Ягез эле эбилэр сценарий

Татарстан Республикасы

Балтач муниципаль районы

МБГБУ «Сосна төп гомуми белем мәктәбе»

“Ягез әле, әбиләр һәм оныклар!”

(тәрбия чарасы)

                                             Үткәрде:Файзрахманова Г.Ф

2015-2016 нчы уку

Ягез әле, әбиләр һәм оныклар! 

Максат: 1. Укучыларда олыларга хөрмәт тәрбияләү; 
2. Укучыларның гаиләдәге олылар турында белемнәрен тирәнәйтү; 
4. Бер-берләренә, гаилә әгъзаларына карата ярдәмчелек, дуслык 
хисләре тәрбияләү. Җиһазланыш: залны бизәү өчен плакатлар, стенгазеталар, 
балаларның дәү әниләренә багышланган рәсемнәре, фломастерлар, 
альбом битләре. Әзерлек эшләре: 
1. Программа төзү. 
2. Стенгазеталар чыгару, плакатлар ясау. 
3. Залны бизәү. 
4. Командаларга бүленү, исемнәрен билгеләү. 
5. Бүләкләр әзерләү. 

Ягез әле, әбиләр һәм оныклар! 
Зал бәйрәмчә бизәлгән, салмак кына көй агыла. 1 б. Кем дөньяга кеше бүләк итә? 
Ә кешегә якты дөньяны 
Тойгылары кояш кебек кайнар 
Эретерлек гранит кояны. 
Кем күңеле тулган айдай серле, 
Язлар сыман назлы, ягымлы. 
Шатлыкларын башкаларга бүлә 
Кайгыларга түзем, сабырлы. 
Кем елмая җәйге таң аткандай 
Балкып китә шундук тирә-як. 
Нәфислеге гөлләр сокланырлык 
Көләчлектә аңа тиңнәр юк. 
Кем куллары өйне, җирне ямьли, 
Изгелеге үлчәү тапкысыз. 
Ул әлбәттә яшәү чыганагы, 
Тормыш яме — әнкәй, әбекәй, хатын-кыз! 1 а.б. Бөтен кешелек дөньясына ямь бирүче, елмаюыгыз белән безне иркәләүче, җылы карашларыгыз белән назлаучы, акыллы фикерләрегез белән безгә ак юл күрсәтүче сөекле әбиләребез, дәү әниләребез! 
Әбиләр көне бүген булса да 
Күңелегез сезнең гел яшь. 
Торсагыз иде безнең арада 
Булып назлаучы кояш. Җыр. “Әнкәм сүзе” _____________________________________ 2 б. Кояш көлеп уянды ды 
Нурларын сипте мулдан. 
Әбиләр килде мәктәпкә 
Атлап кояшлы юлдан. 
Һәр җирдә бер хикмәт көтә 
Бүген гади көн түгел. 
Бүген — Әбиләр бәйрәме 
Шуңа шатлана күңел. 
Нинди назлы, нинди эшчән 
Синең куллар әбием! 
Бөтен дөнья бәйрәм итә 
Сезне зурлап әбием! 2 а.б. Әбием! Нинди ягымлы, нинди җылы сүз! Аны әйтү белән күз алдыбызга мөлаем бер илаһи зат килеп баса. Яше сиксәнгә җитсә дә, илледә генә булса да, ул – безнең өчен изгелек чыганагы. Гомернең сикәлтәле еллары артта калды. Маңгайларга сырлар төшкән, чәчләргә кырау кунган. Күңелегезгә тормышның барлык хатирәләре сыйган. Ә киләчәккә ышаныч барыбер сүнмәгән. Тормыш авырлыклары да бу ышанычны сүндерә алмаган. Ак яулыклы татар әбисе! Җыр.”Әнкәмнең ак шәле”. __________________________________________ 3 б. Кадерле әбиләребез, 
Чал чәчле дәү әниләребез! 
Бәйрәм белән котлый бүген 
Сезне ул һәм кызларыгыз. 
Яшәгез сез мәңге яшь булып, 
Туган йортыгызда ямь булып. 
Сез булсагыз таза-сәламәт 
Оныкларга булыр бик рәхәт. Оныкларга терәк булып, 
Яшәгез сез шатлыкта. 
Сәламәтлек, ак бәхетләр 
Юлдаш булсын картлыкта. 
Картаймыйча шулай кояш кебек 
Балкып торыгыз сез иртә-кич 
Яхшылыкны җирдә ятмый диләр 
Онытмабез сезне без һич тә. 4 б. Әбиләргә бурычлы без, 
Рәхмәтле без мең тапкыр. 
Әгәр берәр эшең булса, 
Әбием, безне чакыр. 
Әби кеше гел яхшылык тели, 
Гаебебез булса кичерә. 
Гомер буе калыйк тугрылыкта 
Әби дигән изге кешегә. 5 б. Кичләрен иркәләп мине, 
Җырлый-җырлый йоклаткан. 
Аның ягымлы көлүе 
Кайгыларны тараткан. 
Әбиемнең җылы кулы 
Чәчләремен сыйпады. 
Бүгенге матур бәйрәмдә 
Тәбриклибез без аны. 
Әбиләр – мәңгелек шатлык, 
Язгы шатлык, язгы нур. 
Әбиләргә багышлана 
Дөньяда иң назлы җыр. Бүген сөенә-сөенә 
Шушы җырны җырлыйбыз. 
Сезне, кадерле әбиләр, 
Бәйрәм белән котлыйбыз. Җыр. “Әбием васыятьләре”. __________________________________________ 1 а.б. Бүген без “Ягез әле, әбиләр һәм оныклар!” конкурсын уздырабыз. Әйдәгез бәйрәмдә катнашучы әбиләребез һәм аларның оныкларын сәхнәгә чакырыйк һәм алар белән танышып китик. 2 а.б. Катнашучылар белән таныштык, хәзер хөрмәтле жюри белән танышыйк! 
____________________________________________________________________ 
____________________________________________________________________ 1. а.б. Беренче конкурсны тәкъдим итәбез. Ул “Татлы сүзләр” дип атала. 
Хөрмәтле әбиләр, берничә минуттан сез оныгыгызга иркәләп әйтелгән сүзләрне әйтергә тиеш. Ә сез оныклар киресенчә, әбиләрегезгә иркәләп әйткән сүзләрне исегезгә төшерегез. Каинашучылар әзерләнгән арада сезнең өчен җыр. “Әнкәй”. ________________ 2 а.б. Кадерле әбиләр һәм оныклар! Әйдәгез үзебезнең булганлыгыбызны, тапкырлыгыбызны мәкаль, табышмаклар өлкәсендә күрсәтик. Мин мәкальнең яртысын әйтәм, сез дәвам итәсез. 
Әбиләр өчен: 
1.Акылны кешедән сора….. (үзеңнекен тот) 
2. Бакча ясалмый …. (алма булмый) 
3. Гыйлемсез бер яши …. (гыйлемле мең яши) 
4.Сөйдергән дә тел … (биздергән дә тел) 5. Туры сүз …. ( таш ярыр) 
Оныклар өчен: 
1. Аз сөйлә …. (күп эшлә) 
2. Олыласаң олыны ….. (олыларлар үзеңне) 
3. Ата-ананы тыңлаган адәм булган, … (тыңламаган — әрәм булган) 
4. Халык әйтсә …. (хак әйтә) 
5.Әйткән сүз … (аткан ук) Ә хәзер, уеныбызны дәвам итеп, сезнең игътибарга табышмаклар. 
Әбиләргә: 
1. Өй башында ярты ипи. (Ай) 
2. Көч түкми, бил бөкмичә, 
Кулга керми бу нәрсә. 
Кулга керсә тиз ычкына, 
Сизелми дә бу нәрсә. (Акча) 
3.Нинди сәгать тәүлеккә ике генә мәртәбә вакытны дөрес күрсәтә? (ватык) 
4. Елның нинди айлары 28 көнне үз эченә ала? (барысы да) 
5. Нәрсәне йомык күз белән дә күреп була? (төшне) 
Оныкларга: 
1. Бар бер үлән чокырда, 
Аны таный сукыр да. (кычыткан) 
2. Чыршыда бар, наратта юк, 
Сылуда бар, Маратта юк. (ы хәрефе) 
3. Су кайда коры була? (география картасында) 
4. Кара мәче нинди ишектән керә? (ачык ишектән) 
5. Бер кешенең 6 улы, аларның һәрберсенең берәр сеңлесе булган. Бу кешенең ничә баласы булган? (7) Кадерле әбиләребез! Оныкларыгыз сезнең өчен бик күп шигырьләр ятлаганнар Хәзер шуларны тыңлап китик. 6 б. Минем әбием бик уңган 
Бар эшкә дә өлгерә. 
Юа, җыя, тегә, бәйли, 
Тәмле ашлар пешерә. 
Тор бәбкәм, уян дип, 
Дәү әнием уята. 
Көләч йөзле әбиемне 
Һәммәбез дә ярата. 
Өйгә кайтсам, өй балкыган, 
Өйгә нур иңгән. 
Ерак җирне якын итеп 
Әбием килгән. 
Ышаныгыз, без мәктәптә 
Бик тырышып укырбыз. 
Кайгы-хәсрәтләр китерми 
Таянычыгыз булырбыз. 1 а.б. Өченче конкурсыбыз — “Зирәкләр һәм тапкырлар конкурсы”. Әбиләр оныкларына дәрес әзерләргә булыша. Хәзер без сезнең белемнәрегезне ачыклыйбыз. 
Әбиләргә: 
1. Мәктәптә эшли, балалар укыта? (укытучы) 
2. Сталинның исеме? (Иосиф) 
3. Сабан туе үткәрелә торган урын? (мәйдан) 
4. Нәрсәне ак алтын, нәрсәне кара алтын дип атыйлар? (Мамык һәм нефть) 
5. “Шүрәле” әкиятенең авторы? (Г.Тукай) 
6. Мәктәптәге спорт дәресе? (физкультура) 
7. Сөйләшү органы? (тел) 
8. Казан хоккей командасының исеме? (Ак барс) Оныкларга: 
1. Шәймиевның исеме? (Минтимер) 
2. Дөньяда иң зур материк? (Евразия) 
3. Америка акчасы? (доллар) 
4. “Моабит дәфтәре”н кем язган? (М.Җәлил) 
5. Әнинең әнисе? (Дәү әни) 
6. Татар алфавитында ничә хәреф? (39) 
7. Татарстан гимнының авторы? (Р.Яхин) 
8. Кеше үзенең нәрсәсен күтәрә алмый? (күләгәсен) Безнең әбиләр белемнәре белән оныкларын гына түгел, безне дә шаккаттыра! Жюри конкурска нәтиҗә ясаган арада, әбиләре хөрмәтенә оныклары җырлый! 
Җыр. “Әнкәмнең догалары”________________________________________ 2 а.б. Соңгы конкурсыбызны игълан итәбез. “Үзеңнекен тап!” дип атала. Әбиләргә күзләрен бәйләп, оныкларын танырга, ә оныкларга әбиләрен танырга кирәк. Рәхмәт сезгә! Жюри нәтиҗәләр чыгарган арада әбиләргә багышланган тагын бер шигырь тыңлап китик. 7 б. Минем Әби бик тә кызык 
Кеше ул – 
Ләбибләргә, Хәбибләргә, 
Сәгыйтьләргә 
Күрше ул. 
Ул — әтинең Әнисе, 
Апамның Дәү Әнисе. 
Ул минем дә Дәү Әби. 
“Сезнең җылы сүзегез Минем өчен дәва”, — ди. 
Бабам: “Карчык”, — ди аңа, 
Ә әнигә — Биана. 
Тик әнием: “Әни”, — ди. 
Малайлар: “Бал Әби”, — ди 
Сәрби әби: “Яшьтәш, — ди, — 
И Сәхипҗамалкаччаем, 
Син һаман да япь-яшь!” – ди. 
Әбиләргә — Ахирәт ул, 
Бар авылга – Авылдаш: 
Бөтен авыл хәлен белде 
Бервакытны авыргач. 
Хәзер Хезмәт Ветераны, 
Лаеклы Пенсионер, 
Ә кечкенә чакта менә 
Булган ул да Пионер. 
Минем Әби 
Сиңа кем була инде? 
Соң үзең уйла инде! 1 а.б. Хөрмәтле әбиләр! Гомерегез буе тырышып хезмәт күрсәткәнегез өчен, авыр елларны үз җилкәгездә татысагыз да шушындый саф күңелле булып калганыгыз өчен, яхшы ул-кызлар тәрбияләп үстергәнегез, ә хәзер инде оныкларыгызны тәрбияләгән өчен рәхмәт сезгә! Озын гомер, сәламәтлек телибез сезгә, әбиләр! Оныкларыгызның игелеген күрегез! 
Ә хәзер сүзне жюрига бирәбез. 2 а.б. Хөрмәтле әбиләребез! Дәү әниләребез! Сез – тыйнак та, сөйкемле дә, сез – эшчән дә, түземле дә, сез – иманлы да, дәрманлы да. Сез өйләребезнең яме, ашларыбызның тәме. Дөнья йөген сез күтәргәнсез, гаилә учагын сүндермичә, сүрелдермичә, сез дөрләтеп торгансыз. 1 а.б. Әй сез, татар әбиләре, 
Нур сибә йөзләрегез. 
Шуңа күрә дә яз сыман 
Сезнең чал йөзләрегез. 
Чәчләргә ак карлар яусалар да, Язлар яши сезнең күңелдә. 
Өйрәнсеннәр яшьләр, сезгә карап, 
Сокланырлык тормыш төзергә. Җыр. “Хатын-кызның яшен сорамыйлар”. ______________________________ 2 а.б. Барлык катнашучыларга да зур рәхмәт! Әбиләрне чәй эчәргә чакырабыз! Рәхим итегез!

Рейтинг:   / 5

ТР Биектау муниципаль районы Олы Кавал гомуми
урта белем бирү мәктәбе

(урта сыйныфлар өчен)

Тәрбияче:
Нәҗемединова Л.А.

2008 ел

Ягез әле, әбиләр һәм оныклар!
(8 март)
Урта яшьтәге мәктәп балалары өчен.

Максат: 1. Укучыларда олыларга хөрмәт тәрбияләү;
2. Укучыларның гаиләдәге олылар турында белемнәрен тирәнәйтү;
4. Бер-берләренә, гаилә әгъзаларына карата ярдәмчелек, дуслык
хисләре тәрбияләү.

Җиһазланыш: залны бизәү өчен плакатлар, стенгазеталар,
балаларның дәү әниләренә багышланган рәсемнәре, фломастерлар,
альбом битләре.

Әзерлек эшләре:
1. Программа төзү.
2. Стенгазеталар чыгару, плакатлар ясау.
3. Залны бизәү.
4. Командаларга бүленү, исемнәрен билгеләү.
5. Бүләкләр әзерләү.

Программа:
1. Бәйгене ачу.
2. Ярышлар.
3. Котлаулар.

Ягез әле, әбиләр һәм оныклар!
Зал бәйрәмчә бизәлгән, салмак кына көй агыла.

1 б. Кем дөньяга кеше бүләк итә?
Ә кешегә якты дөньяны
Тойгылары кояш кебек кайнар
Эретерлек гранит кояны.
Кем күңеле тулган айдай серле,
Язлар сыман назлы, ягымлы.
Шатлыкларын башкаларга бүлә
Кайгыларга түзем, сабырлы.
Кем елмая җәйге таң аткандай
Балкып китә шундук тирә-як.
Нәфислеге гөлләр сокланырлык
Көләчлектә аңа тиңнәр юк.
Кем куллары өйне, җирне ямьли,
Изгелеге үлчәү тапкысыз.
Ул әлбәттә яшәү чыганагы,
Тормыш яме — әнкәй, әбекәй, хатын-кыз!

1 а.б. Бөтен кешелек дөньясына ямь бирүче, елмаюыгыз белән безне иркәләүче, җылы карашларыгыз белән назлаучы, акыллы фикерләрегез белән безгә ак юл күрсәтүче сөекле әбиләребез, дәү әниләребез!
Әбиләр көне бүген булса да
Күңелегез сезнең гел яшь.
Торсагыз иде безнең арада
Булып назлаучы кояш.

Җыр. “Әнкәм сүзе” _____________________________________

2 б. Кояш көлеп уянды ды
Нурларын сипте мулдан.
Әбиләр килде мәктәпкә
Атлап кояшлы юлдан.
Һәр җирдә бер хикмәт көтә
Бүген гади көн түгел.
Бүген — Әбиләр бәйрәме
Шуңа шатлана күңел.
Нинди назлы, нинди эшчән
Синең куллар әбием!
Бөтен дөнья бәйрәм итә
Сезне зурлап әбием!

2 а.б. Әбием! Нинди ягымлы, нинди җылы сүз! Аны әйтү белән күз алдыбызга мөлаем бер илаһи зат килеп баса. Яше сиксәнгә җитсә дә, илледә генә булса да, ул – безнең өчен изгелек чыганагы. Гомернең сикәлтәле еллары артта калды. Маңгайларга сырлар төшкән, чәчләргә кырау кунган. Күңелегезгә тормышның барлык хатирәләре сыйган. Ә киләчәккә ышаныч барыбер сүнмәгән. Тормыш авырлыклары да бу ышанычны сүндерә алмаган. Ак яулыклы татар әбисе!

Җыр.”Әнкәмнең ак шәле”. __________________________________________

3 б. Кадерле әбиләребез,
Чал чәчле дәү әниләребез!
Бәйрәм белән котлый бүген
Сезне ул һәм кызларыгыз.
Яшәгез сез мәңге яшь булып,
Туган йортыгызда ямь булып.
Сез булсагыз таза-сәламәт
Оныкларга булыр бик рәхәт.

Оныкларга терәк булып,
Яшәгез сез шатлыкта.
Сәламәтлек, ак бәхетләр
Юлдаш булсын картлыкта.
Картаймыйча шулай кояш кебек
Балкып торыгыз сез иртә-кич
Яхшылыкны җирдә ятмый диләр
Онытмабез сезне без һич тә.

4 б. Әбиләргә бурычлы без,
Рәхмәтле без мең тапкыр.
Әгәр берәр эшең булса,
Әбием, безне чакыр.
Әби кеше гел яхшылык тели,
Гаебебез булса кичерә.
Гомер буе калыйк тугрылыкта
Әби дигән изге кешегә.

5 б. Кичләрен иркәләп мине,
Җырлый-җырлый йоклаткан.
Аның ягымлы көлүе
Кайгыларны тараткан.
Әбиемнең җылы кулы
Чәчләремен сыйпады.
Бүгенге матур бәйрәмдә
Тәбриклибез без аны.
Әбиләр – мәңгелек шатлык,
Язгы шатлык, язгы нур.
Әбиләргә багышлана
Дөньяда иң назлы җыр.

Бүген сөенә-сөенә
Шушы җырны җырлыйбыз.
Сезне, кадерле әбиләр,
Бәйрәм белән котлыйбыз.

Җыр. “Әбием васыятьләре”. __________________________________________

1 а.б. Бүген без “Ягез әле, әбиләр һәм оныклар!” конкурсын уздырабыз. Әйдәгез бәйрәмдә катнашучы әбиләребез һәм аларның оныкларын сәхнәгә чакырыйк һәм алар белән танышып китик.

2 а.б. Катнашучылар белән таныштык, хәзер хөрмәтле жюри белән танышыйк!
____________________________________________________________________
____________________________________________________________________

1. а.б. Беренче конкурсны тәкъдим итәбез. Ул “Татлы сүзләр” дип атала.
Хөрмәтле әбиләр, берничә минуттан сез оныгыгызга иркәләп әйтелгән сүзләрне әйтергә тиеш. Ә сез оныклар киресенчә, әбиләрегезгә иркәләп әйткән сүзләрне исегезгә төшерегез.

Каинашучылар әзерләнгән арада сезнең өчен җыр. “Әнкәй”. ________________

2 а.б. Кадерле әбиләр һәм оныклар! Әйдәгез үзебезнең булганлыгыбызны, тапкырлыгыбызны мәкаль, табышмаклар өлкәсендә күрсәтик. Мин мәкальнең яртысын әйтәм, сез дәвам итәсез.
Әбиләр өчен:
1.Акылны кешедән сора….. (үзеңнекен тот)
2. Бакча ясалмый …. (алма булмый)
3. Гыйлемсез бер яши …. (гыйлемле мең яши)
4.Сөйдергән дә тел … (биздергән дә тел)

5. Туры сүз …. ( таш ярыр)
Оныклар өчен:
1. Аз сөйлә …. (күп эшлә)
2. Олыласаң олыны ….. (олыларлар үзеңне)
3. Ата-ананы тыңлаган адәм булган, … (тыңламаган — әрәм булган)
4. Халык әйтсә …. (хак әйтә)
5.Әйткән сүз … (аткан ук)

Ә хәзер, уеныбызны дәвам итеп, сезнең игътибарга табышмаклар.
Әбиләргә:
1. Өй башында ярты ипи. (Ай)
2. Көч түкми, бил бөкмичә,
Кулга керми бу нәрсә.
Кулга керсә тиз ычкына,
Сизелми дә бу нәрсә. (Акча)
3.Нинди сәгать тәүлеккә ике генә мәртәбә вакытны дөрес күрсәтә? (ватык)
4. Елның нинди айлары 28 көнне үз эченә ала? (барысы да)
5. Нәрсәне йомык күз белән дә күреп була? (төшне)
Оныкларга:
1. Бар бер үлән чокырда,
Аны таный сукыр да. (кычыткан)
2. Чыршыда бар, наратта юк,
Сылуда бар, Маратта юк. (ы хәрефе)
3. Су кайда коры була? (география картасында)
4. Кара мәче нинди ишектән керә? (ачык ишектән)
5. Бер кешенең 6 улы, аларның һәрберсенең берәр сеңлесе булган. Бу кешенең ничә баласы булган? (7)

Кадерле әбиләребез! Оныкларыгыз сезнең өчен бик күп шигырьләр ятлаганнар Хәзер шуларны тыңлап китик.

6 б. Минем әбием бик уңган
Бар эшкә дә өлгерә.
Юа, җыя, тегә, бәйли,
Тәмле ашлар пешерә.
Тор бәбкәм, уян дип,
Дәү әнием уята.
Көләч йөзле әбиемне
Һәммәбез дә ярата.
Өйгә кайтсам, өй балкыган,
Өйгә нур иңгән.
Ерак җирне якын итеп
Әбием килгән.
Ышаныгыз, без мәктәптә
Бик тырышып укырбыз.
Кайгы-хәсрәтләр китерми
Таянычыгыз булырбыз.

1 а.б. Өченче конкурсыбыз — “Зирәкләр һәм тапкырлар конкурсы”. Әбиләр оныкларына дәрес әзерләргә булыша. Хәзер без сезнең белемнәрегезне ачыклыйбыз.
Әбиләргә:
1. Мәктәптә эшли, балалар укыта? (укытучы)
2. Сталинның исеме? (Иосиф)
3. Сабан туе үткәрелә торган урын? (мәйдан)
4. Нәрсәне ак алтын, нәрсәне кара алтын дип атыйлар? (Мамык һәм нефть)
5. “Шүрәле” әкиятенең авторы? (Г.Тукай)
6. Мәктәптәге спорт дәресе? (физкультура)
7. Сөйләшү органы? (тел)
8. Казан хоккей командасының исеме? (Ак барс)

Оныкларга:
1. Шәймиевның исеме? (Минтимер)
2. Дөньяда иң зур материк? (Евразия)
3. Америка акчасы? (доллар)
4. “Моабит дәфтәре”н кем язган? (М.Җәлил)
5. Әнинең әнисе? (Дәү әни)
6. Татар алфавитында ничә хәреф? (39)
7. Татарстан гимнының авторы? (Р.Яхин)
8. Кеше үзенең нәрсәсен күтәрә алмый? (күләгәсен)

Безнең әбиләр белемнәре белән оныкларын гына түгел, безне дә шаккаттыра! Жюри конкурска нәтиҗә ясаган арада, әбиләре хөрмәтенә оныклары җырлый!
Җыр. “Әнкәмнең догалары”________________________________________

2 а.б. Соңгы конкурсыбызны игълан итәбез. “Үзеңнекен тап!” дип атала. Әбиләргә күзләрен бәйләп, оныкларын танырга, ә оныкларга әбиләрен танырга кирәк.

Рәхмәт сезгә! Жюри нәтиҗәләр чыгарган арада әбиләргә багышланган тагын бер шигырь тыңлап китик.

7 б. Минем Әби бик тә кызык
Кеше ул –
Ләбибләргә, Хәбибләргә,
Сәгыйтьләргә
Күрше ул.
Ул — әтинең Әнисе,
Апамның Дәү Әнисе.
Ул минем дә Дәү Әби.
“Сезнең җылы сүзегез

Минем өчен дәва”, — ди.
Бабам: “Карчык”, — ди аңа,
Ә әнигә — Биана.
Тик әнием: “Әни”, — ди.
Малайлар: “Бал Әби”, — ди
Сәрби әби: “Яшьтәш, — ди, —
И Сәхипҗамалкаччаем,
Син һаман да япь-яшь!” – ди.
Әбиләргә — Ахирәт ул,
Бар авылга – Авылдаш:
Бөтен авыл хәлен белде
Бервакытны авыргач.
Хәзер Хезмәт Ветераны,
Лаеклы Пенсионер,
Ә кечкенә чакта менә
Булган ул да Пионер.
Минем Әби
Сиңа кем була инде?
Соң үзең уйла инде!

1 а.б. Хөрмәтле әбиләр! Гомерегез буе тырышып хезмәт күрсәткәнегез өчен, авыр елларны үз җилкәгездә татысагыз да шушындый саф күңелле булып калганыгыз өчен, яхшы ул-кызлар тәрбияләп үстергәнегез, ә хәзер инде оныкларыгызны тәрбияләгән өчен рәхмәт сезгә! Озын гомер, сәламәтлек телибез сезгә, әбиләр! Оныкларыгызның игелеген күрегез!
Ә хәзер сүзне жюрига бирәбез.

2 а.б. Хөрмәтле әбиләребез! Дәү әниләребез! Сез – тыйнак та, сөйкемле дә, сез – эшчән дә, түземле дә, сез – иманлы да, дәрманлы да. Сез өйләребезнең яме,

ашларыбызның тәме. Дөнья йөген сез күтәргәнсез, гаилә учагын сүндермичә, сүрелдермичә, сез дөрләтеп торгансыз.

1 а.б. Әй сез, татар әбиләре,
Нур сибә йөзләрегез.
Шуңа күрә дә яз сыман
Сезнең чал йөзләрегез.
Чәчләргә ак карлар яусалар да,

Язлар яши сезнең күңелдә.
Өйрәнсеннәр яшьләр, сезгә карап,
Сокланырлык тормыш төзергә.

Җыр. “Хатын-кызның яшен сорамыйлар”. ______________________________

2 а.б. Барлык катнашучыларга да зур рәхмәт! Әбиләрне чәй эчәргә чакырабыз! Рәхим итегез!

«Ягез әле, әниләр!» 
  
Музыка астында алып баручы чыга 
А.Б. Хөрмәтле әниләр, укучылар, килгән кунаклар! Кичэбезнен хэзер башланачак икенче олешен дэ без гүзәл һәм уңган әниләребезгә багышлыйбыз. Әйдәгез, хөрмәтле дуслар, кул чабып, әниләребезне бирегә чакырыйк. 
Музыка астында әниләр үз өстәлләренә чыгып утыралар. 

А.б. Кичәбез “Ягез әле, әниләр!” дип атала. Әниләрне командаларга бүлү өчен подностагы карточкаларны алырга тәкъдим итәм. Рәхим итегез! 
Карточкалар артында 1 һәм 2саннары язылган.Һәр әни карточкалар ярдәмендә кайсы командада булуын ачыклый. Һәр команда үзенә исем сайлый. 

А.Б. Менә бу өстәл артында жюри әгъзалары утыра.(жюри әгъзалары белән таныштыру)  Ә хәзер бүгенге матур бәйрәм белән әниләребезне котлап  җыр тыңлап китәрбез. 
Җыр башкарыла «Моя мама»
А.Б. Без бүген әниләребезнең уңганлыкларын, осталыкларын һәм җитезлекләрен тикшерербез.

Ә хәзер уеныбызны башлыйк.

Бу бәйгедә тәүге тапкыр

Чыктык сезнең каршыга.

Уңганлыкта, житезлектә

Сыналырбыз ярышта

 1нче конкурс.”Көтү куу”

5 нче конкурс,, Ромашка»

Әйдәгез, балачактагы хыялларыбызга кайтып килик әле. Бала чакта кем генә артистларга карап сокланмаган да, кем генә алар булып кыланмаган, яки ак халат киеп, врач булып, курчакларны дәваламаган.

( Командирлар чәчәк таҗларын алалар. Анда төрле биремнәр язылган.)

— Сез – Әлфия Авзалова. Зал Сезне көтә, Әлфия апа! Сәхнәгә рәхим итегез.

— Сезгә бүген 3 яшь тулды. Әти-әниегез сезне котлап, яңа курчак бүләк итте. Әй уйнадыгыз да соң инде. Безгә дә уйнап күрсәтегез әле.

— Иртә белән баланы бакчага алып бару күренешен күрсәтегез.

— Кечкенә чакта өйрәнгән беренче җырыгызны яки шигырегезне нәкъ шул вакыттагыча сөйләп күрсәтегез.

— Бакчадан кайтканда, әниегез белән кибеткә кердегез. Күзегез матур уенчыкларга төште. Шуны әниегездән алдыруыгызны күрсәтегез.

— Сезгә 4 яшь. Төне буе тешегез сызлап чыкты. Иртә белән әниегез теш врачына алып барды, сез нишләдегез?

6 нчы конкурс: Модный приговор

Кул астында булган киемнэрне кулланып командадагы бер кешене киендерергэ

Энилэр эзерлэнгэнче Залга мэкальлэр

Агачны яфрак бизәсә, кешене ……… ( хезмәт бизи ).

— Һөнәрле үлмәс, ………….( һөнәрсез көн күрмәс ).

— Ата-ананы тыңлаган – адәм булган, ……….( тыңламаган, әрәм булган)

— Олыласаң олыны, ………..( олыларлар үзеңне )

— Яхшыдан үрнәк ал, …………( яманнан гыйбрәт ал )

— Өйнең яме………….( бала белән)

— Казанга ни салсаң,………..(чүмечкә шул чыга)

— Оясында ни күрсә,………..(очканында шул булыр).

7 нче конкурс Причёска ясау Озын толым

Кызларның чәчен үрү (командадан бер кеше). Иң оригинал прическа кемнеке булыр икән?

Энилэр прическа ясаганчы залга табышмаклар

Бик сәләтле икәнсез,

Талантлы – шаккатырлык,

Минем сыныйсы килә:

Ничек сезнең тапкырлык?

1) Һәй,егет, бу ничек була?Минем өч икмәгем бар, берсе белән алган бурычымны түлим, икенчесен әҗәткә бирәм, өченчесен үзем ашыйм.(Ата- анасына, баласына, үзенә)

2) Ишек төбендә алтын таяк.(кияү)

3) Ике атага, ике улга 3 йомырканы тигез итеп бүләргә кирәк.1 йомырка тисен.(бабай, ата, ул)

4) Бер көзгегә дөнья сыйган.(Телевизор)

5) Ишекле түрле яшь килен йөри.(Себерке)

6) 4 татар, дүртесен дә бер чиләк төбенә атар.(Сыер саву)

7) Асты диңгез, өсте нур(Бәби)

Дөньяда иң кирәк, иң кирәктән ни кирәк?(Саулык)

9) Һәркемдә бар (Исем)

10) Үлчәүләрдә үлчәнми,

Базарларда табылмый,

Үзеңнеке булмаса,

Кешедән сатып алып булмый.(Бәхет)

11) Фатыйма белән Хәдичә

Бер- берсенә караша,

Килә алмыйлар янәшә (Идән, түшәм)

12) Көндез — хөрмәттә,

Кич –хезмәттә.(Юрган)

13) Мең туган бер каеш буган.(Себерке)

14) Дүрт татар хатыны бер яулык ябынган(Өстәл)

15) Нәрсә өстәл янында бик кирәк? (Авыз)

8 нче конкурс Иң истә калган вакыйга.

Әниләре балаларының кечкенә вакытларын искә төшереп китсеннәр әле. Алар белән булган кызыклы вакыйгаларны искә төшереп безгә дә сөйләтик әле үзләрен.

9 нчы конкурс Жырны танып бел». Русчалатып эйткэндэ «Угадай мелодию».

Балалар жырларын белэлэр микэн энилэр,эйдэгез, сынап карыйк.

10 нчы конкурс Шигырь

Бәйгебезнең алдагы биреме шигырь юллары белән бәйле. Без сезгә танылган шагыйрьләребезнең шигырь юлларын укырмын. Сез аларны дәвам итәргә, аның исемен, авторын әйтергә тиеш буласыз.

— Әйдәле, маэмай, өйрән син… Г.Тукай

—-:   Җырларым, сез, шытып йөрәгемдә…(М.Җәлил)

—:    Нэкъ Казан артында…Г.Тукай)

—-     Иртәнге таң нурыннан…(М.Җәлил)

11 нче конкурс – Баек «Оста биюче» дип атала. Лезгинка восточный татар башкорт мари ??? рус

А.б. Кадерле әниләр! Конкурс ахырына якынлаша. Ә хәзер жюри бәйгегә йомгак ясаган арада укучылар башкаруында кунелле бию – «Хорошее настроение»

. 
А.б. Кадерле тамашачылар! Жюри бәйгегә йомгак ясады. Хәзер сүзне аларга бирик. 
Жюри конкурс нәтиҗәләре белән таныштыра. 
А.б. Хөрмәтле әниләр! Бәйгебез тәмам. Килүегезгә, бәйгедә катнашуыгызга зур рәхмәт! Алдагы тормышышызда зур уңышлар, сәламәтлек, бәхет теләп калабыз.

Сезнен белэн хушлашырга

Матур сузлэр эзлибез.

Тормышыгыз гузэл булсын.

Ак бэхетлэр телибез!

  Без телибез сезгә олы бәхет,

Күңелләрдә булган саф хисләр,

Озын гомер, якты тыныч тормыш-

Безнең сезгә әйтер теләкләр.

 Киләсе очрашуларга кадәр, сау булыгыз! 

Государственное бюджетное образовательное

учреждение «Ново — Кинерская школа-интернат

для детей с ограниченными возможностями здоровья»

Ибрагимова Гульнур Марсельевна

«Ягез әле, кызлар»

Максат:

• Балаларда әниләренә карата мәхәббәт тәрбияләү, зирәклек, тапкырлык тәрбияләү;

• Матур сөйләм телен үстерү;

• Үзара ярдәмчеллек, үз фикерен әйтә белү осталыгы тәрбияләү.

Шушы уңайдан без сезгә “Ягез әле кызлар — йолдызлар” бәйгесен тәкьдим итәбез. Бәйгедә кечкенә төркемдәге кызларыбыз катнаша. Әйдәгез аларны кул чабып каршы алыйк әле. Менә ул безнең сылу кызларыбыз Эльвина, Лиана, Гөлчәчәк, Адилә, Мамак, Алла, Арина, Алисә.

Бу бәйгедә һәр кыз бала үзе өчен көрәшә һәм нинди дә булса номинацияга лаек булачак.

А.б.

Хәзер дуслар, көч сынашыйк,
Батырлар алга чыксын.
Һәр сылукай уенда осталыгын.
Зирәклеген, тапкырлыгын,
Булганлыгын күрсәтә алсын.

Һәр уен танышудан башлана, шулай бит.

Бездә 1 бәйгебезне “Үзең белән таныштыр”

дип алдык.

Кызлар танышырга әзерләнәләр.

Ә без бүгенге ярышта хөкем карарын чыгаручы жюри әгъзәләре белән танышып үтик әле…

Кызлар сез әзермә? Башладык.

Әфәрин кызлар — йолдызлар, бик матур итеп үзегез белән таныштырдыгыз.

А.б.

Пөхтә итеп өйне җыям,

Гөлләремә су сибәм.

Курчакларымны йоклатам,

Еласалар, юатам.

Менә ничек тырышам,

Әниемә булышам.

2 бәйгегебез “Әниемә булышам” дип атала.

Без инде һәрберебездә әниләребезгә булышырга яратабыз, шулай бит! Менә шундый ситуция, иртән әнинең эшкә, ә сезнең мәктәпкә барасы бар, ә энеләрегезне балалар бакчасына илтәсе бар, аны киендерегә кирәк. Әниегезнең энегезне киендерергә вакыты юк. Сез бу очракта нишлисез? (кызлар җавап бирә) Бик дөрес, сез хәзер дөрес һәм матур итеп энеләрегезне киендерәсез. Башладык.

Әйдәгез карап китик әле, безнең кызларыбыз энеләрен дөрес киендерделәр микән? Әфәрин кызлар, бу бәйгедәдә тырыштыгыз.

Кызларыбыз әз генә ял итеп торсыннар, ә хәзер егетләребез башкаруында җыр тыңлап үтик: “Кызлар” дип атала.

Әфәрин егетләр, булдырдыгыз.

А.б.

Үз телемдә шигырь укыйм,

Үз телемдә сөйли алам.

Туган җирем, туган илем,

Мин бит синнән, илһам алам.

3 бәйгебез “Шигырь сөйләү” бәйгесе. Бу бәйгене мин өй эше итеп биргән идем.

Ә хәзер кызлар – йолдызларыбызның шигырь сөйләгәннәрен тыңлап үтәрбез.

Эльвина: Йөзеңне шифалы Яңгырлар югандыр, Табигать, йөрәк дип Кояшны куйгандыр. Гел шулай нур сибеп Яшә син, әнием! Йөрәгең җылысын Тоялсын нәниең.	Лиана: С Днем восьмого марта, С праздником весенним! Солнышко приносит Звонкое веселье. Пусть тепло настанет, И уйдут морозы, Пусть подарит нежность Веточка мимозы!
Гөлчәчәк: Кем сокланмас шушы гүзәллеккә! Кем сөенмәс күреп яз ямен! Иң зур бәхет – дуслык, тынычлыкта Каршы алу язлар бәйрәмен! Бигрәк тә әни бәйрәмен!	Адилә: Әнием-гел балкып тора Күктәге йолдыз кебек. Мин дә тырышам булырга Газиз әнием кебек! Өйрәтәсең һәр нәрсәгә Зур сабырлыклар белән. Рәхмәт әйтеп тәбриклим, 8 нче март белән
Мамак: Мама приласкает, Мама подбодрит. Если поругает, То всегда простит. С нею мне не страшен Никакой злодей. Нет добрей и краше Мамочки моей!	Алла: На 8 Марта Бабушке и маме С папой торт красивый, Испекли мы сами. Сделать нашим мамам Мы сюрприз старались, Но они, похоже, Как-то догадались
Арина: В день 8 Марта стих я прочитаю И маме скажу прямо — тебя я обожаю, Люблю я очень сильно, И в праздник добрый этот Желаю быть красивой, Удачи и успехов.	Алисә: Тузаннарны сөртеп чыктым Коедан су китердем Әни эштән кайтуына Бөтен эшне бетердем. Булмәләрне жыештырдым, бар җир ялт итсен әле, Үзенең бәйрәмендә бер, Әни ял итсен әле…

Әфәрин кызлар, бик матур сөйләдегез.

4 бәйге “Сәдәф тагу, ягъни төймә тагу” булыр. Бу бәйгедә кызларга кеченә ситса кисәге бирелә, алар шуңа төймә тагып күрсәтерләр. Кызлар энәләр белән сак булырга кирәклеген сез инде беләсез. Башладык.

Кызларыбыз төймә таккан арада, бәйрәмебезне иң акыллы малайлар дәвам итә.

А.б.

Кызып–кызып бәхәсләшә

Бүген бездә малайлар.

Артур: Минем әни пәрәмәчне

Шундый тәмле пешерә.

Телеңне йотарсың, малай,

Ашап карасаң, менә.

Ранис: Өчпочмакка җитми инде,

Ни генә әйтсәгез дә.

Әнием кебек берәү дә

Пешерә белмидер лә.

Инсаф: Камыр тылсымга әйләнә

Минем әни кулында.

Кәнфит-прәннек кирәк түгел

Гөбәдия барында.

Адель: Мактанышмагыз, малайлар,

Иң оста минем әни.

Сумса, пилмән, мантыйларны

Вәт пешерә, билләһи.

А.Б: Менә шулай берсен-берсе

Уздырышып малайлар,

Тәмле әйберләр ашагач,

Әниләрен мактыйлар.

Әфәрин егетләр.

Кызларның эшләрен жюрига күрсәтәбез.

А.б:

Биючеләр биегәндә,

Идәннәре бөгелә.

Биючегә сүз әйтмәгез,

Аның биисе килә.

Әйдәгез кызларыбызга уен уйнатып алыйк әле.

“Кәгазь өстендә бию”, биегәндә аяклар кәгазьдән чыгарга тиеш түгел. Кем кәгазьдән чыга шул җиңелә.

А.б.

Табышмак – ул бик кызык,

Җавабын уйлап табыйк.

Җавап табу җиңел түгел,

Шулай да тыңлап карыйк.

5 бәйге “Интеллектуаллар” дип атала. Бу бәйгедә кызлар табышмакларның җавапларын әйтергә тиеш булалар. Табышмаклар бары тик кызларга бирелә, урыннан кычкырмыйбыз. Киттек.

1. Сакалы бар, акылы юк, ул нәрсә? (Кәҗә)

2. Үзе суфый, үзе урлаша. Әле тотсаң тырнаша. (Песи)

3. Кош тугел койрыклы. (Балык)

4. Зимой белый, летом серый.. (Заяц)

5. Җәй буе ял итәләр, кышын тәпиләп китәләр ( Чаңгы)

6. В это день гурьбой веселой,

Дружно мы шагаем в школу. (1сентября).

1. Зимой и летом одним цветом (Елька)

2. Мамык юрган, кат-кат сырган. Үзе бик суык. ( Кар)

Әфәрин кызлар, табышмакларны да чиштегез.

А.б. — Чәчәкләр яныннан бик сирәк кеше генә игътибарсыз үтеп китәдер. Чәчәк яраткан кеше усал булмый, ди Венгер халык мәкале.

6 бәйге “Чәчәк ябыштыру” бәйгесе Һәр кызгада картоннар һәм киселгән төсле кәгазь полоскалар һәм клей бирелә, алар шул кәгазьләрдән чәчәк һәм аныд яфракларын ябыштырырга тиешләр. Башладык.

А.б:

Бие дускай бие әле,

Биегәнне күрсеннәр.

Баскан җирдә ут чыгара,

Бу малайлар дисеннәр.

Кызларыбыз чәчәкләрен ябыштырган арада, егетләребез башкаруында “Детство” биюен карап үтәрсез. Әфәрин егетләр.

Әйдәгез кызларның ябыштырган чәчәкләрен карап китик әле.

7 бәйге “Һәрберсе үз урынына” кызлар сезнең каршыгыздагы тәлинкәдә ике төрле ярма, фасоль белән борчак буталган. Сез шул буталган ярмаларны берсен бер савытка, икенчесен икенче савытка аерырга тиеш буласыз. Аңладыгызма? Башладык.

Кызларыбыз ярмаларны аерган арада, сүзне егетләребезгә

бирәбез.

Адель: Энием, энием. Ин кадерлем син минем. Мин сине яратып, Иркэлэп торырмын. Мин сина тормышта Таяныч булырмын.	Инсаф: Әкрен генә карлар ява. Дөнья бик юмарт бүген. Бүген әниләр бәйрәме, Шуңа күңелем шат минем. Иң кадерле кешеләрне Кадерлибез, зурлыйбыз. Чын күңелдән һәммәгезне Бәйрәм белән котлыйбыз.
Мелетий: Месяц март, Месяц март, Маму я поздравить рад! Подарю открытку ей, Пожелаю тёплых дней, Пожелаю не болеть, Не скучать и не стареть! Понапрасну не грустить, А смеяться и шутить! Всех улыбкой заряжать И почаще отдыхать!	Ранис: Өйдән чыгып киткән чакта Иртән мәктәпкә диеп, Кем ул:- Исән йөр, балам, -дип, Озатып кала сөеп? Йә кем булсын, кемнең шулай Сүзләре татлы тагы? Шулай ярата белә бит Минем Әнием бары

Әфәрин егетләр.

8 бәйге “Кем җитез” дип атала. Бу бәйгедә кызлар бик җитез генә башларына яулык бәйләргә һәм алларына алъяпкыч ябарга тиеш булалар. Әфәрин кызлар бик җитез булдыгыз, әниләрегезгә булышырга сез әзер, шулай бит.

Статистиклар санавынча, 4 кешелек гаилә караучы әни уртача ел эчендә 18 мең чәнечке, пычак, кашык, 13 мең тәлинкә, 8 мең чашка юа икән.
Ә шул савыт – сабаның авырлыгы, кухнядан аш өстәленә кадәр ташыганда, елына 5 тоннага җитә икән.
Әле сез беләсезме икән, әниләр ел буенча уртача өйдә һәм кибетләрдә йөргәндә 2 мең километр юл үтә икән.

Кыскасы әни, әни инде ул. Ул бит әле шуның өстенә серле дә, кабатланмас та, сөйкемле дә — хатын – кыз!

Безнең бәйгеләребез тәмам, жюри кызларыбызга номинацияләр билгеләгән арада без шигырьләр сөйләп, җыр тыңлап үтәрбез.

Артур: Сезнең белән хушлашырга Матур сузләр эзлибез. Тормышыгыз гузәл булсын. Ак бәхетләр телибез! Без сезне бик яратабыз Бәйрәм белән котлыйбыз! Буләк итеп бүген  сезгә, Бер матур җыр җырлыйбыз.

Вова: Мы для вас родных, любимых, Песню лучшую споём. Пожелаем дней счатливых, Поздравляем с Женским днём.

Җыр “Мамочка милая.ю мама моя”

Ә хәзер сүзне жюри әгъзаларына бирәбез. Кызларыбызның кайсысы уңганнардан да уңганрак, зирәкләрдән дә зирәкрәк икән.  Рәхим итегез.

Кызларга грамоталар, бүләкләр тапшырыла.

Кызларыбызны шулай бәяләгәнегез өчен сезгә бик зур рәхмәт.

Кызларыбыз, егетләребезгә дә безнең күңелне ачканнары, ял иттергәннәре өчен рәхмәт белдерәбез, аларга укларында уңышлар, сәламәтлек, шатлык һәм бәхет телибез.

Шушының белән «Ягез әле, кызлар!» бәйгесе тәмам.

Игътибарыгыз өчен рәхмәт. Сау булыгыз.

Ягез әле, кызлар!

Залга түбәндәге плакатлар эленгән:

Бүген була КВН-

Гаҗәп күңелле уен!

Кызларыбыз көч сынаша,

Менә була тамаша.

“Без туган илебезне, туган телебезне һәм газиз аналарыбызны яратабыз”.

“Яктылык-кояш янында, яхшылык-ана янында”.

Алдан өй эше бирелә.Командалар әти-әниләр турында мәкальләр, әйтемнәр, шигырьләр, җырлар өйрәнергә, бер милли аш пешереп алып килергә, концерт номерлары әзерләргә тиешләр.

КВНда ике команда катнаша: әкрен генә “Бәйрәм бүген” (Җ.Фәйзи көе, Г.Тукай сүзләре) җыры яңгырый.

Алып баручы: Кадерле укытучылар һәм укучылар! Без бүген сезнең белән яраткан бәйрәмебез- 8нче Март бәйрәменә багышланган КВНга җыелдык.

Бәйгебездә ике команда көч сынаша. Уенда бары тик эшкә уңган, тапкыр, матур,зирәк кызларыбыз гына катнаша.

Музыка яңгырый, сәхнәгә командалар чыга. Сәламләү өчен сүз бирелә.Бер-берсен сәламлиләр, девиз һәм җырлары белән таныштыралар.Капитаннар әзерләгән бүләкләрне хөкемдарларга тапшыралар.

Алып баручы: Хәзер, дуслар, көч сынашыйк,

Батырлар алга чыксын.

Һәр сылукай КВНда

Осталыгын,

Зирәклеген,

Уңганлыгын күрсәтсен.

Капитаннарга беренче бирем: әниләрне бәйрәм белән котлап текст язарга.

Икенче бирем: (ручка,кәгазьләр бирелә) ата-ана турында мәкальләр язарга. Кайсы команда билгеләнгән вакыт эчендә күбрәк мәкаль уйлар?

Алып баручы: “Кем тизрәк?” уены.(Һәр командадан берәр кеше курчак киендерә)

Алып баручы: Ә хәзер сезгә өй эшенә бирелгән иде, һәр командадан берәр концерт номеры әзерләргә диеп, шуларны башкарабыз.

Алып баручы: (Ручка,дәфтәр битләре бирелә) Нинди хатын-кыз композиторларны беләсез, исемлеген языгыз. (хөкемдарларга тапшырыла)

Алып баручы. Әниләргә багышланган җыр исемнәрен атагыз.(Мәсәлән, “Әниемнең җылы кочагы”(Ә.Бакиров көе, М.Мазунов сүзләре), “Әнием миләше” (Г.Сәйфуллин көе,М.Хөсәен сүзләре), “Балан” (татар халык көе, Х.Мөдәрисова сүзләре) , “Су буеннан әнкәй кайтып килә” (Л.Батыр-Болгари көе, М.Галиев сүзләре) һ.б.)

Алып баручы: Ә хәзер тасмадан җырлар тыңларсыз һәм җырларның исемнәрен дөрес итеп әйтергә кирәк булыр.(Тасмада җырның бер өлеше яңгырый )

Алып бапучы: Һәр командадан бер кеше кирәк булачак, алга чыгып, күзе бәйләнгән килеш кыз рәсеме ясый.

Алып баручы: Ә хәзер музыкаль тәнәфес ясап алырбыз, ул арада хөкемдарлар һәр ярышка аерым анализ ясап, нәтиҗә чыгарырлар. Тәнәфестән соң сүзне аларга бирербез.

Бию.

Алып баручы: хөкемдарлар рәхим итегез, сүз сезгә. (нәтиҗә ясыйлар)

Алып баручы: Киләсе биремебез мондый булыр. Ике командадан да берәр кеше алга чыга, буш шакмакларга берәр иҗек яза, анда биш кызлар исеме килеп чыгарга тиеш.

	фи

Зөлфия,Әлфия,Нурфия,Әлфинур, Зөлфинур.

	ли

Лилия,Гөлия,Галия, Алия, Зәлия.

Алып баручы. Ә хәзер җыр ярышы.Беренче команда нинди булса да бер җырны башлый һәм туктап кала, ә икенче команда беренче команданың җыры нинди хәрефтә туктап калган булса, шундый ук хәрефкә икенче җыр башкарырга тиеш. Мәсәлән, Гөлнарым-м- Мин сине шундый сагындым…

Алып баручы. Хатын-кыз язучыларны, шагыйрьләрне, җырчыларны атарга кирәк, чиратлап. Беренче команда башлый.

Алып баручы: Ә хәзер үзегез артист булып күрсәтегез инде. Һәр командага өй эше итеп скетч әзерләргә кушылган иде. Рәхим итегез.

Алып баручы. Мәкальләрне дәвам итегез. Беренче команда белмәсә, икенче команда әйтә һәм очко аларга языла.

1 команда.

Алтмышка җитсен бала,

Ана өчен… (һаман бала).

2 команда.

Ана балага авызыннан… (өзеп каптыра).

1 команда.

Ана күңеле балада,… (бала күңеле далада).

2 команда.

Ата-анасына игелек күрсәтмәгән,

Олыгайгач үзе дә … (игелек күрмәс).

1 команда.

Ата-анасын хурлаган

Үзен … (хурлаган булыр).

2 команда.

Ачтан үлсәң дә,

Ата-анаңны …(ташлама).

1 команда.

Аю да баласын аппагым, ди,

Керпе дә баласын… (йомшагым, ди)

2 команда.

Тән биргән дә ана,

Җан биргән дә ана,… (тел биргән дә ана).

Алып баручы.Ә хәзер командалар үзләре алып килгән милли ризыкны һәм аны пешерү рецептын тәкъдим итәләр.

Музыкаль тәнәфес . Егетләр :”Эх,сез матур кызлар” җырын башкаралар.

Алып баручы. Ә хәзер хөкемдарларга сүз бирәбез. (нәтиҗә ясала, катнашучыларга һәм хөкемдарларга рәхмәт әйтелә).

Адрес публикации: https://www.prodlenka.org/metodicheskie-razrabotki/40054-jagez-le-kyzlar

Фойеда конкурста катнашучы хатын-кызларның пешергән, теккән, чиккән, бәйләгән, кулдан эшләгән хезмәтләренә күргәзмә оештырылган. Сәхнәдә, арткы планда нурларын сибеп торган зур кояш рәсеме эленгән. Кояш түгәрәге уртасына: «Кояш гомере телим мин, әнием, сиңа» дип язылган.

Түрдә өстәлләр тезелгән һәм бәйгедә катнашучыларның һәрберсе өчен урындыклар куелган. Бәйгедә биш-алты хатын-кыз катнашырга мөмкин. Сәхнәгә егет белән кыз чыга.

Кыз. Кем дөньяга кеше бүләк итә,
Ә кешегә якты дөньяны?
Тойгылары кояш кебек кайнар.
Эретерлек гранит кыяны?

Егет. Кем күңеле тулган айдай серле.
Язлар сыман назлы, ягымлы?
Шатлыкларын башкаларга бүлеп.
Кайгыларга түзем, сабырлы?

Кыз. Кем елмая җәйге таң аткандай.
Балкып китә шундук тирә-як?
Нәфислеге гөлләр сокланырлык.
Көләчлектә аңа тиңнәр юк?

Егет. Кем куллары өйне, җирне ямьли.
Изгелеге үлчәү тапкысыз?
Ул, әлбәттә, яшәү чыганагы,
Тормыш яме — Әнкәй, хатын-кыз!

Беренче алып баручы. Хәерле кич, хөрмәтле тамашачылар! Исәнмесез!

Икенче алып баручы. 8 нче март — Халыкара хатын-кызлар көненә багышланган «Ягез әле, әниләр!» исемле бәйгене башларга рөхсәт итегез.

Беренче алып баручы. Хөрмәтле әниләр, әбиләр, апалар, сеңелләр! Сезнең барыгызны да язның беренче бәйрәме — Халыкара хатын-кызлар көне белән чын күңелдән котлыйбыз.

Икенче алып баручы. Сезнең барыгызга да озын гомер, нык сәламәтлек, тыныч, матур тормыш, шатлыклы, бәхетле көннәр телибез.

Беренче алып баручы. Хәзер яңгыраячак җыр, кадерле хатын-кызларыбыз, сезгә бүгенге бәйрәм сәламе булып ирешсен. И. Закировның Р. Миңнуллин сүзләренә язылган «Әнкәмнең догалары» җыры.

Икенче алып баручы (җырдан соң). Хөрмәтле тамашачылар, хәзер бәйгедә катнашучы әниләрне сәхнәгә чакырабыз. Рәхим итегез, кадерле әниләр!

(Хатын-кызлар сәхнәгэ чыгалар.)

… белән якыннан таныштырып үтәбез мәктәбендә

… елга якын укытучы булып эшли. Тормыш иптәше … белән … исемле кыз һәм … исемле егет үстерәләр. … һәм кечкенә … дә бүгенге бәйгедә әниләрен яклаучы булып катнашачаклар. (Шул тәртиптә әниләр белән таныштыралар.)

Беренче алып баручы. Бәйгене башлаганчы, сезне бүгенге кичәдә исәп-хисап алып баручы жюри әгъзалары белән таныштырып үтәбез.

Икенче алып баручы (жюри әгъзалары белән таныштыра ). Хөрмәтле жюри, билгеләнгән урыннарыгызны алыгыз.

Беренче алып баручы. Хөрмәтле тамашачылар, кадерле әниләр, бәйгене башлыйбыз. Беренче тур «Каенанага хат» дип атала.

Икенче алып баручы. Бәйгенең шарты белән таныштырып үтәбез: сез үзегезне каенана белән аерым яшисез дип хис итегез. Алай гына да түгел, сез ирегезнең әти-әнисеннән бик еракта яшисез һәм инде бер ел буена алар белән очрашмагансыз һәм шушы вакыт эчендә бер хат та язмагансыз. Һәм менә, ниһаять, бер ел вакыт узгач, каенанагызга хат язарга булгансыз.

Беренче алып баручы. Бу катлаулы бурыч алдында кыен хәлдә калмасыннар өчен, әниләргә хатны өйләрендә язып килергә мөмкинлек биргән идек. Хәзер без ал арның каенаналарга өйдә язып килгән хатларын тыңлыйк. Рәхим ите-
гез, киленнәр. (Хатлар укыла.)

Икенче алып баручы. Хөрмәтле дуслар! Без әниләр белән таныштырганда, һәрбер катнашучы әнинең яклаучылары да килгән дип әйткән идек инде. Хәзер сәхнәне …нең яклаучылары: тормыш иптәше …га һәм кызы …га бирәбез. Рәхим итегез.

Беренче алып баручы. Хөрмәтле тамашачылар, бәйгебезне дәвам итәбез. Кадерле әниләр, сезнең һәрберегезнең газиз балалары бар. Бала йоклатканда нинди бишек җырлары җырладыгыз икән?

Икенче алып баручы. Бәйгебезнең икенче туры — бишек җыры башкару. (Сәхнәгә өстән бау белән бишек төшерелә. Бишектә бәби урынына курчак ята.) Рәхим итегез, кадерле әниләр. (Әниләр җыр башкара.)

Икенче алып баручы. Хөрмәтле дуслар, әниләребез алдагы турга әзерләнгән арада, без сәхнәгә аларның яклаучыларын чакырабыз. Рәхим итегез.

(Яклаучылар концерт номерлары башкаралар.)

Беренче алып баручы. Бәйгебезне дәвам итәбез. Балалар бишек җырлары гына түгел, ә әкиятләр сөйләгәнне дә бик яратып тыңлыйлар. Әмма бер сөйләгән әкиятне берничә кат сөйләп тә булмый. Шуңа күрә бөтенләй булмаган яңа әкиятләр уйлап чыгарырга туры килә.

Икенче алып баручы. Кыскасы бу тур — әкиятләр туры. Бу турга да әниләргә өйләрендә үк әзерләнеп килергә мөмкинлек бирелгән иде. Хәзер без аларның үзләре чыгарган әкиятләрен тыңлыйк. Рәхим итегез!

(Әкиятләр сөйләгәннән соң әниләргә ял бирелә һәм концерт номеры башкарыла.)

Беренче алып баручы. Хөрмәтле тамашачылар, кадерле әниләр, белгәнегезчә, безнең райондагы … дә …, … авылында …, … авылында … кебек шигырь осталары яши. Безнең теләгебез: шигырь язучылар һәм шигырь сөючеләр күбрәк булсын иде. Шуны искә алып, без бүгенге бәйгегә шигъри сәләт турын керттек.

Икенче алып баручы. Бәйгенең шарты; без әниләргә конвертлар әзерләдек. Конвертлар эченә уникешәр сүз язылган кәгазьләр салынган. Шул сүзләрне кертеп, әниләр өч куплетлы шигырь язарга тиешләр. Рәхим итегез, әниләр, конвертларны алыгыз. Сезгә ун минут вакыт бирелә. Башладык. Конверт эченә язылган сүзләр: «әнкәй», «бишек», «шатлык», «кайгы», «назлап, «игелек», «изгелек», «җырлар», «гомер», «үскән», «хәтерлим», «кадерле».

Беренче алып баручы. Хөрмәтле тамашачылар, күргәнегезчә. Мәдәният йортының фойесында без әниләр хезмәтләренә күргәзмә оештырдык. Жюри әгъзалары бу күргәзмә белән таныштылар һәм хәзер аларга бирелгән бәя белән сезне дә таныштырып үтәчәкләр. Рәхим итегез.

Жюрига сүз бирелә, күргәзмәдәге әйберләргә урын билгеләнә.

Икенче алып баручы яклаучыларга сүз бирә.

Беренче алып баручы. Хөрмәтле шагыйрьләр, без сезнең шигырьләрегезне тыңларга әзер. Рәхим итегез!

(Шигырьләр укыла.)

Икенче алып баручы. Кадерле әниләребез бәйгенең алдагы турына әзерләнә торсын, ә без сәхнәгә аларның яклаучыларын чакырабыз. (Яклаучылар сүз ала.)

Беренче алып баручы. Хөрмәтле дуслар, бу турда катнашучылар үзләре теләгән номерны башкаралар — гаилә әгъзалары белән җырлыйлар, бииләр, фокуслар күрсәтәләр яки берәр комедиядән өзек куялар. Бу турда да аларга өйләрендә хәзерләнеп килергә мөмкинлек бирелде. Рәхим итегез!

Икенче алып баручы. Соңгы алтынчы турга кадәр әниләргә бераз ял бирәбез. (Җыр.)

Беренче алып баручы. Хөрмәтле тамашачылар, әниләр! Бүгенге бәйгенең соңгы туры — үзешчән сәнгать туры. Бу турда безнең әниләребез төрле халыкларның биюләрен башкарырга, артистлар булып җырларга тиешләр.

Икенче алып баручы. Без аларга имтихан биргәндәге кебек билетлар әзерләдек. Билетларда кайсы артистка булып җырларга һәм кайсы милләт биюен башкарырга икәнлеге күрсәтелгән. Рәхим итегез, әниләр, билетларны алыгыз. Әниләр билетларны алалар. Билетта язылган номерларны башкаралар.

Беренче алып баручы. Хөрмәтле тамашачылар, «Ягез әле, әниләр!» бәйгесенең җиңүчесен билгеләр вакыт җитте. Сүзне жюрига бирәбез. Жюри бәйгенең барлык турларына да йомгак ясый, җиңүчеләрне билгели. Балалар җыр һәм бию ансамбле бәйгедә катнашучы хатын кызларга чәчәкләр һәм истәлекле бүләкләр тапшыралар һәм Ф. Әхмәдиевнең Г. Зәйнашева сүзләренә язылган «Җырлыйм әнием турында» дигән җырын башкаралар.

Беренче алып баручы. Кадерле әниләр, сезгә бүгенге бәйгедә катнашуыгыз өчен зур рәхмәт. Ә без, хөрмәтле тамашачылар, сезнең белән саубуллашабыз. Киләсе очрашуларга кадәр!

— Саумысыз,кадерле укытучылар.УКУЧЫЛАР,кунаклар!.! . Көннең яктылыгы – кояшта,күкнең матурлыгы – йолдызларда, җирнең гүзәллеге – кызларда. 8 март хатын – кызларны олылау көне, матурлык бәйрәме. Әлеге бәйрәм башка бәйрәмнәрдән яктырак та, җылырак та, мөлаемрак та шикелле. Шуңа күрә дә менә бу бәйрәмне кешелек дөньясы 1913 нче елдан ук бәйрәм итеп килә. Сезне бөтен җир йөзен бизәгән яз бәйрәме – Халыкара хатын – кызлар көне белән тәбриклибез. Сезгә озын гомер,елмаеп балкыган кояш матурлыгы,укуыгызда зурдан – зур уңышлар телибез.

Без бүгенге кичәбезне гүзәл һәм уңган кызларыбызга багышлыйбыз. Кичәбезнең исеме дә «Ягез әле, кызлар!» дип атала .

Әйдәгез, хөрмәтле тамашачылар, кул чабып кызларыбызны сәхнәгә чакырыйк. (кызлар чыга).(Музыка)

— Хөрмәтле дуслар! Һәр очрашу танышудан башлана. Менә шул дулкынландыргыч минутлар килеп житте. Иң элек без бүгенге бәйгене бәяләячәк жюри әгъзалары белән танышып китик.

Сезнен алдыгызда берсеннэн берсе гузэл,сойкемле,акыллы,назлы кызлар.Эйдэгез алар белэн якынрак танышып китик.Конкурснын беренче шарты-узен белэн таныштыру.

—Кызлар бик матур чыгыш ясадылар. Р эхмэт.

Бу шигырьне ——-кызлрга багышлый.

Эх замана сылулары,кызларнын кыюлары

Кузлэреннэн очкын сибеп Елмаеп колулэре

Их атлап китулэре

Оздереп биюлэре кунеллэрне аллы голле

Хислэргэ торулэре.

Э Хәзер, дуслар, көч сынашыйк

            Батырлар алга чыксын      

            Һәр сылу кыз осталыгын,

            Зирәклеген, тапкырлыгын,

            Булганлыгын танытсын.

конкурсларга кучэбез. “Тәлинкәдә нәрсә?” конкурсы. Командалардан 1әр кыз чакырыла. Күзен бәйләгән килеш ул тәлинкәләргә салынган он, шикәр комы, дөге, карабодай, тары, тозны кул белән генә капшап нәрсә икәнен белергә тиеш.

(конц номер)

-ярышны дәвам итәбез. Кунак булып кайсы гына утырмага барсалар да, кызларыбызның кул эшләре йөзне кызартырлык түгел. Ягез әле кызлар күз нурларыгызны, күңел жылыгызны кушып шушы эйберлэрдэн берэр бизэнгеч(браслет или тоймэ) эшлэгез.2 кыз .

Э бу вакытта кызларны котлап —-чыгыш ясыйлар.

Бэйрэмебезне бию белән дәвам итэбез. «Жиңел сөякле, коштай очып кына йөри, аяклары жиргә тими»- диләр биюче турында.

Биюченең итәкләре

Бии -бии кыскара.

Биючегә сүз әйтмәгез

Бии –бии остара.

Э хэзер сезнен алда кызлар башкаруында бию.

Конкурс “Интеллектуаллар” Командаларга сорау бирелә. Бер дөрес җавап өчен 1 балл.

1.Һәркемдә дә бар. (исем)

2. Күңелсезгә — юаныч, күңеллегә куаныч. (җыр)

3. Ялгыз гына ашалмый, аннан башка эш бармый. (тоз)

4. Үзе су, үзе каты. (боз).

5.Борынгы заман сәгате. (әтәч)

6. Нәрсә өстәл янында бик кирәк? (авыз)

7. Нинди савыттан эчеп булмый. (буш)

8. Сыер ни өчен ята? (утыра белмәгәндә)

9. Кара мәче нинди ишектән керә? (ачык)

10. Ашлыкны ни өчен чәчәләр? ( утыртып булмаганга)

11. Нәрсәне әзерләп була, ашап булмый. (өстәлне)

12. Күлмәкне урталай яргач, нәрсә була. ( күл+мәк)

13. Ак кыныдыр үзләре, ялтырыйдыр күзләре. (йолдыз)

14. Казанның уртасында ни бар? (з авазы)

(конц ном)

-Тапкыр сүз, җор теллелек, зирәклек хас безнең халыкка. Менә бүгенге кичәдә дә бирелгән сораулар алдында югалып калмыйча, кызлар үзләренең белемнәрен, тапкырлыкларын күрсәтерләр дип ышанып калабыз. Сезгэ ике ситуация.1) К е ше белэн тулы ав тобуста сезнен ор-яна блузкагызга кемдер томат согы тукте.Сез нихэл итэсез?К кинэшлэшеп 1 жавап бирэ.2)Сезнен туфлиегызнын укчэсе тоште ,барасы жир бик ерак.

(стих Азамат .Татар кызы…Бу исемдә

Күпме тылсым, күпме сер!

Нечкә билле бу сылуга

Сокланып син бакчы бер!

Иман нуры балкый аның

Ай кебек йөзләрендә

Зыялылык, инсафлылык

Гап-гади сүзләрендә

Тал чыбыгы кебек нечкә билле,

Яз кояшы кебек сөйкемле.

Дөньяларда иң-иң гүзәл зат та,

Татар кызы гына шикелле

Э хэзер художниклар ярышы.Бодай бортеклэреннэн 8 мартка рэсем ясарга.( конц)

-Килэсе конкурс.”Буш суыткыч “ дип атала.Шушы суз тезмэсенэ ке ргэн хэрефлэрне остэп ризык исемнэре язарга.татарча сузлэр булса бигрэк тэ хуплы булыр иде.2шэр кыз.кем тизрэк?

-Э хэзер ой эшен тикшерэбез.Кызларга кара каршы эйтер очен такмаклар эзерлэргэ кушылган иде.

— Стих Күзләреңнең каралыгын

         Шомыртлардан алдың мәллә?

         Су буенда  гына үскән

         Зифа талдай синең гәүдәң.

         Үкчәләрең җырын тыңлап,

         Хыялларга бирелеп китәм

Әй, син, горур татар кызы,

         Кем бар синдәй бүтән

-Аш-су олкэсендэ дэ бер конкурс кирэктер.Булган ризыклардан тиз салат эшлэргэ.

-Кызлар салат эзерлэгэн вакытта ярыш-сэнгэтле шигырь укучылар .

“Икеле алмадым “,дип

Кайтты да ул мактанды.

Бик куанды энисе,этисе бик шатланды.

Лэкин шатлык бик тиз утте.

Кайгы минуты.

Малайнын кузен каплады

Кара хурлык болыты.

Кондэлеген карадылар

Мактану-ялган иде

Малай актыгы ул конне

3 берле алган иде.

Хормэтле кызлар,э хэзер “сорауларга- жавап “ дигэн бэйге.1.нэрсэ ул бэхет?

2.килэчэктэ кем булырга телисен,ни очен?

3.сезнен очен бу тормышта кем олге булып тора?

4.яраткан шогелегез турында сойлэргэ

5.мэктэп тормышында нэрсэ ошый?

6.якын дустыгыз турында сойлэргэ.

— килэсе бэйге «Артистлар” дип атала. төрле ситуацияләр күрсәтергә:

Сезне эт тешләде.Бармагыгыз ишеккә кысылды.Сез карбыз ашыйсыз.Энәгә утырдыгыз.Туңдырма ашыйсыз.Әминәне бии-бии сөйләргә. . Кичәбез бик күңелле узды. Кызларыбыз уңганнар да, тапкырлар да, тырышлар да икән. Алар арасыннан җиңүчеләрне ачыклау җиңел булмас, дип уйлыйм. Сезне тагын бер тапкыр яз бәйрәме – Халык – ара хатын – кызлар көне белән тәбрик итәбез. Ә хәзер конкурсны йомгаклау өчен сүз жюрига бирелә.

Жюри…