“ЯГЕЗ ӘЛЕ, КЫЗЛАР!”
Кыз. Исәнмесез, хөрмәтле тамашачылар! Без бүгенге бәйрәмебезне гүзәл һәм уңган кызларга багышлыйбыз. Бәйрәмебезнең исеме дә “Ягез әле, кызлар!” дип атала. Безнең уенда бүген эшкә уңган, тапкыр, зирәк, төскә матур, сылу кызларыбыз катнаша.
Егет. Кара кашларыңның канатларын
Карлыгачлар бүләк иттеме?
Йөзең нурлы, әллә бит очыннан
Таң кояшы үбеп киттеме?
Кайдан синдә мондый гүзәллекләр,
Буй – сыннарың сылу, сөйкемле.
Уңган – юмарт та син, тыйнак та син,
Җир – әнкәнең үзе шикелле.
Кыз. Әйдәгез,хөрмәтле тамашачылар, кул чабып кызларыбызны сәхнәгә чакырыйк. (Музыка астында сәхнәгә кызлар чыгалар). Менә күрәсез, дуслар, сәхнәдә кызларның иң уңганнары, иң булганнары, иң гүзәлләре генә.
“Ягез әле, кызлар!” дип аталган бәйгебезне ачып җибәрү өчен сүзне тәрбия эшләре буенча директор урынбасарына………………………………………… бирәбез.
Егет. Кызларга уңышлар телибез. Бәйрәмебезне башлап җибәргәнче бәйгене бәяләячәк жюри әгъзалары белән танышып китик. ( Габдрахманова Рузия Шаһинуровна, Галимова Энҗе Салиховна, Хакимова Минзилә Зөфәровна, Гарифуллина Дилә Гамилевна).
Кыз. Хәзер сәламләү өчен сүзне сезгә бирәбез, кызлар. Рәхим итегез.
Егет. Кызлар шигырь тыңлый,
Шигъриятне
Яратырлар икән шул хәтле.
Яратырлар алар Есенинны,
Яратырлар алар Зөлфәтне.
Онытылып шигырь тыңлаганда
Хисләр белән тула җаннары,
Бер үзләре генә белә кызлар
Йөрәкләре ничек янганын.
Егет. Бәйгебезнең 1 ярышы шигырь юллары белән бәйле. Бәйгенең шарты: без кызларга конвертлар әзерләдек. Конвертлар эченә сүзләр язылган кәгазьләр салынган. Шул сүзләрне кертеп, кызлар шигырь язырга тиешләр. Менә сезгә кызлар конвертлар, алыгыз. Сезгә 5 минут бирелә. Башладык.
1 командага
Язның матур бер көнендә
Чыктым уйнап керергә.
Шул минутта насыйп булды
Кыр казларын күрергә.
2 командага
Бакчадагы түтәлдә
Чәчәк атты гөлләрем.
Нәкъ шул мизгелдән башлап,
Ямьләнделәр көннәрем.
3 командага
Тау башыннан карап тордым:
Инешләр – Идел сыман.
Быел безнең якларга да
Аккошлар килер сыман.
Кыз. Безнең кызлар шигырь төзегән арада, егетләр белән бер уйнап алыйк әле. (5,6,7 класслардан 1 егет чыга һәм шул егет күзе бәйләнгән кие, кыз рәсеме ясый). Егетләрнең осталыклары, тырышлыклары жюри әгъзалары белән исәпкә алына һәм инде кызлар командасына очколары туплана. Шуңа күрә, егетләр, сезгә дә бик каты тырышырга туры килер.
Егет. Кызларыбызның вакытлары бетте. Хәзер инде алар сүзләрдән нинди шигырь килеп чыкканын укып китәрләр.
Кызлар шигырь укыйлар.
Кыз. Кызлар 2 бәйгегә әзерләнгән арада, тагын бер кат егетләрне
чакырабыз. Менә, егетләр, шушындый ситуация: сезнең әниегез кунакка ките. Сез өйдә сеңлегез белән калдыгыз. Никадәрдер вакыт узгач сезнең тамак ачып китте. Сез ботка гына пешерә беләсез. Ләкин өч ярма шкафта чәчелеп кушылган. Сез аларны аерырга тиеш. (“Ярмаларны аер” уены)
Егет. Бу бәйгедә тәүге тапкыр
Чыктыгыз безнең каршыга.
Уңганмы сез, зирәкме сез –
Сыналырсыз җыр-моңда.
Җырлар булса, шундый булсын –
Җиргә шатлык сибәрлек.
Күңелләргә бәйрәм булып,
Язлар булып килерлек.
Кызлар җыр башкара.
Кыз. 3 бәйгебез – “Иң оста пешерүче”. Хәзер кызларның көнкүрештә, аш-су әзерләүдә тапкырлыгын сынап карарбыз. Киңәшләрне белгән кызлар җөмләне тәмамлый. (Сораулар командаларга бер-бер артлы бирелә).
1. Тоз дымланмасын өчен, … (тоз савытына берничә бөртек дөге ярмасы салырга кирәк).
2. Шулпа тәмле булсын өчен, … (итне салкын суга салып пешерергә кирәк. Ит пешеп җитәрәк, шулпага коры табада кыздырган кишер белән суган салсаң, шулпа тагын да тәмлерәк һәм матуррак була).
3. Камыр кулга ябышмасын өчен, … (кулны көнбагыш мае белән майларга кирәк).
4. Бавыр тәмле, йомшак булсын өчен, … (кыздырганчы 1-2 сәгать сөттә тоталар).
5. Балыкның тәңкәсе яхшырак купсын өчен, … (тиз генә кайнар суга салып алалар).
6. Бүрттергән чакта дөге изелмәсен өчен,… (кайнап чыккач, суга 2-3 кашык сөт салалар).
7. Кайнатканда сөт ташымасын өчен,… (савыт кырыен майларга кирәк).
8. Сөт кайнаткан савыт тизрәк юылсын өчен, … (аны башта — салкын, аннары җылы су белән юалар).
9. Сөт тизрәк кайнасын өчен,… (савытка бераз шикәр комы салалар).
Егет. Элек–электән милләтебезнең уңган кызлары кул эшләре белән шөгыльләнгән. Оста чигүчеләр, көмеш җеп, сәйлән, энҗе кебек калфак, түбәтәй чиккәннәр. Безнең кызларыбыз да буш вакытларында бәйләргә, тегәргә, чигәргә яраталар. Я, кызлар, күз нурыгызны, күңел җылыгызны кушып үзегез бәйләгән, бизәгән, чиккән хәзинәләрегез белән таныштырыгыз әле.
Кызлар кул эшләрен күрсәтәләр.
Кыз. Бигрәк уңган безнең кызлар. Хәзер кызларыбыз биюдә осталыкларын күрсәтергә әзерләнеп торганда, тагын бер егетләрне чакырып алыйк. Егетләр, менә минем сезгә бер соравым бар: сезнең берәр киемегездә төймә төшсә, кем тегеп бирә? (егетләр җавап бирә). Хәзер инде менә тегә белгәннәр, осталыкларын тәкъдим итә, кем белми шул өйрәнә тора.
Егет. Чулпыларын чылтыратып,
Кем бии, әнә, кара,
Әйтерсең, йөзеп бара.
Тыпырдатып биер өчен
Имән идән димәгән
Ничек шулай гүзәл икән –
Бер җире юк килмәгән.
Табигать яраткан аны
Дөньясына бер итеп.
Карап туймас нәфис итеп,
Тоташ наз һәм сер итеп.
Кыз. Кызларыбызны биергә чакырабыз. Рәхим итегез.
Егет. Кызлар алдагы бәйгегә әзерләнгән вакытта бер биеп алыйк әле. (Татар халык биюе)
Кыз. Кызлар алар бөтен яктан да уңган – булган булырга тиеш, шулай бит. Менә хәзер, кызлар, сезгә чәчәкләр ясарга туры килер: кем күбрәк, матурырак һәм тизрәк булыр. (кызлар чәчәкләр ясый).
Егет. Шушы бәйрәм дәвамында без кызларның җитезлеген, тапкырлыкларын, бию һәм җырда осталыкларын күреп киттек. Бәйрәмгә тырышып әзерләнгән кызларга, аларга тырышып очколар җыйган егетләргә рәхмәтебезне белдерәбез.
Кыз. Хөрмәтле тамашачылар, “Ягез әле, кызлар!” бәйгесенең җиңүчеләрен билгеләр вакыт җитте. Сүзне жюрига бирәбез.
Егет. Кызларыбызга безнең күңелне ачканнары, ял иттергәннәре өчен рәхмәт белдерәбез, аларга укуларында уңышлар, сәламәтлек, шатлык һәм бәхет телибез.
Кыз. Шушының белән “Ягез әле, кызлар!” бәйгесе тәмам. Игътибарыгыз өчен рәхмәт. Сау булыгыз.
- Подробности
-
Автор: Азат Галиахметов -
Опубликовано 30 Ноябрь -0001
-
Просмотров: 4477
Рейтинг: 
/ 2
Балтач муниципаль районы
МБГБУ “Кенәбаш башлангыч мәктәп-балалар бакчасы”
Ягез әле, әниләр
Галиәхмәтов Азат Мансурович I категорияле укытучы
2012нче ел
«Ягез әле, әниләр!»
Залның бизәлеше: “Тормышның язы һәм чәчәге — хатын кызлар”, дип язылган плакат эленеп тора.
Музыка астында алып баручы чыга
А.Б. Исәнмесез хөрмәтле әниләр, укучылар, килгән кунаклар! Без бүгенге кичәбезне гүзәл һәм уңган әниләребезгә багышлыйбыз. Кичәбезнең исеме дә “Ягез әле, әниләр!” дип атала. Әйдәгез, хөрмәтле дуслар, кул чабып, әниләребезне бирегә чакырыйк.
Музыка астында әниләр үз өстәлләренә чыгып утыралар.
А.б. Әниләрне командаларга бүлү өчен подностагы карточкаларны алырга тәкъдим итәм. Рәхим итегез!
Карточкалар артында 1 һәм 2саннары язылган.Һәр әни карточкалар ярдәмендә кайсы командада булуын ачыклый. Һәр команда үзенә исем сайлый.
А.Б. Менә бу өстәл артында жюри әгъзалары утыра.(жюри әгъзалары белән таныштыру) Ә хәзер бүгенге матур бәйрәм белән әниләребезне котлап җыр тыңлап китәрбез.
Җыр башкарыла
А.Б. Без бүген әниләребезнең уңганлыкларын, осталыкларын һәм җитезлекләрен тикшерербез. Ә хәзер уеныбызны башлыйк.
1нче конкурс.”Көтү куу”
А.б. Бу конкурс “Көтү куу” дип атала . Һәр командадан әниләр чиратлашып “абзарга” “көтүне куып” кертергә тиеш.
Һәр уенчы билгеләнгән арада кабартылган шарларны гимнастик таяклар ярдәмендә капкага алып барырга һәм кертергә тиеш.
2нче конкурс.”Өй эше”
А.Б. Әфәрин! Ә хәзер үзегезне укучылар дип күз алдына китерегез. Бу конкурс “Өй эше “ дип атала. Уенга икешәр әнине чакырабыз. Күз алдына китерегез, сез өй эшен хәзерләмәгәнсез,ә укытучы такта янына чакыра. Иптәшегез сезгә ярдәм итәргә ашыга. Рәхим итегез!
Һәр командадан берәр уенчы залның икенче башына баса. Икенче уенчыга дүртъюллык шигырь бирелә. Бу уенчы хәрәкәтләр ярдәмендә шигырьнең эчтәлеген аңлата. Беренче уенчы шигырьне белергә һәм сөйләргә тиеш. Кайсы команда белә, шул җиңүче була.
3нче конкурс.”Мәргән”
А.б. Бу конкурста әниләрнең төз ату осталыкларын тикшерербез. Конкурс “Мәргән” дип атала.
Һәр уенчы билгеләнгән араны йөгереп барып, баскетбол тубын кәрзингә атарга тиеш. Кайсы команда тупны күбрәк кертә, шул команда җиңүче була.
4нче конкурс. “Алфавит”
А.б. Бу уенда әниләребезнең тел осталыкларын тикшерербез. Сезгә алфавит тәртибендә балаларыгызда булган яки булдырырга теләгән уңай сыйфатларны язарга кирәк. Жюри сезнең тел байлыгыгызны һәм алфавитны белүегезне исәпкә алачак.
Һәр командага кәгазь һәм ручка бирелә. Кайсы команда тизрәк һәм күбрәк сүз яза, шул җиңүче була. Алфавитны белүләре исәпкә алына. Командалар биремне үтәгән арада җыр башкарыла.
5нче конкурс. “Йомгак”
А.б. Әниләребезгә җеп эрләү һәм оекбаш бәйләү таныш шөгыль . Хәзер сезнең кул эшенә осталыкларыгызны тикшереп китәрбез. Кем кул эшенә оста- рәхим итегез!
Һәр командадан икешәр уенчы чакырыла. Бер уенчы карандашка җеп чорнарга, ә икенче уенчы киресенчә сүтеп йомгакка чорнарга тиеш . Кайсы тизрәк биремне үти ,шул җиңүче була. Йомгакның сыйфаты исәпкә алына.
6нчы конкурс. “Кыргаяк”
А.б. Бу уеныбыз “Кыргаяк” дип атала. Сезгә бу уенда җитезлек күрсәтергә кирәк. Уенның тәртибе мондый- башта бер уенчы алда куелган кеглины әйләнеп килә. Икенче уенчы беренче уенчының биленә тотына. Аннан икәүләп әйләнеп киләләр. Өченче уенчы икенче уенчыга тотына-уен шулай дәвам итә. Барлык уенчылар катнашып беткәч, уен тәмамлана.
Залның икенче башына ике команда өчен дә бер генә кегли куела.
7нче конкурс. “Чемпион портреты”.
А.б. Һәрберегез спортны ярата, спортка битараф түгелдер. Телевидениедан көндәлек спортчыларыбыз белән танышып барасыздыр. Хәзер сез чемпионнарыбызның портретларын ясарга тиеш буласыз.
Һәр командага стенага бит беркетелгән. Уенчылар чиратлашып кеше фигурасының бер өлешен ясыйлар. Беренче уенчы баш өлешен(хоккеист), икенчесе гәүдә(биатлонист), өченчесе кул (теннесист), дүртенчесе аяк(футболист) өлешләрен ясыйлар. Кайсы тизрәк биремне үти ,шул җиңүче була. Рәсемнең сыйфаты исәпкә алына.
8нче конкурс. Капитаннар ярышы.
А.б.Бу уенга капитаннарны чакырабыз. Күз алдына китерегез, сез камыр ризыгы пешерергә җыенасыз. Ирегез кайтыр вакыт җитә ,ә камыр кабармый. Үзегез өреп кабартырдай буласыз. Ә хәзер уенга рәхим итегез.
Капитаннар шарны шартлаганчы өреп кабарталар. Кемнең шары беренче шартлый,шул җиңүче була.
А.б. Кадерле әниләр! Конкурс ахырына якынлаша. Ә хәзер жюри бәйгегә йомгак ясаган арада җыр тыңлап алыгыз.
Әниләргә багышлап җыр башкарыла.
А.б. Кадерле тамашачылар! Жюри бәйгегә йомгак ясады. Хәзер сүзне аларга бирик.
Жюри конкурс нәтиҗәләре белән таныштыра.
А.б. Хөрмәтле әниләр! Бәйгебез тәмам. Килүегезгә, бәйгедә катнашуыгызга зур рәхмәт! Алдагы тормышышызда зур уңышлар, сәламәтлек, бәхет теләп калабыз.
У вас нет прав для создания комментариев.
Фойеда конкурста катнашучы хатын-кызларның пешергән, теккән, чиккән, бәйләгән, кулдан эшләгән хезмәтләренә күргәзмә оештырылган. Сәхнәдә, арткы планда нурларын сибеп торган зур кояш рәсеме эленгән. Кояш түгәрәге уртасына: «Кояш гомере телим мин, әнием, сиңа» дип язылган.
Түрдә өстәлләр тезелгән һәм бәйгедә катнашучыларның һәрберсе өчен урындыклар куелган. Бәйгедә биш-алты хатын-кыз катнашырга мөмкин. Сәхнәгә егет белән кыз чыга.
Кыз. Кем дөньяга кеше бүләк итә,
Ә кешегә якты дөньяны?
Тойгылары кояш кебек кайнар.
Эретерлек гранит кыяны?
Егет. Кем күңеле тулган айдай серле.
Язлар сыман назлы, ягымлы?
Шатлыкларын башкаларга бүлеп.
Кайгыларга түзем, сабырлы?
Кыз. Кем елмая җәйге таң аткандай.
Балкып китә шундук тирә-як?
Нәфислеге гөлләр сокланырлык.
Көләчлектә аңа тиңнәр юк?
Егет. Кем куллары өйне, җирне ямьли.
Изгелеге үлчәү тапкысыз?
Ул, әлбәттә, яшәү чыганагы,
Тормыш яме — Әнкәй, хатын-кыз!
Беренче алып баручы. Хәерле кич, хөрмәтле тамашачылар! Исәнмесез!
Икенче алып баручы. 8 нче март — Халыкара хатын-кызлар көненә багышланган «Ягез әле, әниләр!» исемле бәйгене башларга рөхсәт итегез.
Беренче алып баручы. Хөрмәтле әниләр, әбиләр, апалар, сеңелләр! Сезнең барыгызны да язның беренче бәйрәме — Халыкара хатын-кызлар көне белән чын күңелдән котлыйбыз.
Икенче алып баручы. Сезнең барыгызга да озын гомер, нык сәламәтлек, тыныч, матур тормыш, шатлыклы, бәхетле көннәр телибез.
Беренче алып баручы. Хәзер яңгыраячак җыр, кадерле хатын-кызларыбыз, сезгә бүгенге бәйрәм сәламе булып ирешсен. И. Закировның Р. Миңнуллин сүзләренә язылган «Әнкәмнең догалары» җыры.
Икенче алып баручы (җырдан соң). Хөрмәтле тамашачылар, хәзер бәйгедә катнашучы әниләрне сәхнәгә чакырабыз. Рәхим итегез, кадерле әниләр!
(Хатын-кызлар сәхнәгэ чыгалар.)
… белән якыннан таныштырып үтәбез мәктәбендә
… елга якын укытучы булып эшли. Тормыш иптәше … белән … исемле кыз һәм … исемле егет үстерәләр. … һәм кечкенә … дә бүгенге бәйгедә әниләрен яклаучы булып катнашачаклар. (Шул тәртиптә әниләр белән таныштыралар.)
Беренче алып баручы. Бәйгене башлаганчы, сезне бүгенге кичәдә исәп-хисап алып баручы жюри әгъзалары белән таныштырып үтәбез.
Икенче алып баручы (жюри әгъзалары белән таныштыра ). Хөрмәтле жюри, билгеләнгән урыннарыгызны алыгыз.
Беренче алып баручы. Хөрмәтле тамашачылар, кадерле әниләр, бәйгене башлыйбыз. Беренче тур «Каенанага хат» дип атала.
Икенче алып баручы. Бәйгенең шарты белән таныштырып үтәбез: сез үзегезне каенана белән аерым яшисез дип хис итегез. Алай гына да түгел, сез ирегезнең әти-әнисеннән бик еракта яшисез һәм инде бер ел буена алар белән очрашмагансыз һәм шушы вакыт эчендә бер хат та язмагансыз. Һәм менә, ниһаять, бер ел вакыт узгач, каенанагызга хат язарга булгансыз.
Беренче алып баручы. Бу катлаулы бурыч алдында кыен хәлдә калмасыннар өчен, әниләргә хатны өйләрендә язып килергә мөмкинлек биргән идек. Хәзер без ал арның каенаналарга өйдә язып килгән хатларын тыңлыйк. Рәхим ите-
гез, киленнәр. (Хатлар укыла.)
Икенче алып баручы. Хөрмәтле дуслар! Без әниләр белән таныштырганда, һәрбер катнашучы әнинең яклаучылары да килгән дип әйткән идек инде. Хәзер сәхнәне …нең яклаучылары: тормыш иптәше …га һәм кызы …га бирәбез. Рәхим итегез.
Беренче алып баручы. Хөрмәтле тамашачылар, бәйгебезне дәвам итәбез. Кадерле әниләр, сезнең һәрберегезнең газиз балалары бар. Бала йоклатканда нинди бишек җырлары җырладыгыз икән?
Икенче алып баручы. Бәйгебезнең икенче туры — бишек җыры башкару. (Сәхнәгә өстән бау белән бишек төшерелә. Бишектә бәби урынына курчак ята.) Рәхим итегез, кадерле әниләр. (Әниләр җыр башкара.)
Икенче алып баручы. Хөрмәтле дуслар, әниләребез алдагы турга әзерләнгән арада, без сәхнәгә аларның яклаучыларын чакырабыз. Рәхим итегез.
(Яклаучылар концерт номерлары башкаралар.)
Беренче алып баручы. Бәйгебезне дәвам итәбез. Балалар бишек җырлары гына түгел, ә әкиятләр сөйләгәнне дә бик яратып тыңлыйлар. Әмма бер сөйләгән әкиятне берничә кат сөйләп тә булмый. Шуңа күрә бөтенләй булмаган яңа әкиятләр уйлап чыгарырга туры килә.
Икенче алып баручы. Кыскасы бу тур — әкиятләр туры. Бу турга да әниләргә өйләрендә үк әзерләнеп килергә мөмкинлек бирелгән иде. Хәзер без аларның үзләре чыгарган әкиятләрен тыңлыйк. Рәхим итегез!
(Әкиятләр сөйләгәннән соң әниләргә ял бирелә һәм концерт номеры башкарыла.)
Беренче алып баручы. Хөрмәтле тамашачылар, кадерле әниләр, белгәнегезчә, безнең райондагы … дә …, … авылында …, … авылында … кебек шигырь осталары яши. Безнең теләгебез: шигырь язучылар һәм шигырь сөючеләр күбрәк булсын иде. Шуны искә алып, без бүгенге бәйгегә шигъри сәләт турын керттек.
Икенче алып баручы. Бәйгенең шарты; без әниләргә конвертлар әзерләдек. Конвертлар эченә уникешәр сүз язылган кәгазьләр салынган. Шул сүзләрне кертеп, әниләр өч куплетлы шигырь язарга тиешләр. Рәхим итегез, әниләр, конвертларны алыгыз. Сезгә ун минут вакыт бирелә. Башладык. Конверт эченә язылган сүзләр: «әнкәй», «бишек», «шатлык», «кайгы», «назлап, «игелек», «изгелек», «җырлар», «гомер», «үскән», «хәтерлим», «кадерле».
Беренче алып баручы. Хөрмәтле тамашачылар, күргәнегезчә. Мәдәният йортының фойесында без әниләр хезмәтләренә күргәзмә оештырдык. Жюри әгъзалары бу күргәзмә белән таныштылар һәм хәзер аларга бирелгән бәя белән сезне дә таныштырып үтәчәкләр. Рәхим итегез.
Жюрига сүз бирелә, күргәзмәдәге әйберләргә урын билгеләнә.
Икенче алып баручы яклаучыларга сүз бирә.
Беренче алып баручы. Хөрмәтле шагыйрьләр, без сезнең шигырьләрегезне тыңларга әзер. Рәхим итегез!
(Шигырьләр укыла.)
Икенче алып баручы. Кадерле әниләребез бәйгенең алдагы турына әзерләнә торсын, ә без сәхнәгә аларның яклаучыларын чакырабыз. (Яклаучылар сүз ала.)
Беренче алып баручы. Хөрмәтле дуслар, бу турда катнашучылар үзләре теләгән номерны башкаралар — гаилә әгъзалары белән җырлыйлар, бииләр, фокуслар күрсәтәләр яки берәр комедиядән өзек куялар. Бу турда да аларга өйләрендә хәзерләнеп килергә мөмкинлек бирелде. Рәхим итегез!
Икенче алып баручы. Соңгы алтынчы турга кадәр әниләргә бераз ял бирәбез. (Җыр.)
Беренче алып баручы. Хөрмәтле тамашачылар, әниләр! Бүгенге бәйгенең соңгы туры — үзешчән сәнгать туры. Бу турда безнең әниләребез төрле халыкларның биюләрен башкарырга, артистлар булып җырларга тиешләр.
Икенче алып баручы. Без аларга имтихан биргәндәге кебек билетлар әзерләдек. Билетларда кайсы артистка булып җырларга һәм кайсы милләт биюен башкарырга икәнлеге күрсәтелгән. Рәхим итегез, әниләр, билетларны алыгыз. Әниләр билетларны алалар. Билетта язылган номерларны башкаралар.
Беренче алып баручы. Хөрмәтле тамашачылар, «Ягез әле, әниләр!» бәйгесенең җиңүчесен билгеләр вакыт җитте. Сүзне жюрига бирәбез. Жюри бәйгенең барлык турларына да йомгак ясый, җиңүчеләрне билгели. Балалар җыр һәм бию ансамбле бәйгедә катнашучы хатын кызларга чәчәкләр һәм истәлекле бүләкләр тапшыралар һәм Ф. Әхмәдиевнең Г. Зәйнашева сүзләренә язылган «Җырлыйм әнием турында» дигән җырын башкаралар.
Беренче алып баручы. Кадерле әниләр, сезгә бүгенге бәйгедә катнашуыгыз өчен зур рәхмәт. Ә без, хөрмәтле тамашачылар, сезнең белән саубуллашабыз. Киләсе очрашуларга кадәр!
«ЯГЕЗ ӘЛЕ, ЕГЕТЛӘР!» бәйгесенә сценарий
2.А.б. Хәерле көн, кадерле дуслар! Дуслар, безгә еш кына урамда һәм җәмәгать урыннарында ир затының тапкырлылыгын, акыллылыгын, түземлелеген һәм ягымлылыгын күрергә туры килә, ләкин шуңа карамастан, ир-заты тарафыннан, дорфалык һәм гөрбиянлек, тупаслык дигән кире сыйфатлар белән дә очрашырга насыйп. Кайчак, хәзерге ир-затлары романтика хисен бөтенләй югалткан кебек тоела, хатын-кызга игътибар күрсәтеп, аңа чәчәк бүләк итү, чын күңелдән ягымлылык һәм мәхәббәт белән язылган хатлар җибәрүне онытмадык микән?
1.А.б. Безнең бүгенге «Ягез әле егетләр» конкурсына әйтелгән сүзләрнең киресен исбатлау өчен менә дигән егетләр килде.
2.А.б. Бүгенге кичәдә катнашучылар белән без сезне шатланып таныштырабыз. (Исем фамилияләрен әйтеп катнашучылар сәхнәгә чакырыла).
————————————————————————
————————————————————————
————————————————————————
————————————————————————
Һәр команда үзенең исеме һәм девизы белән таныштыра.
1 команда: исеме — Заман. Девиз- Заман белән бергә атлыйк, һәрчак яңа үрләр яулыйк.
2 команда: исеме -Дуслык. Девиз – Дуслык белән көчле без.
1 а.б. Менә без үзебезнең егетләр белән таныштык һәм инде үзебезнең конкурсыбызны башлап җибәргәнче, сезне үзебезнең гадел жюри белән таныштырып китәбез.
2.а.б. Бер акыллы хатын-кыз болай дигән: «Һәрбер ир-затының өстенлеге аның тапкырлылыгында». Шуның өчен без иң беренче конкурсны, кайсы команданың тапкыррак икәнлеген белү ниятеннән башларбыз.
Ә конкурсның шарты бик гади: сезнең һәркайсыгызга, бирелгән шаян сорауларга, оригиналь һәм дөрес җавап бирергә. Җюри катнашучыларны 1 балл очко белән бәяли. Шулай итеп, әйдәгез башлыйбыз.
Үткәрде: югары категорияле башлангыч
сыйныф укытучысы Яруллина
Фирдания Саматовна
Тема :”Ягез эле ,егетләр”
Максат: Укучыларда Ватанга мәхәббәт, әтиләр белән горурлану хисе тудыру; туган илгә лаеклы гражданнар итеп тәрбияләү.
Класстан тыш чарага әзерләнү барышында конкурста катнашучы укучыларга өй эшләре бирелде. Алар алдан үзләре турында сөйләргә өйрәнделәр, әтиләре турында сочинениеләр яздылар, концерт номерлары әзерләделәр.
Биюләрне өстәмә белем бирү педагогы Загидуллина Г. әзерләде.
Кичә барышы:
А.б.: Хәерле көн, хөрмәтле әтиләр! Бүген без сезнең белән Ватанны саклаучылар көне уңаеннан кичәгә җыелдык. Кадерле әтиләребез! Без Сезнең барыгызны да бәйрәм белән чын күңелдән тәбрик итәбез. Сезгә алдагы тормышыгызда зур уңышлар,корычтай нык сәламәтлек,озын гомер телибез. Ә хәзер кичәбезне башлап җибәрергә рөхсәт итегез.
Кичәбезнең беренче өлеше музыкаль монтаж.
1. Бер бәйрәм бар февральдә
Кадерле ул һәркемгә
Аны иң зур бәйрәм дип
Мөмкин хәтта әйтергә.
2. Ул-тынычлык бәйрәме
Аны һәр кеше белә-
Ватанны саклаучылар
Бәйрәме дип йөртелә.
3. Ул-солдатлар бәйрәме
Без котлыйбыз аларны.-
Әтиләрне,абыйларны
Һәм бөтен солдатларны.
4. Минем әти дә күптән
Солдатта хезмәт иткән
Әле егет чагында
Торган Ватан сагында.
Үскәч,солдат булырмын
Әтием кебек мин дә.
5. Минем абый солдатта-
Ул анда тора сакта.
Ул ант биргән Ватанга,
Аны уяу сакларга.
6. Бабай да солдат булган,
Әти дә солдат булган,
Зур абый да солдат булып,
Ил чикләрендә тора
Кече абый солдат булып
Китте быел яз гына.
Мин үзем дә солдат булам,
Үсим әле аз гына.
Солдатларга багышланган җыр башкарыла:”Солдатта булган диләр”.
( Г. Нигъмәтҗанов көе, Ш.Маннапов сүзләре)
1.Билен кысып буган, диләр, 2. Кечеләрне кече итәр,
Бигрәк уңган, диләр, Олыны зурлар,диләр
Әллә каян күренеп тора- Әллә каян күренеп тора-
Солдатта булган, диләр. Солдатта булган, диләр.
3. Комбинезон алган, диләр,
Шинелен салган, диләр.
Шинелен салса да, солдат
Гадәте калган, диләр.
7. Әтиләрәбез бәйрәме
Безнең дә көткән бәйрәм
Җырлап-биеп күңел ачыйк
Бүген әтиләр белән.
Кадерле әтиләребез!Сезне Ватанны саклаучылар көне белән котлыйбыз.
(Укучылар әтиләренә ясаган бүләкләрен тапшыралар)
Хәзер башкарылачак биюебез сезгә бәйрәм сәламе булсын.
Укучылар башкаруында “У матросов нет вопросов” биюе.
А.б. Армиядә хезмәт итү-һәр ир-егетнең изге бурычы. Туган илне саклау, дусларыңны, халыкны яклау өчен йокысыз төннәреңне, белемеңне, көчеңне бирәсең икән-бу зур бәхет. Ләкин бу егетләрдән бик күп сабырлык, түземлек, җитезлек, кыюлык таләп итә.
Ә хәзер әйдәгез без бәйрәмебезнең икенче өлешенә күчик.
Безгә жюри һәм аның членнарын сайлап куярга кирәк.(Жюригә пенсиядәге укытучы Барый абый Мухаметшин чакырылды)
А.б. Егетләребезне сынап карыйк. Уен барышында ,әтиләр , улларыгызга ярдәмгә килергә туры киләчәк.
1 уен: “Визитка” дип атала. Һәр укучы үзе белән таныштыра. Үзләре турында сөйлиләр.
Безнең егетләр-булачак солдатлар. Армиягә баргач кем булып хезмәт итәрләр икән. Бәлки алар шофер яки танкист булыр, яисә командир булып, машиналарга утырып йөрерләр.
2 уен. Күзне бәйләп тактага машина рәсеме ясау. (Укучылар киләчәктә армиягә баргач утырырга теләгән машина төренең рәсемен ясыйлар)
3 уен. Әтиләр турында сочинение уку.
Һәр укучыга әтисе турында сочинение язып килергә кушылган иде. Әтиләр турында сөйләргә әзерләнгәндә сүзне кызларга бирәбез.
Кызлар башкаруында бию: “Валенки” биюе башкарыла.
Ә хәзер егетләребезне тыңлыйбыз. Конкурсантлар әтиләре турында язган очинениеләрен укыйлар.
4 уен. “ Скакалкада сикерү”.
-Безнең егетләребез һәрьяктан житез булырга тиешләр. Ә хәзер кайсысы күбрәк итеп скакалкада сикерер икән?
-Егетләр ял иткәндә сүзне кызларга бирәбез.
Шигырь.Арсланова Диләрә.
. Җ.Дәрзаман шигыре “Солдат булдым”
Каеш будым билемә,
Мылтык астым иңемә
Йолдызлы бүрек кидем
– Мин солдат булдым! – дидем.
. Иңемә мылтык астым,
Әти каршына бастым.
– Килдем, иптәш командир,
Әйдә, берәр фәрман бир.
. – Смирно! – ди әти дә,
Печән ашат бәтигә
Бераз утын ярырсың,
Аннан суга барырсың.
. – Була!- дидем фырт кына
Һәм борылдым кырт кына
Шуннан китте и китте
Мине чын солдат итте.
. Бетте ялкау гадәтем,
Санаулы һәр сәгетем,
Иртүк торам, юынам,
Сөлге белән уынам.
Ялт иттерәм тешләрне
Аннан эшлим эшләрне.
. Бүлмәдә тәртип хәзер,
Ни кирәксә, шул әзер
Солдат булу, шулай ул.
5 уен. Ә хәзер бер кызыклы уен уйнап китәрбез.”Юнгалар ярышы”(күз бәйләнгән килеш бәрәңге чүпләү). Һәр укучыга кечкенә чиләкләр бирелә.Кем күбрәк бәрәңге чүпли.
Концерт номеры . Зөлфирә “Яратыгыз” җырын башкара.
Резеда Ахиярова көе Роберт Миңнуллин сүзләре
Яратырга килдек без бу җиргә,
Яратмаган йөрәк яналмый;
Яратмаган йөрәк — йөрәк түгел,
Яналмаган йөрәк кирәк түгел, —
Яратмыйча безгә ярамый.
Яратыгыз туган илебезне,
Яратыгыз туган телебезне,
Бернигә дә карамый, —
Мәхәббәтсез яшәү ярамый!
Яратулар булмый җиңел генә —
Күңелләрне мең кат яралый.
Тик барыбер яратырга кирәк,
Сагышларны таратырга кирәк, —
Яратмыйча безгә ярамый.
Яратыгыз газиз аналарны,
Яратыгыз газиз балаларны,
Бернигә дә карамый, —
Мәхәббәтсез яшәү ярамый!
Яратмаган кеше яратмасын,
Андыйларга яну ярамый.
Яратырга кирәк Таһир кебек,
Яратырга кирәк Зөһрә кебек, —
Яратмыйча безгә ярамый!
Яратыгыз туган ягыгызны,
Яратыгыз сөйгән ярыгызны,
Бернигә до карамый, —
Мәхәббәтсез яшәү ярамый!
6 “Ромашка” уены. Аның һәр таҗына язылган биремне үтәргә кирәк.
(“бүре булып ула”, “бака булып сикер”, “яшь тай булып уйнакла», «кыртый тавык булып чебиләрне сакла”, “Әтәч булып кычкыр”)
Концерт номеры . Гөлшат шигырь сөйли.
Р. Миңнуллин шигыре “Әни-егет”
1 . Әти дә эштән кайтты,
Әни дә эштән кайтты.
Әни кухняга чапты.
Әти диванга ятты.
2. Әти әйтә: “Мин ач!” – ди,
Кайчан була ул аш,- ди.
Әниәйтә: “Үзең дә,
Булыш , алай булгач!- ди.
3. Әти әйтә: “Мин ир, — ди
Аш пешерә белмим, -ди.
Мин хатын-кыз түгел, — ди.
Мин кухняда йөрмим,- ди.
4. Юкса, “җитмеш һөнәр аз”,-
Диләр, егет кешегә”-
Безнең өйдә әти түгел
Әни-егет, әни белә
Чөнки бөтен эшне дә.
7. “Бала киендерү”
-Егетләребез булачак әтиләр дә бит әле. Алар үзләренең балаларын киендереп балалар бакчасына илтә алалар микән. Тикшереп карыйк әле. Бу эшне кем тизрәк башкарыр икән.
(укучылар үзләреннән кечерәк иптәшләрен киендерәләр)
“Егет кешегә җитмеш төрле һөнәр дә аз,” диләр. Менә шуны тикшереп карыйк әле.
8.Төймә тагу конкурсы.
Концерт номеры. Кызлар. Саубуллашу җыры.
И.Закиров көе.
9.Сүз төзү.”Армия”сүзеннән яңа сүзләр төзергә.
Концерт номеры . Айназ шигырь сөйли.
“Әтием”
1. Әтием минем уңган 2. Әтием минем өчен
Бөтен эшкә дә булган. Гел үрнәк булып тора
Кулыннан килә бар да, Сорау туса, белмәгәнең
Яратамын шуңа да. Минем әтидән сора.
3.Ничек балта тотарга,
Ничек утын ярырга.
Туган илне сакларга,
Җылы өйләр салырга-
Бөтенесен белә ул.
10. Музыкаль уен. Концерт номеры башкаралар.
1.Фирдүс. “Гармун сайлый бер егет”
2. Илназ шигырь сөйли.
3.Инсаф . “Бииләр итек- читекләр”
4.Рәдис. Татар биюе.
Концерт номеры. Арина шигырь сөйли.
23 февраля
Когда лежит на речках лед
И вьюга мчится вдаль,
Чудесный праздник нам несет
Задумчивый февраль.
Наступит праздник всех солдат,
Защитников, бойцов.
Поздравить будет каждый рад
И дедов, и отцов!
Жюри бәйге нәтиҗәләрен чыгарганда күмәк бию башкарыла. “Гармошка”
Сүз жюрига бирелә. Укучыларга бүләкләр тапшырыла.
Йомгаклау.
Сүз әтиләргә бирелә. Алар үзләренең балаларына теләкләрен җиткерәләр.
А.б. Кадерле әтиләребе! Сезне кабат Ватанны саклаучылар көне белән тәбрик итәбез. Сезгә якты аяз күк йөзе, тыныч бәхетле тормыш телибез. Балаларыгыз белән кайгы-хәрәтләр күрмичә озак яшәгез! Килүегез өчен рәхмәт. Бәйрәмебез тәмам.