Твоего́ Христа́ Бо́га на́шего,/ и всем твори́ши спасти́ся,/ в держа́вный Твой покро́в прибега́ющим./ Всех нас заступи́, о Госпоже́ Цари́це и Влады́чице,/ и́же в напа́стех и в ско́рбех, и в боле́знех обремене́нных грехи́ мно́гими,/ предстоя́щих и моля́щихся Тебе́ умиле́нною душе́ю/ и сокруше́нным се́рдцем,/ пред пречи́стым Твои́м о́бразом со слеза́ми,/ и невозвра́тно наде́жду иму́щих на Тя,/ избавле́ния всех зол,/ всем поле́зная да́руй,/ и вся спаси́, Богоро́дице Де́во: // Ты бо еси́ Боже́ственный покро́в рабо́м Твои́м».
В церкви установлен и строго соблюдается порядок ведения Богослужения и песнопений, которые разделяются по темам и собраны в Тропарионе.
Кондак
Кондак прославляет святого или празднование в его честь в стихотворной форме, который исполняется после тропаря и раскрывает события в широком смысле, отражая его детали и подробности.
Текст:
«Притеце́м, лю́дие, к ти́хому сему́ и до́брому приста́нищу,/ ско́рой Помо́щнице, гото́вому и те́плому спасе́нию, покро́ву Де́вы,/ ускори́м на моли́тву и потщи́мся на покая́ние:/ источа́ет бо нам неоску́дныя ми́лости Пречи́стая Богоро́дица,/ предваря́ет на по́мощь, и избавля́ет от вели́ких бед и зол // благонра́вныя и богобоя́щияся рабы́ Своя́».
Тропарь и кондак исполняются один раз в конце службы (исключение Пасха).
Песнопения можно исполнять в домашних условиях в конце молитвы (кроме Литургии).
Написаны и исполняются в церкви тропарь и кондак в честь иконы Казанской Божьей матери, которые распеваются при завершении Богослужения в дни празднования Святого образа.
Народные и православные традиции
Православные сохранили народные традиции празднования Казанской Божьей матери. Существуют определенные правила разрешающего и запрещающего действия. В праздничные дни не рекомендуется выполнять тяжелую работу. Церковные каноны предписывают посещение утренней, дневной или вечерней службы в церкви и обращения верующих с молитвой к Богу и Богоматери с благодарностью, воздавая им почести за добрые дела.
Священнослужители разрешают работать (при необходимости) после совершения молитвы или посещения церкви. В старые времена молодежь устраивала гулянья и празднества на природе.
До наших дней сохранились предания о нанесении физических травм, материального ущерба при несоблюдении правил поведения в церковные праздники. Так при косьбе внезапно налетала буря с молниями, сжигая хозяйские постройки. Женщины не ходили на реку стирать белье, опасаясь быть затянутыми в омут Водяным.
В наши дни, занимаясь хозяйственными работами в православные праздники, люди сталкиваются с поломкой техники, нанесении легких телесных повреждений в виде ушибов, порезов, ожогов. Иконой с изображением Казанской Божьей матери родители благословляют новобрачных на долгую, счастливую жизнь.
Храмы
В честь Казанской Божьей матери на Руси и в зарубежных странах создавали храмы и церкви, которые называли ее именем (более 1800):
- Собор Казанской иконы Божией Матери в Москве;
- Казанский кафедральный собор в Санкт – Петербурге;
- Казанский Богородицкий монастырь в Казане;
- Собор Казанской иконы Божьей Матери в Ярославле.
Храмы и соборы, носящие имя Богородицы находятся на просторах России в городах: Гагарин, Тамбов, Волгоград, Яропольц, на Ставрополье, в Иркутской и Калининградской областях.
Все храмы действуют, обладают историческими ценностями, их посещают верующие прихожане, воздают молитвы Богоматери и Иисусу Христу.
Старообрядческие храмы
Раскол Русской Православной Церкви произошел в середине 50-х годов 17 века во время правления Алексея Михайловича. Реформы начал патриарх Никон с целью сближения с Греческой церковью. Несогласные с новыми канонами верующие и священнослужители были преданы анафеме. Старообрядческая РПЦ испытала сильные притеснения. Старообрядцы переселялись в глухие места Сибири, чтобы сохранить веру.
В 1971 г. Собор РПЦ принял решение о разрешении и признании Старообрядческой РПЦ, но это не привело к взаимопониманию и сближению церквей. Существуют старообрядческие храмы, возведенные в честь иконы Казанской Божьей матери и названы ее именем:
- кафедральный храм Казанской иконы Пресвятыя Богородицы в Казане, сооружен в 1912 г., реставрирован в 1988 г., ныне действующий;
- деревянный старообрядческий храм Пресвятыя Богородицы Казанския в г. Бийск, строительство велось поэтапно параллельно с ведением служб и обрядов с 1990 г. по 2017 г.;
- старообрядческий храм во имя Казанской иконы Пресвятыя Богородицы в г. Самаре, возведен в период 1913 – 1916 гг.
В настоящее время в Москве и Санкт – Петербурге Старообрядческих РПЦ освященных во имя иконы Казанской Божьей матери не существует.
Чудеса
Чудотворные проявления образа Казанской Божьей матери начались с первых дней ее обнаружения. Первое богослужение у иконы провел Ермоген, вскоре получивший чин патриарха. Чудеса прозрения проявились у слепцов Никиты и Фомы в первые дни явления Святой иконы. Исцелялись маленькие дети и взрослые: начинали видеть белый свет, вставать на ноги.
Икона оказывала чудотворные влияния на многие исторические события:
- помощь в освобождении от польских захватчиков;
- изгнание французских войск в 1812 г. (образу молился М.И. Кутузов с офицерами и солдатами);
- помощь в победе над фашистами в период Великой Отечественной Войны 1941 – 1945 г. г.
- (молились за снятие блокады Ленинграда, перед Сталинградской битвой, за Москву).
Народные приметы
Народные приметы в дни летнего празднования Казанской Божьей матери распространяются на погоду в оставшееся лето, начало созревания и сбора урожая, после 21 июля:
- устанавливалась жаркая погода, поспевала рожь и начиналась жатва;
- поспевали вишня, черника, из ягод варили варенье;
- появлялись черные грузди, их собирали и солили на зиму;
- дождь в этот день предвещал длительное ненастье;
- солнечный день до обеда прогнозировал жаркую погоду до середины августа;
- зарождение месяца ковшиком вниз предсказывал сухой август.
Иконы
Существует большое количество образов с Казанской Божьей матери. Они находятся в простых церквях и больших соборах, почитаются православными верующими людьми. Чудодейственные способности икон не раз помогали нуждающимся людям исцелить физические недуги, утешить душевные муки, покарать зло и оказать помощь в добрых делах.
Первый список с образа был отправлен в Москву Ивану Грозному с описанием чудес. Его почитают за пособничество народному ополчению в изгнании польских захватчиков. Второй исторически значимый список находится в Санкт – Петербурге, со времен Петра I. Он помогал обрести духовную силу верующим в борьбе с французскими и фашистскими захватчиками.
«Ватиканский» список был сделан в XVIII веке, вывезен в Европу в годы Великой Октябрьской Социалистической Революции и возвращен на родину в 2004 г.
Все списки в разные исторические времена оказывали чудесные воздействия на реальные события и людские судьбы. Замечательной историей создания и чудесами обладают списки Казанской иконы, находящиеся в церквях городов: Шлиссельбург, Москва (Высоко-Петровский монастырь), Табынск (Башкирия), Суздаль, Арзамас, Витебск, Вологда.
Как правильно молиться
Существуют правила совершения молитв. Вступая в общение с Богом, верующий человек должен очистить душу от зла, плохих помыслов, обид, ненависти. Нельзя относиться к молитве, как источнику исполнения желаний, чудес.
Ритуал проведения молитвы в полной мере отражается при ведении церковного Богослужения.
Молитвы написаны на старославянском языке, для понимания их смысла, необходимо сначала ознакомиться с изданиями на современном языке. Существуют ежедневные молитвы, которые необходимо знать наизусть: утренняя молитва, вечерняя, в продолжение дня, перед началом дела, за здравие близких и знакомых людей, за врагов и недругов. Молитва должна стать неотъемлемой частью жизни православного, что приведет к развитию души, ее раскрытию для вселения Святого Духа и единения с ним.
Текст первой молитвы:
«О, Пресвята́я Госпоже́ Влады́чице Богоро́дице! Со стра́хом, ве́рою и любо́вию пред честно́ю ико́ною Твое́ю припа́дающе, мо́лим Тя: не отврати́ лица́ Твоего́ от прибега́ющих к Тебе́, умоли́, Милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь же Свою́ святу́ю непоколеби́му да соблюде́т и от неве́рия, ересе́й и раско́ла да изба́вит. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты еси́ всеси́льная христиа́н Помо́щница и Засту́пница. Изба́ви же и всех с ве́рою Тебе́ моля́щихся от паде́ний грехо́вных, от наве́та злых челове́к, от вся́ких искуше́ний, скорбе́й, боле́зней, бед и от внеза́пныя сме́рти; да́руй нам дух сокруше́ния, смире́ния се́рдца, чистоту́ помышле́ний, исправле́ния грехо́вныя жи́зни и оставле́ние прегреше́ний, да вси, благода́рне воспева́юще вели́чия и ми́лости Твоя́, явля́емыя над на́ми зде на земли́, сподо́бимся и Небе́снаго Ца́рствия и та́мо со все́ми святы́ми просла́вим пречестно́е и великоле́пое и́мя Отца́ и Сы́на и Свята́го Ду́ха во ве́ки веко́в. Ами́нь».
Текст второй молитвы:
«О,Пресвята́я Влады́чице Богоро́дице, Цари́це Небеси́ и земли́, вы́шшая а́нгел и арха́нгел и всея́ тва́ри честне́йшая, чи́стая Де́во Мари́е, ми́ру блага́я Помо́щнице, и всем лю́дем утвержде́ние, и во вся́ких ну́ждах избавле́ние! При́зри и ны́не, Госпоже́ Всеми́лостивая, на рабы́ Твоя́, Тебе́ умиле́нною душе́ю и сокруше́нным се́рдцем моля́щияся, со слеза́ми к Тебе́ припа́дающия и покланя́ющияся пречи́стому и цельбоно́сному о́бразу Твоему́, и по́мощи и заступле́ния Твоего́ прося́щия. О, Всеми́лостивая и Премилосе́рдая Де́во Богоро́дице Чи́стая! Воззри́, Госпоже́, на лю́ди Твоя́: мы бо гре́шнии не и́мамы ины́я по́мощи, ра́зве Тебе́ и от Тебе́ ро́ждшагося Христа́ Бо́га на́шего. Ты еси́ засту́пница и предста́тельница на́ша. Ты еси́ оби́димых защище́ние, скорбя́щим ра́дование, си́рым прибе́жище, вдо́вам храни́тельница, де́вам сла́ва, пла́чущим весе́лие, больны́м посеще́ние, немощны́м исцеле́ние, гре́шным спасе́ние. Сего́ ра́ди, о Богома́ти, к Тебе́ прибега́ем, и на Твой Пречи́стый о́браз с Предве́чным на руку́ Твое́ю держи́мым Младе́нцем, Го́сподем на́шим Иису́сом Христо́м взира́юще, умиле́нное пе́ние Тебе́ прино́сим и вопие́м: поми́луй нас, Ма́ти Бо́жия, и проше́ние на́ше испо́лни, вся бо суть возмо́жна хода́тайству Твоему́: я́ко Тебе́ сла́ва подоба́ет ны́не и при́сно и во ве́ки веко́в. Ами́нь».
Величание
«Велича́ем Тя,/ Пресвята́я Де́во,/ и чтим о́браз Твой святы́й,/ от него́же истека́ет благода́тная по́мощь // всем, с ве́рою притека́ющим к нему́».
Русская Православная Церковь
-
23 Декабрь 2022
26 декабря, в понедельник, в 19.00 в Лектории на Воробьевых горах храма Троицы и МГУ, к 100-летию СССР состоится выступление Михаил а Борисович а С МОЛИНА , историк а русской консервативной мысли, кандидат а исторических наук, директор а Фонда «Имперское возрождение» , по теме «Учреждение СССР — уничтож ение историческ ой Росси и » .
Адрес: Косыгина, 30.
Проезд: от м.Октябрьская, Ленинский проспект, Ломоносовский проспект, Киевская маршрут№297 до ост. Смотровая площадка. -
28 Ноябрь 2022
- Все новости
Некоторые песнопения службы, посвящённой явлению Казанской иконы Божией Матери (престольный праздник нашего прихода), с короткими поясняющими комментариями к ним (в самом низу данного текста) могут помочь понять их смысл более чётко и глубоко.
Служба явлению иконы
Пресвятыя Владычицы нашея Богородицы Казанския
На Господи, воззвах
стихира, гласъ 4-й
Стих: Из глубины воззвах к Тебе, Господи, Господи, услыши глас мой
Яко прекрасная Слова палата и престол светоносивый, Богородице Владычице, сопрестольное Слово Отчее во Твоих ложеснах вместила еси и рождши Свет незаходимый, наше омрачение просветила еси, лесть змиину отгнала еси, и тление потребила еси. Жизнь вечную миру даровала еси Твоим Рождеством. Врата рая отверзла еси, и вся благая человеческому естеству даровала еси. Но и ныне, Госпоже, Твоими молитвами, избавляй рабы Твоя от всех бед.
На литии стихира 1-я, глас 2
Яко воистинну древняго кивота пречестнее, егда Давид собрав чины ликовствоваше, ныне Твоя, Богородице, икона, ейже предстоят архиереев собори, и с чинми ангел монаси же и простии, и все христоименитых людей множество, достойно блажат Тя, Матерь Божию, и прославляют раболепно, и чествуют, и покланяются, и молятся Тебе по Бозе: да мир умириши в православии, и отечество утвердиши, и спасеши от всех зол Твоя рабы, яко Едина благословенная
Слава, и ныне, глас 6:
Тебе вси роди человчестии хвальныя дары приносят, Владычице, и молятся яко Царице и Матери Божии, пророцы Тя премудро проповедаша, левити благословиша, апостоли и мученицы исповедаша, священницы покланяются, архиерее проповедают, монаси и простии благоговеют, богатии и убозии, сироты и вдовы, и всяк возраст, и всяко преспеяние, старческое и младенческое, под кров Твой державный с верою прибегаем: покрый и соблюди, Госпоже, молитвами Твоими, и спаси от бед души наша.
На стиховне стихира 1-я, гласъ 2
Вместилище чистое Света пречистаго, Богородице, како Тя раби достойно воспеваем, яко явлением пречистыя Твоея иконы и превечнаго Младенца, вся освящаеши
Слава, и ныне, глас 5
Воспоем людие светло давидскую песнь, Отроковице Невесте Божии и Матери Царя Христа: предста Царица одесную Тебе, Владыко, рясны златыми одеяна, и преукрашена божственными благолепотами. Сию убо, яко избранную и добрую в женах, паче всего мира удобрив, благоволил еси родитися из Нея, великия ради милости, и сию Помощницу людем Твоим даровал еси, спасати и покрывати от бед всемогущею Твоею и божественною силою: Еяже молитвами, Христе Боже, помилуй нас.
По 50-м псалме стихира, глас 8
Приидите, возрадуемся державней Заступнице рода нашего Царице Богородице. Приидите к тихому Ея чудному, почитаемому Ангелы, честному поклонимся образу: дарует бо Богородица верным обильныя дары целебныя от неистощимаго источника святыя иконы, неоскудную благодать источающи. Тьмы избавляет нас искушений и бед, и всякаго греха, благочестно и богоприятно прославляющих и чтущих светлую и чудную Богоматере святую икону. Тем воспевающе воззовем Первообразней: радуйся, Любезная, миру помоще, во спасение душ наших.
На «Хвалитех» стихира 1-я, глас 4
Стих: Хвалите Его на силах Его, хвалите Его по множеству величествия Его.
Прославим вернии обрадованную Богородицу, паче же во устех наших имамы всегда святое и благословенное имя Ея, непрестанно прибегающе к пречистей Ея и цельбоносней иконе: тою бо обретаем яже на земли вся благая и полезная, и сущих на воздусе от демонов запинаний избавляемся: яко Мати рождшая всех Творца, спасает от бед душы наша.
Слава, и ныне, глас 8
Свята светобразная икона, Богородице Дево, благодатию Твоею пребогатый сущий источник, кипящий всей подсолнечней, и светящий всему миру светолучными Святаго Духа сияньми и исцелений светлостьми. Ты бо Бога Слова плотию несказанно родила еси, от Архангела Гавриила сицевая слышавше: радуйся, обрадованная, Господь с Тобою, и Дух Святый осенит Тя к зачатию. Такожде рекла еси к первописанной Твоей иконе, на ту зрящи: с тобою Моя благодать, и слово Твое со властию иконе бысть. И образ, и глас, и сила и дело, и всяк ум превосходящая божественная благодать, спребывающи вечно, знамения и чудеса непрестанно содевает, и душеполезное исцеление всем верно приходящим подает, Твоими Богоматерними непрестанными к Богу молитвами.
Комментарии:
1.В церковных песнопениях Богородица часто именуется «палатой Слова» и «престолом светоносивым (то есть носившей в Себе Свет)», так как восприняла Вторую Ипостась Бога-Троицы (Сына Божия) в Свою утробу, носила в Своём чреве Бога-Слова (иное именование Сына Божия), Который есть «Свет от Света (Бога-Отца)» (2-й член Символа веры). (см. 1-ю стихиру на Господи, воззвах, а также стихиру на стиховне 1-ю)
2.«омрачение просветила еси, лесть змиину отгнала еси, и тление потребила еси» — речь идёт о том, что рождение Богочеловека Иисуса Христа стало причиной просвещения людей светом благодати Божией, прогнанием «лести змииной» (лжи дьявола), через которую вошла в жизнь человека тление и смерть и утверждением истинного бытия человека, его возвращением к Богу.(см. 1-ю стихиру на Господи, воззвах)
3.«Жизнь вечную миру даровала еси Твоим Рождеством» — выражение «Твое Рождество» очень часто встречается в Богородичных песнопениях и в большинстве случаев означает Рождение по плоти Сына Божия, Иисуса Христа от Пречистыя Богородицы, Который принёс в мир избавление от уз смерти и даровал вечную жизнь человеческому роду. (см. 1-ю стихиру на Господи, воззвах)
4.»превечнаго Младенца» — одно из так называемых теопасхистских (букв. с греч. «Теос» — Бог, «пасхе» — страдать, то есть «страдание Бога») выражений, раскрывающих суть православного учения о Господе Иисусе Христе. Их смысл заключается в приписывании человеческих свойств Божественной природе Спасителя (например самое основное выражение «Бог пострадал», хотя Бог бесстрастен и не может страдать) и наооборот человеческой природе Христа Божественных свойств (например, рассматриваемое выражение «превечный Младенец»).В данном случае «Младенец» — слово, имеющее отношение к человеческой природе во Христе. «Превечный» — выражает Его Божественную природу. Христос — Сын Божий, восприняший человеческую природу для спасения человеческого рода и соединения с Богом. Теснейшая связь между человеческой и Божественной природами во Христе позволяет святым отцам и в дальнейшем православным богословам современности употреблять «теопасхистские выражения». (см. стихиру на стиховне 1-ю) (подробнее об этом важном аспекте православного учения смотрите книгу иерея О. Давыденкова. Догматическое богословие. Курс лекций. Ч. 2. Параграф 3.1.4. Следствия ипостасного соединения двух природ в Иисусе Христе)
5. «благочестно и богоприятно прославляющих и чтущих светлую и чудную Богоматере святую икону. Тем воспевающе воззовем Первообразней» — православное учение о почитании икон гласит, что икона является «второобразом» (вторым образом) того, кто на ней изображён (Спасителя, Божией Матери, святого). Потому «Первообразной» именуется Сама Богородица, икону Которой Церковь прославляет в этой службе в целом и рассматриваемой стихире в частности (см. стихиру по 50-м псалме)
Комментарии подготовил преподаватель курса «Православное вероучение» на ФДО ПСТГУ, Соловьёв А.Е.