Студенттер ?атарына ?абылдау кеші сценарий

Тәрбие сағатының мақсаты : Студенттерді мереке тарихымен таныстыру. Студенттерді ізденгіштікке, ұтымды жауап айта білуге, тапқырлыққа баулу. Белсенділікке, жан-жақтылыққа, уақытын тиімді пайдалануға, жаман әдеттерден аулақ болуға тәрбиелеу. Студенттік кезде терең білім алып, бәсекеге қабілетті маман болып шығуға үндеу. 

Тәрбие сағатының көрнекілігі: «Студенттік өмірдің алғашқы кезеңдері» атты презентация.

Топ жетекшісі: Міне болашақтың иесі – жас ұрпақ. Ұрпақ тәрбиесі ұстаздар қауымына үлкен жауапкершілікті жүктейді. Қазақтың дара да дана тұлғасы Абай: «Адамның адамшылығы… жақсы ұрпақтан болады» деген. Олай болса болашақ медицина қызметкері болатын студенттерімізге тек қана жоғары сапалы білім мен тал бесіктен алған тәрбиесін тыңғылықты ету колледж ұстаздарының абыройлы да басты мақсаты болып табылмақ.
Мұғалім болашақты тәрбиелеуші. Ал болашақ дегеніміздің өзі өткен тарихты қорыту емес пе? Ең бірінші ұстаз – біздің өткен тарихымыз. Жаңа ұрпақты тәрбиелеу үшін бұрынғының бар жақсысын жиып, бүгінгімен қабыстырған жөн секілді.
Білім – біздің басты қазынамыз. Халық ақыны Нұрпейіс Байғанин «Білімнен қымбат нәрсе жоқ, көңілде жатса баспай тот» деген екен. Білімді адам ғана болашаққа батыл қадам баспақ. Біздің жастарымыз алған білімін ақылмен, өнегемен, тән мен жанның сұлулығымен, парасаттылықпен ұштастырса, нұр үстіне нұр жауар. Оқу-білім үздіксіз еңбектің арқасында ғана жақсы нәтижеге, жоғары жетістіктерге жеткізеді. Студент жастарымыздың жан-жақты, саналы, терең білімді, бәсекеге қабілетті болуы – қоғам сұранысы.  Осы орайда білім берумен қатар көп қырлы тәрбие жұмыстарыныңда маңызы зор.

Бүгінгі біздің ашық тәрбие сағатымыздың мақсаты: Студенттерді мереке тарихымен таныстыру. Студенттерді ізденгіштікке, ұтымды жауап айта білуге, тапқырлыққа баулу. Белсенділікке, жан-жақтылыққа, уақытын тиімді пайдалануға, жаман әдеттерден аулақ болуға тәрбиелеу. Студенттік кезде терең білім алып, бәсекеге қабілетті маман болып шығуға үндеу.

Сіздердің жақсы көңіл күйде болып, демалып қайтуларыңызға біздер зор сенімдеміз.

1-жүргізуші:
Армысыздар, қадірменді халайық!
Сәлем сөздің сыр айнасын ашайық.
Қуанышты шаттықпенен жүздесіп,
Баршаңызға мол қуаныш сыйлайық.
Саламатсыздар ма, құрметті ұстаздар!

2-жүргізуші:
І- ші курста аузын ашып,семинарда пардан қашып,лекцияда секіріп,сессиядан жүгіріп,емтиханда жылап, навыктен құлап каникулда қыдырып,апайларға өтірік күліп,колледждің ауасын жұтып,степендиядан лоторея ұтып,жүрген студенттерге жалынды сәлем! Бүгінгі біздің кешіміз қызықты да көңілді студенттер күніне арналады!

1-жүргізуші:
— Я шынымен де студентік өмір қызықты да көңілді өтетіні анық! Қиын да сәттері болады. Алайда осының бәріне тойтарыс беретін жас студенттер аз емес.Студенттің басты мақсаты білім алу, болашақ маман иесі болу!
Әрине, әр студент өз мамандығына мұқият, тыңғылықты болуы қажет!

2-жүргізуші:
— Ендеше біз бүгінгі өткізілетін ашық тәрбие сағатының көңілді шымылдығын ашуға Облыстық деңгейде  бірнеше мәрте сайыстың жүлдегері атанған тобымыздың студенті, Ақбай Айдананы «Студенттер кеші» әнімен ортаға шақырамыз!

1-жүргізуші:
— Біздің өткізіліп отырған ашық тәрбие сағатымыз ол әрине студенттер жайлы.
Яғни «Қызықты көңіл,студенттік өмір!»
Шынымен де студенттік өмір қызықсыз болмайды,қызығымен шыжығы мол болады!
Ендеше ортаға «Студент бейнесі» атты көріністі шақырамыз!

2-жүргізуші: Біздер студент атанып,жаңа ортаға келгелі жаңа достар таптық. «Солдат өмірді,студент жастықты көреді» демекші олардың арасында жастық шақтың қызығын бөлісіп жүрген құпия достар да баршылық. «Құпия дос» ойынының құпия сырларын бірге ашайық достар!

2-жүргізуші:
Басталмаған қаланың дастаны әлі,
Бірінші жыл
Дала деп жас тамады.
Бірінші жыл ауылы естен кетпей,
Үшінші жыл қимайды бұл орданы.
Үш жыл бойы қызартып, имендіріп,
Біреуі үшін қуанып, күйген болып.
Бірін-бірі ұзатып өз қолынан,
Бірін-бірі қолынан үйлендіріп.
О, жастық-ай, алмайтын өлмей тыным,
Ойын-тойсыз өмірге көнбейтұғын.
Бірге барса баратын бір топ болып,
Жалғыз жүру дегенді білмейтұғын.

1-жүргізуші:
О, жастық-ай, мойымас тау-тасыңа,
Омыртқаңды үзеді ол,
Дау тасыма.
Ортақ оның қайғысы, қуанышы,
Ортақ оның малтасы, қалтасы да…
Керемет қой,
Қызық қой сезім деген,
Көктемде кім үйден безінбеген!
Он ай бойы масайрап ойнағандар
Емтиханда отыз күн көз ілмеген.
Лайланып кетсе де тұнық ойы,
Қыдыруға болмайды мұны қойып.
Баррикада жасап ап
Қалың томнан,
Бас алмайды енді олар күні бойы.

2-жүргізуші:
— Айтулы студенттер мерекесінің тарихын біреу білсе, біреу білмес. Мереке тарихын біліп жүргеніміз артық болмас.

1-жүргізуші:
1946 жылы 17 –қарашада Дүниежүзілік студенттер конгресі өтті. Прага қаласында ұйымдастырылған шара патриот студенттерге арналған еді. Чехтардан бастау алған айтулы күнді ойын-тойсыз, көңілді кешсіз өткізбейміз. Бірақ тарихы қанды оқиғамен байланысты.

1939 жылы 28-қазанда Чехословакияны фашисттер басып алған болатын. Сол кезде Чехословакия мемлекетіндегі білім күнінің бір мерекесін атап өтпекке прагалық студенттер мен олардың оқытушылары шеруге шығады. Басқыншылар шеруді таратады, сөйтіп атысты бастайды. Медицина факультетінің студенті Ян Оплетал да сол кезде қаза тапқан. Ян Оплеталдың қазасынан кейін 15-қарашада студенттер қайта көтеріледі.

Сол кензде ондаған шерушілер тұтқынға түседі. 17-қарашада гестапошылар мен эсэсшылар таңертең жатахананы қоршап алады. 1200-ден астам студентті тұтқындап, Заксенхаузен концлагеріне қамаған. Студенттер қозғалысының белсенділері мен тоғыз студентті Рузина ауданындағы түрмеде дарға асқан. Гитлердің бұйрығымен чехиялық жоғары оқу орындары соғыс біткенше жабылды.

2-жүргізуші:
-Ия студент ол-Студент!
Студенттік өмір — МАХАББАТ ҚЫЗЫҚ МОЛ ЖЫЛДАР. Сессия — ТАР ЖОЛ ТАЙҒАҚ КЕШУ. Сессиядан кейін — ДАУЫЛДАН КЕЙІН. Степендия — ҰЗАҚҚА БАРМАЙТЫН ҚУАНЫШ. Далаға шыққан студент — ЖАЯУ МҰСА. Свидание — КЕШІКПЕЙ КЕЛЕМ ДЕП ЕҢ. Лекция — ҚАЛҒЫП-МҮЛГУ. Семинар — СЕН ТИМЕСЕН МЕН ТИМЕЙМІН. Диплом қорғау — ҚЫЛ КӨПІР.
Достым  осы сен көңіл көтеруге қалай қарайсың?

1-жүргізуші:
— Жарайды тек мына сабағымызды бітіріп алайық, сосын иә!

2-жүргізуші:
— Жоқ мен қазір қыдырғым келіп тұр! Вечер, дискотека дегендей?

1-жүргізуші:
— Сен ренжіме бірақ мен ата-анама қуаныш сыйлағым келеді! Ал вечер, дискотекаға әлі үлгіремін!
Көрініс «Құдіретті адам!»

1-жүргізуші:
Уақыт шіркін зымырайды шақтары.
Алдымызда ақ үмітпен атқалы.
Жастық жігер, білімі бар, сөзге бай,
Бозбала мен Бойжеткен ол күн мен ай,
1-2 ай сауық құрып күнде жай,
сессияда ұйықтамаған күндер-ай.
Ауыл, ақша, сабақ, сосын вечер-той,
Өмір мәні махаббатқа жетер ме ой…
Үлгеретін ал осының бәріне, СТУДЕНТТЕР мықты халық екен ғой.

2-жүргізуші:
— Ұстаздар, сіздерде біздей болдыңыздар, ендеше сіздерді сол студенттік кездерге саяхаттауға шақырамыз! ( Ұстаздар ортаға шақырылады)
Алдын ала дайындалған конверттерді алады.
(Ойын шарты түсіндіріліп кетеді)
Ситуациялық жағдайлар.
№1 тапсырма.
Сіз группаластарыңызбен автобуста келесіз.Қалталарыңызда билетке ақша жоқ.Бірақ қалайда сабақтан қалмау керек.Түсетін аялдамаға жеткенде достарыңыз шапшаң түсіп кетті,ал сіз кондукторға ұсталып қалдыңыз.Сіз осы жағдайдан қалай шығасыз?

№2 тапсырма.
Жатақхана.Сіздің туған күніңіз тойланып жатыр.Асханада ауылдан келген жылқының сүр еті асылып жатыр.Шай ішіп болып «Ламбада»билеп жүрсіздер.Еттің нанын салайын деп асханаға барсаңыз қазан ЖОҚ! Не істейсіз? Сол кездегі көңіл күйіңізді көрсетіңіз? Қонақтарға қалай жеткізесіз?

№3 тапсырма.
Жатақхана.Ақшаның,тамақтың таусылып барлығыңыздың тарығып жүрген кездеріңіз.Үзілістің кезінде досыңызбен жүрек жалғау үшін бөлмеге келдіңіз.
3 тілім нан мен 2 жұмыртқа ғана бар.Осы кезде аш жүрген көрші 2 жігіт есікті қағады.Сіздердің бөлмеде екендерізді біледі,бірақ сіздер де аз тамақты бөліскілеріңіз келмейді.Не істейсіз?

№4 тапсырма.
Ауылдан жалғыз келдіңіз.Қалада ешқандай туыс,танысыңыз жоқ.Ешқандай орысша білмейсіз.Ағайың орыс.Қалайда жатақханаға орналасуыңыз керек.Ағайың қазақша,сіз орысша білмейсіз.Жағдайды ешкімді араластырмай өзіңіз қалай шешесіз?

№5 тапсырма.
Жатақхана.Өздеріңіз білетіндей асхана әр этажда екеу.Барлығы бос емес.Ал сіздің құрбыңыз жылдам тамақ дайындауы қажет.Бөлмеде плитка қосып тамақ әзірлеуге қатаң тиым салынғанын білсе де солай етуге мәжбүр болды. Осы кезде комендант тексеріп келе жатыр.Сіз құрбыңызға шұғыл хабар беруіңіз керек. Қасыңызда комендант Надежда апай. Сіздің тактикаңыз?
Жағдайды қалай реттейсіз?

1-жүргізуші:
— Рахмет,апай. Ал енді сіз қандай әсер алдыңыз?
2-жүргізуші:
-Студенттік өмірге шолу сізге ұнады ма?( қысқаша, ұстаздың алған әсері)

1-жүргізуші: «Студент  болу – жас адамға бақытты  болу  деген  сөзбен  тең» — деп  Тұманбай Молдағалиев айтқандай , бүгінгі  мерекелерініз  құтты  болсын , жас  даурен  жас  достар ! «Студент» әні!

2-жүргізуші:
Ащыны да, тәттіні де көріп тұрар,
Сонда да жанарыңда бақыт тұрар.
Бірде аш, бірде тоқ боп жүретұғын,
Біз сияқты «студенттер» бақыттылар!

2-жүргізуші:
Көңіл бөліп  тамашалауға  келгендеріңіз  үшін  көп-көп рахмет!

Топ жетекшісі:
Бүгінгі өткен 17-қараша студенттер күніне арналған  «Қызықты көңіл, студенттік өмір!» атты ашық тәрбие сағатымыз өз мәресіне жетті деп ойлаймын. Қоғамның жүрек дүрсілі, өзегі бүгінгі жастар екені белгілі. Ендеше сол жастар, мына сіздер, Қазақстанның болашағын бұлыңғырлатпай, сенімдерін селдіретпей, көк байрақты тік ұстап, еліміздің абыройын асқақтата беріңіздер! Осы кеште ат салысқан студенттерге үлкен алғыс білдіреміз. Алтын уақыттарыңызды бөліп, бүгінгі кешімізге келгендеріңізге көп-көп рахмет.

Басқа материалдар:

1. Вендинг кәсібінің артықшылығы мен кемшілігі
2. «Шаштараз» бизнесін қалай бастауға болады?
3. Фотостудия кәсібін қалай дамытуға болады?
4. ҰБТ тапсырушы түлектерге ақыл-кеңес
5. Мектеп оқушыларына 6 кеңес
6. ҰБТ тапсырушыларға Шиара Құдайбергеновадан кеңес
7. Интернет-маркетологтың қызметі қандай?
8. SMM маманы деген кім?
9. Data Scientist — деректер ғалымының қызметі қандай?
10. Web-дизайнер деген кім?
11. Кофе-киоск кәсібін бастау үшін…
12. Бизнес-профиль деген не?
13. Таргетингтік жарнама. Тауарды сату
14. Пиццерия ашудағы алғашқы қадамдар

15. Харланд Дэвид Сандерс өмірінен дерек

«Бүгінгі оқушы ,ертеңгі студент»студенттермен кездесу кешіне арналған сценарий

Назар аударыңыз, сертификатты “менің материалдарым” деген бетте жүктеп алуға болады

«Асулардан асады жастар әлі, зор болашақ бүгіннен басталады!»
Студенттермен кездесу кешінің сценарийі
Мақсаты:
Оқушыларды жоғары оқу орындарында белгілі бір мамандықта білім алып жатқан студент жастармен кездестіре отырып, пікір алысуға, болашақ мамандығын таңдауда жүйелі көзқарас қалыптастыруға, кәсіби мамандыққа деген қызығушылығын арттыруға, сол жолда тиянақты да, саналы білім алуға деген ұмтылысты оятуға бағыт беру.
Міндеті:
— мектеп бітіруші түлектерге кәсіби — шығармашылық тәрбие беру бағытында кәсіби шығармашылық танымын кеңейту;
— болашақ мамандығын дұрыс таңдай білуге бағыт — бағдар беру;
— белгілі бір еңбек, кәсіби іс — әрекет саласына еніп, нақты көзқарас қалыптастыруына көмек беру.
Күтілетін нәтиже:
Мектеп бітіруші түлектердің және негізгі орта мектепті аяқтаушы оқушылардың осы студенттермен кездесу барысында тиянақты шешім қабылдауы, белгілі мамандық саласына таңдау жасауы.

Өткізілу барысы:
1 — жүргізуші:
Армысыздар, аяулы ұстаздар, Мектеп табалдырығынан сусындап білім алған студент жастар және 2012 — 2013 жылғы Мектеп бітіруші Жас түлектер!
2 — жүргізуші:
Бірінші кілт — білімге,
Екінші кілт — дұрыс жол.
Үшінші кілт — бақытқа,
Жетелейді білсең сол.
1 — жүргізуші:
Болса кімнің талабы,
Өмірден жол табады.
Еңбегіне лайық,
Адам болып шығады,- дегендей жастар еліміздің болашағы. Егемен еліміздің болашағы білімді ұрпақ.
2 — жүргізуші:
Жаңа Қазақстан! Біз жаңашылдыққа білім нәрімен жететініміз сөзсіз. Қазақстан Республикасының Президенті Нұрсұлтан Назарбаев басшымыз ел халқына 2010 жылдың 29 — шы қаңтарында *Жаңа онжылдық — Жаңа экономикалық өрлеу — Қазақстанның жаңа мүмкіндіктері*атты жолдауында білім беру саласына назар аударып өтті.
1 — жүргізуші:
2020 жылға қарай *Жоғары білім сапасы* ең жоғары халықаралық талаптарға жауап беруі тиіс. Елдегі Жоғарғы оқу орындар әлемнің жетекші университеттердің рейтингіге енуге ұмтылулары керек. Білім беру саласында Астана қаласында құрылып жатқан бірегей оқу орындары *Жаңа халықаралық университет*,*Арнаулы қор* және қазірдің өзінде табысты жұмыс істеп жатқан *Интеллектуалдық мектептер* секілді жобалар ерекше басымдыққа ие болмақ.
2 — жүргізуші:
Ендеше, осындай сенім артқан істі атқару үшін білімді болу, бұл біздің міндетіміз.
1 — жүргізуші:
Көңілге ұнар, шықса ән сыңғырлаған,
Көңілге шаттық сезім қондырар ән.
Шымырлап шыққан кезде шырқау көкке,
Елітіп тұла бойың балбыраған,- дегендей бүгінгі студенттердің құрметіне
10 — сынып оқушысы Жұматай Тұрсынайдың орындауындағы тамаша әнді қабыл алыңыздар.

1 — жүргізуші:
Бүгінгі кешті жалғастыра отырып, кешіміздің мағыналы да мәнді өтуіне баршамыз да бір кісідей қатысайық дегім келеді.
2 — жүргізуші:
Олай болса, бүгінгі кешіміздің бағдарламасымен таныстырып өтейік.
1. Танысу кезеңі.
2. Ситуациялық сұрақ.
4. Сергіту сәті(ойын).
5. Мамандығым мақтанышым (пікір сайыс)
6. Ең үздік студент
7. Қорытынды
1 – жүргізуші:
Біздің кешке қонақ болып келіп отырған студент жастармен таныса отыралық.
2 – жүргізуші:
Сонымен, мектебімізден түлеп ұшқан түлектеріміз, қазіргі таңдағы оқу орнының студенттерімен таныстырып өтсем:
———————————————
1 — жүргізуші:
Ендігі кезекте студенттерімізбен сергіту сәті ретінде сұрақтарымызға жауап алсақ.
2 — жүргізуші:
Армысың студенттер қалың қалай?
Жүрегім бір өзіңді сағынады — ай,
Дүниені шарқ ұрып іздесем де,
Өзіңнен басқа жақсы табылмады — ай.
1 — жүргізуші:
Армысың, айналайын жиналғандар,
Сахнаның төрінде сыйланғандар.
Барлық студенттерім бас қосыпты
Ағайын айтыңдаршы кімде арман бар?
2 -. жүргізуші:
Соған бұрып әр кезде жүреді ішім,
Сен өзі кітап оқып жүремісің?
Бір сұрақты қояйын онда саған,
Қасиетті кітапты білемісің?
1 – жүргізуші:
Құран деп мына студент шын айтады,
Біліміңді сынайын былай тағы.
Кітаптан барлық оқу табылады,
Оқу білім бұлағы деп кім айтады?
2 — жүргізуші:
Енді студенттер арасында ойын ойнасақ. Бұл ойынның шарты араларыңыздан бес студент шығып шардың ішіндегі сұрақтарымызға жауап берсе.

1 — жүргізуші:
Әннің де естісі, бар есері бар,
Тыңдаушының құлағын кесері бар.
Ақылдының сөзіндей ойлы — күйлі,
Тыңдағанда көңілдің әсері бар,- дегендей келесі кезекті әсем әнге берсек.
—————————— орындауында тамаша әнді қабыл алыңыздар.

2 — жүргізуші:
Олай болса ендігі кезекті ситуациялық сұраққа берсек.
1. Сізді ақпанның 20 — жұлдызы күні сағат 15: 00 де болатын мектептегі студенттермен кездесу кешіне шақырды. Дәл осы уақытта мектепке кіре бергеніңізде алдыңыздан оқушы шығып, қолындағы шелектегі суын сіздің үстіңізге төгіп алды. Сіздің сол кездегі әрекетіңіз.
1 — жүргізуші:
2. Сіз бүгін ашық сабақ өткелі тұрсыз. Барлық сабақ тақырыбын интерактивті
тақтаға сақтап қойдыңыз. Сабақ басталар уақытта жарық өшіп қалды. Ашық
сабағыңызды қатысып отырған оқушылармен ата — аналарға қалай түсіндіресіз.
2 — жүргізуші:
3. Ертең сіз қиналатын пәннен мемлекеттік емтихан. Бірақта сіздің ең жақын
досыңыздың туылған күні. Барсаңыз емтиханға даярлығыңыз төмендейді. Бармасаңыз ең жақын досыңыз өкпелейді. Сіздің әрекетіңіз. 1 — жүргізуші:
4. Сіз жатақханада тұрасыз. Ертең демалысқа қарсы бәрі бөлмелерін кілттеп,
үйлеріне қайтып кетті. Баратын үйіңіз жоқ. Сіздің қарныңыз ашып, мазаңыз
кетті. Бөлмеде шайдан басқа тағам түрлері жоқ. Сіздің әрекетіңіз.
2 — жүргізуші:
5. Сіздің бірінші курста оқитын кезіңіз. Студенттердің сүйікті мерекесі 17 қараша күні болатын мерекеге қарсы отырыспа ұйымдастырылған. Соған үйіңіздегілерден 2 сағатқа сұранып келдіңіз. Бірақ келгеніңізге 2 жарым сағат болды. Сол кезде сыртқы есік ашылып, үйіңіздегілер айқайлап, сізді алып кетті. Достарыңыздың алдында қатты ұялдыңыз. Сіздің әрекетіңіз. 1 — жүргізуші:
6. Cіз Емтихан тапсыру үстіндесіз. Жақсы баға алу үшін мұғаліміңіз сізден ақша талап етті. Сіздің қалтаңызда еш ақша жоқ. Бірақ қасыңыздағылардың бәрі осы әрекетке көшіп, осылайша емтиханнан оңай құтылуда. Ал емтихан уақыты аяқталуға аз ғана уақыт қалды. Осы кездегі сіздің әрекетіңіз.

Назар аударыңыз! Жасырын мәтінді көру үшін сізге сайтқа тіркелу қажет.

17 қараша – Студенттер күніне сценарий

Жүргізуші: Армысыздар, қадірменді халайық!
Сәлем сөздің сыр айнасын ашайық.
Қуанышты шаттықпенен жүздесіп, 
Баршаңызға мол қуаныш сыйлайық.
Саламатсыздар ма, құрметті ұстаздар!

Жүргізуші: Құрметті ұстаздар мен студенттер! Бүгінгі 17-қараша «Студенттер күні» мерекесі құтты болсын!  Студенттер күніне арналған «Кешегі студент, бүгінгі жас маман!» атты мерекелік кешімізге қош келдіңіздер! 

Жүргізуші: Білім – біздің басты қазынамыз. Халық ақыны Нұрпейіс Байғанин «Білімнен қымбат нәрсе жоқ, көңілде жатса баспай тот» деген екен. Білімді адам ғана болашаққа батыл қадам баспақ. Біздің жастарымыз алған білімін ақылмен, өнегемен, тән мен жанның сұлулығымен, парасаттылықпен ұштастырса, нұр үстіне нұр жауар. Оқу-білім үздіксіз еңбектің арқасында ғана жақсы нәтижеге, жоғары жетістіктерге жеткізеді. Студент жастарымыздың жан-жақты, саналы, терең білімді, бәсекеге қабілетті болуы – қоғам сұранысы. 

Жүргізуші: Өнерпаздар жарысып сансаналы,
Жиын десе, той десе жан салады.
Кешіміздің ашылу құрметіне,
Әуелеген әсем ән жолданады.

Ән:

Жүргізуші: — Айтулы студенттер мерекесінің тарихын біреу білсе, біреу білмес. Мереке тарихын біліп жүргеніміз артық болмас.
1946 жылы 17 –қарашада Дүниежүзілік студенттер конгресі өтті. Прага қаласында ұйымдастырылған шара патриот студенттерге арналған еді. Чехтардан бастау алған айтулы күнді ойын-тойсыз, көңілді кешсіз өткізбейміз. Бірақ тарихы қанды оқиғамен байланысты. 1939 жылы 28-қазанда Чехословакияны фашисттер басып алған болатын. Сол кезде Чехословакия мемлекетіндегі білім күнінің бір мерекесін атап өтпекке прагалық студенттер мен олардың оқытушылары шеруге шығады. Басқыншылар шеруді таратады, сөйтіп атысты бастайды. Медицина факультетінің студенті Ян Оплетал да сол кезде қаза тапқан. Ян Оплеталдың қазасынан кейін 15-қарашада студенттер қайта көтеріледі. Сол кензде ондаған шерушілер тұтқынға түседі. 17-қарашада гестапошылар мен эсэсшылар таңертең жатахананы қоршап алады. 1200-ден астам студентті тұтқындап, Заксенхаузен концлагеріне қамаған. Студенттер қозғалысының белсенділері мен тоғыз студентті Рузина ауданындағы түрмеде дарға асқан. Гитлердің бұйрығымен чехиялық жоғары оқу орындары соғыс біткенше жабылды.

Жүргізуші: Көңілін күн өтсе де, кірлетпеген

Мақтауға мадақтауға тіл жетпеген

Сіздер үшін аянбай еңбек еткен,

Басшымызға сөз береміз, құрметпенен.

Аса қадірлі де, құрметті колледжіміздің директоры _________________________________________ сөз береміз!

Жүргізуші: Ұстаз тұлға нұр тұнып келбетіне

Сыйлы болған бүкіл ел жер бетіне

Аянбастан білімнің нәрін берген

Шәкірттердің алаңдап ертеңіне.

Келесі сөз кезегін колледжіміздің директорының оқу – тәрбие ісі жөніндегі орынбасары ______________________________________________ құттықтау сөз кезегін береміз.

Жүргізуші: Дәстүрлі сынақ кітапшасын тапсыру _______________________ қабылдау _________________________тапсырылады.

Жүргізуші: Бүгінгі мерекеміз бұрынғы мерекелерге қарағанда ерекше. Өйткені бүгінгі мерекеде колледжіміздің студенттері мен жас мамандары топтасып өнер көрсетеді. Олай болса бүгінгі кешімізде өнер көрсететін топтарды ортаға шақырсақ:

1. ____________________________

2. ____________________________

3. ____________________________

Ендеше бүгінгі сайысымыздың бөлімдерімен таныс болыңыздар:

1. Таныстыру:

Топ аты

Ұраны

1. Ән

2. Би

3. Жайдарман

4. Сахналық көрініс

5. Үйге тапсырма: «Колледждің өткені, бүгіні, болашағы»

Жүргізуші: Қайда менің студенттік күндерім,
Жалындаған жастық шағым, күн керім.
Дауылдатып, думандатып жүретін,
Бақытты сәт, шалқып шығар күндерім.
Қайда сол бір асыл жанды достарым?
Аңқылдаған жарқылдаған от жалын.
Сұңқар жігіт, аққу қыздар қайдасың?
Еске аламыз жүрегімде от жанып – дей келе мұғалімдеріміздің студенттік кездеріне бір оралатын сәт туып отыр. Ендеше жас мұғалімдерге сәттілік!

Жүргізуші: Енді әділ қазылар алқасымен таныстырып өтейін.

Әділ қазылар алқасы:

1.

2.

3.

Жүргізуші: Сайыскерлер келіп жетті танысуға,
Бойындағы бар дарынды дарытуға
Қорықпастан ортамызға келіп жетті
Әдеппен, ізетпенен танысуға — дей отырып сайысымыздың таныстыру — кезеңін бастаймыз. (Әр топ өздерін таныстырады)

1.____________________________

2.____________________________

3.____________________________

Жүргізуші: Құлақтан кіріп бойды алар,

Жақсы ән мен тәтті күй.

Көңілге түрлі ой салар

Әнді сүйсең менше сүй, — деп Абай атамыз айтқандай келесі сайысымыз әсем әнге береміз.

1. ____________________________

2. ____________________________

3. ____________________________

Жүргізуші: Келесі би сайысына кезек берейік

1. ____________________________

2. ____________________________

3. ____________________________

Жүргізуші: Бүгінгі күн жақсы хабарларға,

Жағымды жаңалықтарға,

Күтпеген қызықтарға,

Қысқа қалжың, ұзақ күлкіге,

Жағымды сөздерге толы болсын, — дей отырып, құрметті жиналған қауым, бүгінгі кеште сіздердің көңілдеріңізден шықсақ деп, сіздерге күлкі сыйласақ деп келіп отырған командаларды бір бірлеп ортаға шақырсақ, келесі бөлім Жайдарман:

1. ____________________________

2. ____________________________

3. ____________________________

Жүргізуші: Келесі сайыс – «Көрініс сайысы» деп аталады. Командалар бүгінгі тақырыпқа сай көрініс көрсетуі керек. Бірге тамашалайық!

1. ____________________________

2. ____________________________

3. ____________________________

Жүргізуші: Қазір соңғы сайыс – «Үй тапсырмасы». Командалар «Колледждің өткені, бүгіні, болашағы» атты тақырыпта өнерлерін көрсетеді.

1. ____________________________

2. ____________________________

3. ____________________________

Жүргізуші: Құрметті қонақтар «Студенттер күні» мерекесіне орай өткізілген «Кешегі студент, бүгінгі жас маман!» атты сайыс өз мәресіне жетті. Сөз кезегі әділ-қазылар алқасына беріледі.

Әділ-қазылардың шешімі бойынша командалға орын бере отырып, марапатталады.

«Жарқын жастық – баянды болашақ»

атты студенттермен кездесу кеші.

Мақсаты: Студент пен оқушы арасындағы байланысты нығайта отырып, сырласу, әр студенттердің қызықты да қиын күндерін тыңдай отырып, оқушыны шыдамдылыққа баулу, кәсіптік бағдар беру. 

Барысы:

І. Кешті ашу.

ІІ. Таныстыру.

ІІІ. Ойын

ІҮ.Сыр — сұхбат

Ү. Ойын

ҮІ. Тілектер шоғы.

1-жүргізуші: Армысыздар, құрметті қонақтар, қымбатты ұстаздар және бүгінгі кеш қонақтары – студент жастар!

2-жүргізуші: Студенттер – ақ арман арқалаған,

Жеттіңдер ме ауылға сән қаладан.

Түлеп ұшқан ұяңа қош келіпсіз,

Ыстық мекен, құтты орын, ордаң аман!

1-ж: Студенттер – көкке қанат сермегендер,

Ауылға сағынысып келген еңдер.

Студенттер – кешінде сырласайық,

Болашақтың бастауы сендер еңдер!

2-ж: Студенттер – өмірдің гүл күндері,

Қуанышта аз емес бұл күндері.

Қайғысы да бір басыңа жетіп жатыр,

Ұйқысыз өткен кейде бір түндері.

1-ж: Міне, осындай өмірді кешкен жандар,

Ертеңгі елімізге атар таңдар.

Бірі – дәрігер, бірі – ұстаз, бірі – әнші,

Маман болып бір күні шығарсыңдар.

2-ж: Студенттік өмір біздің де есімізде,

Тым ерекше көрінер өмір көшімізде.

Біз түлеткен аяулы студенттер,

Қош келдіңіз, бүгінгі кешімізге.

(қошемет)

1-ж: Армысыздар, мектебіміздің түлектері,

Жайнасын көңілдердің жасыл бағы.

Ән шашу, әсем әуен түрлі өнер,

Бүгінгі күн сіздерге арналады.

2-ж: Ұрпақпен өмір жолы жалғанады,

Көңілді күндер тусын алдан әлі,

Сіздер үшін осы кеш ашылады,

Сіздер үшін әншілер ән салады.

Ән: «Қос жүрек». Орындайтын 11 класс оқушысы  – Рахатов Исламбек. Қошеметтеп отырайық!

1-ж: Ұстаздардың ұлағатты сөзінен,

Өмір бойы таусылмас нәр аламыз.

Ұстаздардың мейірімді көзінен,

Бізге деген жылылықты табамыз, — дей отырып, мектеп директоры Дусипова Миргүл апайға сөз кезегін береміз.

1-ж: Балалық, шаттық өмір, думанды кеш,

Түседі естеріңе қызықты кез.

Сағыныш бойды билеп келгендерге,

Мектептің есіктері ашық әр кез.

2-ж: Сол бір кез сәті түскен бүгінгі күн,

Қосыңыз әрқайсыңыз жақсы бір үн.

Сырласып отырайық, ән салайық.

Мауқымыз басылғанша осы бір күн. Келесі кезекті ойынға берейік.

Ойын: «Әріптерден басталатын мамандық».

Шарты: студенттерге әріптер беріледі. Сол әріптерден басталатын мамандықтардың атауларын барынша көбірек жазу керек.

А, Д, Ж, И, С, З, Ш, Т, М, Э.

1-ж: Ұрпағы  ұландары текті жердің,

Қашанда болмысыңа сүйсінемін.

Келешек ғалымдар да, даналар да,

Шығады өздеріңнен деп білемін.

2-ж: Бұл кездесу көкейлеріңе,

Жыры мен сырын тұндырсын.

Жаныңнан кетпей әсері ән,

Жадыңда қалсын осы күн! – дей отырып, әнге кезек берейік.

Ән «Ауырмайды жүрек». Орындайтын  мектебіміздің жезтаңдай әншілерінің бірі – Рахметов Бағдат. Қошеметпен қарсы алайық.

1-ж: Біліммен көркейтіп елімізді,

Танытып азаматтық тегіңізді.

Қадірлі қонағымыз, мейманымыз,

Тыңдалық сіздің де ыстық лебіңізді.

«Сыр сұхбат» бөлімі.

2-ж: Қабыл етіп қонақтардың тілегін,

Тілегіңді тұмар етіп жүремін.

Түлектерге ұлағатын қалдырар,

Өздеріңдей болса деймін түлегім.

Ортаға мектебіміздің «Өзіміздің жігіттер» КВН командасын шақырамыз. Қарсы алыңыздар!

1-ж: Көрермендер әзіл де бар бойында,

Бір ғажайып қызық бізде ойын бар.

Шақырамыз ортамызға келіңіз,

Атсалысып бұған да ден қойыңыз.

2-ж:Ойын: «Ең нағыз …» ойыны.

Қазір сіздерге мамандықтардың кейбір ерекше мінездемелері ұсынылатын болады,ал сендер берілген мінездемеге барынша сәйкес келеді деген мамандықтарды атауларыңыз керек.

• Ең жасыл мамандық;
• Ең тәтті мамандық;
• Нағыз ақшалы мамандық;
• Ең күлкілі мамандық;
• Нағыз бала мамандығы;
• Нағыз адамдармен көп араласатын мамандық;
• Ең ауыр мамандық;
• Ең салмақты мамандық;

1-ж: Ән басталса қалайша жанбас халық,

Тыңдауға бар түн бойы таң жастанып.

Ұйып қалар табиғат оянбастай,

Кеткен кезде керемет ән басталып, демекші келесі кезекті әнге береміз.

Ән: «Ұмытар емеспін». Орындайтын 9-кластың әншісі – Бақтілеу Айбек, қошеметпен ортаға шақырайық.

2-ж: Өнердің нәр береді шапағаты,

Әркімнің өнерге бар махаббаты.

Талпынып біреулерің шығыңдаршы,

Халайық қошеметпен қол соғады. – деп, қонақтардан қонақ кәде сұраймыз.

Ән: «Жібектің әні» Орындайтын Нарымбаева Айгерім.

Даусың қандай сырлы еді,

Табиғатты тыңдатқан.

Көркің қандай нұрлы еді,

Таңшолпанмен астасқан – деп, тамаша ән сыйлаған Айгерімге тағы да қошемет көрсетіп қояйық.

1-ж:Аламан бәйгеге оза шауып, өлең  — жырда шашасына шаң жұқтырмаған талантты тұлға, ақын аға – апаларының жолын қуған, бірімізге апа, бірімізге қарындас Жұбаева Құндыз ақынымызды ортаға шақырайыз.

(Құндыздың жүрек жарды өлеңдері оқылады.)

КВН .

2-ж:  Мұңға батқан жүректі ән оятар,

Тәтті үннің әсерін жан оятар.

Жаңға қуат, жүрекке шаттық сыйлап,

Жас балаша көңілді жадыратар,-деп әнге кезек береміз.

Ән: «Арман» Орындайтын  9-класс оқушысы Қанатов Аманғос.

Ортаға сері жігіттермізден құралған КВН командасын шақырамыз. Қошеметпен қарсы алайық.

1-ж:Жастық осы гүлдей болып көрінген,

Өлең жыр боп сірә кетпес көңілден.

Естелік боп қалсын осы күнде бір,

Студенттік қызығы мол өмірден

«Тілектер шоғы».

2-ж:Ұстаздар оқушыға басын иген,

Кей кезде тіпті оған кішірейген.

«Сыйға сый, сыраға -бал» деген сөздің,

Болмас ережесін бұза білген.

Өйткен, ұстаз – ана, ұстаз – дара –

Мамандық ол ерекше, жеке – дара – деп, сөз кезегін ұстаздарға береміз.

Ән: «Сағынсаң қалай шыдаймын». Орындайтын биылғы мектеп түлегі – Қанымқұлов Батырлан.

Қорытынды:

1-ж:Артта қалды, әттең-ай, балалық шақтың белесі,

Өздеріңмен биік қой елдің еңсесі.

Сүріне көрмеңдер, тағдырдың сан қилы қатал сынынан,

Күтіп тұр алда болашақ өмірдің сойқан күресі!

2-ж:Балалықпен қоштасып, даналыққа беттедің,

Арыңды сақта жасыңнан адалдық болсын серігің.

Арманның шығып шыңына мақсатыңа құлаш ұр,

Өздеріңе тапсырдық туған жердің ертеңін!

1-ж: «Мемлекеттің «2030» бағдарламасын орындауда, ерінбей экономикалық талапқа сай еңбек ететін, игілікті іске бар ынтасымен кірісетін, ізгілікпен ел-жұртына көмектесетін, рухани жан дүниесі бай, ілтипатты да кішіпейіл, мейірімді жастар болып өсейік».

2-ж: Осымен студенттермен кездесу кешін ақтаймыз. Келгендеріңізге көп-көп рахмет!