Спорт бэйрэме татарча сценарий

        Халыкның сәламәтлеген ныгыту, сәламәт яшәү рәвешен һәм физик культураны пропагандалау максатыннан Татарстан республикасы президенты М.Ш.Шәймиев указы нигезендә 2009 нчы ел Спорт һәм сәламәт яшәү рәвеше елы дип игълан ителде.

      Без дә шул максаттан мәктәптә физкультура дәресләрен бик мавыктыргыч һәм кызыклы итеп үткәрергә тырышабыз.

      Хәзерге чорда яшь буынның сәламәтлеген ныгыту мөһим мәсьәлә булып тора. Һәрбер кеше балачактан ук үзенең эчке халәтен яхшы сиземләргә һәм сәламәтлеге турында кайгырта белергә тиеш. Яшәү шартларыннан чыгып, организмың өчен уңай мөмкинлекләр тудыра белү дә бик мөһим.

      Бүген безнең педагоглар коллективы балаларда сәламәт булу ихтыяҗы тәрбияләү кебек мөһим мәсьәләне хәл итә. Аларда сәламәт яшәү рәвеше күнекмәләрен үзләштерү бурычын тормышка ашыру юнәлешендә нәтиҗәле эш бара. Безнең мәктәптә дә шушы уңайдан төрле чаралар үткәрелә. Күптән түгел » Бездә спорт бәйрәме” дигән музыкаль кичә оештырылды.

Кичә барышы.

  Максат: балаларның иҗади сәләтләрен үстерү;

                 команда белән эшләү кагыйдәләрен ныгыту;

                 җитезлек,тапкырлык,ихтыяр көче тәрбияләү;

                 укучыларны, әти -әниләрне сәламәтлекләрен сакларга, спорт белән    

                 даими шөгыльләнергә өндәү .  

   Үткәрү урыны: спорт залы  

    Җиһазлау:балалар спорт киемнәреннән, эмблемалар, хәрефләр язылган шакмаклар, озын бау, урындыклар, күз бәйләвече, кечкенә чаңгы, кер кыстыргычлары, хоккей таяклары, кечкенә туплар, теннис ракеткасы һәм тубы, кәгазьдән ясалган кар бөртекләре, чиләкләр әзерләнә.

      Күренекле педогог В.А. Сухомлинскийның : » Мин әллә ничә тапкыр кабатлап әйтүдән курыкмыйм: сәламәтлек турында кайгырту-укытучының иң мөһим хезмәте. Балаларның рухи тормышы, дөньяга карашы, акыл үсеше, белемнең ныклыгы, үз көченә ышанычы аның көр күңеллелегенә , дәртлелегенә бәйләнгән «дигән сүзләре,»Безнең белән, безнең кебек һәм бездән яхшырак эшлә”дигән сүзләр плакатка язып эленә.

1. Спортның әһәмияте турында кереш әңгәмә.

А.б. Исәнмесез, көчле әтиләр, җитез әниләр, батыр кунаклар, өлгер укучылар.

        2009 нчы ел –Татарстан   Республикасында  Спорт  һәм  сәламәт  яшәү  рәвеше елы  дип  игълан  ителде. Бүген без дә шушы ел уңаеннан спорт бәйрәменә җыйналдык. Без бәйрәмебезне командалар арасында ярыш формасында алып барачакбыз.

     Хор:” Рәхим итегез”

                 Ә.Хәйретдинов көе, Х.Халиков сүзләре.

1 укучы.  -“Сәламәтлек — зур байлык”,— дип

Юкка гына әйтмиләр.

Сәламәтлекнең килгәнен                      

Өйдә утырып көтмиләр.                  

2 укучы. Иртән көн дә физзарядка

Ясап алырга кирәк.

 Битне , кулны юып алыйк

 Тешне чистартыйк тизрәк.

3 укучы. Кичтән куйган урыныннан

Киемне киеп алыйк.

Иртәнге ашны ашыйк та

Тизрәк мәктәпкә барыйк.

4 укучы. Менә шунда без сәламәт

 Бала булып үсәрбез.

 Илебезнең сакчылары

Булып гомер итәрбез.

    Хор :» Әйлән -бәйлән уйныйбыз «

                Л.Батыр – Болгари көе, Р. Батулла сүзләре.

5 укучы.Нәрсә соң ул сәламәтлек?                                

                  Кайсыгыз җавап бирә?

                  Сәламәт яшәү рәвешен

                  Һәркем үзенчә күрә.

 6 укучы. —Сәламәтлек,-ди бер бала

                  Тауда чана шууда

                  Әдәпле һәм тәртипле,

                  Уңган бала булуда.

7 укучы. -Сәламәтлек,-ди бер үсмер,

                Тауда чаңгы шууда.

                Наркотиктан башка гына

                Таңны каршылый алуда.

8 укучы. -Сәламәтлек,-ди бер кызчык

                Алдынгы булу укуда.

                Компьютер дигән тартмада

                Аралаша алуда.

9 укучы. —Сәламәтлек,- ди бер табиб

                Авырмыйча яшәүдә.

                Алга килгән авыртуга

                Дөрес дәва бирүдә.

10 укучы. —Сәламәтлек —  зур төшенчә

                  Җавап тота бер туташ.

                  -Гаилә корып яши алу

                  Ана булу,- ди туташ.

11 укучы.  —Сәламәтлек,-ди бер егет

             -Ватанга хезмәт итү.

             Сынау үтеп казармада

              Тормышка ныклап килү.

Малайлар хоры:“Солдатта булган, диләр “

                                Г.Нигъмәтҗанов көе, Ш.Маннапов сүзләре.

12 укучы. Сәламәтлек илаһи көч

             Дөрес яшәү рәвешен,

             Тәрбияли алсам әгәр,

             Үкенмәс идем мәгәр,-

             Диеп тели ата-ана

             Аңласын фәкать бала.

13 укучы.Сәламәтлек кирәк һәр кешегә

            Әбигә дә, бабайга да,

            Уңган, булган апайга да,

            Сансызланган малайга да.

14 укучы. Сәламәтлек төшенчәсен

             Һәркем аңлый үзенчә.

             Ә мин уйлыйм – сәламәтлек,

              Дөрес яши белүдә.

              Кеше булып туып – яшәп,

              Кеше булып үлүдә!

      Алып баручы:

      Спорт белән шөгыльләнү сәламәтлеккә зур ярдәм итә. Шуңа күрә иртәнге зарядка ясау, чаңгы шуу, саф һавада булу , йөгерү-һәркемнең тормыш кагыйдәсенә әверелсен.

15 укучы.Сынарга дип көчемне      

Алдым мин зур геремне.

Күтәрәм дә төшерәм        

Мускулларны үстерәм.

Хор: » Чебиләр зарядкасы “

            Л. Хәйретдинова көе, М. Фәйзуллина сүзләре.

Алып баручы: Кемнәр уйнарга ярата,

Кемнәр өлгер һәм җитез?!

Безнең белән ярышырга

Кемнәр тели, әйтегез!

Безнең белән ярышырга

Җитез балалар кирәк.

Кемнәр ярышырга әзер

Чыгып басыйк тизрәк!

            Балаларда тәртип  нык

            Һәркем үз урынын белә.

            Команда ачык бирелсен

 Раз-два, раз-два

 Бер, ике, өч -диюгә

 Һәркем кире йөгерә

Урын алып өлгерә.

( Урындыклар ярдәмендә » Ачык авыз «уены уйнау һәм шушы уен ярдәмендә 2 җиңүчене ачыклау, аларны капитаннар итеп билгеләү.

    Командаларга бүленү өчен өстәлдән 1 әр түгәрәк алына. Кемгәдер чана , кемгәдер чаңгы сурәтләнгән түгәрәк эләгә. Рәсемнәр буенча берләшеп команда туплана.Шулай итеп 2 команда килеп чыга.

     «Иң озын сүз төзү»уены.

Шакмакларга хәрефләр языла. Ул шакмаклар идәнгә таратыла. Шул хәрефле шакмаклар ярдәмендә укучылар  сүзләр төзиләр. Кайсы команда күбрәк сүз һәм иң озын сүз төзи, шул команда җиңүче була. (очко төзелгән сүзләр санынча билгеләнә.(Ә,л,т,р,а,м,с,л,п,к,о,е,т.)

Мәсәлән: кое,тал,сал,мал…

” Спорт “                                                                     “ Сәламәтлек “

       Команда исемнәре дә хәрефле шакмаклар ярдәмендә төзелә.   

Сәламләү: …

 Девиз: Спорт — ул сәламәтлек, спорт —            Сәламәт тәндә — сәламәт

ул җитезлек, спорт — ул тапкырлык.                                                          акыл.                 

Алып баручы:   Хәрәкәттә бәрәкәт

Икәнен онытмагыз.

Бер урында тик торудан

Күгәреп тутыкмагыз.

Хәрәкәттә-бәрәкәт,-ди

Безнең Илназ тапкыр ул.

Көн дә физзарядка ясый,

Шуңа көләч , матур ул.

Безнең бәйрәмне карарга,

Әниләр дә килгәннәр.

Бергәләп күңел ачыйк,

Уйнап алыйк, дигәннәр.

                              Сез әзерме безнең белән

                              Арыганчы уйнарга?

                              Күңелле уен башладык,

                             Әйдә, зарядка ясарга.

I. Иртәнге зарядка.

     Иртәнге зарядканың сәламәтлек өчен файдалы икәнен һәммәбез дә беләбез. Иртәнге зарядка гадәти һәм “тематик” та була икән.Тематик зарядка      

 нинди дә булса һөнәр ияләренә багышлана.5 әр күнегүдән торган түбәндәге һөнәр ияләренә багышланган зарядка уйлап табыгыз.

1) Төзүчеләр зарядкасы.                                        1) Сыер савучылар зарядкасы.

1. Уен ” Лабиринт “ ( сюрпризлы уен )

     Озын гына бау алып, бүлмә буенча лабиринт ясап сузыла. Ул урындыклар ярдәмендә шундый итеп урнаштырыла, кайсыбер урыннардан уенчылар бау астына “ иелеп” керә, икенче бер урында аягы белән “атлап кына “ чыга һ.б. Аннан бүлмәгә һәр командадан уйнаучыларның берсен алып кертеп ,  “лабиринт” буенча үтәргә тәкъдим итәләр. Ул йә аякларын күтәреп , йә кор-сагында шуышып , аны узарга тырыша . Кунаклар нишләргә икәнен әйтеп , ярдәм итеп торалар. Иң  кызыгы  шунда : уенчының күзен бәйләүгә , бауны бүлмәдән җыеп алалар, ә теге буш бүлмә буенча төрле хәрәкәтләр ясап, булмаган “ лабиринт”  буенча йөрергә мәҗбүр була.

2. Уен ” Биатлон ”.

   1 аякка кечкенә чаңгы киеп, кулга кечкенә туп тотып билгеләнгән араны үтү һәм тактада ясалган  мишеньгә туп ату. Кайсы команда мишеньгә тупны күбрәк тидерә һәм тизрәк йөгереп килә шул күбрәк очко җыя һәм җиңүче була.

3. ” Спорт пантомимосы “  

Пантомимо – сәнгатьнең киң таралган ,борынгы жанры.Пантомимо осталары үзләренең чыгышларында төрле һөнәр ияләрен чагылдыралар.Әйдәгез сәнгатьнең бу төрендә сез дә үз көчегезне сынап карагыз әле.

   1) Штанга күтәрүче                                                     1) Гимнастка

( 3 тапкыр төрле авырлыктагы штанганы               ( обруч, туп, лента белән

күтәрә )                                                                        башкара )

4. Кыстыргычлы уен.

     Бу уен килгән  кунаклар белән бергә уйнала. Күп иттереп кер  кыстыргычлары (прищепкалар ) әзерләнә. Һәр уенчыга бишәр кыстыргыч  каптырыла. Сигнал бирелгәч , кыстыргычларны бүтәннәргә  “каптыру” башлана.Кем үз кыстыргычларыннан тизрәк котыла – шул җиңә.

5. Табышмаклар:

   а) Җәй буе ял итәрләр,                                         а) Җәй көне чоланда ята,

       Кыш тәпиләп китәрләр.                                       Кыш көне бездән калмый.

   б) Биш агайга бер күлмәк.                                   б) Күзе дә юк, колагы да юк

                                                                                       Үзе сукырны җитәкли.

7. “Туплы хоккей” уены.

   Хоккей таягы белән туп йөртү. Һәр командадан бертигез санда малайлар берәрле колоннага тезелеп, старт сызыгына басалар. Беренче уенчының кулында хоккей таягы, бер кечкенә туп. Сигнал буенча уенчы таяк белән тупны йөртеп алып китә, флажокны әйләнеп чыга, тупны йөртеп кайта. Икенче уенчыга тапшыра. Икенче уенчы китә.Һ.б. Алдан бетергән команда җиңүче.

   8. Капитаннар ярышы.

   Команданың командирлары ярыша.

   Теннис ракеткасында тупны (теннис) ничә тапкыр сикертә, шул кадәр очко була.

      9. Чираттагы конкурсыбыз ” Сорау-җавап “ тибында.

а) Бокс мәйданчыгы ничек атала? (ринг)

б) Теннис уены мәйданчыгы? (корт)

в) Штраф тибүе? (пенальти)

г) Хоккейны нәрсәдән башка уйнап булмый? (алка)

д) Каратэның ватанын атагыз? (Япония)

е) Хоккейны кем уйнамый? (куркак)

ё) Ат узышлары үткәрелгән урын? (ипподром)

ж) Спорт ярышлары үткәрелгән мәйдан? (стадион)

з) Ярышларда җиңүчеләргә нәрсә тапшыралар? (медаль, кубок)

и) Тимераякта шуу мәйданчыгы ничек атала? (шугалак, каток)

      10. “Тупны ал!” уены.

      Кулларны артка куеп, идәнгә утырмыйча идәндәге кечкенә тупны кул белән алу.

       Сәламәтлекне   саклау   һәм   ныгыту   иң   беренче   көндәлек режимны    дөрес     билгеләүдән,     аны    үтәүдән    тора.     Халык мәкальләрендә дә бу турыда бик ачык әйтелә.

      11. — Ә хәзерге уенда мәкальләрне алып баручы әйтә башлый, командалар ахырын әйтеп бетерергә тиеш булалар.

— Саулык — зур байлык.                          — Сәламәт тәндә — сәламәт акыл .                        — Сакланган саулыкка туйган.              — Саф һава -тәнгә дәва.                                       — Сәламәтлек — күркәмлек.                    — Сәламәтлектән дә матур кием юк .

       12.“Кар бөртекләре” уены. 

        Командаларның каршына чиләк куела. Балалар җирдә яткан кар бөртекләрен алып эреп беткәнче чиләккә салырга тиеш булалар. Кар бөртекләрен чиләккә басып салырга кирәк булганлыктан уен кыенлаша. Кем чиләккә күбрәк кар бөртеге төшерә ала, шул команда җиңүче була.

        Җиңүчеләрне билгеләү, бүләкләү.

       Иң мөһиме -сәламәтлекне саклау һәм ныгыту . Сәламәтлек безгә табигать тарафыннан бирелгән зур байлык. Югарыда әйтелгән киңәш — фикерләрне истә тотып, үз сәламәтлегегезне саклауга һәм ныгытуга игьтибар итегез . Сәламәт һәм бәхетле булыгыз!

       Бәйрәмнең өченче өлеше алдан әзерләнгән табын янында үткәрелә. Олылар һәм балалар арасында иң яхшы җырчыга, биючегә, сүз остасына конкурс оештырыла , җиңүчеләр билгеләнә. Спорт бәйрәме күмәк җыр җырлау белән тәмамлана .

Кулланылган әдәбият.

1. “Мәгариф журналы” №8, 2009 ел

2. “Ачык дәрес” газеталары.

3. “Әйлән – бәйлән”. Казан 2005

4. “Кунелле балачак”.Казан 2010

5. “Гөлбакча” Казан 1991

Урта Пошалым төп гомумбелем мәктәбе

Укытучы: Минһаҗева Илсөя Наил кызы

Халыкның сәламәтлеген ныгыту, сәламәт яшәү рәвешен һәм физик культураны

пропагандалау максатыннан Татарстан республикасы президенты Миннеханов указы

нигезендә 2016 нчы елның 16-29 нчы апрель көннәрендә “Спорт сөюче Татарстан”

акциясе игълан ителде.

Без дә шул акция кысаларында бакчабызда физкультура эшчәнлегеннән тыш та төрле

мавыктыргыч уеннар, кызыклы һәм файдалы булган спорт бәйрәмнәре үткәрдек.

Хәзерге чорда яшь буынның сәламәтлеген ныгыту мөһим мәсьәлә булып тора. Һәрбер

кеше балачактан ук үзенең эчке халәтен яхшы сиземләргә һәм сәламәтлеге турында

кайгырта белергә тиеш. Яшәү шартларыннан чыгып, организмың өчен уңай

мөмкинлекләр тудыра белү дә бик мөһим.

Бүген безнең педагоглар коллективы балаларда сәламәт булу ихтыяҗы тәрбияләү

кебек мөһим мәсьәләне хәл итә. Аларда сәламәт яшәү рәвеше күнекмәләрен үзләштерү

бурычын тормышка ашыру юнәлешендә ата— аналар белән дә нәтиҗәле эш бара. Безнең

бакчабызда да шушы уңайдан төрле чаралар үткәрелде. Беренче кечкенәләр төркеме әти—

әниләре һәм балалары белән ачык һавада » Әти—әни һәм мин— спорт сөюче гаилә” дигән

спорт бәйрәме оештырылды.

Кичә барышы.

Максат: балаларның физик активлыкларын үстерү;

Күмәк күнегүләр эшләү кагыйдәләрен ныгыту;

җитезлек,тапкырлык,ихтыяр көче тәрбияләү;

балаларны, әти —әниләрне сәламәтлекләрен сакларга, спорт белән даими

шөгыльләнергә өндәү .

Үткәрү урыны: Бүләк урманы ял мәйданчыгы яки спортзал.

Җиһазлау: балалар һәм әти— әниләр спорт киемнәреннән, эмблемалар, хәрефләр

язылган шакмаклар, озын бау, урындыклар, күз бәйләвече, кечкенә чаңгы, кер

кыстыргычлары, хоккей таяклары, кечкенә туплар, теннис ракеткасы һәм тубы, кәгазьдән

ясалган кар бөртекләре, чиләкләр әзерләнә. Күренекле педогог В.А.

Сухомлинскийның: » Мин әллә ничә тапкыр кабатлап әйтүдән курыкмыйм: сәламәтлек

турында кайгырту—педагогның иң мөһим хезмәте. Балаларның рухи тормышы, дөньяга

карашы, акыл үсеше, белемнең ныклыгы, үз көченә ышанычы аның көр күңеллелегенә ,

дәртлелегенә бәйләнгән «дигән сүзләре,» Безнең белән, безнең кебек һәм бездән яхшырак

эшлә”дигән сүзләр плакатка язып эленә.

1. Спортның әһәмияте турында кереш әңгәмә.

А.б. Исәнмесез, көчле әтиләр, җитез әниләр, батыр кунаклар, өлгер балалар.

2016нчы елның 16—29апрель көннәрендә “Спорт сөюче Татарстан” акциясе үтә. Бүген без

дә шушы акция кысаларында спорт бәйрәменә җыйналдык. Без бәйрәмебездә нәниләребез

белән берлектә әти—әниләребезнең дә уеннарда актив катнашуын теләп калабыз.

1алып баручы: “Сәламәтлек — зур байлык”,— дип

Юкка гына әйтмиләр.

Сәламәтлекнең килгәнен

Өйдә утырып көтмиләр.

2алып баручы: Нәрсә соң ул сәламәтлек?

Кайсыгыз җавап бирә?

Сәламәт яшәү рәвешен

Һәркем үзенчә күрә.

1алып баручы:Сәламәтлек,—ди бер бала

Тауда чана шууда

Әдәпле һәм тәртипле,

Уңган бала булуда.

2алып баручы Сәламәтлек,—ди бер үсмер,

Тауда чаңгы шууда.

Свидетельство участника экспертной комиссии


Оставляйте комментарии к работам коллег
и получите документ БЕСПЛАТНО!




Подробнее

“Татарстан Республикасы Биектау муниципаль районының “Ямаширмә “Йолдыз” балалар бакчасы” мәктәпкәчә белем бирү муниципаль бюджет учреждениесе

23 февраль –Ватанны саклаучылар көне.

(Уртанчылар төркеме белән күңел ачу кичәсе)

Төзеде: Хадиева Гөлназ Искәндәр кызы.

2018 ел

Алып баручы: Исәнмесез, кадерле кунакларыбыз! Хәерле көн, дуслар! Бүген бәйрәм – Ватанны саклаучылар көне. Кадерле әтиләр, абыйлар, бабайлар һәм аларга алмашка үсүче малайларыбыз, ихлас күңелдән сезне бәйрәмегез белән котлыйбыз! Һәркайсыгызга сәламәтлек, бәхет, гаилә учакларыгызны сүндермичә, муллыкта яшәвегезне телибез. Бәйрәмебезне ачык дип игълан итү өчен сүзне балаларга бирәбез.

БАЛАЛАР СОВЕТ МАРШЫ КӨЕНӘ АТЛАП КЕРӘЛӘР. ТӨЗЕЛЕП БАСАЛАР.

Алып баручы: Әтиләр – безнең яклаучыларыбыз да, саклаучыларыбыз да, таянычыбыз да. Әйдәгез, балалар, бүгенге бәйрәмебездә Әтиләрне, абыйларны, бабайларны зурлыйк.

БАЛАЛАР ШИГЫРЬ СӨЙЛИЛӘР.

Чудесный праздник в феврале
Страна моя встречает.
Она защитников своих
Сердечно поздравляет! (Риназ)

Наша армия родная,
Стережет покой страны.
Чтоб росли мы, бед не зная,
Чтобы не было войны. (Амина)

Пограничник на границе,
Нашу землю стережёт.
Чтоб работать и учиться
Мог спокойно весь народ. (Раниль)

Бүген безнең бакчабызда

Шундый рәхәт,күңелле,

Чөнки кунак булып безгә

Әтиләребез килде. (Искәндәр)

Әтиләр илнең терәге,

Гаиләнең йөрәге.

Авырлыкларга бирешми

Әтиләрнең беләге. (Г.Ислам)

Бүген бәйрәм көнендә

Әтиләрне котлыйбыз.

Шатлык, бәхет, сәламәтлек

Һәммәгезгә телибез. (Лиана)

Дуслар бүген нинди көн?

Сез беләсездер, бәлкем?

Белмәсәгез үзем әйтәм,

Бүген бездә бәйрәм көн. (Алина)

ЗУРЛАР ТӨРКЕМЕ УТЫРА. УРТАНЧЫЛАР ТӨРКЕМЕ “ӘТИЕМӘ” ҖЫРЫН ҖЫРЛЫЙ.

Алып баручы: Дуслар, бүген бездә КВН – бик гаҗәп кызыклы уен. Ә кичәбезнең темасы: “Юл йөрү кагыйдәләре” дип атала. Уен-ярышта 3 команда катнашачак. Командаларга бүленү өчен әтиләребезне бирегә чакырабыз һәм түгәрәкләр алырга тәкъдим итәбез.

ӘТИЛӘР КЫЗЫЛ, САРЫ, ЯШЕЛ ТҮГӘРӘКЛӘР АЛАЛАР.

1 нче конкурс “Табышмак әйтәм – җавабын тап”

1. Очмый, жуылдамый да,

Улу рам буйлап чаба.

Аның ике күзендә дә,

Яктырып утлар яна. (Машина)

1. Сайрамый, оя да кормый,

Кешеләр һәм йөк ташый.

Кем миңа әйтер икән,

Ә бу нинди кош икән? (Самолет)

1. Уф-уф сулар,

Уфтанса да алып китәр

Барыр җиренә җитәр. (Поезд)

1. Ике көпчәкле арба

Утсыз да алга чаба. (Велосипед)

1. Нинди гаҗәп бер өй бу.

Һәр ягы тәрәзәле.

Аяклары резина.

Бар ашаганы бензин. (Автобус)

1. Авызы юк, борыны юк

Тик бар аның өч күзе.

Урамдагы хәрәкәтне

Көйләп торадыр үзе. (Светофор)

Тәнәфес: “Светофор” биюе башкаралар.

ЙӨГЕРЕП УБЫРЛЫ КЕРӘ, КУЛЫНДА СУМКА.

Алып баручы: Әбекәй, нигә безнең бәйрәмне бозып йөрисең?

Убырлы. Мин нинди әбекәй булыйм, мин данлыклы Убырлы бит.

Алып баручы: Убырлы, сумкада нәрсәләр ул?

Убырлы. Нәрсә булсын, юл кырыенда ниндидер рәсемнәр тора иде, үзләре матур, машиналарга да комачауламасыннар дип җыеп алган идем бит. Кисеп тә бетердем (Күрсәтә)

А.б. Убырлы, син нык ялгышлык эшләгәнсең бит, ул рәсемнәр юл билгеләре дип атала, машина йөртүчеләргә һәм җәяүлеләргә кирәк. Син бу билгеләрнең нәрсә аңлатканнарын беләсеңме соң?

Убырлы. Юк, белмим.

Алып баручы: Менә сиңа хәзер балалар сиңа ул билгеләрне җыеп нәрсә аңлатканын әйтеп бирерләр.

2 нче конкурс. “Юл билгеләрен җый” (Командалар җыя һәм аңлата)

Убырлы. Ай, балалар, сез бик уңган-булган икәнсез. Сез әйбәт җәяүлеләр. Ә менә карыйк әле, сездән нинди шофер чыгар икән?

УЕН: “ПАПАВОЗ” дип атала. Һәр командадан 1 шәр әти чакырыла. 3әр команданың балалары чакырыла. (беренче басып торган әти кеглялар арасыннан руль белән йөреп килә, артына бер баланы ала, аның белән әйләнә, һәм уен балалар беткәнче шулай дәвам итә).

ҖЫРЛЫ-БИЮЛЕ УЕН: “ЕДИМ-ЕДИМ”

Убырлы: : Ай-яй, оста шоферлар икән үзегез. Балалар, ә миңа китергә вакыт, киләсе очрашуларга кадәр.

Алып баручы: Хөрмәтле әтиләр, бүген сез безнең бәйрәмебезнең иң кадерле, иң хөрмәтле кунаклары. Җир йөзендә һәрбер бала әти дип әйтсен, әти канаты астында үссен иде. Һәр бала әтинең җылы, ягымлы карашын тоеп, таләпчән, ныклы сүзен ишетеп, дус, тату гаиләнең терәге әти икәнен сизеп яшәсен иде.

Әтиләрне котлау өчен сүзне уртанчылар төркем балаларына бирәбез.

УРТАНЧЫ ТӨРКЕМ БАЛАЛАРЫ ШИГЫРЬ СӨЙЛИ ҺӘМ “МИН ШОФЕР” ҖЫРЫН БАШКАРА.

“Юлдагы кызык хәлләр” (Шаян сораулар)

“Яшел” командага.

Ишегалдында Азат үзенең дусты Ришатны очрата. Ришат Азаттан: “Яңа зебра күрәсең киләме?” дип сорый һәм аны кулыннан тотып машиналар, автобуслар йөри торган юл кырыена алып килә. Син ничек уйлыйсың, малайлар ни өчен “зебра” карарга зоопаркка түгел,ә юл янына килгәннәр?Аңлат.

Җавап: Чөнки асфальтта ясалган буй-буй ак төстәге сызыклар “зебра” дип атала. “Зебра” аркылы җәяүлеләр юлны аркылы чыга.

 “Сары”командага.

Булат беркөнне үзенең дусты Руслан янына баргач, үзе белән булган хәлне сөйли. Ул юлны аркылы чыгарга җыенган һәм светофор аңа сары “күзен” кыскан. Ә дусты моңа ышанмый. Сез ничек уйлыйсыз? Бу хәл булырга мөмкинме?

Җавап: мөмкин. Әгәр светофор сары “күзен” кысса, юл аркылы чыкканда бик тә игътибарлы булырга кирәк.

“Кызыл” командага.

Равил беркөнне урамда “Йөгерүче кыз белән малай” билгесе күрә һәм юл аркылы йөгереп чыга. Аны инспектор күреп туктата һәм кисәтү ясый. Сез ничек уйлыйсыз, инспектор ни өчен Равилне орышкан?

Җавап: Равил күргән билге машина йөртүчеләр өчен. Бу билгене балалар бакчалары, мәктәпләр янына куялар.

ЗУРЛАР КАТНАШ ТӨРКЕМЕ “ОБУЧАЮ.СЯ “СВЕТОФОР” ҖЫРЫН ҖЫРЛЫЙ. ШИГЫРЬ СӨЙЛИЛӘР.

Әле ярый сез бар җирдә,

Безнең иң ныклы терәк.

Бәхетебез тулы булсын,

Сез безгә шундый кирәк. (Ф.Ильяс)

Әниләр белән бергәләп

Озын-озак яшәгез.

Шатлык килсен өебезгә,

Кайгы-хәсрәт күрмәгез. (Ильвина)

Күргәнегез бармы сезнең

Минем әтине рульдә.

Җырлап йөри машинасы

Ватылмаса , әлбәттә. (Рузиль)

Әти мине ярата

Бик кадерләп үстерә.

Мин йөткерсәм, йөткерә.

Мин төчкерсәм, төчкерә. (Зәринә)

Горурланам әти белән,

Аны бар да ярата.

Мактау сүзләре әйтәләр

Әтиемә карата. (Булат)

Эшләмәсә эшләмәсен,

Газетын укып торсын

Телевизор карап ятсын,

Әтием генә булсын. (Эмиль)

Я рядом шагаю,

За руку держусь!

Тебе подражаю,

Тобою горжусь.

Папа-ты друг самый лучший,

Всегда защитишь,

Где надо-научишь,

За шалость простишь. (Амир)

Менә нинди куаныч,

Менә нинди зур шатлык.

Әтиләр булса янда,

Безнең өчен горурлык. (Әнвәр)

Минем әти эш сөючән

Бик көчле, киң күңелле.

Тагын әле шаян да ул,

Күтәрә белә күңелне. (Рүзинә)

Дарят девочки с улыбкой,

Всем мальчишкам по открытке.

Просим гас не обижать

А беречь и уважать. (Дарина)

Алып баручы: Конкурсыбызны дәвам итәбез. “Юл математикасы” (Юл хәлләрен чишү) 

1нче бирем. “Яшел” төсле командага .

Җиде бала юлда туп белән уйнаганнар. Икесе өйләренә киткән. Калган балалар уйный калганнар.

Сорау: Ничә бала дөрес эшләгән?

Җавап: Берсе дә дөрес эшләмәгән. Чөнки юлда уйнарга ярамый.

 2нче бирем. “Сары” төсле командага.

Ике малай һәм өч кыз мәктәптән чыктылар һәм юлны аркылы чыгу өчен “зебра” янына килеп бастылар. Бу вакытта светофорның яшел уты җемелди башлаган иде инде. Малайлар тиз генә юлны йөгереп чыктылар, ә кызлар чираттагы яшел утны көтеп калдылар.

Сорау: Ничә бала юлны дөрес чыккан?

Җавап: Өч кыз. Чөнки яшел ут җемелди башласа, чыгарга ярамый.  Юлдан йөгереп чыгу да бик куркыныч!

 3нче бирем. “Кызыл” төсле командага.

Дүрт малай урам буйлап велосипедта йөрергә чыгалар. Бер малайга 13, ә калганнарына 15 яшь.

Сорау: Ничә малай “Юл йөрү кагыйдәләрен” бозмаган?

Җавап: Өчесе. Чөнки 14 яшьтән велосипедта йөрергә ярый.

УЕН: “БАНТИК БӘЙЛӘ” (УРЫНДЫККА БАУ БӘЙЛӘНГӘН, ШУЛ БАУГА ӘТИЛӘР БАНТИК БӘЙЛИЛӘР.)

УРТАНЧЫЛАР ТӨРКЕМЕ ЯУЛЫКЛАР БЕЛӘН БИЮ БАШКАРА.

“Дөрес әйт”уены. (3 командадан да 1 шәр әти чыга һәм балалар. Әтиләрнең күзләре бәйләнә, алар балалар арасыннан үз баласын танып алырга тиешләр)

“Могҗизалар кыры” (3 командадан берешәр бала чакырыла, өстәлдәге барабанны әйләндерәләр, ук туктаган төснең конвертын алып, нинди юл билгесе чыккан, шуңа аңлатма бирәләр).

Алып баручы: Жюри карар чыгарган арада. Балалалар флешмоб бии.

К 100- летию Татарстана

Путеводитель по интернет- ресурсам сценарных материалов

Сценарии к праздникам

Тематические сценарии

Персональные сценарии

К  100-летию Татарстана 
Стихи о Татарстане
   Татарстаным
Песни о Татарстане
   С днем рождения, Татарстан!
   Каршы ал, туган калам !
Сценарии о Татарстане
   Мин яратам сине, Татарстан!
   Сценарий, посвященный 100-летию ТАССР 
   Сценарий концерта, посвященного 100-летию образования ТАССР и 30-летию Республики Татарстан «Татарстан — наш общий дом»
Другие мероприятия и сценарии к 100-летию ТАССР
   Классный час «100 лет ТАССР»

Путеводитель по интернет-ресурсам  сценарных материалов
        Сценарные материалы для школ
        Сценарные материалы   библиотек
        Сценарные материалы  для праздников и корпоративов

• Республиканский центр развития традиционной культуры Республики Татарстан

• Сценарии — http://www.tatfolk.ru/test/index.php?content=scenarii

  «Культура – против терроризма и экстремизма»

  Творчество против террора

  Творчество преображает мир

  Каравону 20 лет

  Творчество преображает мир

Сценарии к праздникам   (В связи с законодательством об авторском праве РФ тексты  сценарных материалов можно просмотреть только в помещении библиотеки). Или обратиться  в отдел межбиблиотечного абонемента и электронной доставки документов НБ РТ  — http://kitaphane.tatarstan.ru/rus/structure_.htm?department_id=33944

Профессиональные праздники
Тематические сценарии
Литературно-музыкальные композиции
Персональные сценарии

Сценарии к праздникам:

Сценарий к празднику «Новый год» (Корбан Р. ХУШ КИЛЭСЕН, ЯНА ЕЛ!: Яна ел бэйрэмен уткэру очен сценарий // Хуш килэсен, Яна ел!: (Бэйрэм тамашалары). — Казан: Печатный двор, 2002. -Б.50-60 — (Новый год).

Сценарий к празднику «8 марта»(Хэсэнова Ф.К. «Илгэ — матурлыкны, Жиргэ батырлыкны Сез бирэсез газиз энилэр!»: Энилэргэ багышланган бэйрэм кичэсен уткэру очен сценарий// Бэйрэм белэн сине, кыз туганым! — Ты жизнь сама дарующая счастье. Жырлар, шигырьлэр,сценарийлар:Бэйрэмне уткэручегэ методик кулланма / Тоз.Хэсэнова Ф.К. — Казан: «Мастер Лайн», 1999.- Б.4-13.- (Сценарий к празднику 8 Марта). 

Сценарий к празднику «Науруз» (Нэуруз (Язны каршылау бэйрэме) // Шакиржанова Э.Б. Мэктэптэ халкыбызнын йола- бэйрэмнэре: Методик кулланма. -Казан: РИЦ «Школа», 2004. -Б.15-24 — (Науруз. Праздник встречи Весны).

Великой победе посвящается
Не стареют душой ветераны (Нурлы май, җырлы май – дошманны җиңгән ай : сценарийлар, җырлар / ТР ММ; Халык иҗаты һ.мәдәни агарту эшләре буенча Республика фәнни-методик үзәге; төз. Ф.К.Хәсәнова.- Казан, 40 б.
Җиңү көне — бу дөньяның яңадан туган көне  // Сәүбанова, С. Бүген бәйрәм, бүген туй / С. Сәүбанова.- Казан : Раннур, 2005.- 608 б.
Җырым белән җиңдем дошманны / ТР МК; төз. Н.Ә Асылкаева; җав. мөх-р Р.И. Вәлиев.- Казан, 1996.- 46 б.- (Республика китапханәләрендә : эш тәҗрибәсеннән. 1996.- 2 чыгарылыш). 
Мәхәббәт, җиңү җырчысы //Мәгариф.- 2009.- № 12.- Б.11-12.
Онытырга мөмкин түгел (Сәүбанова, С. Бүген бәйрәм, бүген туй / С. Сәүбанова.- Казан : Раннур, 2005.- 608 б.)
Япь-яшь җиңү бәйрәме (Хәйруллина, В. Бәйрәмгә рәхим итегез : методик кулланма . — Яр Чаллы, 2005.- 47 б.
Сценарий к Дню Победы (9 мая) (тат) (Вафин Ф. Онытырга момкин тугел: Боек Жинунен 60 еллыгына багышланган чараларда файдалану очен эдэби-музыкаль композиция // Мэгърифэт.- 2005.- 26 март.- Б.6. — (К 60-летию Победы).

Отечественная  война 1812 г.- 200 лет
Женские образы 1812 года
Источник: Читаем, учимся, играем.- 2012.- № 1
Климова О. И верно служили Отчизне
Нуштаева А. Герои былых времен
Судьба женщины- воина
Источник:   Фән һәм мәктәп.- 2010.- № 7-8.
Покрыты славою чудесного похода

Сценарии к празднику «Сабантуй»
Cценарий к празднику «Сабантуй»(тат) ( Сабан туе -Сабантуй
Иртэгэ — Сабан туе  (Фольклор — хореографик композиция) // Шакиржанова Э.Б. Мэктэптэ халкыбызнын йола-бэйрэмнэре: Методик кулланма. — Казан: РИЦ «Школа», 2004. — Б.26-30 — (Сабантуй).
Күңелле Сабан туйлары
Татар халкының милли бәйрәме
Стихи к празднику «Сабантуй»
Сабантуй — народный праздник: материалы к проведению праздника «Сабантуй»

Общероссийский день библиотек-27 мая
«А библиотекарем лучше!»
«Хранители мудрости»
Сөй, хөрмәт ит,ярат китапны»
Сценарий к Общероссийскому Дню библиотек «Большие интеллектуальные игры»- https://serpantinidey.ru/post/909/scenariy-k-obscherossiyskomu-dnyu-bibliotek-bolshie-intellektualnie-igri

Сценарии к Дню работника культуры
Сценарии к Дню работника культуры
(рус.) (тат.) 
Творческая жизнь: визитная карточка работника культуры
Гордимся мы профессией своей:конкурс профессионального мастерства среди работников культуры
Культработники нового тысячелетия: агитпредставление, посвященное Дню работников культуры
Культработнику: песни стихи, клятва
Материалы к Дню работника культуры
Кто скучать нам не дает? Кричалка ко Дню культработника
Час триумфа.Церемония награждения работников культуры

Сценарий к Дню матери

Сценарий к Дню музеев

Тематические сценарии:

Сценарий библиоквеста «Хикмәтле дә, бизәкле дә Туган тел»

«Молодежь и спорт против наркотиков» Җир ана ярасы: әдәби музыкаль композиция// Сәламәтлек һәм театр : методик ярдәмлек.- Казан : РИЦ “Школа”, 2002.- 156 б.

Профилактика наркозависимости среди молодежи: тематический дайжест сетевых информационно — методических материалов-  http://kitaphane.tatarstan.ru/rus/antinarc.htm

Сценарий спортивного праздника «Джунгли зовут!» под девизом «Спорт против наркотиков»

Спорт белән көчле без
Скажем «нет» наркотикам
Сценарий «Против наркотиков»(тат)
Җир ана ярасы: әдәби музыкаль композиция
В XXI век — без наркотиков

Сценарии к Году учителя
День учителя
Муза
Мөгаллимнәр көч сынаша
Елның иң яхшы класс җитәкчесе

К году спорта и здорового образа жизни
Гаилә. Яшүсмер. Наркотиклар
Дусларны рәнҗетмәгез!
ЗОЖ планетасында
Озак яшәү серләре
Театр здоровья
Родители — на старт!
Растем здоровыми

Сценарии посвященные Л.Н. Толстому
Л.Н. Толстой Литературная викторина
Л.Н. Толстой Счастливая невозвратимая пора

Сценарии посвященные  Н. Гоголю
«Бранное, трудное время»:игра по повести Н. В. Гоголя «Tapac Бульба»
(из опыта работы российских коллег) 
Великий талант

Сценарии посвященные Г. Ибрагимову
  kitaphane.tatarstan.ru/ibr_7.htm

Сценарии, посвященные С. Садыковой
  kitaphane.tatarstan.ru/sad_7.htm

Сценарии , посвященные Г. Тукаю
  kitaphane.tatarstan.ru/tuk_10.htm

Сценарии, посвященные М. Джалилю
  kitaphane.tatarstan.ru/jal_8.htm

Сценарии, посвященные К. Тинчурину
http://kitaphane.tatarstan.ru/tat/tinch/scen1.htm
http://kitaphane.tatarstan.ru/tat/tinch/scen2.htm

Сценарии, посвященные Г. Камалу
http://kitaphane.tatarstan.ru/kamal.htm

Сценарии, посвященные Х. Туфану
http://kitaphane.tatarstan.ru/tat/tufan.htm

Сценарии, посвященные С. Сайдашеву
http://kitaphane.tatarstan.ru/tat/saidashev/tat_stories.htm

Сценарии, посвященные Н. Жиганову
http://kitaphane.tatarstan.ru/rus/zhiganov.htm

Сценарии, посвященные Х. Такташу
http://kitaphane.tatarstan.ru/tat/taktash.htm

Сценарии, посвященные Р. Яхину
http://kitaphane.tatarstan.ru/rus/yakhin.htm

Сценарий, посвященный Фанису Яруллину

Презентация,посвященная Фанису Яруллину

Последнее обновление: 29 декабря 2022 г., 13:45

Әти ,әни һәм мин- спорт сөюче гаилә

Максат: 1.Балалар һәм әти-әниләр арасында сәламәт тормыш рәвешен пропагандалау.

2.Балаларда үз сәламәтлегенә карата җаваплы караш тәрбияләү.

3.Балаларда әти-әнисе белән горурлану хисе тәрбияләү

Үткәрү формасы: ярыш-кичә.

Катнашучылар: укучылары, әти-әниләре, укытучылар, мәктәп администрациясе.

Җиһазлау: туплар, кыршаулар, скакалкалар, себеркеләр, шарлар, такта-басмалар, залны бизәү өчен «Әти, әни һәм мин- спорт сөюче гаилә!», «Сәламәт тәндә- сәламәт акыл», «Хәрәкәттә-бәрәкәт» плакатлары, сәламәт тормыш рәвеше сурәтләнгән рәсемнәр, компьютер, проектор, презентация.

Кулланылган әдәбият:

1.»Мәгариф «журналы №1,10,2006 ел

2.»Тәрбия «газеталары №5, 10,2006

3.»Классный руководитель» журналы,№7, 2006

4.Бескоровайная Л.С.,Перекатьева О.В. «Настольная книга учителя начальных классов» Ростовна Дону, Феникс, 2002

Бала: Җир шарында һәрбер бала

Булсын таза-сәламәт.

Ә аның нигезендә, әлбәттә,

Тора спорт һәм хезмәт.

Укытучы: — Исәнмесез, хөртмәтле тамашачылар: әти-әниләр, укытучылар, укучылар. Язгы чор — кеше организмының хәлсезләнгән, витаминнарга ярлыланган, төрле авыруларга тизрәк бирешүчән чагы.

Укучы: — Күбрәк вакытыгызны саф һавада үткәрегез, яшелчәләр белән дуслашыгыз, хәрәкәтле уеннар белән шөгыльләнегез, дип кисәтә белгечләр.

Укытучы: — Без дә алар сүзләренә бик теләп кушылабыз һәм бу киңәшләрне истә тотарбыз. Бүген без «Әти, әни һәм мин сорт сөюче гаилә » дип аталган ярыш-кичәгә җыелдык.

Укучы: — «Сәламәт тәндә- сәламәт акыл» -диелә татар халык мәкалендә. Үз сәламәтлегең турында һәрдаим кайгыртып яшәү -һәр кешенең изге бурычы.

Укытучы:- Бүгенге ярышта үз сәламәтлекләре өстендә һәрдаим шөгыльләнүче, спорт сөюче гаиләләр катнашачак. Ә хәзер катнашучы гаиләләрне залга чакырыйк:

1 нче команданы алкышлыйк! Залда утыручыларны сәламләп зал тирәли әйләнеп килегез !

— 2 нче команданы сәламлик!

Укучы:

— Командаларның уңышларын бәяләп баручы мөхтәрәм жюри әгъзалары белән дә танышып китик.

— Хәрәкәтләнү йөз даруны алмаштыра, ләкин бер дару да хәрәкәтләнүне алмаштыра алмый , диләр.

Укытучы: — Бүгенге кичәбез төрле хәрәкәтле уеннар, ярышлар һәм укучыларның чыгышлары белән үрелеп

барачак.

Катнашучы командаларга: кыю, җитез, өлгер булырга телибез. Уенның тәртибен игътибар белән тыңлагыз.Кагыйдәләрне бозмаска тырышыгыз! Җиңсәгез чын күңелдән шатланыгыз, җиңелсәгез төшенкелеккәбирелмәгез, көчле рух белән алга таба атлагыз!

Укучы: -Ә тамашачыларга алкышларын кызганмаска-кулчабарга, командаларга дәрт , көч биреп торырга!

Укытучы: — Физик яктан сау-сәламәт, чыныккан кеше авыруларга каршы тору сәләтенә ия булып кына калмыйча,тормышны сөючәнлеге, ризыктан тәм таба белүе,зирәклеге, тапкырлыгы белән дә аерылып тора.

Укучы: — Ә хәзер командаларга сүз бирәбез. Алар безне үзләре белән таныштырырлар.

1нче команда «Ялкын»:

Бала: Җирдә миңа ни кирәк?

Балалар бергә: Әти дә әни кирәк!

Әти: Җирдә миңа ни кирәк?

Әтиләр: Сәламәт гаилә кирәк!

Әни : Сәламәт булу өчен ник кирәк?

Әниләр: Дөрес туклану кирәк!

Режимны саклау кирәк!

Барысы бергә: Көч һәм дәрт,

Зиһен, сәләт,

Шулчак булырсың сәламәт!

2нче команда «Дулкын»:

Әни: Спорт- авыруга бер дәва

Әти: Дуслашсаң аның белән

Гаиләң булыр көр һәм шат

Бала: Әткәм , әнкәм һәм мин

Без бик тату гаилә

Дару, укол кулланмыйча

Һәр көн зарядка ясыйбыз

Сау Һәм таза яшибез!

Бергә: Су, кояш һәм Һава- безнең якын дустыбыз!

Укытучы:

Уеннар һәм ярышлар

Витамин кебек алар.

Күңелләрне күтәрә

Йөрәкләргә көч бирә

Укучы — Беренче ярышта команда- гаилә катнашачак.

Командалар әзерләнә торганда сыйныф укучыларына сүз бирәбез.

Р.Валиева шигыре «Ясыйк бергә физзарядка»

Укытучы: -Катнашучы гаиләләрне уенга чакырабыз. Беренче уеныбыз » Гаиләләр эстафетасы» дип атала, һәр команда мондый тәртиптә тезелә: әти, әни, бала, әти, әни, бала.

Уенның шартлары белән таныштырып китәм: Беренче кеше тупны аяк арасына куеп, кыршау янына кадәр сикереп бара- кыршау эченә тупны куя, ә кыршау эчендәге скакалканы алып билгеләнгән урынга кадәр сикереп бара, кире үз урынына скакалканы кулына тотып чабып кайта һәм скакалканы алдагы уенчыга тапшыра. Икенче кеше скакалка белән сикереп кыршауга кадәр бара, скакалканы кыршау эченә куя да, тупны ала. Тупны аяк арасына куеп, билгеләнгән урынга кадәр сикереп бара. Ә кайтканда тупны кулына тотып чабып кайта һәм тупны алдагы уенчыга тапшыра. Шул рәвешле калган катнашучылар дәвам итә. Эстафетаны башлыйбыз!

Укучы: Командаларга ял итәргә вакыт бирәбез.

Сезнең каршыда сыйныф укучылары чыгыш ясый!

Р.Валиева «Сикергеч», ритмик бию.

Укытучы: Менә сезгә авыр туплар

Алар белән уйнар өчен

Көчле куллар кирәк.

Кулдан кулга тупны бирер өчен

Җитезлек һәм уяулык кирәк.

Алдагы ярышыбыз «Кулдан кулга» дип атала. Бу уенда командадагы барлык уенчылар да катнаша

-Сигнал белән ярышучылар берсе артыннан берсе йөгереп скамейкага утыралар. Мондый тәртиптә: әти, әни, бала…. Беренче катнашучы тупны куллар белән артка таба бирә, калганнар дәвам итә. Ахырдагы уенчы тупны тотып алга килеп утыра һәм тупны шулай ук артка таба җибәрә. Шул рәвешле скамейкада уен башында беренче утырган уенчы алга килеп җиткәнче уен дәвам итә. Тупны кулга алып өскә беренче кем күтәрсә -шул җиңүче була.

Укучы: Алдагы уеныбыз «Сазлык» дип атала. Бу уенда әниләр генә катнаша.

Әниләребез ял итеп хәл җыйган арада сүзне

сыйныф укучыларына бирәбез.

Р.Валиева «Туп һәм без», акробатика элементлары белән бию.

Укытучы:

Сазлы юллар кичү авыр

Егылып батмаска кирәк

Бу ярышта җиңәр өчен

Төгәллек һәм сизгерлек кирәк

Бу ярышта һәр командадан әниләр катнаша. Алар сазлык аша үтәргә тиеш булалар, һәр командага да 4 шәр такта бирелә. Сазлыкның озынлыгы 6 метр. Әни кеше 2 тактага аяклары белән баса, ә калган икесен алга таба,билгеле бер озынлыкта(атларга җайлы булсын) итеп куя. Алга атлаган саен, арттагы тактаны алга куя бара. Кире кайту юлы да шул рәвешле дәвам итә.

Укучы: Киләсе ярышта балалар гына катнаша. Алар әзерләнә торганда сезнең каршыда сыйныф укучылары чыгыш ясый. Р.Валиева «Мин -спортчы».

Тәнәфес (зал белән физминутка ясау)

Хәзер бераз ял итик,

Тәнебезгә көч кертик.

Бер урында таптаныйк,

Сикергәләп тә алыйк

Уңга, сулга күз салыйк,

Муеннарны боргалыйк,

Ишкәкләрне нык тотыйк,

Беләкләрне ныгытыйк

Кулларны алга сузыйк.

Үткен кайчылар булыйк.

Бер чүгәлик, бер басыйк,

Кул тегермәне ясыйк.

Тиз армаска тырышыйк,

Арганнарга булышыйк!

Укучы: — Туп, туп бит ул түгәрәк

Төрле якка тәгәри

Әгәр боҗра эченә салсаң

Салмак кына үрмәли.

Укытучы: Бу уеныбыз «Тәгәри тубым » дип атала.

-Һәр катнашучы тупны обруч эченә алып, идәндә тәгәрәтеп бара. Шул ук тәртиптә икенче, өченче, дүртенче катнашучы дәвам итә.

Укучы: Алдагы ярышыбызда әтиләр генә катнаша. Алар әзерләнгәндә сезнең каршыгызда сыйныф укучылары чыгыш ясый.

Укытучы: Оча,оча очып китә

Шар бит ул бик җиңел

Сабырлыгың булса әгәр

Йөгәнләрсең бик җиңел.

Укучы: Хәзер үткәреләсе ярышыбыз «Тыңлаусыз шар» дип атала.

— Әти кеше шарны таяк белән тотып идәнгә төшермичә билгеләнгән урынга алып барырга тиеш. Шарны боҗра эчендә калдырып таякны тотып чабып кайта. Ул таякны икенче катнашучы әтигә тапшыра. Икенче номерлы әти кеше таякны тотып билгеләнгән урынга кадәр чабып бара. һәм таяк белән төртеп шарны идәнгә төшермичә алып кайта. 3, 4 нче катнашучылар да шулай ук хәрәкәт итәләр.

Укытучы: Алдагы ярышыбызда 2 гаилә катнашачак. Командалар ял итеп алсын. Хәзер сезнең каршыгызда сыйныфы укучылары чыгыш ясый.

Р.Валисва «Ура, физкультура», җыр

Укучы: Бу ярыш «Өй җыештыру» дип атала.

1) Әни кеше теннис тупларын бер-берсеннән 3 адым ара калдырып билгеләнгән урынга кадәр бер рәткә тезә дә кире йөгереп әйләнеп кайта.

2)Бала себеркегә атланып туплар арасыннан йөгереп барып, кире шулай ук арадан йөгереп кайта.

3) Әти кеше себерке белән чиләккә тупларны җыя бара һәм йөгереп кайта.

-Биремне төгәл үтәгән команда җиңүче була.

Укытучы: Бәйрәм ярышыбызның ахыргы эстафетасында командаларның барлык катнашучылары да ярыша.
Командаларыбыз ахыргы эстафетага көч туплаганда сезнең каршыгызда сыйныф укучылары чыгыш ясар.

Р.Миннуллин «Спортның яңа төре» . жыр, бию.

Укучы: «Энә күзе эченнән» дип аталган эстафетаның тәртибе белән таныштырам.

-Уенчы сигнал буенча боҗра янына йөгереп бара, боҗра эченә керә һәм боҗраны гәүдә буенча
күтәреп кырыйга алып куя, уч төпләренә савытларны куеп төшермичә билгеләнгән урынга
кадәр чаба һәм кире шул ук рәвешле боҗра янына кадәр чабып бара. Савытларны калдырып үз командасы янына кире чабып кайта. Эстафетаны алдагы уенчыга тапшыра. Уен шул ук тәртиптә дәвам итә.

Йомгаклау: жюрига сүз

Укучы: Хәрәкәттә-бәрәкәт,

Тәнгә керә көч һәм дәрт.

Тәнгә- сихәт, җанга- рәхәт

Хәрәкәткә мең рәхмәт!

Укытучы: Сезнең барчагызга да тазалык-саулык, бәхет, шатлык, укуыгызда, эшегездә зур уңышлар, матур хыяллар, якты киләчәк, рухи байлык телибез!

А.б. Гаиләнең, терәге – ир-ат, әти кеше. Безнең татар халкында борыңгыдан әти кеше – гаилә башлыгы итеп, аңа зур ихтирам, олы хөрмэт белән караганнар, бу бүгенге көндә дә шулай кала бирә. Ни әйтсәңдә гаиләнең бөтенлеге, барлыгы аның җилкәсендә. Әтиләр ил терәге, гаилә таянычы да. Безнең әтиләребез, картатайларыбыз, без тыныч яшәсеннәр, матур уйнасыннар, тамакларыбыз тук булсын, илебез имин булсын өчен Ватаныбызны саклаганнар. Без бу кадерле кешелэребезне 23 февраль – Ватанны саклаучылар көне белән тәбрик итәбез! Сезгә, хөрмәтлеләребез, ныклы сәламәтлек, балаларыбызга урнәк булуыгызны, гомерләрегез озын булып, тыныч күк йөзе астында яшәргә насыйп итсен!
…Әниләрне иң кадерле дибез,
Әтиләрсез яшәп буламы?!
Таба алмам алыштырыр кеше-
Әйлэнсәм дә бөтен дөньяны.
«Балам» диеп бер дәшүе дә бит
Җылы сала җанга, күңелгә.
Кайгыртувың өчен рәхмәт, әти,
Шулай булсын иде гомергә!
Сез безнең күңелдә мәңгелек ышаныч.
Сез көчле, сез – батыр, сез – безнең куаныч!
Сез – алтын багана, гаиләдә – сез терәк.
Тынычлык, иминлек сагында – сез кирэк!!!
1. Бүген безнең мәктәптә
Шундый рәхәт, күңелле.
Чөнки кунак булып безгә
Әтиләребез килде.
2. Иң акыллы, иң уңганнар
Бар эшкә дә булганнар
Менә шундый әтиләр.
Бергә: Менә шундый әтиләр.
3. Әтиләр илнең терәге
Гаиләнең йөрәге.
Авырлыкларга бирешми
Әтиләрнең беләге.
4. Әле ярый сез бар җирдә
Безнең иң ныклы терәк
Бәхетебез тулы булсын
Сез безгә шундый кирәк.
5. Әниләр белән бергә
Озын-озак яшәгез.
Шатлык килсен өебезгә
Кайгы-хәсрәт күрмәгез.
6. Сезнең йөргән юлларыгыз
Яшел утлардан торсын.
Сугыш, кан кою булмасын
Әтиләр исән булсын.
7. Бүген бәйрәм көнендэ
Әтиләрне котлыйбыз.
Шатлык, бәхет, сәламәтлек
Һәммәгезгә телибез.

Алып баручы: Хәерле көн, хөрмәтле кунаклар! Татар халкында милли бәйрәмнәр күп. Аларның кайберләре телдән-телгә күчеп безнең көннәргә кадәр килеп җиткән, кайберләре, кызганычка каршы, бөтенләй онытылып юкка чыккан. Ә бит борынгы әби-бабаларыбызның рухи хәзинәсе булган милли бәйрәмнәребезнең балалар тәрбияләүдә әһәмияте чиксез зур. Шуны истә тотып бүген сезнең игътибарыгызга “Орчык өмәсе” бәйрәмен тәкъдим итәргә булдык. Бәйрәмебезгә рәхим итегез!

Җыр “Сандугач, күгәрчен”

Раушания әби: И-и-и,  күршекәем, син гел шулай тигез итеп, йон эрлисең, кулың ятып тора шул эшкә, син эрләгән җептән бәйләгән оекбашлар,бияләйләр бик матур, җылы һәм чыдам була.

Рима әби: Аның бөтен сере – синең бабаңның ясаган орчыкларын бит. Орчыклар шундый җайлы, кулга ятып торалар.

(Бер-берсенең эшләрен макташалар. Кызлар ишеккә шакый)

Голнара апа: Карагыз әле, кызлар килделәр бугай?!

Илсөя апа:  Керсеннәр, керсеннәр, эшләгәннәре кеше өчен булса, өйрәнүләре үзләре өчен булыр.

Рима әби: Әйе, дөрес.

(Кызлар керә)

Зөһрә: Исәнмесез! Өегезгә бәрәкәт иңсен. Бүген сездә “Орчык өмәсе” була дип ишетеп килдек. Безгә дә сезгә булышырга, ярыймы?

Илсөя апа:  Узыгыз, кызлар, узыгыз, бик вакытлы килдегез. Рәхим итегез, утырыгыз.

(Бергәләшеп эшли башлыйлар. 

Шул вакытта ишек шакыйлар, малайлар керә)

Малайлар: Исәнмесез, саумысыз?

Кызлар: Нигә кәҗә саумыйсыз?

Малайлар: Әтәчегез күкәй салган,

Нигә чыгып алмыйсыз?

Кызлар: Я, шуннан?

Малайлар: Кәбестә белән суган.

Кызлар: Я, шуннан?

Малайлар: Утырган да шуган… 

Илсаф. Бәйрәмсез бик күңелсез бик,

             Бәйрәмнәр кирәк безгә.

             Бәйрәмнәр кирәк сезгә дә,

             Кирәк һәммәбезгә дә.

Раушания әби: Карале, бу малайларны! Бигрәк шуклар! Кызларның өмәгә килгәннәрен белеп килеп тә җиткәннәр. Әйдәгез, утырыгыз! 

Азамат. Халкыбызның йолаларын

              Искә төшерик әле,

              Күңелле итеп бүген

             “Орчык бәйрәмен” үткәрик әле.

Надир бабай: Әйдәгез, малайлар,түргә узыгыз. Мин сезгә орчык ясарга өйрәтермен. 

Голнара апа: Күпме булышчы! Сөбханалла. Болай булгач, язылмаган бер йон да калмый инде.Эш башланганчы, бер җыр җырлыйк әле.

Зөһрә. Җырлыйк әле, җырлыйк әле.

           Җырлап ачыла күңел.

           Җырлап ачылмаган күңел,

           Мәңге ачылачак түгел.

Алина. Ал да итәрбез әле,

             Гөл дә итәрбез әле.

             Матур җырлар җырлый-җырлый,

             Бәйрәм итәрбез әле.

“Гүзәл туган ягыбыз”җырын җырлыйлар

Азамат: Әби, ә “Орчык өмәсе” нәрсә аңлата? Кайчанрак уза ул?

Надир бабай: Менә бит ничек, яшьләр бу бәйрәмнәрнең чын мәгънәсендә аңлап бетермиләр икән… Әби, сөйлә әле өмә турында.

Раушания әби: Хәзер бөтенләй башка вакыт. Кибеттән теләгән бөтен әйберне алып була. Балалар йонның кайдан алынганын һәм ничек эшкәртелгә белмиләр.Ләкин яшьләрне гаепләргә ярамый, вакыты шундый. Орчык бәйрәме бу безгә борын заманыннан калган йола. Ул, җиргә кар яугач, көз көне үткәрелә. Хуҗа кеше күп итеп йон әзерли. Кичтән тәмле ризыклар пешерә. Ул кичкә дусларын, күршеләрен чакыра. Алар җыелып беткәч, күмәк эш башлана. Кемдер йон яза, кемдер өрли, кемдер аны ката һәм йомгакка чорный. Ә кемдер бәйли. Эшне бар кешегә дә бүлеп бирәләр. Ә күңелле булсын өчен, ул эш бию, җырлау, шигырь сөйләү, табышмаклар һәм мәкәльләр белән аралаштырып барыла. Ә эш беткәч, табынга утыралар. Менә бүген, балалар, шундый бәйрәм.

Илсөя апа: Эшкә бирелеп китеп, телдән язмыйк тагын. Әйдәгез, “Башы телемдә, ахыры төендә” дигән уенын уйнап алыйк. Мин мәкальнең башын әйтәм, ә сез ахырын.

-Тирләп эшләсәң, тәмләп ашарсың.

-Биш әйткәнче, бер эшлә.

-Эш беткәч уйнарга ярый.

-Карама кешенең сүзенә, кара эшенә.

-Эшләмәгән ашамый.

-Җәй эшләсәң, кыш ашарсың.

-Әткәй – шикәр, әнкәй – бал.

-Сүз сөйләсәң, уйлап сөйлә.

-Көн – эш өчен, төн – ял өчен.

Раушания әби: Менә булдырдыгыз, балалар. Эшләгәндә кулыгыз-кулга йокмый, сөйләгәндә телегез дә шулай икән.

Рима әби. Балалар, аякларыгыз утырып оеп киткәндер инде. Бер биеп күрсәтегез инде. 

Азалия. Без биибез тыпыр-тыпыр,

              Без биебез тып та тып.

              Бер башласак, бик тиз генә

              Булмый безне туктатып.

Айдар. Әйдә, әйдә, катырак бас,

            Биегәнне күрсеннәр;

            Баскан җирдән ут чыгара

            Безнең яшьләр дисеннәр.

Татар бию.

Раушания әби. И балакайларым, сезгә карап, яшь чаклар искә төшеп китте. Апайлар, әйдәгез әле, без дә сезнең белән азрак уйнап алыйк.

(«Кәрия-Зәкәрия» уенын уйныйлар, аннары эшкә тотыналар)

Султан. Әби, ә нәрсәгә сезгә шулай күп йон кирәк?

Раушания әби. Кызым, без хәзер өлкәнкешеләр. Бик җылыяратабыз. Җылы булган саен, безгә рәхәтерәк. Алла боерса, мин сезгә оекбашлар, бияләйләр бәйләрмен, Алла боерса. Минем сезнең кебек үк оныкларым бар. Алар мин бәйләгән әйберләрне бик охшатып кияләр. Менә кайберләренә бәйләдемдә инде. (Сандыгын ачып, берәм-берәм күрсәтә, аңлата.) Бәйләп кенә түгел, чигеп тә утыра идек әле. Менә чиккән сөлге, мендәр тышы, алъяпкыч һәм күкрәкчә. Ай, балалар, мин сөйлим дә сөйлим, сез мине тыңлап аргансыздыр инде. Әйдәгез әле, балалар, ярышып алыйк – йомгакны урап карыйк. Кайсыгыз җитезрәк микән?

Уен “Кем беренче урый”

Султан. Без уйныйбыз, уйныйбыз,

              Якты көннән туймыйбыз.

              Кулны-кулга чаба-чаба,

              Көләбез дә җырлыйбыз.

Надир бабай: Ай-яй-яй, балалар, шундый матур уеннар беләсез икән, сезгә карап торам да, сокланып куям. Җеп ураганда, куллары-кулга йокмый. Сезне «Орчык өмәсе»нә өйрәтеп тә торасы юк, туганнан бирле «Орчык өмәсе»нә йөреп, шомарып беткәннәр, дип белерсең. Ярый уйный-җырлый беләсез, ә шигырьләр сөйли беләсезме?

Ильяс:  Туктатмагыз гармунны

             Чакырыйк без кызларны.

             Бергә-бергә җырлыйк эле

             Без яраткан җырларны.

Данил. Уйныйбыз да, җырлыйбыз да,

             Гармун кулларыбызда.

             Алсу гөлләр чәчәк атсын,

             Йөргән юлларыгызда.

Зәмирә. Әйдә, дуслар, җырлыйк әле

              Уйнаган гармуннарга.

              Ал чәчәк күк яшик әле

              Туган якларыбызда.

“Кояшлы безнең ил”җырын җырлыйлар

Ильяс:   Безгә табышмаклар да әйтегез инде.

Голнара апа:-Табышмак әйтәм мин сезгә,

Йон бирә нәрсә безгә? (Сарык)

Илсөя апа: -Күрер-күрмәс күзләре,

Челтәр бәйли үзләре.

Челтәрләре түгәрәк,

Эшли алар үрмәләп.(Үрмәкүч)

Раушания әби:  -Биш агайга бер күлмәк. (Бияләй)

Надир бабай: -Кечкенә генә карчык, зыр-зыр әйләнеп йон җыя.(Орчык)

Рима әби:-Әйләнгән саен калыная.(Йомгак)

Султан:Кызлар-малайлар,  “Орчык бөтерү” уенын да уйнап алыйк. Уйныйбызмы?

Барысыбергә: Уйныйбыз!

“Орчык бөтерү” —  уен уйныйлар

Раушания әби: Менә бит нинди матур уеннар, җырлар, биюләр беләсез, әйтерсең лә гомер буе “Орчык өмәсенә” йөргәнсез кебек, шомарып беткәнсез.

Зәмирә: Кызык. Бәйрәмебез бик күңелле үтә.

Зөһрә: Әйдәгез,  гөрләтеп, бер татар биюен биеп алыйк.

Г.Камиля. Ягез, хәзер бергәләшеп

                   Тыпырдап биеп алыйк.

                   Әйе шул, әйе шул,

                   Тыпырдап биеп алыйк.

Н.Камиля. Биюченең итәге

                   Бии, бии кыскара,

                   Биючегә сүз әйтмәгез,

                   Бии, бии остара.

Парлы бию

Азамат: Ярый әле килгәнбез. Күп нәрсәләр белдек. Җырладык та, биедек тә, уеннар да уйнадык.

Раушания әби: Менә, балалар,  “Орчык өмәсе” шулай үтә иде. Эшен дә эшләдек, күңелне дә ачтык. Бүгенгә җитеп торыр. 

Алып баручы: Хөрмәтле кунаклар! Безнең бәйрәмебез ахырына якынлашты. Гаиләләрегезгә татулык, күңелләрегезгә тынычлык, бәхетле матур киләчәк телибез. Сау-сәламәт булыгыз! Балаларыгызны татар җанлы итеп, милли рухта тәрбияләгез. Игътибарыгыз өчен рәхмәт!

Шәйдуллина Розалия Нургали кызы,

Татарстан Республикасы Арча муниципаль районы «Үрнәк балалар бакчасы» муниципаль бюджет мәктәпкәчә белем бирү учреждениесенең музыка җитәкчесе​